THE OTHER CEO (Season -1)

Olivia Bailey-i chu kum 23,mahni a cheng leh Alexander Corporation a an CEO Wilson Alexander -a hnuai a thawk lai mek ani.

.
Kum 3 ngawt an thawh dun hnu chuan Wilson Alexander -a chu Lung thalo avangin a boral ta hlauh mai. A company chu a fapa Pierce Alexander an a enkawl angai ta. A pa dinhmun chu arawn luahkhat zo meuh angem?

CHAPTER -1

New York City a khaw awmdan chu a nuam tawk hle mai. Thing a siam thutthlengah ka thu a,thingkung kar atanga nizung rawn lut chuan ka vun chu arawn chhun tle ser ser a. Keimahin chu lai Park ah chuan ka thu a,ka apartment atanga block hla lo te a awm ani. Thing kung hnah te pawh a til tan a,thlasik rawn thleng mai tur tan an inbuatsaih tan mek ta.
.
Kar kal ta mai a thilthleng kha ngaihtuah loh hram chu ka tum nang in,kha tiang khawp a mi tha leh fel Wilson Alexander -a chung a thleng tur atan chuan a pamhmai deuh chu ani. Ani chu ka boss ani a,chumai bakah ka pa angchiah pawh nimai lovin ka pa ang tak tak ani. A personal assistant niin kum thum ngawt chu kan lo inzui ve a,khatih chhung zawng khan a kiang a thawh hrehawm tih lai reng ka nei lo. Eng emaw chang a han thinchhiat deuh chang te chu a nei teh meuh mai..mahse a hnu a ngaihdam dil a thulh ngai lo. Bakah ka dem lo hrim hrim.....Alexander Corporation a kan CEO ani miau a,a mawhphurhna kha a sang em atin ni.
.
Alexander Corporation chu khawvel pumpui a Hotel Company lian ber te zing ami ani a,ram hrang hrangah Hotel changkang leh ropui tak tak an ngah hle. New York ah erawh hi chuan building pakhat chauh an sa a,chu chu ka hmuh ve chhun chu ani mai. Mahse han en mai pawh hian a ropui tih piah lam ani.
.
Ka nunah hi chuan nawmsakna leh nuam tawlna lam chi hian hmun a khuar ve tehchiam lo. Kum 16 mi lek ka nih laiin ka nu leh pa in min thih san a,ka naupan lai hun zawng pawh in mi naran khawsak ang in ka tal ve naw naw a.
.
High School ka graduate hma zawngin ka pi bulah ka khawsa a,kum 23 ka tlin chuan keimah a in ngaihtuah ve tur in New York ah hian awmhmun ka khuar ve ta ani.
.
New York ah chuan hna zawngin ka buai ve hle a,chutih rual in ka pi erawh ka theihnghilh ngai lo. Holiday apiangin ka tlawh ziah a,ani chauh chu ka chhungkaw neih chhun ani. Chutih rual erawh chuan a bulah ka nun pum erawh ka hmang thei bik si lo.
.
Wilson Alexander -a nen hian kum 3 kal ta khan kan in tawng a,chu chu New York a ka awm atanga kum khat leh a chanve na chiah ani. Zing lamah chuan ka dan pangai te in hna zawng tur a insiam in ka chhuak leh a,Company hrang hrangah hna dilna ka thehlut ve zel a,chu mi ni pawh chuan Alexander Corporation chu hmun panga ka kalna chiah ani.
.
Ka pheikhawk bun a sang bawk si nen ka ke chu a kham ut ut tawh a,midang tan a nelawm tak a ka lan reng theih nan nui hmel ka put reng angai a,ka biang te chu a kham thum tawh. Mahse chu chu a pawimawh tlat si.
.
Alexander Corporation building chhungah chuan ka lut ve ta rawih a. Ka khaw hawilo lutuk a leiah tu emaw hi ka la su chawrh lehnghal.
.
Ka kat nghal dawrh a,chhuat a ka tlu tur chu ban tha chak tak hian min rawn chelh hman a. "Awii.....lalpa. Ka tihpalh lutuk" ka hlauthawng bawk nen chuan ka rak chul a.
.
Ka meng nghal kawk a,ka tawlh hnung nghal vat a. Chupa lah chuan hmuhnawm thlir tak hian min lo thlir a. Min rawn nuih a "Woah....kawng en ngun deuh i ngai anih kha. Anih loh pawn chawl hahdam phawt rawh...kha i chauh hmel lutuk alawm le"
.
"Ka tihpalh lutuk ka pu. Ka kalna tur ka lo en tawk lo ani" zam ru tak chung chuan ka han ti a.
.
Ani erawh alo nui mai mai thung. "Anih chuan.....helai a ding hmeichhe hmeltha tak hian eng nge ka building ah hian tih arawn tum tih hi ka hre thei angem?"
.
Enga...? Tunah khan ka building ati em ni? Hei hi ama ta maw..? "Min lo hrethiam lahh....?"
.
"Engti turin nge i lo kal?"
.
"Ka...ka,ihh...Human Resources a ka hna dilna rawn thehluh ka tum a"
.
Hrethiam hmel tak hian a lu a bu nghauh a,a tawng leh hma chuan second reilo te min han en vang vang a. "Tunge ka nih tih i ring thiam mai em?" Ka chhanna chu a han nghak vang vang a,ka chhan tak mai loh avang chuan ahan nui deuh suk a. "Wilson Alexander, he building nei tu leh CEO ka nia. Mak i ti viau lo maw? Miss" tihpah chuan a kut chu arawn phar chhuak a.
.
Mak ka tihzia mai chu....chutiang ni si min hau hrep zawk awm tak. Chuta karah min chibai tum in kut arawn la phar chhuak zui.
.
Ka khur ti tih dawn alawm mawle. "O-oh...um..." za lo deuh chuan ka han nui lui a,hetiangah hi chuan ka chi-ai tlat zel. "Olivia....ka hming chu Olivia Bailey ania" tihpah chuan ka han chibai a. Ka kut lah chu a thlan nasa ropui lehnghal.....Alexander Corporation nei tupa hma meuh a han din chu a zamawm duh hlemai. Inhmuh hmasak ber na atan chuan duhthu asam lo ngei mai.
.
"Hming mawi tak anih chu" tihpah chuan nelawm tak hian ahan nui a. "Chawchhun ei tur in ka chhuak dawn chiah a,lo kal ve ta che. Kawm i nuam dawn riau in ka hria"
.
Awii lehh.....ka awih theilo. Vawikhat chiah kan la inhmu a,kan la inhriat chian loh tehlul nen,chawchhun eipui ah min sawm mai chu aniah. Chubakah kawm ka nawm hmel ala ti zui. Mahse mahni pa te rual nen a chhuah dun hi chu ka hreh ve deuh asin le...Mahse ama kum angah chuan la lang tha tak ani. A suit hak chu a inhmeh hle a,a mit chu rangkachak rawng ang mai ani. A sam tuak ve pheuh pheuh tawh erawh a hmuh hmaih theih loh. Kum 50 bawr vel,la valai tak ani.
.
Rei vaklo chu ka ngawi reng a,a tih chi meuh angem?. Mahse hei hi ka tan hun tha tak zawk ani ngei ang. Chawchhun eipuiah min sawm ani a,chu chu hna zawng a vak hmeichhe pakhat ve mai tan chuan a hlu lutuk.
.
A aw chu arawn thian kharh a,ka hawi chho vat a. "Chawchhun ei dun a in date ang type a kal ka duh ni a i rin chuan i ring dik lo ani. Ka han en mai che hian mi tha tak leh theihna ropui tak nei ini tih ka hria. Hna pawh ka pe thei ngei ang che. Chu chu i duh em?"
.
A ti tak tak angem le? Chutia awlsam deuh a hna han inpek tawp mai chu....
.
"I ti tak tak ami...?" Ka phur lutuk chu ka puak chhuak lo chauh. Tiang ang em em a vanneihna hi ka tawng ang tih ka ngaihtuah pha ngailo reng reng. Zuan tawr tawr mai ka duh. .
.
Min rawn nuih leh a "Ti tak tak e. Hei hi kan tihdan ani ngai miahlo nangin danglam bikna nangmah ah ka hmu ani. Chawchhun ei tur chuan min rawn zui dawn em?"
.
Ngawi reng in ka lu ka lo bu a. "Anih chuan kal i la?" tihpah chuan min kal hmasak tir a,ka hnungah min rawn zui ve nghal a. Ka han hawi let a,nuih seih pah hian "Ka lawm e Mr. Alexander" ka han ti sep a.
.
"Khawngaihin Wilson tiin min ko rawh"


CHAPTER -2
.
.
Kum thum tal tap chu Wilson-a bulah chuan hun ka hmang a,a Personal Assistant ve mai ka ni a,ani erawh chuan a chhungte tak tak ang in min en thung. An inah ka hun tam zawk chu ka hmang a,a mamawh leh duh te ka ngaihtuah sak thin. A chang chuan amah zawk hi a inthlahrung thin a,Nurse a kawl reng tho avang hian chawl hahdam tur in mi ti fo thin. Mahse a sawi ngai hauh lo nangin ka awm ve hian nuam a ti tih ka hria.
.
Hetiang dinhmun a min hlangkai tu ani a,ka theih ang tawk a puih chu ka tih tur ni in ka hria. A hriselna a pan telh telh a,a chhungte be tur in vawi tam ka hrilh a,mahse a duh ngailo. A chhungte lam ka sawi deuh hi chuan thil dang a sawi thuai zel. Chutiang lam reng sawi pui a duh lova,a kum a kum an inhmuh tawh loh thu pawh min hrilh thin. Fapa pakhat anei a,England ah a nupui hlui bulah a awm daih thung.
.
A nupui hlui chu Deborah Alexander ani a,kum 20 kal ta khan a chhuah san ani. A chhan ber pawh Wilson-a hi mahni hna a bur chawt chi ani a,thildang reng a ngaihtuah thei thin lo. Chumi avang pawh chu a niang,a chhungte aiin a hna a dah pawimawh zawk fo a,chhungkua a han inkawm khawm leh chawlh han hman ho te an nei ngai meuh lo.
.
Rei vak loah chuan Deborah-i chuan tiang reng zawng tiin a fapa Pierce Alexander -a nen Wilson-a chu an chhuahsan ta ani.
.
"Ngaihtuah rawh Wilson...ti ngawt tur ani lo. I chhungte chu bia ang. An hriat a tul ani" tiin ka han kar leh hram a.
.
"Ka hrilh tawh che kha...min ngaihtuah anih chuan sawi tawh suh"
.
"Ka hrethiam thlawt lo che" ka han ti a. "Hrilh chu ni ilang chuan an rawn ngaihtuah khawp ang che. Tha deuh in an rawn let leh duh ngei ngei ang. Nangmah hian i tum lo ve hrim hrim bawk alawm"
.
"Tunah rih chuan a buaithlak rih emai. Han dam tha deuh phawt ila ka la be dawn nia. A tha em?".
.
Ka lu ka thing a,dik tak chuan a tha lo tawh takzet ani. "Anih leh le.....Mahse he thil hi chu ka la sawi fo ang"
.
Chau tih hriat zet hian min rawn nuih a,ka sawi zawm ta bik lova.
.
"Hei mut a hun tawh ania...mu tawh rawh. Naktukah ka rawn kal leh ang" tihpah chuan a chalah ka fawp a.
.
Wilson-a chu kum kalta mai khan Lung thalo anei tih hmuhchhuah ani a,a awm bawr na thin a tih chu inentir tur in ka ti fo a,a duh tlat thin lova,a tawp a tawpah chuan ka nawr chhuak thei ta hram kha ania.
.
A lung chu alo chak tawh lo hle a,a hnathawh nasat a tuar lo ani ber mai. Doctor te chuan tiang a a thawhrim zel chuan a nunna in a daihrei loh mai a hlauhawm thu an sawi a. Ka hlauthawng hlemai....hlauhthawn tih piah lamin.
.
Tlem a a han that leh deuh chuan a ngai te bawk in a thawk leh a,vawi tam ka hau thin.Mahse hnathawk lo a awm mai mai chu a thei thlawt lo. Achang phei chuan a office atang min chhuah tir hial thin.
.
"Olivia...ka tha alawm" tih hi nikhatah hian vawi za vel a sawi ziah ang. Damdawi a ei leh ei loh ka zawt reng a,a that leh that loh ka zawt reng bawk. Tih theih ka neilo tih ka hria. Mahse ka ngaihtuah em em a,ka pa ang mai a ka en ani a,chan ka duh lo ani.
.
"I fanu tak tak ka ni lo tih chu ka hria. Mahse chan che hi ka duh lo ani" ka ti a,amah ngaihtuah em em an awm ani tih hi hria se,amah chauh in a tuar lo ani tih hi hria se ka duh ani.
.
Room chhung chu a reh vawng vawng a,ka mittui tla tur chu ka dang hram hram a,office chhungah hi chuan a chi loh.
.
A chhungte ang in minlo en ve kherlo anih pawh in a pawilo. A personal assistant ka ni a,amah ngaihtuah chu ka tih tur ani.
.
"Olivia....." arawn ti thawp sat a. Ahan ngawi leh vang vang a "Ngati nge tiang tak a min ngaihtuah a?"
.
"A chhan chu i phu alawm. Mi chung a i ngilneihna leh i thatna zawng zawng te hian chu chu a phu ani" ka han ti a.
.
A lu a thing a "Mahse keimah erawh ka inpui thei si lo anih hi" ahan ti a. "Ka chhung ten a min kalsan chhan pawh kha...keimah vang vek. ani" tihpah chuan tukverh chu a melh a.
.
"Mahse i la la let leh thei alawm. I lehkhabu chhiar lai chu a tawp chhiar thleng lovin i khup ngawt thei lovang"
.
"Enteh...a pawi ka ti lutuk. Mahse chutin min chan mai dawn hleinem. Rei tak ka la dam dawn alawm. Chu chu ka tiam a che" ahan ti a,mahse dawt a sawi tih erawh ka hria ani.
.
A thu min tiam chu nitin mai hian ka bengah a ri nawn tluk tluk thin a,mahse a thleng dik dawnlo tih erawh ka hre reng tho si. Chuti chung chung chuan Alexander Corporation pawh chu pangai tak in a kal chhunzawm ve zel a.
.
Mahse amah ngei in a thu min tiam chu a bawhchhe ta.
.
A office a kan inhmuh atanga kar 2 hnuah kum 64 mi lek niin Lungphu chawl in a boral ta ani. 'Mangtha' ti a thlah na hun takngial pawh ka nei ta lo.
.
Kan chhuah dun hnuhnung ber chu China a kan zin tum in ani a,chutah chuan a duh ber Kung Pao Chicken pawh kan ei nghe nghe. Living room ah thu in chanchinthar puan a ngaithla a.
.
"Zanriah ei a hun e" tihpah in a thutna lamah chuan ka inchawi phei a,ka thil ken zo zai chu mak tih hmel deuh hian alo en a.
.
"Tun hi hetiang ka leisak hnuhnung ber na tur che pawh ani mai thei ania" tihpah chuan ka han nui a.
.
"Anih chuan ka vankai chaw tur hi thlamuang deuh in ka han ei ange" tihpah chuan min rawn nuih a. A thil ei lai chu ka en reng a,tui a tih hmel tuam tuam hlemai.
.
"Oh....tikhan min en reng suh. Ka uang mai mai anih kha" tih pah chuan arawn nui a
.
"A nuihzathlak loh ania" ka lo ti a.
.
Ka eitur lei ho chu tui ti tak in a ei bawrh bawrh a.
.
Ngawi reng chuan kan ei dun a,ka va en leh zeuh zeuh thin a,a hmelah chuan khawharna ka hmu thei in ka hria. Ka rilruah a chhungte bawk arawn lang leh a. Engtin nge kum kha leh chen a hmaikawr hi alo vuah theih zawk le? Mi te chuan mi hlim thei tak niin an hmu thin si a.
.
"Eng ang mi nge i fapa chu?" tihpah chuan chopstick chuan ka thil ei tur chu ka ka ah ka hnawh lut a.
.
A han ngawi vang vang a,a hmel atang chuan a fapa a ngaihtuah ani tih a hriat a. "Ka hre bik lo...ka hmuh tawp ber chuan kum 6 mi chauh ala ni. Tunah chuan a lian tawh ngawt ang. Oxford University atang Bachelor of Arts in Economics and Management ah degree anei ani awm e. Tunah chuan kum 26 ani tawh ang"
.
"Chuan tunah eng nge a thawh a?"
.
"Ka hriat dan chuan England a financial firm ah a thawk ani awm e"
.
"Chuan in inbe ngai lo ami?"
.
"Kan inthen atang khan vawikhatmah kan la inbe leh lo"
.
Wilson-a chu ka khawngaih hlemai. Ama fa ngei thanglian lai takngial pawh a hmu lo chu ani si a. A reng rengah tinge amah pawh chuan a biak mai loh le..?
.
Khua alo tlai a,kan ti ti pawh kan ti tawp ta. Kawng hrang hrangah fuihna thu min hrilh a,Alexander Corporation ka chhuahsan duh anih pawh in ka career atan a pawimawh tur thil chi hrang hrang min hrilh bawk a,ka pa diktak hnen atanga fuihna thu dawng ang mai ka ni.
.
Tetlai atang a nu leh pa bul a seilian lo ka ni a,chutiang a mi tha ka tawng chu vannei ka inti hlemai. Thenkhat chuan an haw thin a,a chhan chu upa ve tawh ni a an inngaih tlat thin vang ani.
.
Mahse tun hi hetiang a kan inkawm tawpna ber tur ani ang tih erawh ka ring pha reng reng lo.



CHAPTER -3


.
Park a thutthlengah chuan ka la thu reng a,ka thu rei ta hlemai. Ka hnunglamah chuan ke pen ri ka hria a,min rawn pan tih pawh ka hria. Hawi let kher lo mah ila tunge anih tih chu ka hre nghal mai.
.
"Hey babe..." tihpah chuan ka darah arawn vuan a,ka thla a muang nghal sawng sawng mai. Amah chu tudang ni lovin ka Best friend ai pawh a ka best zawk Hugh-a ani. Ka bulah chuan rawn thu in ka kut arawn vuan a,ka hlim loh chang leh ka rilru nat chang te pawh a min hnem thin tu ber ani.
.
Hugh Lawson-a nen hian High school kan kal lai atang kan inhre tan a,chutih lai chuan thian ka la nei lo hle. English class apiangin ka piah lawkah hian a rawn thu ziah thin a,chuti chung pawh chuan ka lo hre em em chuang lo a. Vawikhat chu ka mit mu rawng chu nalh a tih thu a sawi a,ka mitmu rawng hi tlem in a dang deuh a. Nisa ah chuan vutbuak rawng deuh hian alang a,daihlim ah erawh tuipui dumpawl rawng lam a pawl thung.
.
Min star deuh anih ngei kha ka ring a,ka nui chhuak deuh hawk a.
.
A mithmul chu arawn kan a, "Tinge khatia i nuih vak a?"
.
A hnu deuhah Gay alo ni tih ka hre leh a,ka ngaihdan chu alo diklo hlemai.
.
Mipa hmeltha tak ani a,a sam dum hlap leh tle siau mai te,a mitmu hring nghal mai te chu a inhmeh hle a,keipawh chuan ka lo hmel duh hman tep ani.
.
"Olivia ka nia" tihpah chuan ka kut ka phar chhuak a.
.
"Hugh ka ni e. I zia hi a danglam deuh bik in ka hria. Ka ngainat zawng tak ini"
.
"Uh...a va lawmawm ve! "
.
Chumi ni atang chuan kan inkawm deuh chawt reng a,ani pawn kei lo chu midang a kawm vak bik lo. Unau ang mai in kan inzui a,ka nu leh pa in a min boral san hnu phei chuan engkim a min dawm tu leh min thlamuan tu ani.
.
Chutia Hugh-a ka ngaihtuah chhuah a leiah chuan ka nui chhuak hial a,amah ka tawng chu vannei ka inti thar hlemai. Ka hmai zawnah chuan a kut arawn vai a, "Oh....tihpalh. Thil eng emaw....."
.
"Ka hrethiam che alawm. Hei ka rawn ken che,i duh ka ring a" tihpah chuan Coffee la khu hlat hlat hi min rawn pe a.
.
Ka han lak pawh chuan a la lum tha ham ham hlemai. Tlem chu ka in nghal a,chulai thutthlengah chuan ngawi reng in kan thu dun reng a.
.
"Eng nge i an tawh reng reng a?" ahnu deuh fe ah chuan Hugh-a chu arawn tawngchhuak a.
.
"Ka tha e" tihpah chuan ka Coffee ken chu ka en a. Vawiin hi Wilson Alexander-a an vui ni ani a,chawhma lamah kan vui a,chumi zawhah chuan Apartment lam a haw mai lovin helai hmunah hian ka kal ta ani.
.
Ka apartment a hla chuang lova,tunah rih chuan boruak tha hip phawt ka mamawh rih in ka hria. Tunah chuan a ni chu a kalbo ta.....Kumkhua atan.
.
A chhungte pawh hian kei in a ka hriatchian ang hi chuan an hre kher lovang. Sumdawnna khawvelah chuan mi chal lang ani a,mahse a vuinna ah erawh mi tlem te bak sawm an ni lo. A thawhpui te,a thian te leh amah ui tu tlem a zawng tih loh chu.
.
A ukil George Brent pawh alo kal ve a,hunserh zawhah rei vaklo kan titi dun nghe nghe. Kum 40 bawr vel,hmuihmul nei ani a,naktuk zing dar 8 ah inhmuh a duh thu a sawi a,Wilson Alexander-a thu rochhiah chungchangah.
.
Mumal tak a ruahmanna alo siam lawk loh phei chuan Company chu kan talbuai viau ang le. Tunah chuan ka taksa pawh a lum ve tan ta,Hugh-a chuan ka bul a thu chung chuan min kuah a,a awm ah chuan thlamuang tak in ka bei a,eng em em sawi lovin kan ngawi dun reng a.
.
Kan ngawih reng hnu chuan Hugh-a chu arawn tawngchhuak a "Hei..khua a thim tawh dawn ania. Kan haw tawh deuh em niang Vee? Vawiin chu i tan ni hrehawm tak ani ang tih chu ka hria alawm"
.
Haw tur chuan ka la inpeih tawk lo ani,mahse ka pum ri ruk ruk chuan ka riltam tawh zia a tichiang hlemai.
.
Tunah chuan mittui tla leh tur chuang pawh ka nei tawh lo. Khawvel chu a ngai ang ang in....Wilson-a tel lova ka hmachhawn angai dawn ta.
.
"Nia...awle" tihpah chuan ka tho a,ka kawrlum dum chu ka han pawt tight a,vawt chuan min tham er er a.
.
"Pasta ei ava chakawm ve"
.
"Kan siam dawn nia"
.
Hugh-a chu en in ka han nuih a,Ni e....Pasta chu min siam sak ngei ang.
.
In ah chuan kan haw a,kei chu stool ah thu in Hugh-a che vel chu ka thlir reng a,apron senno duhawm deuh hi a hreng a,choka ah chuan rawngbawl in a buai hlemai. A hnu deuhah chuan bel khu vat vat chawi in arawn phei a,carbonara bakah bacon arawn ti tel bawk. Ka mood off deuh pawh chu a pasta siam rim ka hriat chuan ka harh nghal kawk mai. Fork chu la in ka plate ah chuan noodles khu vat vat mai chu ka han suak chhuak a.
.
"Hugh...nang hi chu i va han fel tak em. Gay nilo phei lang chuan pasal ah ka nei hrim hrim ang che" tihpah chuan ka ka khat dawn chuan pasta chu ka han ei a. A tui hlemai
.
"Chu chiah.....eitur ka siam sak che hi chuan chu thu chu i sawi ve ziah" ahan ti a.
.
"Mahse a tui tho thoooo....." tihpah chuan ka han rum ham ham a
.
"Ti khan rum ham ham suh. Inti zo hlim ang mai...."
.
Ka nui chhuak hak a. Ka thil ei chu a tui lutuk a,thawk nachang pawh ka hre dawn hleinem le. Hugh-a pawh chu alo nui ve a,hetiang lam tawngkam hi ka sawi ngailoh zia pawh a hria.
.
"Kha..tui" tihpah chuan tui min rawn pe a,ka in nghal a..min lo nuih sen sen a.
.
"Ka thih ve hunah chuan khatia i nui hmel kha hmuh tur avang tawh awm"
.
A mitmu hring nghal chuan min rawn melh deuh hrawk a "Chutin min sawi thaih vel tum suh aw...."
.
"Ka sawithaih hleinem che"
.
"Min ngaina tih ka hria a,chutiang thil chu i ti lovang"
.
"Nia tiraw....mahse i muthilh hunah ka inngaihtuah tha leh ang". A meng nur nasa mai. A hmel awmdan chu ka en reng a,nui chhuak lo turin ka insum hram hram a.
.
"I hmel awmdan kha hmu ve la ka van ti" ka tih chhunzawm lehnghal a.
.
"I ninawm emai....ka mut san dawn che" tihpah chuan a tho thut a,bedroom lam apan nghal a. A thinrim der tih erawh ka hre reng tho.
.
"Mangtha..." arawn ti a.
.
Nuih pahin ka lu ka lo bu a. A kal hnu chuan thleng chu seng in ka sil nghal a,tunah chuan mahni chauh in ka rilru ka kawm leh ta neuh neuh mai. Wilson-a bawk ka ngaihtuah chhuak a,naktuk atang chuan a tello in hun ka hman angai tawh ang a,avan huphurh awm dawn veleh...!!



CHAPTER -4
.
Nizung rawn lut chuan ka hmai chu arawn chhun tle ser ser a,thawh a hun tawh e arawn ti ni ngei tur ani. Ka khum bul a ka dah ka Alarm clock chu ka han en a,a rik nan minutes tam alo ngai tawh bik lo...ka off nghal a. Zing boruak chu ka han hip vang vang a,ka tho chhuak nghal a.
.
6:30㏘ arik chuan hna a kal tur in ka inpeih ta at e. Kekawr tlawn dum zuih ka ha a,kawr plain thawl lam ka ha bawk. Choka lamah ka phei a,Hugh-a pawh in pancake alo siam mek a.
.
"Good morning " phur hmel tak hian alo ti a.
.
Kei erawh ka phur lo kher mai. Peihloh hmel deuh hian ka lo nuih suk a. Tukin zet chu Hugh-a a phur hlemai. A chhan pawh vawiinah Celebrity a ngaihsan deuh pakhat nen an inhmu dawn a,chu nu chuan Red Carpet a a thawmhnaw hak design tur in alo ruai a. Hugh-a hi Swedish designer pakhat,kum 40 bawr vel Madame Verina hnuaiah a zir a,he nu hian a hun pum chu Designer zir mek te chhawr puitlin nan a hmang a,a zirtir zawhah pawh an mamawh dan a zir in a pui nasa thin hle.
.
A bik takin Hugh-a phei hi chu a duhsak hle a,a chhan pawh Hugh-a ah hian danglamna bik tak a awm tih a hriat vang ani.
.
A kut chu a awmah ahan dah a "Hey.....tunah hian ka nun a thil pawimawh tak tur ka ti dawn a,khatiang a i ngui hmel kha ka lawm vak lo ania"
.
"Ka tihpalh" tihpah chuan a hma aia hlim hmel deuh zawk in ka han nui a,kan chaw ei dawhkan te rin ren tak kil chuan ka han thu a. Inbe lo chuan kan ngawi vang vang a,a hnu deuhah chuan "Hugh....." ka han ti a,sawi mai lo chuan ka han ngawi leh vang vang a. "Vawiinah Wilson-a lawyer ka hmuh angai dawn si a,ka huphurh takzet"
.
"Hey....nervous lutuk duh suh. Engkim a fel vek mai ang". Hugh-a thusawi chuan tlem in min ti hlim deuh. Ka mood pawh tlem chuan a zia tan deuh e.
.
"Kha le...i tukthuan tur. Lo ei mawp mawp rawh" tihpah chuan ka thlengah chuan pancake arawn dah a,a chungah butter leh maple syrup arawn leih bawk a. Tukthuan kan ei zawh chuan mahni hna ve ve a kal tur in apartment chu kan chhuahsan dun ta a.
.
.
Ani hi Car a min thlah thin tu awmchhun chu ani mai a,ka hlawh erawh thil dang pawimawh a kan hman zel avangin Car lei tih vel chu ngaihtuah thei pawh ka la ni lo. Bus leh Taxi emaw ten a chang chuan ka kal mai zel.
.
Building a ka luh chuan Security guard Bob leh Receptionist Brenda te chuan "Ni hman nuam le" an lo ti ve ve a. An hna anih avangin a thuphung in an sawi ve mai mai tih chu ka hria. Mahse vawiin hi chuan chu wish chu ka mamawh takzet zet ani.
.
Elevator ah chuang in Wilson-a office lam ka pan chho nghal a. A office chu chhawng sawmli na ah a awm a,chuta tang chuan New York khawpum chu a langchiang hle a,in nalh pui pui hi a cham put mai ani.
.
Wilson-a office ka thlen chuan a lawyer George Brent-a chu thutthleng ah a lo thu a,minlo nghak reng tawh chu ni in. Min hmuh veleh chuan polite tak in alo ding a.
.
"Ka hmu leh che chu ka lawm hlemai Miss Bailey"
.
"Hi Mr.Brent" tihpah chuan ka han chibai a. "Ti rawh....conference room lamah i va titi ang hmiang" tihpah chuan conference room lam ka pan pui nghal a.
.
"Coffee emaw kan chah dawn em niang?" tihpah chuan ka purse chu ka han dah lut a.
.
"Ka chak rih lo,ka lawm e. Chuan...kan sawi tan nghal mai dawn em niang?"
.
.
Ka zam zia lah chu a hre ve awm der si lova. Tun meeting zet zawng a dan a dang khawp mai. Hei hi Wilson-a thuchhuak hnuhnung ber tawh tur tak meuh meuh ani si a.
.
"Tehreng mai" tihpah chuan nui pah in ka han bu zeuh a.
.
George Brent-a chuan Wilson an a company chungchang a a thurochhiah te chu min han hrilh tan nghal mawp mawp a,thil pawimawh tak tak,helai a thawk ho te tan a pawimawh tak tak leh a bik takin Board of Director te tan phei chuan pawimawh tak tak vek tur ani.
.
"Mr. Alexander an thil eng emaw a hnutchhiah che a" tihpah chuan envelope pakhat hi min rawn pe a,eng tak ni ang maw?. Envelope ah chuan ka hming chiang tak in a inziak a,ka kut in chu thuziak chu ka han khawih a,Wilson-a kutziak ngei ani.
.
Mr Brent-a chuan a sawi chhunzawm nghal a "Eng nge tah khan awm tih chu ka hre lo a,mahse kan sawi zawh fel hnuah chiah i hawng dawn nia"
.
Ka lu chu ka lo bu a,a thusawi leh tur chu ka ngaithla nghal a.
.
"Hetiang thil alo thlen takah chuan Alexander Corporation chuan enkawl tu thar a mamawh dawn ta a,tun atang chuan he company hi Mr. Pierce Alexander-a kutah a awm tawh dawn ani"
.
Ka khabe chu a thlawn ta mai emaw tih mai tur ani. Min thawng hlemai. Wilson-a chuan he company hi a fapa hnenah a hlan amaw? Chupa chuan he company kalphung pawh engmah a hre awm si lova..! A pa hna zawng zawng a kut a a awm phei chuan engtia kal tur nge tih a hre tawp lovang.
.
Zawh tur ka ngah hlemai. "Umm.....a fapa chuan company kal dan hi engmah a hre awm si lova. Va biak an ni tawh reng reng em?"
.
Brent-a chuan a hrawk ahan thian kharh a "Aw...nimin khan a chhungte chu ka va bia a. Thu thar chuan a thawng ve khawp mai,mahse entin tin emaw kan sawi kaw thei ta hram a. Mr. Pierce Alexander-a chu kar leh hian arawn thlawk haw ang. Wilson an rochung tur in ati miau si a. Chuan alo thlen hunah Company chungchang hi nangman lo hrilh la ka duh ani"
.
"Chuan ka theihnghilh hma in....hei hi Mr.Alexander an a hnutchhiah bawk a" tihpah chuan envelope lian rit nelh nawlh tak hi min rawn pe a,a landanah chuan file tam tak ni mai awm hi ani. A fapa tan a a thil hlan chu ka hrechak hlemai.
.
"Mr.Alexander-a chuan he thil hi Pierce-a bulah chuan a hun diktak a pe tur che in a ti che ani. Chumi chungchang chu a lehkha pek che ah khan a ziah ka ring"
.
Mr.Brent-a chu hriatthiam loh hmel deuh hian ka han en a "A hun dik tak atih chu engtik hun nge ni ang le?"
.
Engmah hrelo tih hriat tak hian a lu ahan thing a "Miss Bailey,tunah chuan i duh leh envelope kha hawng tawh la a tha ang. Kei chu ka lo va kalsawn ange. Tunah chuan Coffee in pawh ka chak ta hlemai"
.
Nui pah chuan ka lu ka lo bu a "Eitur dahna pindan lamah sawn va kal rawh. Fridge ah khan eitur a awm ang"
.
A lu a bu a,a chhuak ta nghal a. Tunah chuan Wilson an ka tan a a lehkha ziah chu ka chhiar thei ta. Ka zam hlemai. Uluk tak in envelope chu ka hawng a,ka kut chu a khur deuh dar dar a. Thawk ka han la kawk a
.
.
.
' Duhtak Olivia,
.
A pawi ka va han ti tak em. Ka lakah hian thinrim lo hram ang che. Tunah chuan hun tam ka nei ta lo tih ka inhre ta,chuti chung chung chuan engmah thleng lo ang mai a awm luih ka tum tang tang a,a chhan chu nat hi ka duh lo ani. Tunah erawh ka thi mek tih ka inhre thei ani.
.
Ka chhungte ka biak duh loh chhan vawi tam min zawt thin a,a chhan chu ka hlauthawng atin ni. Duh ni ilang chuan ka ko kir thei teh meuh mai,mahse kokir tehreng pawh ni ila hetiang dinhmun a ka din vang a ko angah an in ngai ngei ang a,chu chu ka duhlo ani.
.
Pierce-a hnen a pek tur ka hnutchhiah che kha a hun takah ilo pe dawn nia. Tha tak in lo enkawl la ka duh a,kei putar chaklo tak tan a i thawh thin ang khan thahnem ngai tak in i thawk leh ngei ang tih hi ka beisei tlat ani.
.
Ka chung a i thil tih zawng zawngah khan ka lawm em em a,ka fanu ang mai a i awm avang khan ka lawm a,ka chhungte ang mai a i awm avang khan lawmthu ka hrilh tak meuh meuh a che.
.
Khawngaihin kan company hi tha tak in lo enkawl chhunzawm zel la,eng emaw thil ropui tak ila ti ang tih hi ka ring nghet tlat a,chutiang theihna chu i nei ani tih ka hre bawk.'
.
Chu thil ka chhiar lai chuan ka mittui arawn baw zawih a,tunah chuan engkim mai chu a tawpna vek tur ani ta. Ka thinlung chu ana tak meuh meuh a,amah hmuh tur a awm tawh bawk si lo.
.
Thawk la in ka inti hahdam hram hram a,ka chhiar chhunzawm lehnghal a.
.
'A tawp ber atan thil eng emaw pek che ka duh a,i la hreh viau ang tih chu ka hre nangin min pawm sak ngei ang che. He pawisa hi University i kal na tur atan ilo hmang dawn nia.
—W.A'.
.
.
Eng a??
.
Envelope chhung chu ka han bih tha leh a,a chhungah chuan cheque alo awm a. Half million dollar maw??... Ka ka hau a.
.
Hei chu a tam mah mah ani,ka la ngawt thei lovang. Ka pi kha pangpar dawr a thawk ve mai anih avangin ka University kalna tur fee kha engti kawng mahin kan nei lo hrim hrim a,ka kal theih pawh ka inbeisei ngailo.
.
New York ah Hugh-a nen kan pem dun a,kum khat zet chu part time in hmun hrang hrangah kan thawk kual thin. Vanneihthlak takin Madame Verina hnuai ah a thawk thei ta hlauh a,a ni hian Alexander Corporation a ka thawh hma kha chu min buaipui ani ber mai.
.
A hnuah Mr.Wilson-a hnuaiah ka thawk ve leh a,ka hna chu nuam ka ti in school kal leh chu ngaihtuah pawh ka ngaihtuah leh chhin ngailo.
.
He ti tawp a lakah chuan a tam lutuk. Mr.Brent-a pawh arawn let leh chiah a. "Engkim a tha maw?"
.
Kawngka atang chuan rawn lut in ka hma thutthlengah chuan arawn thu a.
.
"Hei hi chu ka la thei lovang" tihpah chuan cheque chu ka pe let leh a. A han en a,chutah mak tih hmel tak hian min rawn melh a,mawl min ti viau ngei ang le.
.
"Ka tih awmzia chu.....a thlawn a dawn atan chuan a tam lutuk"
.
A lu alo thing a "Hei hi chu thu rochhiah ani a,i lak ngei angai. A kir leh theih tawh hleinem"
.
"Oh....-" Ka a vek dawn in ka hria.
.
"Eng nge maw zawh chian duh te ila nei em?"
.
Mr.Brent-a chu ka han en a,ka lu thin pah chuan "Aih" ka ti sap a.
.
"Anih chuan hemi case bik hi chu ti khan kan zo chuan ka hria" tihpah chuan a ding a,min rawn chibai a. "Harsatna i neih chuan min rawn be hreh miah suh ang che"
.
A calling card chu ka la a,lawmthu ka sawi hnu chuan min chhuahsan ta a. A chhuah hnu pawh chuan ka din na ngaiah chuan ka ding reng a,ka cheque ken...half million dollar zet lakchhuak theihna chu ka melh ngawih ngawih a.



CHAPTER -5
.
Zanah chuan keimah in kan apartment ah ka haw a,a ruak huai mai. Hugh an hna chungchang avanga arawn haw tlai dawn thu min rawn hrilh a.
.
Choka ah chuan phei in eitur ka zawng nghal a,vawiin lamah engvakmah ka ei loh avangin ka pum ruak lutuk chu hnawh khah vat angai ani. Mahse rawngbawl hi ka zei loh na lam tak alo ni bawk si. Fridge ah chuan nimin a kan Pasta siam thing chu alo la awm a,Oven a ka tih lum zawh chuan bowl ah dah in living room lamah ka keng phei a,TV chu ka on nghal a.
.
Wilson-a thih thu chuan Chanchinthar lam pawh ala luah reng a,hetia ka han hmuh leh hi chuan rilru ah arawn thar leh a,a thih ni ang mai kha ala ni. Nurse in a hlauhthawn awm thu min rawn hrilh atang phei kha chuan zantin mai hian ka khumah ka tap ziah a tih theih ang. Tunah lah min tihlim tur leh min hnem tur in Hugh-a a awm bawk si lo.
.
Ka ei zawh chuan tuilum in ka inbual a,chu mi zawhah mu tur in khum lam ka pan nghal a. Tun kar kha chu ka pian a hnu lam a phone call ka dawn nasat ber tum ani hial ang. A tam zawk chu company chungchang...engtin nge kan tih ang? tih ang chi vel ani ber. Mahse ka thu thu in engmah ka lo ti ngawt theilo.Thawhtan a England atanga Pierce Alexander-a arawn thlawh thlen hma chuan.
.
Kar leh chu Pierce-a ho a meetings neih tur a awm nual mai. Engkim chu tha tak leh pangai tak a ka kalpui angai ani.
.
.
Kartawp chawlh chu a reilo kher mai. Ka taksa pawh duh ang in ka hahchawlh tir hmanlo. Thawhtanni rapthlak tak chu kar lovah arawn thleng leh ta.
.
Peihlo tak chung chuan ka tho chhuak a,vawiin hian a vawikhatna atan Pierce Alexander-a nen kan inhmu dawn ani. George Brent an meeting aneih pui phawt ang a,chumi zawh lamah keimah nen inhmu veleh in building ka fankual pui ang a,chuan Alexander Corporation kalphung engkim ka kawhhmuh ang.
.
Hugh-a a buai avangin Bus in ka kal a,tunah chuan Alexander Corporation building hmaah ka ding ta ran mai. Tlem chuan ka zam ve deuh, mahse ka hma a awm chu ka paltlang ngei angai. Elevator chuan chhawng chung ber ka pan nghal a,office chhung a ka luh chuan thutthlengah Brent-a chu lungawi hmel tak hian alo thu dimdiam tawh a.
.
"Good morning Mr. Brent." Nelawm tak a nui sang chung chuan ka han ti a.
.
"Good morning Miss......Mr.Pierce-a pawh rei lo te ah arawn thleng thuai ang"
.
Pierce-a nghah pah chuan titi khawchang kan lo sawi dun luam a,kan company nihphung leh kal zel dan tur lam ani ber.
.
Elevator hnungchhawn zawng in ka thu a,Elevator arawn rik teng chuan tu emaw arawn thleng tih ka hre nghal mai. Chu veleh ka taksa chu a hit nghal chuai chuai a,sawithiam theihlo boruak maktak hian min rawn chhungkhat vek ni ber hian ka hria.
.
Brent-a chu a tho chhuak nghal vat a "Mr.Alexander....... New York ah ka lo lawm a che. Phone ah kan inbiak tawh kha. George Brent ka nia,i pa lawyer"
.
Keipawh chu ding in ka inher nghal a. 'Ui kareiii.....!!'. Awih avan harsa veleh....Wilson-a leh Deborah-i te khan tiang tak a fapa hmeltha hi an lo neih ka ring theih lo. A pa ang mai in a mitmeng chu a buang thak a,a sam dum tle siau mai chu awmze nei tak a khuih ani bawk. A sang tha in a inkhai thli zaih a. A khabe ruh chu a kual nalh hle a,Mr.Brent an a aw arawn thian kharh chuan khawdang hawi lek lovin ka lo melh ani tih ka inhre chiah.
.
An pahnih chuan min lo en dun reng chu niin,ka van zak em. "Um...A tawp a tawpah kan inhmu thei ta hlawl ani maw. Ka hmu che chu ka lawm e Mr.Pierce" tihpah chuan ka han chibai a
.
"Keipawh le..." a aw chu a British awphawi raih mai. Bakah mumang ram lam ami ang mai ani.
.
Mahse a pa mizia ang kha chu a chhawm ve chiah hmel loh. A hmelah chuan tuiloh rukna riau ka hmu thei ani. A ko ah thil lian tak a innghat dawn ani a,rilru pe tak a a thawklo anih ngat chuan kan hmabak chu tlakchhiat ani.
.
"Ms Bailey.....i conference room kan hman hawh sak lawk che angaih hmel" Brent-a chuan arawn ti a,ka lu ka lo bu a.
.
"Eng emaw in tur....coffee emaw induh angem? Cookies nen"
.
"A lawmawm khawp ang chu" tihpah chuan Mr.Brent-a chu tawi te hian arawn nui a. Pantry lamah phei in an eitur chu ka siam sak nghal a,ka pek zawhah ka hna thawk tan tur in ka kir leh a.
.
Chawhma chhung zawng chu thurochhiah chungchang a titi nan hman zawh vek an tum emaw ni?
.
A hnu fe ah chuan conference room atang an rawn chhuak dun ve hlawl mai. An rawn titi phei nghal mawlh mawlh a,Pierce-a hmelah erawh phurna tehchiam alang lo. He company khaipa tur chu ani sia lehh...
.
"Chawchhun ei tur in kan chhuak lawk dawn a,kan rawn let veleh Mr.Alexander-a hi building i fan pui dawn nia" Mr.Brent an arawn tih chuan ka lu ka lo bu a,elevator lam an pan nghal a.
.
Chhun chawlhah pawh kei chu ka chhuak lo. Pantry ah phei in ka eitur in Butter sandwich ka siam a,a hnu rei vak loah Mr.Brent-a te pawh an rawn kir leh thuai a. An rawn kal pah pawh chuan an la titi char char a. Mr.Brent-a chuan a call card a pe a,min chhuahsan ta. Ekhai leh......kei leh amah chauh. Hun rapthlak tak ani..!!
.
.
.
Ka han inthing harh a,Pierce-a chu ka hmachhawn ta. "Um....a hmasa in i office tur en phawt ila" tihpah chuan Wilson-a office thin chu ka han hawng a. "I duh zawng anih loh pawhin i duh dan ang takin kan thlak danglam sak thei ang che" tihpah chuan ka han nuisang a. Nelawm tak leh pangai tak a awm chu ka tum tlat a....zam avanga ka thinphu erawh a ri a hre pha ang tih hlauhawm tak ani.
.
A lu a bu nghut a,a bak engtin mah a awm lo. A nui lova,a tawng hek lo. A inla ve deuh nge ni a,a tawng tamlo ve hrim hrim zawk?.
.
Building chu kan fang nghal a,floor dang dangah kalpui in department hrang hrang ka enpui a,chutih chhung zawng chuan min zui ve mai mai ni ber hian ka hria. A rilru a pe lova,a phone atang tu emaw a text chhen bawk.
.
A rilru pe lo lutuk chuan dawhtheihna min tlakchham tir tan hlemai. Ngaithla tha peih lo hnen a thusawi reng tur chuan ka chil per zozai pawh kha a uihawm alawm le. Ka kal lai chu ka ding chawt a,amah hmachhawn zawng chuan ka han inher a. Min rawn su tep lehnghal...min rawn en hu a.
.
"Thawnthu ngaihnawm tak chu ani lo maithei. Mahse i rilru i pe lo mah mah ani...nileng leng in hun ka neilo ania" ka han ti hmuk a.
.
"Enteh Olive"
.
"Olivia zawk mawle..." chutia ka hming alam chu ka awih theilo zawk. A hma aia chiang zawk chuan min han en a
.
"Keipawh in hun ka nei bik hleinem. Tih tur dang ka nei tlat" tihpah chuan min kal pel nghal a.
.
Ka han au leh ngial nangin rawn let leh chu sawi loh. Hawi takngial pawh arawn hawi let lo. Eng anga pian zei leh hmeltha pawh ani mahna....a mizia erawh tawrh a har dawn kher mai.
.
Ka office ah ka let leh a. Ka hun pum chu khapa bul a hnathawk khan ka hmang ral awm si a. Dam thlakhleh na reng ava awm awm lo ve



CHAPTER -6
.
.
Thawhlehni ani a,conference room ah board director te nen meeting kan nei mek. Hei hi Pierce-a ni hnih na ani a,emergency meeting kan la nei nghal zui. Pierce-a chuan board ho hma ah chuan he operation a hruaitu arawn nih ngawt dan te chu ahan hrilhfiah zung zung a,amah mai chuan engmah anih loh thu leh staff te chu kawng engkimah amah pui tur in a sawm nghal bawk a,Alexander Corporation tan a theihtawp chhuah tur in min fuih bawk.
.
A pawimawh zual leh bawhzui nghal ngai tur thil te chu ka lo note zung zung a,Wilson-a ho a meeting kan neih nen chuan a in anglo hlemai. Ani kha chuan a boring lutuk loh nan a karah fiamthu te a zep zeuh a,kan nui leh dar dar thin kha ani a,tun tum erawh mut a chhuak duh kher mai.
.
"Olive...!'
.
Ka thil ngaihtuah lai chu ka tawp nghal chawt a. Olive-i maw......a pawilo e. A mitah tak chuan ka en a,engtinmah ka chhang lem lo.
.
" I lo ziak zel em?". Ka lu ka bu nghut ringawt a.
.
"A tha e. Naktuk zingah meeting tlangpui report ka duh dawn ania"
.
Ka mit chu la sawn in "Awle.." ka ti sap a.
.
Kar tluan mai chuan inbiak that kan nei meuh lo. Files pawimawh thenkhat ka pe a,a duh changin a coffee tur ka siam sak bawk a,chu zawng chu ani mai.
.
A office pawnlam nun chu engpawh lo nise kan sawiphak a awmlo. Mahse hnathawhna a a mizia nelawm loh lutuk hi chu ka ti thei thaklo.
.
.
Ka haw chuan Hugh-a a lo awm tawh a,a zia ngei mai. Zanriah tur alo siam mek a,nidang ang tho.....hnar a verh zar mai.
.
Thutthlengah chuan ka thu hnawk a. "I chakna zawng zawng i hmang zo vek ani maw? Ta tang pawh hian ka hrethei ania" Hugh-a chuan choka atang min rawn au a.
.
Chau hmel deuh chuan ka han nui a,tho in choka lamah chuan ka phei a. Stool ah chuan thu in ka han indawm a.
.
"Hugh, Alexander Corporation saw hremhmun ah a chang zo ta anih hi" tiin vawiin a thil thleng chu ka han sawi nghal zung zung a.
.
"Tinge? In boss thar chu a tha vak nange?" tihpah chuan min rawn en a.
.
"Aw" ka lo tinghal vat a.
.
"Tinge a? Tar phunchiar ang type hi ami?". Hugh-a chuan a hriat chak hmel hlemai. Mahse Pierce-a awmdan zawng zawng chu sawi vek sen ani si lo.
.
"Ni lo....mithi tawh rawn tho leh ang vel ani" tihpah chuan ka han en a. "Wilson-a khan amah chauh hi fapa a nei bawk si a,a pa nen chuan chhim leh hmar ang vel an ni. Ruang tawng thei...thu tlem te te bak sawi thiamlo ang hi ka chan ber. Olive ti a koh te kha ka duh lo reng reng" tihpah chuan ka biang chu ka han beng a.
.
Hugh-a erawh alo nui chhuak hawk hawk thung. Chu pa chhiat leh chhiat loh dan tur vel chu a hre chak tih ka hre reng.
.
"Vee...." a nuih chu ala za viau nangin a landan chu ahan thlak deuh a. "A chhiatloh te chuan a tawk mai alawm. Kekawr tight deuh leh kawr awmbawr lang zau thei deuh han ha la...a dang nghal zar mai ang"
.
Ka thusawi awmzia reng a hrelo. Ka best friend ve hi engmahlo mai alo nih hi. Hei vang hi alawm mipa chungchang hi chu ka sawipui that peih vak loh chhan.
.
Bialpa nei tur hian min ti ve ziah a,mahse ka duh miau loh te chuan duh rawh intih ngawt theih lah ani lo. Bakah Wilson-a bul a ka thawh lai khan ka buai thei em a,han lerh na hman hi ka neilo hrim hrim a.
.
Hugh-a pawh hian Club ah te min hruai a,mipa min zawn pui nasa ve thei hle. Mahse Club a mipa tawn chu relationship siam pui tur atan tak tak chuan tlak in ka hre lo. Kawp mai mai tur leh CK pui tur atan bak.
.
"Ka ti tak tak Hugh. Sawi tawh lovang". Chupa chungchang chu sawi tam loh hram ka duh. "Thil eng emaw tha deuh sawipui tur che ka nei ania" tiin a thil ngaihtuah chu sawh sawn sak ka han tum chhunzawm nghal a.
.
Ka la hrilh loh chu Wilson an a pawisa min pek kha ani. Bank ah ka deposit nghal vek a,la khawih chet loh rih ka duh ani. Hrilh ilang chuan a au chhuak chiam duh ngei ang.
.
"Han sawi la" tihpah chuan noodles chu a plate ah ahan suak a.
.
"Mr.Brent an envelope pakhat min pe a......tah chuan Wilson a lehkha a awm a,chuan pawisa min pe tel nghal bawk a"
.
"Cheng engzat vel nge a?"
.
"Umm......" kan ngawi leh te te a,a mitah chuan ka han en a
.
"Vee.....engzat nge?"
.
A mitmengah chuan a phur zia leh a nghahhleh zia a langchiang hlemai. "Dollar nuai nga"
.
"Ka rei lehh.....!!" A ka reh arawn zau nghal kawk a,arawn nui ker ker bawk a. "Avan tam em em veleh......ti kha chuan i hna atang bang nghal hmak la,University ah kal rawh. I duh ber anih thin kha"
.
"A tha viau a,mahse....ka thei lo ani"
.
"Tinge ka theilo i tih? Pawisa lah nise...i senso zawng zawng phuhruk na tur i nei a". Hugh-a chu a thutak hlemai.
.
Ka han nui seih a "Wilson-a khan tha tak a company leh Pierce-a lo enkawl tur in min chah a,chu chu ka ti hlawhtling lo theilo ani"
.
Hugh-a chuan ka kut chu arawn vuan a,a titak zet ani. "Kha leh chen kha Wilson-a chu tha tak in ilo enkawl tawh a,tunah chuan nangmah in ngaihtuah ve tawh teh. Pierce-a te chu puitling ani tawh a,pangai takin company pawh a kalpui thei em em ang"
.
Hugh-a chuan a sawi dik khawp mai. Mahse Wilson-a min ngenna kha ka ti hlawhchham thei si lo. Ka chhuahsan dawn anih pawh in a lo berah kum khat vel tal chu ka la thawh phawt angai ang.
.
"Ka lawm e Hugh. Mahse tunah chuan ka la thei rih lo. Min la mamawh rih ani. Nakinah kan la ngaihtuah leh zawk dawn nia" tihpah chuan Hugh-a chu ka en a.
.
"I tih miau te chuan le"
.
Zanriah kil pah chuan kan titi a,kan kar hman dan te chu kan sawi dun a,kan buai thin em avang hian duh ang thal a titi na hun hi kan nei thin lo.
.
Zirtawp zan ani a,Hugh-a chuan zan chhuak tur in a nalh thei ang ber in min chei a. Kawr dum,a hnung V ka ha a,ka khup thleng a khuh bawk.
.
"Ohh....ti kha chuan i lang nalh lutuk. Lipstick sen han inhnawih leh chiah la"
.
Sawi tawh angin Hugh-a hian date nei ve tawh tur in min nawr reng thin a,Club a kal tur pawh hian min sawm zing thei hle.
.
Make up hi ka hmang lo hle a,powder tlem leh lipstick senno tih vel mai mai hi ka hman chhun ani. Hemi zan hi chuan a tum khat nan mascara leh eyeliner hmang in ka mit chu ka chei ve a,ka sam hmawr chu tlem ka ti kir bawk.
.
Tunah chuan chhuak turin kan in peih ta. Hugh-a chuan jacket pawl rawng eng lampang leh kawr pawl a ha a,khaki kekawr leh pheikhawk uk nen.
.
"Urh....tinge i chhiat loh em em mai le? Ka bialpa ni zawk mai la? Nanglo hi chuan tu dang mahin ka mit hi an la thei mawlh lo" tihpah chuan a awm ah ka va vuan a.
.
"A ve lutuk a che" tihpah in ka kut chu a la thla a. "Vee....tiang hian i kawppui tur han zawng ve tak tak tawh teh. Ti te hi chuan i senior vat mai ang"
.
"Hey.." A awm ah chuan ka han beng fiam a.
.
Hugh-a chu alo nui a. "Ti teh Virgin...zanin chu han parh chhuak hak teh ang"



CHAPTER -7
.
Night Club awmna hmun chu kan va thleng a,rin ai daih in mi an lo tam. Lut tur chuan kawngka bulah an lo intlar deuh thup a.
.
"Engtin nge saw tiang te chuan kan luh ve theih ang a?" Hugh an motor park na tur hmun awl a enlai chuan ka lo be buai a.
.
"Lo lungngai lutuk duh suh. Keini te chu Guest list ah kan hming a chuang sa vek alawm. Bakah apartment pawnlam a han chhuah thawven a,kan inlak parh ve deuh te pawh kha a chakawm ve a" tihpah chuan min rawn nuih vur vur a.
.
Hugh-a chuan eng rilru tak pu ang maw. Henglai a mipa hur hmel tak tak te khawih mai mai theih a awm chu ka tum hauh lo.
.
"Zanin chu tlem a zawng lem ve hlak ka duh dawn ania" tihpah chuan Hugh-a chu Car atang chuan a chhuak a,ka zui ve nghal a. Club chhungah chuan kan lut a,music a ring tha kher mai. Light phe zawk zawk chuan ka mit a tivai nghal ruai a. Ka hawi fe hnuah ka bul a awm te pawh chu ka hmu ve thei chauh a,Hugh-a pawh a phur hmel sarh sarh hlemai.
.
"Vee...sawlai saw kan dawhkan tur" ka beng bulah chuan ring leng lawngin a rawn au a. Kan dawhkan tur a alo hauh lawk chu lamna dawhsan atang pawn ava hla deuh a,ka duh dan tak ani. Chulai a lam mi dukdaklo ho chiahpiah lutuk a awm chu ka duh lo hrim hrim.
.
Club chhung chu ka han enkual a,mahse hmuh theih chin a tawi hlemai. A thim hmuk a,i hmuh theih chin chu mi thenkhat zak hauh lova music rem a an lam lai ani ang. Light eng lo lutuk chuan thil hmuh a ti harsa hlemai. Lamna dawhsanah chuan Dj a awm bawk a,music chu lam ho duh dan tur ang tak chuan a herh kual ki kawi zung zung a.
.
Chhawng hnih a awm a,a chhawng chung zawk chu VIP Lounge anih ka han ring ve ngawt a. Kan piah deuh hlek a mipa pakhat thu,a hma lawk a hmeichhe pahnih intheh til lai lo thlir dauh dauh chu ka va hmu fuh a,ngati nge ka en reng tih pawh ka inhre biklo. Ka lam arawn hawi a,mak tih hmel deuh hian min rawn thlir a. A taksa chu ka hmu deuh riai ruai a,tunge anih tih chiang takin ka hre theilo.
.
A thutna atang rawn tho in ka lampan chuan arawn phei a,light eng ah chuan a hmel ka hmu chiang thei ta. Ka awih thei lo.....Pierce-a anih hi.
.
Rang takin ka inher nghal a,Hugh-a te awmna lamah chuan ka phei nghal daih a. Min hmuh hman loh hram ka beisei. Tiangah te eng nge maw atih ve reng reng le?. Eng vang a hawi let leh kher nge ka nih ka hrelo. Ka han hawi let leh chuan kan mit chu a intawng chiang ngei mai. Phat rual ani lo.
.
Mi melh ngur ngur a,Sakei in a sa chan khawdang thlir hauh lova a melh ngar ngar ang mai hi ani. Chutih lai chuan Hugh-a chuan min rawn pawt a,kan thutna tur hmun lamah chuan min kai phei a.
.
"Tah hian lo awm la,intur ka va la lawk ange" tihpah chuan Hugh-a chu a tho chhuak nghal a. Reilo teah chuan intur chawi chung in arawn let leh a.
.
"Umm....tinge,mocktail emaw mai mai min rawn lak dawn emaw ka tia"
.
"Zaninah chuan ni love bawihi. Zanin nanana chu ka tihdan ang ang in i awm ang. I hria em?"
.
Ugh...a sawi dik ani,a hnenah pawh ka lo tiam tawh kha. A no a te bawk a no khat chu ka han tlak nghal pap a,ka hrawk chu a sa thla vawng vawng mai. "Karei lehh.....hei chu a tak lutuk. Ka intur thil dang ka va la zawk teh ang" tihpah chuan ka tho a,mahse Hugh-a chuan min pawt thu leh rang kher mai.
.
"Ti teh...nang chu a nuam lo thei emai. Kha...no khat hi han ti leh hram teh" tihpah chuan min rawn melh a,a hmel chu ui note hauh zawh hlim ang mai ani.
.
"Anih leh le...mahse tiang hmel kha chu pu tawh suh. I chhe lutuk" ka lo ti a.
.
Hugh-a chu a nui huah huah a,keipawh chu ka nui ve mai a. Ka no ah chuan arawn thli leh a,kan han tlak dun leh piap a. A tak tha ngang bawk a Zu chakna chuan min fan nghal raih raih mai.
.
"Awle.....tunah chuan beer chauh ka in tawh dawn"
.
"Kei chu lamna lamah ka va phei ve ange. Ka lo let leh har lovang". Ka lu ka lo bu a,Hugh-a chu lamna lamah chuan a phei ve nghal a. Keipawh chu tho in bartender awmna lamah ka intur la turin ka phei a.
.
A lak chhung chuan bar hmaah chuan ka lo ding a. Chutih lai chuan tu emaw hian ka kawngah arawn kuah a,alamah min pawt phei dawrh a. A awm chu ka va su chawrh a.
.
"Tunge helai a lo kal ve hi?" ka beng bulah chuan arawn ti su su a. Rang takin ka inher nghal a,a hmelah tak chuan ka han en a,ka thinphu chu a rang nghal kher mai. A mit buang thak mai chu rui tih hriat tak hian a meng phi chiai a.
.
Kan hmai leh hmai insik lohna chu inches tlem te chauh ani.Amah ngawr ngawr phei hi chu ka hlau lo,mahse helai hmunah ber kher a min rawn hmu hi ka duhlo ani. Thamlo hmel tak chuan ka mit ko chu ka san arh a.
.
"Hetiang hmeichhia hi i nih ka lo ring lova Olive" arawn ti thawp sat a.
.
"Eng a?" Eng angin nge maw min ngaih le....a tawngdan chuan ka ngaih a ti thalo hlemai.
.
"Phat buai chu tum duh suh" a tawngkam ah chuan in tenna leh intham lohna ri a ri tel tlat.
.
"Ka pa khan pawisa a pe che tihpawh ka hria alawm. Hmeichhe duhawm tak ini bawk a,a mamawh leh a chakna phuhruk sak a khatiang zat pawisa i hlawhchhuak pawh kha mak ka ti hran lo. Chuan.....helai atang hian kan chhuak dun ve daih dawn em ni ang?"
.
Ka kut chu ka hum ruh hle a. A pa lak a hmeichhe hur ang mai a khawsa thinah min chhuah ani maw? Chutiang sawi theihna engmah a neilo.A tawngkam chuan min ti lungawilo hlemai. Ka chhanna nghak tih hriat tak hian min rawn nuih sak a. Engtiklai in nge chet ka lak tih pawh ka inhre hman lo,a hmaiah tak chuan ka beng ri thlawp a. Ka thinrim em avang chuan ka kut thip vawng vawng pawh chu ka hre chang tawhlo.
.
"Engtin nge khatiang khan i pa chungchang i sawi ngam zawk a? Ka chanchin hi engmah hriat i nei lo" tihpah chuan ka nam leng dawrh a,hnunglamah chuan a pei khat khat a. Mak tih hmel zet hian min rawn en a,ka benna avang khan a harh hawk ngei ang le.
.
Ka chetdan avanga ka bul vel a mi ten a min en deuh thap pawh chu ka dawn peih lo. Music chu a ring em a,tiang in min ngaihven tak tak peih chuang lova,a tam zawk chu an lam suau suau bawk
.
Helai atang a chhuah vat hi ka duh. Ka kal pah chuan ka dar in ka han nek leh deuh sak a,a biang chu a dawm vawng vawng bawk. Mi awm tamna lam pan chuan ka phei a,ka mittui a rawn luang riai riai bawk a. Hugh-a chu midang nen an lo la lam tui viau mai. Eng ang pawn la tui mahse haw vat chu ka duh bur ani.
.
"Hugh....." tihpah chuan hnunglam atang ka va pawt dawrh a,ani pawh chu rawn hawi phei in hlauhthawn hmel deuh hian min rawn en a,ka hmel atang chuan thil diklo a awm ani tih a hre nghal mai.
.
"Tunah haw ka duh" ka han ti a.
.
Engmah min hnial na thu sawilo chuan a lampui lai chu kalsan in Club atang chuan min chhuahpui nghal a. Club atanga kan chhuah fel hnu chuan ka darah vuan in ngunthluk deuh hian min rawn melh a
.
"Ngati nge diklo a awm em ni? Tu in emaw tih nat che a tum em ni?"
.
Dan rual loh in ka mittui chu arawn dir zung zung a. Khatiang thil kha ka hriat ka lo beisei ngai hauh lo. Wilson-a ka ngaihtuah chhuak a,amah vang chuan ani ka tah ni.
.
"Khawh....i haw ang" tihpah chuan a Car lam min pan pui a,apartment lampan chuan min inkhalh haw pui nghal a.
.
Apartment kan thlen chuan Hugh-a chu a inthlak nghal a,tawnzau var leh boxer chiah a ha a. Hetiang a hak hian a inhmeh ka tih theih zia a hriat vang ani. A boxer hak lah chu Christmas a ka present ve liau liau kha ani a.
.
Ka khumah chuan kan pahnih in kan mu dun a,muthilh bak hmabak kan nei tawh lo. Hugh-a chuan thil thleng chungchang kha engmah ala hrelo hrim hrim a.
.
"Ngati nge nachin kha?" A tawp a tawpah chuan min rawn zawt ta nge nge e.
.
"Pierce-a mawle.." ka han ti a. "A lo awm ve a,mahse a rui lutuk. Chuan pawisa chungchang pawh kha alo hria a,Wilson-a ka mutpui thin atanga ka hlawh chhuah ni ang in a sawi a". Ka mit chu ka chhing a,thil thleng te kha muthilh san vek ka duh. Mahse Hugh-a erawh chuan a ti ve hauh lovang.
.
"Tiang chuan a sawi amaw? Ava sawi ngam zawk ve a" a aw atang chuan Hugh-a chu a thinrim hmel kher mai.
.
"A ruih vang mai mai anih kha. Chutiang engmah a hrelo hrim hrim" ka lo ti a,Hugh-a chu tih thinrim ka duh lo ani.
.
Hugh-a chu ahan thaw hak a "Vee...nang hi chu i rilru a van tha tak em. Mahse a kut hmawr pawh a a tawk che anih chuan maw...chi thlah thei hauh lo tur in ka siam ngei ang"
.
Ka han nui chhuak hak a "Nang tak hi chu" tihpah in Hugh-a lam chu ka han hawi a. "Zanin avang khan pawi ka ti lutuk. I nuam ti lai ka tibuai ta vek che ani si a"
.
Ka biangah arawn piai a "A ho lutuk chutiang....nangmah hi i pawimawh ber zawk"
.
"Ngawi la min han fawp zawk mai teh" tihpah chuan ka han nui a. Tiang lam hawi a ka fiam hi chuan a haw thei hle tih pawh ka hria.
.
A han ner suk a. "Z*ng nei ni lang chuan ka kiss hrim hrim ang che. Chuvang chuan tunah zawng ka fawp thei rih lo che ani e"
.
Kan pahnih chuan kan nui dun hak hak a,kan hlim dun phian mai. Mahse reilo te ah kan ham bai bai a. Lukham chu la in Hugh-a hmaiah chuan ka va vawm phei a.
.
"Mangtha le...I lo tha ber mai" tihpah chuan ka han nui ker ker a,ka mutna tur chu ka siamrem nghal a.
.
"Ka hria alawm babe" tihpah chuan ahan nui hak a. "Mangtha le" tihpah chuan ka chalah arawn fawp zeuh a.



CHAPTER -8
.
.
Inrinni zan a thil thleng kha chu engmah thlenglo ang mai in ka ngaihtuah thei mai. Mahse vanduaithlak tak in Thawhtanni ani a,ngei ngei a Pierce-a ka hmachhawn angai. Relh rukna tur zawn hram hram a ngai dawn ani. Bakah hmanni zan a a tawng danah khan ngaihdam min dil hma chu ka be dawn lo reng reng. Ala hria ang chu maw..!
.
Ka thleng hma hle a,ka thlen veleh files thenkhat,Pierce-a sign ngei ngei ngai ho chu ka tifel nghal zung zung a. Ka tihfel zawh chuan a office chu ka chhuahsan nghal vat a. Mamawhna min neih chuan min rawn ko mai ang.
.
Elevator chu arawn ri teng a,Pierce-a chu a office lam pan in arawn chhuak phei nghal a. A ziaah chuan danglamna engmah ka hmulo. Hmani zan a thilthleng te kha hre awm pawn a awmlo reng reng.
.
Ka office kawngka chu arawn in kik ri dawt dawt a,thinphu dep dep in ka va hawng a,mahse Human Resource ami Lily-i alo ni hlauh mai. Files thenkhat arawn pawm tun bawk a.
.
"Hi Olivia. Mr. Alexander an min rawn ko a,heng ho hi a mamawh ani awm e. A buai viau aniang maw?"
.
"Eng atan nge a tih zozai a?" Ka lo ti a.
.
"Ka hre chiah bik lo,Awi Lalpa....mi a ban then dawn te hi a niang a?"
.
Ka han ngaihtuah a,kan company chu sum lam a a tlakchhiat awm engmah ka hrelo. Ka lu ka lo thing a "Chutiang engmah a thleng lovang. Va kal la,va pe tawp rawh. Engmah hlauh tur a awm lo"
.
"Ka van lawm tak em Olivia. Ngaihthlak a nuam kher mai. Kinah kan inhmu leh dawn nia"
.
.
A tuk lamah pawh chuan kan boss nen chuan kan la inbe lumlam lem lo kher mai. Eng emaw chang changin tul thilah min rawn ko a,ka pil bo daih zel na chhan pawh chu engmah min zawt lo. Kei chuan amah hrim hrim leh a tawngkam hrim hrim pawh chu hel hram hram ka tum ran mai si.
.
Nilaithawhtan ni ani a,San Francisco a Hotel chungchang ah project buaipui tur a tam avangin hna ka thawk rei hle a, hemi ni hi chuan loh theih lovin Pierce-a ka va hmu deuh reng a,sawipui tur eng eng emaw a tam em avangin.
.
Dar 6 a rik chuan rei vaklo kan chawl zuai a. A office a paper sign tir tur a ka luh hma chuan Pantry lamah lut kawi in ka ei tur Sandwich ka va siam zawk a,dinner ei tur a chhuahna hman pawh kan nei lo. Ka han ngaihtuah a,Pierce-a pawh a thil ei lohna a rei ta hlemai. A ril a tam ve tawh ngei ang le. Sandwich chu pakhat ka han siam belh leh a, a chung a that chhuah ka duh reng vang pawh ani chuang lo. Lian leng lawng in ka han siam sak a.
.
Kawngka chu ka han kik a,ka awm chuan kawngkhar chu nawr hawng in tray chawi chung chuan ka lut a. Tray ah chuan coffee la khu vat vat bakah Ham leh sandwich a awm tel bawk. A office a ka han luh chhuan rawn hawi chho in tray dawhkan a ka nghah thleng chuan minlo en reng a. Theihtawp chuan nui hmel put luih ka tum hram hram a.
.
"Zanriah i la ei si lova,i ril a tam tawh ka ring a" ka han ti a. Min rawn melh chho a,hmuhnawm thlir tak hian min rawn thlir a.
.
Vawiin chu a dan a dang deuh. Nidang ai zawngin a hmel chu a nelawm a,a hahdamthlak bawk.
.
A aw chu a cool raih mai. "Tiang te chu zanriah pawh ava anglo ve Olive?" arawn ti a. A aw chu a vawt raih a,mahse a nelawmloh chuang loh. A lan dan chuan eng emaw han sawi a duh te pawh a ang mah. Amah pawh a ang lo e a.
.
"Eng a? Tiang a thil han chhumna tur a awm si lova. Ruah a sur nasat avangin pawn lamah eitur la tur in ka chhuak thei bawk si lova" tihpah chuan lather thutthlengah chuan ka han thu a. Wilson-a office thin chu ka han melh kual pah a. Wilson-a a thih atang khan minutes 5 aia rei helai room ah hian ka la awm leh ta lo. A damlai kha chuan thingpui in pah a titi in rei deuh deuh kan ti ti dun thin kha ani si a. Chung kan nunhlui hlimawm tak tak te avang chuan ka han nui seih a,ka ngaihtuah zawm duh ta lo a. A chhan chu Pierce-a hmaah pawh nise ka insum zo leh lovang tih ka hlau ani.
.
Sandwich ei pah chuan ka thawh chhunzawm lehnghal mawlh mawlh a,kan inbiak ve awmchhun chu eng emaw chang a subject chungchang kan han sawi dun leh zeuh thin chu ani. Pierce-a chu arawn thawh tanna ala rei loh tehlul nen thil kalhmang chu a man chak ngei mai.
.
Min biak dan lah chu khawvel a mihring awm chhun ni mai awm a min ngai hi a ang a,ka hming lem a min koh erawh ala bansan chuang lo. Pawnlamah lehzel pawh Olive tih hlir in min ko thin.
.
Kan tih zawh meuh chuan zan dar 11 alo ri der tawh a. Ruah lah chu a buak in ala baw hawk hawk a,Hugh-a lah chu an ban tlai ve thin tho avangin min lam tur a han koh ngawt chi lah ani si lo.
.
A pawilo..Taxi ala awm ang chu maw ! Pierce-a chu ka va en a,ngun deuh in kan thil buaipui ho chu alo en nawn mek a.
.
"Mr.Alexander? " a thil tih lai chu dah in min rawn en a. "Ahh....mamawh dang ila nei angem? Haw mai ka lo tum tawh a"
.
Pierce-a chuan a sana chu ahan en a,mak tih avangin a meng phawk nghal hru a,a rinai alo tlai daih tawh ani ngei ang.
.
"Tiang em em a a tlai tawh ka lo ring lova. Nangmah a haw chu a chi dawn ami?"
.
Ka lo nui seih a "Min ngaihtuah suh. Taxi ka la mai dawn alawm"
.
Min rawn en a,second reilo te chu ahan ngawi vang vang a. "Anih leh le...naktukah kan inhmu leh dawn nia"
.
A office atang chuan chhuak in ka coat leh ka purse ka la a,Elevator lam ka pan nghal a. Chhawng hnuai ber ka thlen chuan kawngka pui bulah Security guard Bob-a alo duty a. A lu kawlh tul mai chuan a ti lang upa ve deuh a,mahse mi tha leh kawm nuam tak ani. Helai a ka thawh tan atang daih tawh a inhre tawh kan ni.
.
"Ehe...Bob chu,hnathawh lai lai in i muthlu leh tawh elaw" ka han ti fiam a.
.
A rawn nui hak hak a "I va haw tlai ve a"
.
"Nia mawle...karleh a kan hna tur buaipui angai a. Ka nin zia mai chuh"
.
"Anih chu....tu vakmah biak tur pawh awmloh na hnuai a han awm reng mai chuh. Nichin deuh pawh khan eng thawm emaw ka hria in ka hria" a han ti sap a,a tie chu ahan pawt tight pah a. Min tih thaih a tum tih chu ka hrethiam mai.
.
"Bob...chutin min tih thaih lo teh. Chhawng sawmli na atangin ka rawn chhukthla vang vang a,helai a ilo awm hlauh chu ka lawm naklai a" ka han ti a. Kan nui dun hak hak a.
.
Ruah lah chu a buak in ala baw hawk hawk a,ka nihliap ka ken theihnghilh lehnghal. "Engtin nge tiang te chuan taxi pawh ka chan theih ang le?"
.
"Kha ...Miss" Bob-a chuan company nihliap pakhat hi min rawn pe a.
.
Lawm takin ka lo la a "Ka van lawm em Bob. I mamawh dawn lo ami?"
.
"Miss Bailey ,kei te chu zankhua in ka awm dawn alawm. Zing lamah te chuan a han ve tawh ang chu"
.
Lawmthu ka han hrilh nawn leh a,pawn lamah chhuak in kawng sirah Taxi phar tur ka chang nghal a. Mahse Taxi tlan awm chhun te chu passenger nei lai vek an la ni zel zui.
.
A rei deuh hnu phei chuan a manganthlak tan duh hlemai. Khua a thim in ruah lah chu a sur nasa ropui mai si. Chu lovah ka pheikhawk ah chuan tui a lut nasa em em lehnghal. Hugh-a chu call ka han tum thin a,mahse a la thei der lo. Ka mangan ta takzet mai.
.
Ka piah deuh atang chuan Car dum pakhat ka awmna lampan chuan arawn tlan phei a,ka hma takah chuan arawn ding a. Awi.....engtin nge ni ang? Ka tlanchhe vat mai dawn em ni? Min rukbo an tum ani chiang ang. A pawilo,ka nihliap hian ka hlap hrep mai ang
.
Car atang chuan mi pakhat arawn chhuak a,ka lam pan in arawn phei a. Chu veleh tlanchhiat ka tum nghal a,mahse ka banah chuan min rawn vuan hman. Ka tan pauh leh a vuan nghet sauh mai si. A rawn tawngchhuak ta.
.
"Olive....keimah"
.
Priece-a ani tih ka hriat chuan ka thaw huai mai. Car kawngkhar chu hawng in min nam lut rawk rawk a,driver thutna lamah chuan a phei nghal a.
.
"Eng nge dikloh na i nei ami a? Tiang khan em ni i hmeichhe phurh te rubo tur ang mai a car a i nam luh thin? Tlem a tlemah i kap ah pet in nihliam in ka vaw hman tep che alawm" Car chhungah chuan ka au lang lang a.
.
"Nilo....nangmah chauh" tihpah chuan min rawn siai zeuh a. E he....eng vang a min siai ngawt nge anih?. Khatia ka ang vel kha hmuhnawm ati ani chiang mai. A duh duh a a fiam theih tur ka ni dawnlo reng reng.
.
"Nuihzat a lak chi pawh anih loh chu a" tihpah chuan ka kuangkuah a,pawn lam ka thlir daih a. Chutih rual erawh chuan min rawn lam hlauh chu ka lawm ru hlemai.
.
"Khatia kawngsir a huh hnuang a ding te kha chu kalsan ngawt theih ini si lo alawm" arawn ti a.
.
A hmel chu ka va en phei a "Nihliap ka ken reng kha i hmu lawm ni? Tunge nihliap hnuai a huh zawr hnap ngai?" Ka tawng dan chu amah tih thinrim tum te pawh ka ang mah zawk e a. Ngawi mai mai zawk teh ang. Chuti lo zawng a Car atang hian min petchhuak hlauh palh ange.
.
Ani lah chu alo nui suk a,huatah a lak hmel vak loh. Engmah sawi tawh lo chuan a engine a ti nung a,a Car chu a khalh lehnghal a.
.
"Khawilamah nge i apartment chu a awm?" arawn tih chuan a kawng lam chu ka lo kawhhmuh a.
.
Engthil mah kan sawi dun tawhlo. Eng emaw chang chuan min rawn melh leh zeuh zeuh thin tih ka hria. Mahse kei erawh chuan tukverh atang chuan pawn lam ka thlir tlat thung a.
.
Darkar chanve kan tlan hnu chuan ka apartment awmna chu kan thleng ta. Chhawng 6 a sang ani a,chhawng chung berah kan cheng. A chhan pawh Hugh an khawthlirna atan a nuam a tih vang ani. Tukverh zawn chu alo eng pam a,Hugh-a a haw tawh anih ngei khi. Ngah nge khang call zozai te kha alak loh ni.
.
Car chu apartment bulah chuan a park a. A lam chu ka va hawi a "Min thla avangin ka lawm e" ka han ti a,a bu nghut ringawt. Thil sawi tur pawn ka phut lo bawk hrim hrim a. Kawngkhar chu hawng in ka chhuak a.
.
"Mangtha le Olive" arawn ti a.
.
Ka ding chawt a,ka han inher a,min lo nuih seih a. Chu chu chiang deuh a ka vawikhat a nui hmel ka hmuhna ani.
.
Lawmthu ka han sawi nawn leh a,nihliap khum chung chuan apartment lam chu ka pan nghal a.
.
Hugh-a chu thutthleng ah alo mu a,a sam chu a pheng hle a,a tie awrh pawh alo in pawtthawl bawk.
.
Hei vang hi anih hi ka call reng reng a chhan theih loh. Kar tluan in a buai hle a,a chau ve tawh takzet ani ngei ang. A room a mi blanket va la in ka sin tir a,a pheikhawk ka phelh sak a,TV chu ka off sak nghal bawk a.
.
Keipawh chu inthlak in ka pyjama ka ha a,mu tur in ka khum lam ka pan ve nghal a. Ka mut dawn a ka ngaihtuah hnuhnun ber chu Pierce-a nui hmel kha ani.



CHAPTER -9
.
Favang kan lo thleng ta der mai. Boruak a nuam in thing hnah te pawh an til tan a, chung hnahthel tla te chu i rah chuan an ri rep rep thei ang. Thli arawn thawt phei chuan chung hnathel rawng chi hrang hrang te chu lasi thawnthu ami ang mai khan an leng darh siau siau zel. Boruak ka hip luh rual chuan thing rim te chu ka hrethei a,hnahthel rim te chuan min zem chiai chiai thin.
.
Tun thla ah hian hun hlimawm tak pakhat leh hun lungngaihthlak tak pakhat ka hmang kawp ve ve dawn. Hun hlimawm chu tun atang a kar rei lo te ah ka birthday alo thleng thuai dawn. Hun huphurhawm tak chu Wilson Alexander -a thih cham thla ani. Chawhnu lamah Wilson-a thlan va tlawh ka rilruk deuh a,Pierce-a pawh sawm chhin ila alo kal ve duh maithei takin.
.
Office chu hma takin ka thleng a,Wilson-a thlan a dah tur atan a ka pangpar lei chu Pot ah tui nen ka khawi nghal a,chawhnu lama alo vuai mai loh nan.
.
Chawhnu arawn nih chuan ka huaisen na zawng zawng sawm khawm in Pierce chu ka sawm angai ani. Kha mi zan...ruahsur hnuai a min thlah zan atang kha chuan tlem in kan inpawh ve deuh. Mahse la tim rukna deuh hi ka la nei tlat. A office kawngka bulah chuan ka ding ran a,thawk ka han la kawk a,kawngkhar chu vawi thum ka han kik a.
.
"Lo lut rawh" a tih ri ka hriat veleh chuan ka lut nghal a.
.
"Mr.Alexander.. " a rilru lak pen nan chuan ka han ti a.
.
A buai hmel hlemai. Dawhkanah chuan paper pawimawh hmel tak tak alo chapdarh nuaih a,a Laptop ah eng eng emaw alo chhu lut bawk a. Min rawn en a,kawrchung ka ha a,ka purse ka keng bawk nen. Chutah pangpar ka la keng zui bawk si a.
.
"Date i nei dawn em ni a?" a aw ah chuan eng emaw hriat chakna riau neihna ang hi a ri tel a.
.
A thusawi avang chuan ka han nui hak hak a,a mithmul alo san ak a. Chutah thutak deuh zawk in ka hrawk ka han thian kharh a.
.
"Ni love Sir,vawiin chu haw hma deuh hlek ka duh a...."
.
"I date hmu tur in maw" alo ti a.
.
"Um...ni love. I pa thlan va tlawh ka duh deuh a,a thih cham ani tep tawh a"
.
"Oh..." a hmel chu a inthlak deuh. Mahse eng nge ka sawi leh tur tih erawh a hre lo. Kal ve tur a ka sawm angai ani.
.
"Hei pawh hi zawh che ka duh a....ilo kal ve duh angem?"
.
Min rawn en haw a,a mitah chuan mak tih na hmel ka hmu thei a. Heti anih hi chuan alo kal duh hmel loh tawp mai. Ka purse chu hawng in lehkha them ka han pawtthla a,chutah chuan thlanmual address chu ka han ziak a.
.
"I rilru i thlak palh takin" tihpah chuan a dawhkanah chuan ka han dah a. A pawm kher lovang le...a lo hal zawk mai ang tih pawh a hlauhawm viau. Ka han nuih seih a,a office atang chuan ka chhuak ta nghal a.
.
Thlanmual lam ka pan hma chuan Cafe ah coffee sa ver vawr ka han lam hmasa phawt a,Strawberry tartlet nen. Kaw ruak lutuk a kal chu a tha lovang,bakah Wilson-a hnen a sawi ka tum ho pawh ka sawi thei lo palh ang.
.
Wilson-a ka hmu leh tur chu ka lawm hlemai. Nitin mai hian ka la ngai ngawih ngawih reng a,bakah a hnen a sawi chak tak tak pawh ka ngah tawh lutuk.
.
Thlan chu ka thleng ta. A thlan lampan chuan nuisang chungin ka phei a,ka kawrchung hak lai chu grass chungah chuan thehthla in a thlan lung bulah chuan ka han thu a. A tan a ka pangpar ken chu a thlan chungah chuan ka han dah a,a thlan bul vel a hnahthel awm te chu ka kut in ka han hui kiang a.
.
"Hey.. Putar" ka han tisep a,boruak chu ka han hip lut vang vang a.
.
"Ka ngaih theih zia che hi.....I tello chuan maw office boruak pawh a dang tawh khawp mai. I fiamthu hlimawm tak tak te kha alo hlut thin zia kha.Tun dinhmun a min dah tu hi ini asin" ka mitah chuan mittui arawn tling pam a. "Ka lawm e..." ka aw chu a ri chhuak chang chang chauh ani.
.
"Putar sual tak ilo nih hi" tihpah chuan ka han nui hak a,chu mi rual chuan ka tap chhunzawm nghal a. "Ka hrilh che ani lawm ni.....i mi puihna ka mamawh lo,keimah in ka inngaihtuah thei ka tih kha" ka inhnit hlawp hlawp a.
.
A chhan chu a nun kha midang te tan a hmang nasa lutuk a,chutiang chu nilo seng chuan tun hi a thleng kher lovang.
.
"Ka tih awmzia chu midang i ngaihtuah a lei ah nangmah ber inngaihtuahna chang i hrelo anih hi". Thlanmual chu a reh vawng vawng a,thli chuan ka bul vel a hnah thel te chu a chhem leng seng seng a.
.
"I thil duh kha ka ti thlawn lo ang tih ka tiam a che. Pierce-a pawh tha tak in ka lo thawhpui ang. Nang ang a mi ngilnei leh fel chu ani ve kher lo tih ka hria alawm,mahse eng emaw tak chu ala tichhuak em em ang. Amah nen pawh kan inhmu tawh a...mahse fapa hmeltha tak i nei tih hi ilo sawi ngailo a" tihpah chuan ka han nui a,ka insut zui nghal a.
.
Thlanlung a mawi tak a a hming an ker chu ka han chul a,chu chu amah ka hmuh theih hnai ber chu ani ta.
.
"I fapa chu.....mi fel tak ani tih ka hria. Anmahni hmuh kha i hreh mai pawh anih kha....diktak chuan i ho a awm leh kha an chak em em zawk asin. Deborah-i leh Pierce-a pawh in an haw reng reng lo che ania. "
.
"Mahse i tlai deuh ta ani" ka aw chu a tham chel a,ka mittui chu arawn baw zawih a.
.
Ngawi reng chuan ka thu reng a,a reh hian a reh vawng vawng mai. Mahse ka hnunglamah chuan tu emaw ding tlat a hriatna hi ka nei a. A ke pen ri pawh ka hre thei ta....a hnah thel rah rik pawh chu ka hrechiang ta hlemai.
.
Rang tak a ding in ka inher a,ka mittui ka hru hul nghal a. Pierce-a chu ka piah lawk thingkung bul atang chuan arawn chhuak phei a. A han ding a,min rawn en vawng vawng a. A awmdan atang chuan rawn thleng hlim hlawl ani lo tih chu ka hrechiang hle. Anih chuan ka tawng zawng zawng te kha alo ngaithla vek tihna ani maw! Ka thusawi te kha ka han ngaihtuah let leh a......Ekhai lehh
.
"Eng-...eng nge i rawn tih? Eng chin kha nge i lo ngaihthlak?" tihpah chuan ka han nam a,ka kut chuan ka mittui chu ka han nuai a. Min ti hlauthawng takzet ani.
.
Mit ko san ak pah chuan a han nui ver ver a. "Thlan awmna address min pek kha. Chuan ka rilru ka thlak a,ka rawn kal a" tihpah chuan a dar chu ahan san ak a.
.
"Anih chu" ka ti ringawt a. A nuih zawng chuan a ha var tak leh a khabe phir chu alang chiang lehzual a.
.
Ka han melh zeuh a,engtin nge a awm ve reng ani tih kha ka hriat loh theih zawk le?
.
"Eng tiang a thi nge?" arawn ti sap a,min rawn hrilh ru te pawh a ang mah zawk.
.
"Lungphu chawl.....a muthilh lai in. A thawh nasat luat ani ber" ka han ti a. A reh vawng vawng mai. Eng emaw tal a sawi ka ring a,ka han hawi chho a,mahse alo maimitchhing daih thung.
.
"Kan chungchang a sawi thin em?" arawn ti a.
.
"Sawi ngun lutuk" ka han ti a.Wilson an a nupui duh tak leh a fapa la naupang tak Pierce-a chanchin a sawi thin lai te chu ka hrechhuak uai uai a.
.
A rawn nui suk a. Eng nge a ngaihdan te pawh zawh ka chak viau nangin ka thin a la tirim tlat.
.
Ka han din hnaih a,kan hmai chu inches tlem te in a insi lo chauh ani. Tunah chuan a thaw ri thleng in ka hrethei ta. Eng nge ka tih chu ka hria...mahse ka tih ngei ngei a ngai si ani.
.
Ka va kuah a.
.
A awm ah chuan ka bei a,a rim chu ka han hip vang vang a,mak a ti hle tihpawh ka hria. Mahse reilo te bak ani dawn lo,thian inkuah in. Thlah ka tum chiah tihah chuan min rawn kuah let ve a.
.
A reh hian a reh vawng vawng a,mahse kan thinlung in kan inbia ani. Mihring tawngka in a a sawithiam zawh loh chu.
.
"Ka tihpalh lutuk" rei tawk fang a ngawih hnu chuan arawn ti sap a. A hmel chu ka han en chho a,nelawm deuh hian minlo nuih seih a. "Khami zan...bar a kan inhmuh zan a ka thusawi kha. Khatiang a i chungchang sawi tur kha ka nilo tih ka hria. Pawi ka ti takzet"
.
Chu thu chu a sawi hun ka nghak reng thin reng ani. Ngati nge khang thil te kha a sawi tih ka hria alawm. A thinrim lai anih avang mai mai ani. Tunah chuan thian kan ni thei tawh ngei ang.
.
"Enteh....Pizza hi ngaihdam dil nan chuan a tha teh mai ania" ka han ti a. Ka thusawi awmzia chu ka ngaidam che ka tihna ang ani.
.
Chutia ka awmdan inthlak thut chu mak tih hmel deuh hian min rawn en a.
.
"Chuti chu Pizza lei tur in min phut deuh ani maw?" tihpah chuan a mit hmul ahan san ak a,min rawn nuih a.
.
"Maithei" tihpah chuan ka lo nuih let ve a.
.
"Anih chuan Pizza dawr lam i pan ang hmiang"
.
"Ekhai a....i lei dawn tak tak elaw? Hmin i va awl angreng ve" tihpah chuan ka han nui hak hak a
.
Pierce-a chu a kal nghal a "Min rawn zui dawn nge dawn lo?"
.
"Aw...ka lo kal nghal". Thlanlung lam chu ka han hawi a,tunah chuan Wilson-a chu mangtha leh rih alo tul ta.Hman veleh ka tlawh leh thuai ang.
.
"Hey Putar. I lo hria em? Pierce an Pizza min lei dawn anih chu. A lo kal ve duh kha ka lawm takzet. Ka rawn la kal leh thuai ang. Min lo ngai lutuk lo la"
.
Ka sawi zawh chuan Pierce-a lampan chuan ka tlan phei nghal a. Ka kal hma a ka thusawi vang chu aniang,hlim hmel tak hian min lo en a. Engtehlua chu nilo mahse Pierce an thlan arawn tlawh ve avang chuan Wilson-a pawh a lawm viau ngei ang.
.
Pierce-a ban chu ka vuan a,tlem ka pawt ti tih deuh bawk a,thlanmual chu kan chhuahsan dun ta a.
.
Parking lot lam chu pan in a Car kawngkhar chu min hawn sak a,tun tum chu ka luh hun min nghak ve ta. A hmasa a min nam luh rawk rawk anglo tak in. A hma a a Car rawn khalh kha chu a dum ani a,tun tum a a Car chu a var leh rangkachak rawng inpawlh ani a,ka ngaina takzet. Eng eng emaw kan sawi dun a,tawng duhlo chu alo ni lo awkawng mai.
.
Pizza chu kan order ta ngei a,a lian tha hlemai. 18inches bial lawih ani. Kan ei zawh theih loh ka hlau viau nangin Pierce an a chah miau mai bawk si. Minutes 15 hnuah min rawn pe a,a huphurhawm duh tek tek khawp mai. Pierce-a chuan min lo en reng a,arawn nui chhuak hak a.
.
"Ngati nge khatia min en reng a? Eng nge nuihzathlak a awm ami?" ka han ti a.
.
"Awm love....i awmdan kha a hmuhnawm em alawm. Ka hmeichhe chhuahpui thin te chuan tiang khan an hawiher an hlauh nghal ve ngailo a"
.
"Ohh.." ka biang chu a sen nghal tawn tawn a. Nia...a ni te chuan hmeichhe tam tak a chhuahpui tawh ang chu. A hmel leh a pian han en reng reng pawh hian tu hmeichhia nge tuiral lo ang ni? A rim a la tui em em mai lehnghal. Kei ngei pawh.....
.
Ka lu chu ka thing nghal vat a,chutiang ngaihtuah tur ka ni lo. Olivia...i boss ani a,mahni boss te lo star chu a tihchi viau lovang. I hma hun tur thlir la,hmasawn zel tum zawk rawh. Chu thil chu ka inhrilh nawn mawlh mawlh a.
.
"Olive.....?"
.
"Huh? Maw..?" Ka ngaihtuahna atang chuan ka harhchhuak zawk a.
.
"Ih e...New York ah hian apartment luah tur tha deuh hlek ka zawng a,min lo ngaihtuahpui deuh teh a"
.
"I duh te chuan i pa in ah pawh i cheng thei a. A nihloh pawn Alexandrite Hotel a chen mai te i duh lo ami?" ka han ti a,mahse a landanah ka thil kawhhmuh chu a duh zawng anih hmel vak loh.
.
"Amah hriatreng na tur ang chi chu tih ka duh vak lo...chu chu ka tan pawn a tha zawk ang" arawn ti a. A pa in a chen chu a duh loh hmel hlemai.
.
"Naktuk lamah ka lo ngaihtuah dawn nia Mr.Alexander "
.
"Khatia min koh kher kha angai lo ania Olive. Pierce tiin min ko mai rawh" tihpah chuan nelawm deuh hian min rawn nuih a. Vawiin chu a nui hmel ka hmu ngun ve ta hlemai. A nui hmel ka hmuh hi chuan engtin emaw tak hian ka awm tlat zel.
.
"Anih leh le....Pierce" ka han ti a,chutia a hming ka han lam chu ka lei ah a mikhual hlemai. Lawm hmel deuh hian arawn nui sen sen a. Pizza ei pah chuan kan titi a,Pizza leh chocolate tihpawlh hi a tui hmel leh hmel loh chungchang vel mai mai ani kan sawi dun ni.
.
Kan ei zawh chuan gentleman tak in kan apartment thleng min thlah hawng a,vawiin chu ni nuam tak ani.
.
Pierce-a thar hi ka ngaina takzet.



CHAPTER -10
.
Kar hnih a liam ta. A hma ai zawngin Pierce-a nui hmel pawh ka hmu tam ta a,a nel pawh ka nel ta hlemai. Chubakah kan office atanga hla lo teah a luah tur apartment ka hmuh sak bawk a.
.
Zirtawpni zing a ni a,ka zing tho chu bawngsa kan rim nam veng veng chuan ka hnar arawn verh nghal a. Chu veleh ka tho chhuak nghal a,Hugh-a chuan artui alo kang dawn mek a.
.
"Good morning, birthday girl!" min hmuh veleh chuan nui ver ver chungin alo ti a
.
"Hugh,naktuk alo thlen hma te chuan ka birthday ala ni hleinem. Mahse ka lawm tho e" tihpah chuan dawhkan bul a chair ah chuan ka han thu a. Hugh-a hian ka birthday apiangin Chocolate cake min siam sak ziah thin a,a tui in ka ngaina hle. Naktuk hian kum 24 ka lo tling ve tawh mai dawn chu ania
.
"Vee,naktuk eng nge i plan?" tihpah chuan a eitur siam chu plate ah dah in min rawn chhop a. Fork chu la in artui leh bawngsa kan chu ka han ei a.
.
Rei vaklo ka han ngawi a "Cake ka siampui mai ang che. Chumi hnulam erawh ka hre tawh biklo le. In ah awm in movie te kan en mai aniang chu"
.
Hugh-a chuan min rawn en haw a "Tiang chuan i ti ziah mai,duh special lo thei lutuk. Ka chhuah pui ang che"
.
"Club a kal ka duh tawh hleinem"
.
"Nuam i ti viau ang. I duh nge duh lo?" arawn ti a. Eng ruahmanna nge a neih tih chu ka hrelo nangin Club ah bak min hruai leh chuang lovang. Nikum te khan.....a thim in a bengchheng si. Bakah thlan rim ala nam huam huam lehnghal.
.
"Disneyland ah min hruai mai la,a chakawm alawm". Naupangin thil an ngen ang mai hian ka han awm vel a.
.
Hugh-a chu alo nui huk a "Chutiang a......dinner kan ei chhuak dawn nia. Thil eng eng emaw te kan in ang a,chuan kan haw ang. Aw..?"
.
"A tha alawm" ka han ti a. Ka thian tha ber lak a 'aih' han tih chu ka duh lo ani. Amah chauh chu he apartment pawn lampang a min chhuahpui tu awm chhun ani.
.
"Tha lutuk....thawmhnaw hak tur neih sa tha deuh ka nei a,chu chu i hawh dawn nia. I inhmeh viau ang". Chutiang thil han sawi vak chu ka peih rih lo,ka chau deuh tlat. Ka lawm ani tih lantir nan ka han nui seih a.Ka hna a kal tur chuan ka chhuak nghal a.
.
.
Building ka lut chiah tih chuan tu emaw hian min rawn ko a,ka han hawi kual nghal vat a. Reception dawhkan atang chuan Brenda-i chuan min lo vai lauh lauh a.
.
"Hey, Brenda. Good morning." tihpah chuan nuisang in ka pan phei a.
.
"Englo ania Olivia...dar 8 ah khian meeting pawimawh deuh a awm dawn a,chu chu ka rawn hriat tir lawk che"
.
Bang a sana intar chu ka han en a,dar 8 chu a ri ani deuh mai.
.
Tumah in min hrilh lawk si lova,Pierce-a hian emergency meeting a ko thut tihna em mawni le? Mahse a personal assistant ka ni a,min hrilh hmasa ngei awm si a. Rang tak in elevator lampan chuan ka tlan phei nghal a.
.
Ka office ka thlen chuan ka indah fel a,thil pawimawh tur ang te chu ka ti zung zung a. Room chhung lah chu a reh duk a,tumah an rawn la kal lo emaw ni.
.
Conference room lampan chuan hmanhmawh takin ka phei a,ka han hawn chuan a thim hian alo la thim vek a,engmah hmuh theih pawh ani lo. Rang takin light chu ka han on a.
.
"SURPRISEEEE......." light ka han on chiah chu an rawn zuang chhuak nghal suau a,ka phu nasa lutuk chu ka au chhuak chiam nghe nghe.
.
Ka thin phut nasat zia mai chu. Thawk tu ho chuan a rual in 'Happy Birthday' hla an han sa a,chutah Cake an rawn keng chhuak bawk a. A chungah chuan cream var bakah berry an dah tel bawk a,bati nen.
.
Thil wish tur in min han ti a. Ka chhem hlum hma chuan ka han maimitchhing a,ka rilru ah engmah a awm thei lo. Engkim avang chuan lawmthu ka sawi ta ringawt a. Ka mit chu meng in bati chu ka chhem hlum ta a.
.
Chu veleh ka hnung a tang chuan eng emaw ri pawp ri ka hria a,chunglam atang chuan lehkhamawi chehnawi arawn tla chum chum a. Hnuglam atang chuan Bob-a leh Brenda in an lo kap chhuak chu ni in. Meeting vel pawh kha min Surprise an duh avanga min tihderna lek alo ni.
.
Birthday wish min pek pah chuan min rawn chibai sap sap a. Ka birthday lawmna ah chuan ka la tawn san ber ani hial ang.
.
"Naktuk hi i birthday ni tak zawk chu ani tih chu kan hre tho a,mahse weekend ani dawn bawk si a,vawiin a kan tih mai loh chuan" Brenda-i chuan arawn ti a.
.
Hna a kan let leh hma chuan titi pah in cake chu kan zei a,kan ei ho bawk a. Ka han hawikual a,Pierce-a ka hmu ve miah lo.
.
Hna a kan let leh atang a rei lutuk lovah chuan a co-worker nen an rawn thleng dun a. "Ka rawn tlai avangin pawi ka ti hlemai. Call pawimawh emaw meeting tur emaw a awm em?" tihpah chuan ka office ah chuan arawn dak zuai a. A awmdan chu business mood an tih ang hi ani. Thian ang a han titi pui ngam pawh ani rih lo. Cake kha a eitur ka dah sak a,ka pe ang ka lo ti zet nangin ka phawrh leh ta lo law law a.
.
"Awmlo e Sir"
.
"Awle...a that chu" tihpah chuan a chhuak lehnghal a.
.
Thawhpui ten a min Surprise lai a alo awm ve lo chu ka vui ru ang hle a,mahse beisei chi ni in ka hre leh lo. A chhan chu tiang a han inkawmngaih em em pawh kan la ni chuanglo a.
.
Nileng chuan ka hna chu ka thawk chhunzawm leh mawlh mawlh a,kartawp chawlh nimai tur chu ka nghakhlel tawh hlemai.
.
A tukzingah chuan Hugh an min rawn kaitho a,birthday breakfast ka khumah min rawn pe nghal bawk a. Pancake chungah cream arawn dah a,chocolate syrup leh chocolate chips nen. A sirah chuan bawngsa kan leh artui kan a awm bawk a,serthlum tui nen.
.
"A tuiiiii........jjiaaaa hiiiii......" thial tawn tawn chung chuan ka han ti a
.
"Ka khat tun chung te chuan tawng tawng mah ta che mawle" tihpah chuan min rawn nuih a, chutia a thilsiam ka han fak sak chu nuam a tih hmel hlemai.
.
"Vawiin a kan tih hmasak ber tur chu i birthday cake tur kan siam ang. Chuan zan lamah kan chhuak bawk ang. Engmah chhuanlam a awm tur ani lo".tihpah chuan min rawn siai zeuh a.
.
Ka remti ani tih entirnan ka lu ka lo bu a,ka thil ei lai chu ka ei chhunzawm lehnghal a. Ka ei zawh chuan ka thil ei na ho chu choka ah ka va dah a,Hugh-a chuan cake tur chu a lo buaipui mek a.
.
"I thil tih zawng zawng te avang hian ka lawm lutuk Hugh" ka han ti a. Min rawn en a,a rawn nui ver ver a.
.
"I tan te chuan engpawh kan ti ang chu...Chuan mixer kha min lo lakchhuah sak dawn em ni ang?"
.
Chhuar atang chuan mixer chu ka han la chhuak a,dawhkan kilah chuan ka dah a. "Nimin chu thawhpui te ho in min lo surprise a,Cake te min pe a. Chocolate cake chu ani ve lo nangin an berry dah erawh a tharlam khawp mai" tiin nimin lam a kan hun hman dan vel chu ka han hrilh a.
.
"Nimin a mi ai chuan a tui zawk hrim hrim ang" nui pah chuan arawn ti a
.
Kan siam zawh chuan baking pan ah kan dah a,oven ah kan ur leh a. Darkar chanve ngawt nghah ala ngai zui.
.
"I boss ngainatawmloh tak pa kha eng nge a chanchin ni ta zel? I sawi ngai ta lo riau mai. Nge ni a in lo mudun tawh te hi a ni zawk? Eng emaw zep ruk i nei chiang mai"
.
Ka chil ka hak a,ka khuh zui nghal bawrh bawrh a. "Awi.....awihawm loh lutuk. I mawl ami?" ka han ti a. Ka awmdanah chuan a nuih a za hlemai. A nui nghal tlawrh tlawrh a,keipawh chu ka lo nui ve bawk a.
.
Chutia kan infiam kan infiam pah chuan cake leh eng eng emaw siam dan min zirtir pah bawk a. A rei hnu phei chuan ka harh a chhuak a,chocolate chuan kan infiam a,kan berh luai mai.
.
Chutih lai chuan kawngka chu arawn in kik a,kan in en duh hra a. "Vawiinah min rawn tlawh tu tur an awm em ni?" ka han ti a.Hugh-a chuan a sam a chocolate kai chu a tifai a.
.
.
"Ka hre bik nang. Lo va chhawn teh" Hugh-a chuan min han ti a. Kawngka lam chu pan in zawi muangin ka han hawng a,pawn ah chuan Pierce-a alo ding reng mai. Casual dress pangai nen...kawr vutbuak rawng,a nghawng V a ha a,jeans dum khup pawp ang chi kha a ha bawk. Kan mit leh mit chu a intawng nghal a. Kei lah chuan tawnzau var leh boxer chiah ka la ha zui....bakah ka berh ropui lehnghal
.
"H-hi," zam deuh chung chuan ka han nui a. "Eng nge i rawn tih a?"
.
Mak tih hmel deuh chuan min en hu ringawt a,ka chhip atanga ka ke ler thleng chuan min en chhuak vek ni mai hian ka hria.
.
"Babe...tunge a?" Hugh-a chuan choka atang chuan arawn ti a.
.
Pierce-a chu ka en lehnghal vat a,a mitmengah chuan eng emaw zawhna ka hmu thei. A hmui chu a chip a,a khabe ruh chu a che ralh ralh a.
.
Hugh-a chu kawngka lamah chuan arawn phei a,kawr ha lovin. Chocolate hlawm a a kawr a ka vawm avangin alo phelh daih chu niin.
.
"Hugh...hei hi ka boss Pierce anih hi". Ka aw chu a khur dar dar a. Hugh-a chuan hriatthiam hmel tak hian min rawn en a. A chhan chu a hma a club a min tihdan zawng zawng te kha a hre ve vek si a. Pierce-a lah chu a ding reng a
.
"Tunge inih a?" Pierce-a chuan Hugh-a bulah chuan ahan ti a,a aw chu a hriam lam tep ani.
.
"Hugh ka nia,Olivia-i chenpui. Han chibai che pawh ka duh viau nangin ka kutah hian chocolate souce a kai bawk si a" tihpah chuan min venghim ani tih hriat deuh hian min rawn din hliah a.
.
Eng thil nge i tih hi tih melh in Hugh-a chu ka han melh a,mitmei in keimah a hmachhawn ka duh thu ka han hrilh a. A ni pawh chu a kalsawn leh mai a.
.
Hugh-a a kal hnu chuan ka aw ka han thian kharh a. Pierce-a chuan min rawn en zauh a.
.
"Ka kal mai a tha zawkin ka hria" tihpah chuan corridor lamah chuan a let phei leh a,a kutah chuan eng box emaw lian angreng tak hi a keng a.
.
"Lawk in...." tihpah chuan ka va um a,ani pawh chu arawn hawi let a. "Kan bulah zanriah lo ei ve ta che,cake kan siam a. Mahse tunah chuan kan la ur mek a,nghah rei angai tawh lovang". Engvang a sawm ve ringawt nge ka nih pawh ka inhre lo. Ka thawmhnaw hak a dahlau in eng eng emaw ka ti kai nual bawk a,Hugh-a lah ka pasal ang mai in arawn awm bawk si. Min haw viau ngei ang le.
.
"Ka rawn tibuai lo zawk mai ang che u" a tawng chhum hmuk a,kal leh mai a tum a. Mahse engvang a kan in thleng thleng a lo kal nge anih tih chu ka hre duh ani.
.
"Chhan nei a lo kal chu i ni ngei ang tiraw?" Hnunglam atang chuan ka han ti a.
.
A ding chawt a,a box ken chu la kang in ahan en a. Chutah box chung a a zeh tel lehkha chu la in a jean ipte ah chuan a ak let leh a. A rawn inher a,box chu min rawn pe a. "Hei hi i ta tur. Happy birthday" tihpah chuan a inher a,a kal ta nghal a. Lawmthu sawina hun pawh ka nei ta lo.
.
Apartment ah chuan ka let leh a,Hugh-a nen chuan inti fel fai in ka inbual nghal a,Hugh-a chuan zanriah a peih tawh thu min rawn hrilh a.
.
Choka a ka let leh hma chuan thutthleng a ka dah Pierce-a present min pek chu ka han la kang a,uluk tak in a suihna ribbon sen chu ka han pawt phelh a. A chhungah chuan Cocktail dress sen (kawr leh pawnfen inzawm. Pawnfen parh) hi alo awm a,a nalh in a man a to viau ngei ang le. Engtin nge ka birthday ani tih a hriat zawk le? Nimin lah khan a awm ve mang bawk si lova.
.
"A va nalh ve. Zaninah ha chhuak nghal la a tha ang" Hugh-a chuan a lo ti a.
.
"Ka hre biklo. Lawmthu takngial pawh ka sawi hman si lova" ka han tisap a.
.
Rei vak lo chu ka han ngawi vang vang a,Hugh-a zawk chu arawn tawng leh a. "Vee.....nachin a khatia ka rawn tih lai a a awmdan kha i lo hmu em?"
.
"Eng nge i sawi awmzia chu?"
.
"A hmel awmdan kha i lo hmu lo em ni? Thikna hmel anih kha" arawn ti a. "Kawr ha lo a ka rawn chhuah phei kha chuan min hnek duh mai hmel a pu in ka hria" tihpah chuan Hugh-a chu ahan nui huah huah a.
.
"Chutiang ani lo"
.
"Ani alawm Vee.....mipa zia te chu ka hre lutuk. Zep rual lovin a duh che tih ka hre thei. Bakah a chhiatloh em kha"
.
"Oww..." a teuhlo emai. Pierce-a te chuan kei ang te chu min duh teuhlo mai.
.
"Chutiang ani hleinem Hugh,ngaihdam min dil tawh a,thian tha tak kan ni zawk alawm" ka han ti a.
.
.
> PIERCE's P.O.V
.
Olivia-i mipa nen an cheng dun tih ka han hre chiah mai chu ka nghing lawih mai. Ka chhungril atang hian ka na nghal vawng vawng in ka hria. Olivia-i chuan chupa tawnzau ni ngei tur chu a ha a,chutah boxer chauh ala ha lehnghal.Chupa lah chuan eng kawr mah a la ha lo zui.
.
Ka inthunun zawh loh ka hlauh vang ania kalsawn vat kha ka duh ni. Mahse Olivia in min rawn auh leh avang chuan present chu ka pe hram a,mahse lehkha ka zeh tel erawh pek tel chi niin ka hre ta lo.
.
Ka Car ah chuan ka lut a,ka thinrim lutuk chu ka puak keh lo chauh. Stearing chu ka chum bur bur a,engvang a chutia awm chu nge ka nih tih ka inhre biklo.
.
Keimah leh keimah chu ka inhaw ngawih ngawih a,ngati nge ka lo va kal kher kher le?. Ka lehkha ah chu ka han phawrh chhuak leh a,
.
.
' Olive
.
Happy Birthday
.
He kawr hi ha la zan dar 7 ah min hmu tur in lo kal ang che.
Pizza dawr,zanriah kan ei dun hmasak ber na hmun kha ila hria em?
.
Ka lo nghak ang che
.
—Pierce
.
.
.
Tunah chuan ka lo plan ve zawng zawng te kha engmahlo maiah an chang zo ta.



CHAPTER -11
.
> PIERCE's P.O.V
.
Olivia i leh Hugh-a awmdun ka hmuh ni chuan zankhua in ka muhil thei lova,ka khawchhung atang hian ka sa bulh bulh reng mai. Hugh-a awmdanah chuan eng emaw diklo a awm chuan ka hria a,mahse eng nge anih tak erawh ka hre theilo. An in melh danah te khan midang ang ani tlat lo. Khawiah emaw ka chhuahpui angai ani
.
Ka han inngaihtuah a,furniture tur vel lei ka ngai tak e. Ka phone chu la in Olivia-i number chu ka han zawng nghal a. A mimal tak chuan number min pe lo nangin a file a a ziah kha ka lo saved hlauh a. A ring ta e. .......Tinge a va la har ve? Khapa nen khan zan nuam tak an hmang dun ang a ala tho lo emawni le? Nilo....tiang lam chu ngaihtuah pawh ngaihtuah lo law law zawk teh ang.
.
"Hello?" A tawp a tawpah chuan a rawn chhang ta hram e.
.
"Lo insiam rawh. Ka rawn lam ang che". Han tawng polite vel vak chu ka tum lem lo. Ka tum ber chu a apartment atang a hruai chhuah chu ani.
.
"Lawk...tunge inih?" Ka number a nei lo tak e.
.
"Pierce's.....hmanhmawh rawh. Ka nghak che ania". Ka phone chu ka dah nghal a. Ti lo chuan eng eng emaw min zawt vak palh ang. Minutes 30 hnuah chuan ka insiam peih ta. Apartment chu ka chhuahsan nghal a.
.
Thawhtan lam a insuan luh tum zawk ka ni mah a,mahse ka bungrua eng eng emaw kan dah luh nghal avang chuan ka riak lut nghal ta law law a. New York a ka in thar a nun bul han tan chu a phurawm tehchiam loh. Olivia-i chauh chu min ti phur tu awmchhun ani. An apartment kawt ka thlen chuan ka call nawn leh a,rawn chhuak tur in ka ti a.
.
Rei vaklo ah chuan kawngka chu rawn inhawng in Olivia-i chu arawn chhuak a. A inchei simple in a inhmeh lutuk tlat. A bawp zei zet mai leh a vun mam tak te,a hmui senno chek leh a mitmu paw phak te chu en nin theih rual ani lo.
.
"Kal vat ang. Lo lut rawh" tihpah chuan Car ah chuan ka lut nghal a,mahse ani erawh arawn lut ve mai lo.
.
"Khawi hmunah nge kan kal dawn tih ka hriat hma chuan ka rawn lut dawn lo"
.
"Lo lut vat mai teh Olive" ka han ti a. Kan kal vat loh chuan khapa kha arawn chhuak veleh emaw kha ania nga,hmuh nawn leh chu ka chak hran lo ani.
.
"Ka sawi chu....kan kal na tur i sawi phawt loh chuan ka rawn lut dawn lo". A luhlul hmel reuh hlemai. Ti mai chuan arawn lut tawp lovang le.
.
Ka han thaw hak a,zaidam tak a ka awm hram hram angai ani. "Awle....ka apartment ami tur furniture ka lei belh dawn a,min lei pui tur in ka duh che ani. Rawn lut rawh,kal vat ang"
.
"Chutiang te chu tha deuh a sawi ve mai tur alawm" tihpah chuan arawn nui seih a,arawn lut ve nghal a.
.
.
> OLIVIA's P.O.V
.
Pierce-a lah in tawng a tum bawk si lo,a reh hian a reh vawng vawng a,ri awm chhun chu Car chhung a zawi te a hla in play chu ani. A hmel atang chuan lungawilohna ruk a nei tih ka hre thei a,mahse zawh kher ai chuan ngawih rih mai chu a tha zawk in ka hria.
.
Furniture dawr kawtah chuan a Car chu a park a. A kal duhna hmun hre tur in GPS a nei tho si a,engvang a min hruai ve kher nge maw anih le?.
.
Darkar khat a ral meuh chuan engvang a min hruai ve nge anih tih ka hre ta. Ka bawr ngei mai....a lukham tur ka khai a,a bedshed tur leh eng eng emaw chu ka khai tun a,ka kut chu a kham ut ut tawh.
.
"Tiang te chu ngati nge Cart (thil lei sa dahna nawr lirh) kan hman mai lova. I inchhung thil tur zawng zawng te chu ka keng seng nang" ka han ti a.
.
A rawn hawi let a,min rawn nuih vur vur a "Chutia kan tih ten a nawmna a awm nang" a rawn ti duh lek chauh a.
.
Ka thinrim zia mai chu....ani lah chu min ngaihtuahna reng neilo ang mai in a kal nghal daih bawk si. Tih vak ngaihna lah ka hre si lo.
.
Khum zawrhna room lamah chuan kan lut phei a,khum ho chu an mawi in an dup nawm hmel hlawm ngei mai. Ka chau tawh bawk nen khum lo awm hmasa berah chuan ka thu nghal a. A thawktu ho an awm lo bawk a engmah pawh ngaihtuah lo chuan ka mu nghal thlawrh a,ka maimitchhing nghal bawk a. Reilo te chawlh hahdam lawk ka ngai ani.
.
Engtia rei nge ka chhin ka hre lo. Mahni khum ni ta lo nanana chu mut hlen thu a awm si lo. Ka mit chu tlem ka han meng a,ka thil hmuh chu.....
.
Priece-a hmai chuan ka hmai chu arawn hnaih tawh hle a,a maimitchhing tlat bawk. Ka meng nghal kawk a,mahse a hmui chuan ka hmui chu arawn si zui nghal a. Min rawn fawp....A hmui chu a nem in a lum ther ther a
.
Second thum vel chu a ral hman ang. Hlauhna in ka khat nghal a,chu veleh rang lutuk in ka tho chhuak thut a,Pierce-a hmaiah tak chuan ka intauh chawrh a.
.
"Ohh.....jeezzzz" ka hmai chu ka dawm nghal a,a na vawng vawng mai. "Eng nge maw i rawn tih le?...Awii....a na lutuk" tihpah chuan ka va melh phei a.
.
Kei chiah chu na tuar awmchhun ka ni lo. A hnar ah tak ka lo tauh chu ni in. A hnar chu a dawm a,a mittui a tling pam bawk a....Karei lehh...a na viau ang. Mahse a nui tlat... nui lui pawh a ni lo. A nui ve tak tak nia.
.
Kei erawh ka in la thutak tlat. Ka nui duh ve thak lo. Ani pawh chu a nui tawp ve lehnghal mai a.
.
"Rawn kaihthawh che ka tum a" thutak deuh hian arawn ti a.
.
"Anih chuan chu chu hun remchangah hman ilo tum ani maw?" ka han ti a,ka aw chu a vin angreng hle a,mahse pawi ka ti lo. Diktak chuan ka hmui hi tuman an la fawp ngai lova,ka hmui virginity min laksak ani.
.
Ka fawh hmasak ber chu ka hmangaih tak leh ka pasal tur ngei ani tur ani ka lo ti ve em em a. Khatiang ang mai mai ni lo khan. Ka over pawh minlo ti maithei,mahse kei chuan thil mai maiah ka ngai ve lo. Ka nu mipa fawh hmasak ber chu ka pa hi ani a,tiang chu ka duh ve ani.
.
"I na em?" ka zawhna pawh chhang ta lemlo chuan arawn ti a. Ka lu ka lo thing ringawt a. Min kaithoh tum chuan a kut arawn phar a,chumi zawh chuan kan thil lei ho chu aman a keng ta vek a. A man a pek zawh chuan kan chhuak nghal a,furniture vel erawh Car a a len ve loh avangin Thawhtan lamah anmahnin an rawn dah ang.
.
Kan thil lei ho chu a Car ah chuan kan dah lut a,chumi zawh chuan eng nge kan tih leh ang? Min chhuahpui ta sa sa thil min eipui te a tum lo emaw ni le?
.
"I ril a tam em?" ka ngaihtuahna a hre thei emaw tih mai tur chuan arawn ti a.
.
"Tam e" ka lo ti ringawt a,mahse ka zak leh deuh.
.
"Chuan ka ti hah che a,a pawi ka ti hlemai. Heng ho hi vawiin a apartment lam a tih fel vek ka duh bawk si a". Ka lu ka lo bu a,Car ah chuan ka lut nghal a.
.
.
Pierce-a chuan a hma ang bawk in ngawi reng in Car chu a khalh a,a reh hian a reh tlawk tlawk a. Min rawn en leh zeuh zeuh thin tih erawh ka hria.
.
"Sa kan i ei chak em?" rei fe a ngawih hnu chuan a rawn ti a. Ka ril a tam tawh bawk nen. 'Sa' hming a han lam chuan ka pum chu arawn ri nghal ruk ruk a,a la ring em em zui lehnghal. Pierce-a chu a lo nui suk a,kei lah ka zak bawk nen tukverh lam chu ka hawi daih a. Ka biang chu a sen nghal tawn tawn a.
.
"Kha tia i sen tawn tawn khan i duhawm lutuk"
.
Karei....tunah phei hi chuan Tomato ka ang tawh viau ang. Chu mi thu kher kher chu ka vawikhat hriatna. Pawnlam chu ka en reng a.
.
"Tawng ve la maw le Olive...i ngawi reng bik a"
.
"Ka be chak rih lo che" ka lo ti hmuk a.
.
"Ngati maw? I la ngaihtuah a mi?"
.
"Ka lawm lo khawp ania. Ngaihtuah nawn tawh reng reng suh.....chuan i thil tih kha hrelo ang in ka awm ang?"
.
"Eng ka thil tih maw?" tihpah chuan arawn nui suk a. Ka thinrimna chu a hrelo der lui tlat a.
.
Urggghh.....ka tap mai dawn in ka hria. Chhan pawh ka chhang peih lo. Kawng chu ka en ngur ngur a.
.
"A lan danah chuan tun hma in i la ti ngailo anih hmel". A aw ah chuan lungawi hliah hliah na hi a ri tel in ka hria.
.
Engtinmah ka chhang lo,ka ngawi reng a. Bakah hetiang hi engmah tawnhriat ka la neilo ani tih chu a hriat kher pawh angailo. Tukverh ah chuan ka dakchhuak leh a. Pierce-a chuan a Car chu a ti ding a,kan en chian chuan Restaurant kawtah kan lo ding reng mai.
.
Ka ril a tam tawh lutuk ringawt. Rang tak in car atang chuan chhuah nghal ka tum a,chu veleh Pierce-a chuan kawngkhar chu arawn lock nghal a.
.
"Tumah i la kiss ngailo ami?" a aw chu a nelawm hlemai.
.
A mitah tak chuan chiang deuh in ka han en a "Eng atan nge i tih a? Chutiang tangkaina engmah i tan a awm lo. Min chhuah tir vat mai teh,ka ril a tam teh ania"
.
"Aw emaw aih emaw in min chhang mai la...zawhna chhan har anih loh chu"
.
"Aw...ka sawi awmzia chu aih. .....khawimaw,rawn hawng vat mai teh"
.
A rawn hawn veleh Car atang chuan ka chhuak nghal a,min rawn fawh avang khan intihtheih viau a tum emawni. Restaurant ah chuan kan lut nghal a,ka riltam tawng khawng tawh vang nge,engkim mai chu a rimtui ta riau hian ka hria.
.
"Engtia rei nge Hugh nen hian in inhriat tawh?" Infawh chungchang sawi lo a thil dang arawn sawi daih chu ka lawm hlemai.
.
"Kum 9 vel ani tawh ang. High school atang kan inhre tan a,khami hnu phei kha chuan......" khai a..duh aiin ka sawi tam tep. Thil zawng zawng chu a hriat ve vek kher a tul ber lo. "Ka sawi awmzia chu....kum 9 kan inhre tawh"
.
"I duh chuan i sawi duh ang ang chu i sawi thei ang" arawn ti a. Kan eitur chah pawh chu arawn thleng chiah a.
.
Pierce-a lah chuan min rawn en ha a,a hmel atang chuan eng emaw hriat chak deuh a nei tih ka hre thei mai. Eng emaw chang chuan kan thil zep tlat te hi sawi chhuah a that zawk chang a awm thin.
.
"Ka nu leh pa te chungchang ania....." ka han ti a. Diktak chuan sawichhuah han tum tak tak hi chuan a la har talh mai
.
"An inneih champha lawm tur in Hawaii ah an kal dun a,kei chu ka Pi bulah ka lo awm thung. Chumi tum chu ka zui loh tum khatna ani". Ka han ngawi leh vang vang a.
.
"Engvang a min hruai ve duhlo nge an nih kha ka hrethiamlo hle a,ka tel lo a an kal daih kha ka thinrim hle bawk. An rawn haw lam chuan an chuan na Bus break a fail a,an chesual ta a,tichuan an pahnih chuan rawn haw tur an awm ta lo ani". Ka thil ei tur chu ka melh ngawr ngawr a,ka riltam na te zawng zawng kha khawiah nge an awm tak ni.
.
"A pawi ka ti hlemai. Zawt miah lo tur che kha ka nia" tihpah chuan ka kut chu arawn vuan a. Eng emaw tak hian ka thla a muang nghal veng veng mai.
.
"A pawilo..ka tha alawm" tihpah chuan ka kut chu ka la sawn vat a.
.
"Hugh-a hi a lo awm hlauh a,ani hian kawng engkimah min pui a,awmlo se lang chuan tun hi ka thleng kher lovang. A ni tih lohah chuan i pa kha kawng engkim a min pui tu ani bawk" tihpah chuan ka han nui lui sak a
.
Kan ngawi dun vang vang a,kan thil ei tur chu hria awm pawn kan lang tawh lo. Tunah chuan saruak a awm ni mai hian ka inhria.
.
"Anih i hmangaih em?" arawn ti a.
.
Ka chhan na tur pawh chu ka lo ngaihtuah chiang lem lo va. "Tehreng mai. Hmangaih e. Ka engkim ania lawm"
.
Ka han en chho a,a hmel chu a dik chiah lo in ka hria. Fork chuan a plate a eitur chu suak in a han ei a,a awmdan chu a danglam nghal riau mai.
.
"I tha em?" ka han ti a.
.
"Aw tha e" arawn ti ringawt a. Ekhai aw....ka chhan dan kha ka lo ngaihtuah chiang miah lo ani. Hugh-a hi gay ani tih a hre awm si lova. Bakah kan inhmangaih dan chu inngaizawng inhmangaih na ang ni lovin unau in hmangaihna ang zawk ani. Ka sawi tur ang ang chu ka sawi zo tawh si a,han pawh let leh ngaihna a awm tawh si lo. Anih chuan Pierce-a hian min duh tihna em ni ang?
.
Kan ei zawh chuan kan chhuak dun nghal a,a tawng tawh mang lo. A apartment lam pan chuan kan inkhalh phei lehnghal a. Kan thil lei te chu ka remfel pui nghal bawk a.
.
Kan tihfel meuh chuan khua pawh a lo tlai in hawn pawh a hun ta hlemai. Ka purse chu la in Pierce-a bedroom ah chuan ka lut phei a. Ka va luh lai tak chuan a kawr a lo hlip mek a. Awi karei.....A taksa chu ka hmu chiang lutuk,a dul leh awm nalh zia kha. A dar lah a hlai tha ropui si.Ka hawisawn nghal vat a,ka sen nghal tawn tawn mai. Ani pawh chuan min rawn hmu nghal a.
.
"Chhuah mai a tha zawk in ka hria" ka han ti a.
.
"La awm rih rawh"
.
Eng a? Chutia a inphelh lai a ka lo awm chu nuam a ti tihna em ni? Inher tur te hian min rawn ti reu reu ange
.
"Tihpalh lutuk. Ka kal phawt mai ang...nidangah ka rawn la kal leh zawk ang. Tunah chuan ka kal a ngai"
.
Chu veleh arawn tlan phei a,ka hmaah tak chuan arawn ding a. Ka hlauhthawn zia mai chu...
.
"La awm rih rawh......zanriah ei nghal la?" A aw chu a nem in ngaihthlak a nuam kher mai. A hmel pawh chu ti tho,a ngainatawm takzet.
.
"Nidangah zawk le" tihpah chuan kal lehnghal mai ka tum a. Tunah rih chuan indan tir ka duh rih lo.
.
Mahse ka kal tur chu ka banah arawn vuan a,ka tek nghal chuai mai. "Zanriah ringawt alawm" a aw chu a thawp sat a. Ka hmai chu a sa nghal ap ap a,ti hi chuan min kal tir hauh lovang
.
"Anih leh le...."
.
"A lo thinrim lo ang chu tiraw?" Ngati nge chu chu min zawh le? Tak a,Hugh-a hi gay anih thu ka la hrilh lo tak e. Ka hrilh ngei chu a ngai dawn anih hi.
.
"Thinrim lovang. Ani te chu......" ka sawi zo hmanlo. Ka tawng lai chu min rawn pawtchat a.
.
"Tha lutuk. Anih chuan rawng kan bawl ange" tihpah chuan choka lamah a lut phei nghal a.
.
Ka hriat tham lek chuan ka rum nghut a. Ka sawi tur kha sawi zawh ka duh asin le. Hugh-a khan a lo sawi dik chiah mai. A thik chiang alawm. A awmdanah a lang chiang lutuk tlat.



CHAPTER -12
.
Kar eng emaw zat aliam ta. Pierce-a nen pawh hnaah kan buai thei hle a,hunawl kan nei thei meuh ngailo. Kum tawp a hnai tan a,tunkum chhung a kan activities ho report siam angai bawk nen,buai vanglai tak meuh meuh ani.
.
Khami tlai atang phei kha chuan zanriah kil tur a min sawm zeuh zeuh a ching ta hle a,zanriah ei pah in a apartment hnawk lai te ka tihfai sak thin. Tunah phei hi chuan a assistant ni lovin a awmpui ni awm zawk tak ka ni. Chhunlamah paper eng eng emaw buaipui in kan tlan nileng a,tlai lamah Pierce-a apartment tihfai ngai bawk. Wilson-a pawh khan tiang em em hi chuan min ti ngailo. Mahse a thih dawn khan a fapa tha tak a lo enkawl sak tur in min ti a,ti hian ka rul let ve ani mai.
.
Hugh-a nen pawh cheng dun reng e ti lo chuan kan inhmu khat ta hle a,nileng in hnaah ka buai a,in ka thlen meuh chuan a lo mu tawh anih loh vek pawh in a lo la haw bik thin lo. Thanksgiving day a rawn thleng dawn tawh a,chumi atan a plan pawh engmah kan la neilo. Ka rilruk dan chuan kum dang a kan tih thin ang tho in Connecticut lamah ka pi tlawh tur in kal leh ila ka lo ti deuh a,nidangah kan tlawh thei bawk si lo. Amah pawn min ngai ve in a eisiam tui tak te kha ka hrechhuak nghal rum rum mai.
.
Chumi ni pawh chu nidang ang tho in kan buai leh hlemai. Buai nak alai in Pierce-a nen chuan kan inhnial mek a. Kei chuan ka chhungte bul a Thanksgiving day hman ka duh thu ka hrilh a,ani erawh chuan heta awm tur in min duh thung. Kan thu a inhmu rem thei lawk lo a,a apartment tifai tur in min duh lehpek tawh emaw ni?
.
"I chet dan hi hriatthiam a har thei ngawt mai. I duh leh i apartment enkawl tu tur midang ruai mai ta che" ka aw ki pawh a sang sawt ta hle a.
.
"Hugh-a nen kher a kal i tum anih kha" a sawi zawng chuan thinrim na avangin a hnar chu a che tawn tawn a. Hugh-a hming sawi lan hi chuan a heti tlat zel.
.
"Eng nge Hugh-a tel ve tur chu a pawi viau na?" Ka thin a rim ve tawh takzet. He pa hi ka hrethiam thei thlawt lo. A pa thlan kan tlawh zawh atang kha chuan tha te te in kan inkawm ve tawh ang chu tihnak laiin ka birthday a Hugh-a nen an inhmuh atang khan a zia hi a dang tlat.
.
"I..-i thik em ni?" ka han ti phawng a. Zawhna khawlh tak pawh ani ngei ang,mahse a thinrimna point tak chu a ruh lang rawt a sawi ka duh.
.
"A awihawm loh lutuk Olive"
.
"Chu ti maw? Anih tinge ti khan i awm vak vak si? Amah ka hlat a i bul a ka awm tam zawk theih nan rei tak tak thleng hna min thawh pui a" tihpah chuan kan han din hnai a. Tlem a chet ngeiawm ve deuh hlek chu ka duh. Hugh-a sawi kha a dik tak tak ang,eng emaw tak sawi tir chu ka duh tlat....chu chu keipawn ka hre chak.
.
A ngawi reng a,a sawi tur a ngaihtuah te pawh ani mahna. Inches tlem te chauh in kan insi lo a,a taksa lum hem hem pawh ka hre pha tawh. "Tun nilaithawhtan ah hian ka chhungte tlawh in ka hawng ang. Ka leave lak tur pawh nangmah ngeiin i tifel tawh. Duh leh i apartment chuan minlo nghak mai rawh se. Pierce...i awmpui ka ni lo ania,duh leh awmpui dang la mai rawh" tihpah chuan ka inher a,confi deuh chuan ka kal nghal a.
.
Mahse ka kal hla hman lo. Ban tha chak tak hian ka banrek ah min rawn vuan nghal a,alam hawi zawng chuan min pawt phei a,ka hmui leh a hmui chu a insi nghal a.
.
Lalpa...Min fawp nawn leh ta.....
.
Hmanhmawh deuh a in kiss kan ang mah zawk. A hmui chu a hnawng chap a,ka mit chu ka chhing riai riai a,ka dawh ve ta tawp a. Min khawihna lai apiang mai chu a hit chuai chuai a,ka thinphu chu a in rawn nghal dawt dawt bawk. In kiss awmzia tak tak chu ka hre ve ta emaw ni dawn le.
.
Ka kawngah a kut pakhat in min rawn kuah a,alamah min pawt hnai sauh a,a kut lehlam in ka biangah arawn vuan bawk a. Tunah chuan ka hriatna zawng zawng te chu an chawmawlh zo a,ka thluak pawn hna a thawk ta lo. A duhthaw tial tial a,a lei pawh arawn lut thuk tial tial a.....mahse hlauhthawnna bawk chuan min rawn luah leh ta.
.
Ka mit chu ka meng kawk a,keipawn ka lo fawp let ve tih ka inhre chiah. Chu veleh ka nam sawn nghal a,ka meng phar awn bawk a. Mak ti leh hriatthiam loh hmel deuh hian min rawn en a,thawk ahan la hak a. A mitmengah chuan itna leh chakna ka hmu thei. Mahse ka hlauthawng tlat.
.
"Ngati nge kha tia min tih a?" ka aw chu a tham tiak a.
.
"Ka....ka hre bik lo" tihpah chuan a tawlh hnung a. A thil tih chungchangah chuan eng emaw tak sawi se ka duh ani. Nge ni a engmah thlenglo ang mai in a ngawi leh reng zawk dawn? . Nge ni a a duh leh a chak zawng tihnan ringawt a min hman a tum zawk?
.
Mahse infawh kha chu a nuam takzet. Disney Princess film ami ang mai kha alawm le.
.
"Oh..." chu zawng chu ka sawi theih tawk. Eng nge a ngaihtuah tih ka hrethiam lova,ani pawh chu a rilru a buai ve hle anih ka ring. Ka tawlh hnung a,inher in a office atang chuan ka tlan chhuak nghal a. Lo kiss let ve kha ka duh reng reng lo,thil atthlak tak ani.....mahse ka ti miau si.
.
Zep thu a chenglo...ka duh alawm. A hmeltha in a ngaihno bei a,mi hneh theihna riau anei bawk. Hugh-a arawn lan atang khan a zia a dang nghal vek a,zep rual lovin a thik chiang alawm. Naktukah Thanksgiving hmang turin ka kal mai tawh dawn a,chumi hma chuan eng emaw tal sawi ve se ka duh ani...thu lawmawm tak ni kher lo pawh nise.
.
Weekend chhung kan inhmulo tur ringawt pawh ka tan chuan thil tawrhhlelh awm tak ani der tawh. Mahse Thawhtan arawn thleng ang a,ani chu engmah thlenglo ang mai in a awm leh mai ang. A tan chuan vawikhat nula fawh mai mai te chu eng tham mah ani ve tlat hleinem.
.
.
.
A tukzing ah chuan Hugh-a nen NewYork chu kan chhuahsan ta a,kan kal tumna hi darkar hnih kal ani a,chhun chaw fak hun lai vel in kan thleng a,hei hi Thanksgiving ka pi bul a kan hman hnuhnung ber ani tawh ang.
.
Bazar ah kan kal lamin zanriah tur kan lei sa nghal a,ka pi leh Hugh-a chuan eirawngbawl lam an buaipui chawt a,kei in hmun lo tihfel leh dawhkan lo rem vel ka khawih thung. Hugh-a phei hi chuan choka ah nanana hi chuan ka puih hi a duh vak lova,a chhan chu thil ka lo ti sukuk vek zel vang ani.
.
.
Motor a chuan pah chuan 90's chho vel a hla kan ngaithla dun a,Hugh an kan tetlai a hla lar ho hi a hran in a dahkhawm tawp a. Hla ngaihthlak pah chuan kan ti ti pah bawk a,kan nui dun nasa bawk bawk hle. Darkar 1 leh a chanve kan tlan hnu chuan kan lo chau ve deuh tawh aniang e,fiamthu pawh kan thawh peih ta lo.
.
Ka rilru ah Pierce-a bawk arawn awm leh ta,ngaihtuah loh ka tum pawn ka thei thlawt lo. Hetah tumah hmelhriat anei lova,holiday chhung zawng a inkhung ngawr ngawr chu a peih bik hauh lovang. Thanksgiving day a a nu tlawh tur in London ah a kal ve ngei ang a,a lo let leh tawh angem le?
.
Ka lu chu ka han thing a,ani ngaihtuah chhuah fo chu ka duh lo,mahse ka mitthla ah min rawn fawp lai te chu alang chiang em em reng mai si. Movie slow motion a an play ang mai hian hmaih lai reng reng a awmlo. Nizan te khan zankhua in ka muhil thei lo. A hmui nem thep leh hnawng chap in a ka hmui a rawn si te kha ka tan chuan thil thar lutuk ala ni. Khatih lai tak a ka taksa hit za chuai chuai te kha...
.
"Thil diklo a awm em ni?" Hugh-a tawng ri chuan min ti harhchhuak zawk a.
.
"Mhmmm...?"
.
"I hmai a rawn sep tawn tawn a. I boss lak ah i v-card i hloh ta ani maw?" tihpah chuan arawn kiai suk a. Hepa hi chuan ka awmdan hi a man thiam zung zung zel. Mahse ka virginity em em chu hloh lo ve,min kiss mai chauh ani.
.
Ka lo nui hawk hawk a...mahse ka kut te chu arawn thlan nghal pup pup a.
.
A hma ai chuan arawn nui zau sawt a "Holy Shit, Vee....i ti tak tak elaw?"
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
"Awi lalpa...a ring tak tak nia" tihpah chuan ka va en a,ka hrilh hma chuan min zawt reng dawn tih ka hria. A chang hi chuan ka ning tlat thin. A thil hriat chak zawng deuh hlek han sawi rik hi chuan hriat ngei ngei a duh tlat zel.
.
"Thil eng emaw chu a thleng chiang alawm" ka ringhlel tlat che tihpah chuan min rawn nuih suk a,Car chu a khalh pah zel bawk a.
.
"Kan in kiss a,chu zawng chu....engmah pawh ani lo" tihpah chuan ka ban chu ka han vai a. Hugh-a chuan min rawn en haw a,a aw ki ring lutuk chuan ka beng a ti na rum rum mai.
.
"Engmah ani lo aa!!! Mi i fawh hmasak na ber anih chu. Eng nge a an? A zei em? Engtin nge a taste a awm? A lei te arawn hawlh lut vel em?......ti teh,sawi ve mai la"
.
Nin hmel deuh hian ka va melh hrawk a,engvang a chutiang em em a hre detail duh nge maw anih le.... "Khalam kha chu kan sawi tawh lo thei angem?"
.
"Oh....vee,eng nge sawi tha ve mai la. Kan infawp tih ringawt te chu a ho emai"
.
"Motor chhungah kan awmdun hlauh a,i vannei lel lawl khawp mai" ka han ti a. Ka sawi mai angai leh dawn anih hi. Tlanchhuah na tur a awmlo.
.
"Ani chuan ka zin chhuak tur pawh hi a remti vak lova,a chhan pawh a apartment tifai tu atan min duh avangin"
.
"Chuan..?"
.
"Chumi chungchangah chuan kan inhnial a,kalsan ka tum chiah tihah chuan ka ban ah arawn man a,a lamah min pawt phei a...chuan min fawp ta a. Chu zawng chu ani mai. Tunah chuan ngawi la,tha deuh khan khalh hle hle tawh rawh"
.
Hugh-a chu a nui vur vur a "Ka ruahman ang chiah in thil a kal" ati sap a. A tawng zawi hle a,ama hriat tham lek a a sawi avangin ka hriat ve atan a sawi pawh a anglo. Keipawh chuan hawisan in tukverh atang pawn lam chu ka thlir dauh dauh a
.
Dar 8 bawr velah kan in chu kan thleng a,zanriah tur buatsaih nan chuan ala hma lutuk. Ka pi hmuh hmasak ber ka duh ani. Chak deuhin in lam pan chuan ka tlan a,doorbell chu ka han hmet a. Reilo te ah kawngka chu arawn inhawng a,min hmuh veleh ka pi chu alo nui sang a. A upa ve ta hlemai. A sam pawh a var chhuak vek tawh a,ka tan erawh ka pi cool tak kha ala ni reng.
.
"Pi...ka ngai lutuk che" tihpah chuan ka han kuah a,a rim pawh hman ami ang chiah chiah tho kha..zing pangpar rim ang mai ani. Tunah chuan ka in ngeiah ka awm ta. Ka tlawh hnuhnun ber atang khan kum khat lai a liam tawh.
.
"Bawihte...keipawn ka ngai lutuk che" tihpah chuan min rawn kuah ve a. Chutah min rawn en a "Chaw i ei tha vak ngailo ami a? I cher riau mai"
.
Ka han nui kar kar a "Ka pi hi chu aw....ka rawn kal apiangin chu thu chu i sawi ve ziah. Zanah chaw ka ei teuh dawn alawm. Lo lungngai reng reng suh,khawvel a ei siam thiam ber ka rawn hruai ania"
.
Ka pi chuan ka hnung a ding Hugh-a chu a han en a "Hugh...i hmeltha telh telh mai ka ti" tihpah chuan ahan nui sang a. Kan va tlawh chu a hlim hle ani tih a hriat hle a,ka chhuahsan atang kha chuan ti hian amah te in a khawsa tawp mai ani.
.
"Ka lawm e Olga...nangpawh i la lang nula hlemai. I upa thei tak tak dawn lo anih hi" tihpah chuan an nui dun hawk hawk a.
.
Kan bungrua te kan dah fel zawh chuan Hugh-a leh ka pi chu zanriah tur vel sawi in an ti ti dun a,kei chu ka room lamah ka kal nghal thung a.
.
Ka room kawngka chu ka han hawng a,high school ka zawh tum a ka chhuahsan lai ang chiah chiah kha ala ni. Engkim mai chu a ngai ngai in alo la awm a. Danglam awmchhun chu a hma ai a a fai daih zawk chu ani. Bungrua a tam lova,ka khum,ka lehkhazir dawhkan leh ka almira te chu an ni mai a. Lehkhabu thenkhat a inhung a,trophy emaw,high school kal lai a dawn chi engmah dawn ka nei lova,bakah high school kha chu ka tan chuan hremhmun ani ringawt. Hugh-a nen kan intawng hlauh kha ka vannei ta ani. Ani hi chu a lar in tu te pawh in an hria ang.
.
Middle school a kal lai in gay anih avang hian chhaih nawmnah a tawk nasa thei hle a,mi tuemaw...a nihna ang ang a pawm thiam tu leh kawm tu a mamawh hle a,chuvang a min rawn pan chu ani reng a.
.
Ka intihfel hnu chuan Hugh-a nen mamawh eng eng emaw lei tur in dawr ah kan chhuak a,kan haw veleh ka pi nen chuan rawngbawl in an buai nghal a,kei erawh chuan furniture leh bungraw ho chu ka lo tifai thung a.
.
Rin ai tak chuan ka ti zo hma a. Ka zawh veleh inchungah chho in ka inbual a,ka inthlak a,ka sam ka tawn a,ka tih thin angin make up tlem ka inhnawih bawk. Dar 6 alo ri ta der mai. Dawhkan buatsaih a hun vel chiah...
.
.
Doorbell chu a rawn ri ral ral a,rang takin kawngka chu ka pan nghal a,Hugh-a chhungte pawh zanriah rawn kil tur in kan sawm tel a,an rawn thleng tawh ani ngei ang. Kawngka chu ka va hawng a,an chhungkua chu panga lai an ni a
.
Hugh-a pa chu khabe hmul nei,nelawm hmel zet hi ani a,a nu chu Caroline-i ani a,chu bakah Hugh-a u Hunter-a leh a nupui Katie leh a fanu Emma te nen. An chhungkua hi mifel tak vek an ni a,tumah reng hi nel loh ka nei lo. An ni pawn an chhungkua mi ang mai in leh an fanu ang mai in min en a.
.
.
Zanriah kan kil tlang a,kan hlim dar dar hle mai. Kum khat zet inhmu tawhlo kha Thanksgiving day ah kan han inhmu khawm ani a,sawi tur lah kan ngah tlang hlawm a,nuih na tur pawh a tam hlemai. Ka rilru ah Pierce-a lam reng reng a lang hman lova,engkim mai chuan arawn luahlan vek hi ani mai.
.
"Hey..Olivia" ka han hawi phei a,Hunter-a chuan min lo nuih ver ver a "Wine kan rawn ken che u a,khawiah nge kan dah ang?"
.
"Khawi..ka lo la ang" tihpah chuan ka han lak sak a,ka la chiah chu a sen nghal tawn tawn a. "Ehe...a lai vel nia"
.
"Chu chu alawm....ilo chhelo tawh lutuk a. Tiang hian i chhelo dawn tih lo hria ila Kattie hi ka nei miah lovang mawle" tiin fiamthu a han thawh zui nghal a.
.
"HUNTER..! "Ka han vin hrawk a "Kattie hian a hlap hrep mai ang che. I ngam loh em kha" ka han ti a,kan nui dar dar a.
.
Wine chu chaw ei dawhkan ah ka va dah a,living room lampan a let leh ka tum lai mek chuan doorbell arawn ri a.
.
"Kan hawng ange" tihpah chuan kawngkhar lam chu ka pan nghal a. Kawngka ha han hawng chiah chu ka meng phawk nghal hraw mai. Ka awih theilo...Ka hma zawn a ding chu ka ringhlel lek lek hial mai



CHAPTER -13
.
Ka hma zawn a ding Mr.Henderson-a chu ka en reng ringawt a. Kan thenawm lawk a awm ani a,ka pi nen hian thian tha tak an ni bawk. Zah hmel deuh chuan a ding reng a,rose bawr hi arawn keng bawk a,engvang a lo keng nge anih tih ka hrethiamlo hlemai.
.
"Hi Pu Henderson....ve teh mial che chuan" tihpah chuan nuih luih hram ka han tum a,mahse ka hrethiamlo hmel chu ka thup tak tak thei chuanglo.
.
A lukhum parh khum chu la thla in a awm ah ahan dah a,nelawm tak hian arawn nuih seih a. "Olivia...kan inhmu leh chu ka lawm hlemai. I pi in zanriah kil tur in min sawm a,a hrilh ve lo che anih dawn chu le"
.
"A ho lutuk...rawn lut rawh" tihpah chuan kawngka chu ka han hawng zau a. A lo kal ve ka rin loh lutuk a leiah ka lo chhawn dan pawh a nalh lo hlemai. Ka rindan chuan chhungkaw chaw eikhawm kan nei ang chu ka lo ti a,mahse kan tam belh dawn ta anih hmel.
.
Living room lamah chuan kan phei dun a,ka pi in arawn hmuh chuan a hlim ngei mai. "Ed...i lo thleng ta ani maw?" tihpah chuan a lo nui awr awr a. High school hmeichhe naupang hlim tak a an nui awr awr hi a ang ber.
.
"Rose ka lo ken che a bawihi" tihpah chuan Mr.Henderson-a chuan a rose ken chu ahan pe a,ka pi chu a lai ve ngei ni tur ani. A sen nghal tawn tawn a
.
"Ohh...tiang rawn ken kher angailo asin. A mawi hlemai...ka lawm lutuk" tihpah chuan rose bawr chu a la a,ahan hnim vang vang a.
.
"Pi...?" Ka aw ki chu a vin lek lek a,ka thil hmuh zawng zawng chu ka hrethiamlo ani. Ka pi chuan min rawn en a,engmah ka la hrelo ani tih chu a hrethiam nghal mai a. "I sawifiah ngei chu angai ang" ka han ti a.
.
Engthil avang mah chuan ka thin a rim lova,mahse ka pi leh kan thenawm pa chu an inngaizawng tihna em ni? Ka pi chuan inthiamloh hmel deuh hian min rawn en a "Nia bawihi...i birthday alo thlen hunah engkim ka hrilh ang che ka ti ania...mahse ka zep zo ta lo anih hi" ati chuai raih a. I fanu in tlangval a date lai va phawk ta la,tiang ang chiah chu ani.
.
Ka han nui hak a "Awi leh....mak ti in ka tlu mai dawn alawm. A lawmawm hlemai. I hlim chuan kei chu ka hlim ani mai" nui pah in ka han ti a
.
Pu Henderson-a chuan mak tih hmel leh lawm hmel deuh hian min rawn en a. "Ka lawm e Olivia...ka tiam a che. Tha tak in ka lo enkawl ang"
.
"Nang ai a tha an awm chuang nang" tihpah chuan ka va nuih a. Ka hria alawm Pu Henderson-a hi mitha tak ani tih. Bakah ka awm tawh loh hnu a ka pi in amah enkawltu tur mi tha tak a tawng chu ka lawm takzet.
.
"Arsa ka siam zo e" Hugh-a chuan arawn ti a.
.
Kan vai chuan dawhkan chu kan kil thap a,Hugh-a chuan arsa tui hmel zet chu dawhkan laiah tak chuan a rawn dah a,a tuihmel in a rim ringawt pawh chuan chil a tiput hle mai. Chutih lai chuan doorbell arawn ri leh a. Tu tak chu ni lehpek ang maw?
.
"Midang rawn kal tur an la awm ami?" ka han ti a,an vai chuan min rawn en thap a,a ngaihna vak an hriat hmel bik lo. Huh...Thanksgiving day ania lawm le...thenawm te atang zanriah rawn kil ve chak a rawn kal tum an awm a ni ang.
.
Kawngka hawng tur chuan ka phei nghal a,ka hawng chiah chu mak ti in ka meng phawk nghal hraw a.
.
"Pierce....?" Awi karei...ka mumang ani zawk hial em?
.
"Hey..." tihpah chuan arawn nui seih a,a pheikhawk lam chu a en lehnghal daih a. Ka zak chem chem mai...sawi tur pawh ka hre lo. Rei vaklo chu kan ngawi dun reng a,ka thluak te chu an chawl vek a,ngaihtuahna reng ka hmang theilo. Helai a lo kal ve tur hian ka sawm hauh lo a,a rawn kal tur ani lo asin.
.
Engtin nge kan in awmna te arawn hriat theih zawk? Awle....tunah chuan ka thluak ka hmang thei tan ta e. A hmasa berah chuan helai hmun atanga ka pet chhuak thei lo anih pawh in ka hnaihah a awm tur anilo. Darkar hnih ngawt a rawn thang a,chutih anih chuan Thankgiving day hmanpui tur a neilo ani ngei ang. Ngati nge midang tam tak an awm lai a kei kher min rawn pan?
.
"Pierce,i lo thleng ta elaw.." ka hnunglam atang in ka pi chuan arawn ti a. Ka phu nasa lutuk chu ka thlawk lo chauh ani. Ka pi chu ka han en nghal a,engtin nge a hriat? Vawikhatmah an la inhmu awm tawp si lova....tiang hi chuan a dik dawnlo tawp mai. Anih chuan engti tur a rawn kal nge anih?
.
"Zanriah pawh kan peih tawh e. Lo lut rawh" tihpah chuan ka pi chuan Pierce-a banah chuan a vuan a,choka lamah a hruai phei ta mai a. An hnungah chuan ka zui phei ve a,thil awmdan hi ka hrethiamlo tawp mai. Dinning table kan thlen phei chuan Hugh-a chu ka en phei nghal a,ka pi in a Pierce-a arawn hruai lut chu mak a tih hmel hlemai. Hrethiam lo tak hian min rawn melh haw a.
.
Mitmei chuan kan inbia a
.
"Eng nge hetah arawn tih dawn a?"
.
"Ka hrelo. Ka pi hi zawt mai rawh"
.
"Eng a?"
.
Hmui phun chuan "Nakinah" ka han ti a,a rawn bu hmuk a. Ka pi chuan Pierce-a chu a bulah a thut tir a,a bul leh chiah chair chu a ruak a,a piah leh ah Hugh-a a thu a. Chulai chiah chu thutna awl awmchhun ani. Chulaiah chuan ka thut ngei a ngai bawk....Lalpa lehh.
.
Ka pi leh Pierce-a chu an titi dun mawlh mawlh a,a landan chuan thian tha leh inkawmngaih tak an ang mah zawk. An bulah chuan ngawi rengin ka thu a,kawngka ka va hawn a min rawn biak bak kha min la be leh miahlo.
.
"Wine hi ka va lak belh ang e" tihpah chuan ka thutna atang chuan ka tho a.
.
"Ka va pui ange " tihpah chuan Hugh-a pawh chu arawn tho chhuak a,choka lamah chuan min rawn zui ve nghal a. Chutah chuan tuman min rawn hmu pha lova,tumah lah in kan tawng an hre pha heklo. Hugh-a chuan chhanna eng emaw a beisei ngei ang le
.
"Eng vangin nge alo kal ve a?" arawn ti nghal a.
.
"Ka hre bik lo" ka lo ti a. "Bakah ka pi nen a an inkawm dan te kha engmah ka hrethiam biklo"
.
Hugh-a chuan a hmai chu ahan tuai a,eng emaw hi a ngaihtuah vung vung a,chutah arawn nui chhuak suk a "A nuam dawn riau mai....."
.
"Hugh...Pathian hming in..engthilmah ti suh..". Chiang tak in ka en a,ka tawng pawh chu a sehchilh hlemai.
.
Lo inrawl lo se ka duh a,ngeiawm deuhin a che ang tih ka hlau ani. A chhan chu kan pahnih inkarah engmah ala awm bawk si lo. Duh chu ka duh alawm...mahse thenkhat hi chuan an duh deuh te hi an nei kher dawn tihna ani chuang lo.
.
Ngati maw?
.
A chhan chu ka zia a dang bik em alawm. Keimah hrim hrim hi boring chi ka nih avangin lo ni pawh ni ila relationship boring tak bak ka thlen lovang. Bakah ka hmeltha lova, talent engmah ka neilo bawk. Hobbies ka nei lova,mahni a awm hi nuam ka ti ber. Movies en leh blanket hnuai a tawm mai mai hi nuam ka ti a,midang nen a inpawh tak a nun hi ka ti mi velo. Keimah ka ni tawp mai..Olivia Bailey-i, Mr.Pierce Alexander-a Personal assistant
.
"Oh...hahdam rawh. Engthil mah ka ti dawn hleinem" tihpah chuan min rawn en a.
.
Wine um chu ka pe a,choka atang chuan kan inzui chhuak dun leh a. Kan thlen phei veleh kan thli dun nghal a. En loh hram ka tum nangin ka hawi zawng chuan ka va hmu fuh ta tho mai. Minlo en reng a,a mitmeng atang chuan a lungawi loh hmel khawp mai. Thinrimna riau anei aniang
.
Zanriah kan kil zawh pawh chuan hlat dan ngawt ka ngaihtuah a. Thleng chu seng khawm in ka sil nghal a.
.
Thleng chu ka nuai mawlh mawlh a,mahse ka piah lawk kawngka bulah chuan ka lamhawi in mipakhat a ding ani tih chu ka hre reng mai. Ka lampan in arawn la phei zui. A awm ve tih ka hriat ringawt pawh chuan ka ipik lutuk hi ka puak darh dawn mai in ka hria.
.
Min hnaih chat chuan arawn ding a,ka nghawng bulah chuan arawn thaw lum ham ham a,ka hnungzang thla leh ka thling zawng zawng mai chu a hit za thla nghal mur mur a. Kan taksa leh taksa a insik lohna chu inches 1 vel bak ani lovang.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
Engtinmah ka chhang lova,biak pawh ka be lo. Ka thleng sil lai chu ka chhunzawm mawlh mawlh a. Ka sam chu arawn keu a,a hnar chuan ka nghawng chu arawn si a...chu veleh ka phu zawk a,ka thleng ken lai chu ka thlauh ri bawl a. Mahse a keh lo hlauh...
.
"Ka fawh che avang khan pawi ka ti lutuk" ka beng bulah chuan arawn ti ser ser a "Mahse ka inchhir tihna ani chuang lo"
.
"Eng nge hetah i rawn tih Pierce?" ka han ti a,ka thaw a chham mai dawn in ka hria. Inhmachhawn in kan ding dun a. A kawr ban chu hlim chho in ka thleng silna tui chu arawn zen ve a,a ngaihna ka hrelo hlemai.
.
"I pi ka rawn phone a,rawn kal ve ka dil mawle" ati sam et a. A hmelah lah chuan han inthlahrunna hmel emaw hmuh tur reng a awmlo.
.
"Tinge kei kher?"
.
"Helai a ka lo kal ve chu i lawm vak nange?"
.
Ngati nge engkimah hian a ngeiawm em em zel mai le..
.
"Chutiang pawh anilo...." han sawi dan mai tur pawh chu ka hrelo. "Helai a i rawn lang deuh thut kha a mak em alawm" tihpah chuan ka hawi sawn a,ka thleng sil lai chu ka sil chhunzawm nghal a. A rawn ang zuau a,eng emaw tak chu sawi a tum ani ngei ang..mahse a ngawi leh daih a.
.
"Ka lo pui ang che" tihpah chuan thleng chu min silpui ve nghal a.
.
Kan sil zo thuai a. Kan hruk ro leh vek zawh chuan living room lamah kan inzui phei a. Midang ho chu Hunter-a thil sawiah chuan an lo nui dar dar a. Hugh-a chuan min lo melh ha a,eng emaw choka ah khan ti turah min ngai anih hmel.
.
Zan pawh chu pangai tak in kan hmang chho a,kan titi a,ka pi chuan kan tet lai chanchin te a sawi a,kan nui tlang dar dar a.
.
Pierce-a awm ve reng chuan ka awm a ti nuam vaklo. Ka naupan lai chanchin te lo ngaithla tu tur atan chuan ka duh tehchiam lo. Chu a hnek in ngaihnawm a la tih hmel em em mai lehnghal.
.
Min fawp kher kher lo selang chuan tiang ngaihdan hi ka nei kher lovang. Tunah lah kan in ngeiah a awm ve ta reng chu a nia...tunkar chhung ringawt pawh hian ngaihtuah zui tur min hnutchhiah tam ta hlemai. Nia....infawh kha chu thil thleng palh ve mai ani. Engmah ani lo tiin ka inhnem mawlh mawlh a.
.
Zan a rei tan ta. Hugh-a te chhung leh Pu Henderson-a te pawh chuan haw an tum hnai tan a. Kan in mangtha a,naktuk a inhmuh leh intiam chungin kan inthlah liam a,tunah chuan an haw zo ta. Mahse Pierce-a erawh chu ala haw ve ta chuang lo.
.
Zah pawh ka dawn tawh lo. "Tinge i haw ve dawnlo em ni.....Ka tih awmzia chu i apartment ah emaw?"
.
"Pi Olga in weekend chhung cham ve tur in min tia" arawn ti ta mai a. Min rawn la nuih suk zui. Ka awih lo lutuk chu ka nui ve ringawt a....engtin nge chutiang thil chu a thlen theih? Engkim mai hi a kal khawlo zo ta vek anih hi.
.
"Ka lo kal leh vat ang. Lo awm rawh" tihpah chuan inchung lamah ka tlan chho nghal a. Ka pi room chu ka han kik a,min rawn chhan hnu chuan lut in kawngka chu ka khar nghal a.
.
"I ti tak tak em ni?" Ka pi lak a ka thinrimna chu ka thup seng tawhlo. Tunah chuan kan pahnih chauh in kan awm ta bawk a...Pierce-a hi haw vat se ka duh ani.
.
"Engah chuan maw bawih-i?" tihpah chuan ka lam arawn hawi a. Ka thimrimna chu up beh hram hram ka tum a.
.
"Ngati nge Pierce-a khu heta cham ve tur in i tih a?"
.
"Olivia,he khua ah hian tumah hmelhriat anei hleinem. Hotel a man chawi a riah ai te chuan hetah mikhual pindan tha tak kan nei tho alawm. Thanksgiving day anih hi" . Ka pi hi chu mi rilru tha ngang hi ani a,sawi aia thil tih a che chi ani. Amah a awm tur in ka hnutchhiah tawp kha ani a
.
"In lo inhriat ngawt dan pawh hi ka hrelo e a" tihpah in khumah chuan ka thu thlawrh a.
.
Ka pi chu alo nui suk a "Min rawn phone a,he khua a hmelhriat a neih loh thu te,amah chu Wilson-a fa neih awmchhun anih thu te arawn sawi a. A tan London a kal a buaithlak avangin nangmah tlawh che phalsak tur in min rawn dil a. Kan inbiak fe hnuah ka phalsak ta a. A hmel a tha in a nelawm em em mai lehnghal. Engtia rei nge in nih tawh a?"
.
"Maw? A teuh lo....chutiang engmah a awmlo" rang tak in ka lo tinghal a
.
"Umm....mipa fel leh tha tak ani in ka hria. I tan a mipa tha tak tur. Tunah chuan nangmah duat tak a enkawl tu tur che hi i zawn a hun ve tawh ani" tihpah chuan ka kut arawn vuan a,ka mitah chuan chiang tak in min rawn en a.
.
"Ka pi...chutiang ngawt ani hleinem. Kei te chu a mi duh chi ka ni reng reng hleinem" tihpah chuan ka han nui a.
.
"Anih nang in i duh em?"tihpah chuan min rawn nuih a.
.
"Duh lo" tihpah chuan a chal ah ka fawp zeuh a "Mangtha le" tiin ka chhuak nghal a. Pasal neih leh fa neih chungchang a lecture min pek vak hma a chhuah daih chu ka duh.
.
Living room lam a ka va phei chuan Pierce-a chuan TV alo en a. Min hmuh ve leh chuan "TV en hi chu i ngaihdan ani lo lem lo ang chu maw" alo ti a.
.
"I duh duh kha en rawh" tihpah chuan thutthlengah chuan ka thu ve a. Mahse kan in thut hlat kher mai
.
TV chu ka melh ve reng a,mahse eng nge chhuak tih pawh ka hre lo. Ka pi thusawi chu ka rilru ah a awm reng a,min enkawl tu tur chu ka mamawh ve tak tak tawh em ni? Mahse chhungkaw tha tak ka nei a,englai pawn ka ban theih tur in an awm reng alawm le. Ka nun a mithar han lakluh chu ngaihtuah pawh ka ngaihtuah ngailo.
.
Ka nu leh pa an thih hnu atang phei kha chuan ka nun hi a danglam lehzual a,leirawhchan in hung chhung a cheng ang mai ka ni. Chu leirawhchan chu tunthleng hian Hugh-a chiah in arawn la kal tlang thei. Ani tih loh hi chu tumah hruai luh rih pawh ka tumlo. Bakah mi rin hi ka thil harsat ber te zing ami ani.
.
Ka nu leh pa te khan engkimah min enkawl tha em em a,mahse kei erawh in ka enkawl let ve hman ta si lo. An lakah khan ba ka nei a,chu chu ka tlak hman ta si lo. Khata tang phei kha chuan keimah chiah ka inngaihtuah a,ka hma hun tur chiah ka ngaihtuah thin. Mahni hmasial thlak hlemai....mahse mahni mai hi chuan kan lo kim lova,tu emaw kan lo mamawh vek chu anih hi
.
Naktuk chu an thlan va tlawh tur ani....kum khat dawn ka tlawh ta lo
.
"Olive...?" Pierce-a chuan nelawm deuh hian arawn ti a.
.
Ka ngaihtuahna khawvel atang chuan ka harhchhuak hlawl a "Mhmmm..?"
.
"TV ka off daih tawh alawm. Mahse i la melh char char bawk sia" tihpah chuan arawn nui a.
.
Khai aa...."Oh...chutia law" tihpah chuan ka tho a,mut a hun ta viau mai. Mahse ka kal tur chiah chu ka banah arawn vuan a.
.
"Khawiah nge i kal dawn?"
.
"Khumah aniang chu.."
.
"Lawk..."
.
Kan in en ran a,a hma a a thil tih ang kha tih arawn tum leh ang tih ka hlau kher mai.
.
"Pi Olga-i khan nangman ka room tur min kawhhmuh tur thu min hrilh a". Chu thu arawn sawi chuan ka thaw huai mai.
.
"Oh....inchung lamah khian ania. Min rawn zui rawh". Inchung lamah chuan kan inzui chho a.
.
Mikhual room lam chu ka pan pui a "Helai hi bathroom ania" tihpah in ka han kawhhmuh zung zung a.
.
A awmna tur ka hrilh zawh chuan ka room lampan in ka phei nghal a. Mahse Pierce-a chu lut ta mai lo chuan ala ding reng a,ka luh fel phawt a nghak aniang. Hawi let in kan nuih seih a "Mangtha le"
.
"Mangtha le Olive"
.
Kawngka chu ka khar a,thawk ka han la hak a. Hetiang em em a a awm hi chu ka lo beisei lo asin le. Khumah chuan bawk in vawiin a thil thleng te chu ka han ngaihtuah let a,ka beisei phakloh vek an ni.
.
Mahse ka rilru chhungril takah chuan tunah tak hian Pierce-a chuan min rawn kuah se,min rawn fawp leh se......chu chu ka thil chak ber erawh ani lawi si.



CHAPTER -14
.
Ka zun chhuak chuan ka muttui lai chu min ti harh a,ka khum atang chuan in beng kang in ka phone chu ka han ti eng a. Zing dar 6 chauh alo la ri a,ka thawh hun atan chuan ala hma mah mah anih hi. Mahse thawh ngei ngei erawh ka ngai. Bakah ka tan chuan a hun chiah chiah zawk ani. Pierce-a pawh ala muhil ngei ang a,a rawn harh hma a ka intihfel hman chuan nileng in ka pumpelh tihna ani mai.
.
Bathroom ah lut in tuilum chuan ka inphuh tir seng seng a. Inthlak in ka leggings dum chu ka ha a,ka kawrlum fual a ha bawk a. Pawn lam chu a vawt tan tawh hle a,thlasik pawh a hnai ta hlemai. Ka boot uk chu ka bun a,thawm dim te in ka bedroom kawngkhar chu ka hawng a,ka chhuak ru ta zal zal a.
.
A reh hian a reh thuap a,ka pi leh Pierce-a te chu tih harh loh hram ka tum avang chuan rah chim hlauh hmel tak in ka kal dem dem a,inhnuai ka thlen thlak chuan ka thaw huai mai. Mahse kawngkhar piah lam a tawng ri chuan min tiphu nasa lutuk.
.
"Khawiah nge i kal dawn a?"
.
Rang lutuk in ka ding lam chu ka hawi phei nghal a. Choka kawngkhar ngheng chuan Pierce-a chu alo ding reng a,coffee no alo dawm khu hlat hlat bawk a,sweatpants vutbuak rawng a ha a,t-shirt var a ha bawk. A thawhna ala rei biklo tih hriat tak in a sam chu a la pheng ve hle a. Mahse a inhmeh phian....a lang tha daih zawk.
.
"Pawnah" ka ti chhum hmuk a.
.
A no ken chu dawhkanah a dah a,ka lampan chuan arawn phei a. Kei erawh ka din na ngaiah ka ding reng a.
.
"Vawiin chu khawpui chhung hi min fan pui la" tihpah chuan arawn nui a.
.
Chutiang a a nui lai chu ka hmu khat hlemai. A nuih pah chuan a biangsum a lang seih a,ka nalh tih chi tak lehnghal. A lan dan engkimah hian han sawisel tur lai engmah ka hrelo. A inmeh fai phei hi chuan a chhelo lehzual.
.
"I inmet fai dawnlo ami?" ka inrinlawk hma in ka tawngchhuak ta phawng mai. Ka sawi hma ka van ngai nghal em.
.
"Maw...?"
.
"Uhh....eng chu maw?"
.
A hmui chu nui tur awm deuh hian arawn che tial tial a,chutia ka inthlahrung leh lutuk chu a lawm zawk mah te pawh ani maithei.
.
"Kha ti khan min en reng lo la" a la nui reng tho a. Zahna avangin ka biang chu arawn sen nghal tawn tawn a. Chutia min rawn tih takah chuan ka lo en reng ani tih ka inhrechhuak chiah.
.
"A tha alawm" tihpah chuan ka kal pel nghal a. Mahse ka kut chu arawn vuan a,ka darah chuan rawn vuan in a lam hawi chuan min dawm bet a.
.
"Ka lak atang a tlanbo dan ngawt hi ngaihtuah lo teh" tihpah chuan a nui sang a.
.
"Chutiang ka ti lo reng reng". A sawi dik chiah...i ti chiang alawm.
.
"Vawiin chu khawiahmah i kalsawn bik lovang. Chu chu kan inremsiam na tur" tihpah chuan a aia mawi in arawn nui a. "Ka han inthlak lawk ang. Min lo nghak lawk la?"
.
"Awle...." ka aw te chu vur a hmeh khawng vek ang mai ani. A ri thei chang chang chauh a. Min vawnna chu a thlah a,inchung lamah a chho nghal a. Ka la dam em? Ka la thaw tiraw? . Boruak chu ka han hip lut vang vang a,nuih luih hram te chu ka han tum a.
.
Tlanchhuahna a awm thlawt lo. Thutthlengah chuan ka thu hnawk a. Eng emaw eitur ka duh.
.
Minutes 20 hnu velah chuan arawn pen thla ri ka hria a,ka hawiphei nghal vat a. Karei.....rangkachak lalpa ani hial ang a? Inbual zo hlim tih hriat tak hian a fai sar a. Leather jacket uk a ha a,chu mi mil chiah chuan T-shirt a ha bawk a. En reng mai chu ka duh,mahse kan kal angai si.
.
Riltam na chuan min zem riai riai reng a. "Tun hi fashion week ani lo ania. Kal ang" ka han ti deuh hmuk a,kawngka lam chu ka pan nghal a. Pierce-a pawh chuan ka hnungah min rawn zui ve nghal a.
.
"I sawi danah ka lang tha i ti ani maw?" arawn ti a,a tawng danah chuan min fiam tum a ang mah zawk.
.
"Oh....khawngaihin" chunglam chu ka han melh a,mahse nuih erawh ka insum zo ta chuanglo.
.
Vawiin chu a danglam takzet ani. A pa thlan kan tlawh tum a a mize mawi tak ang mai kha niin ka hria. A nui reng a,rawlthar hlim tak ang mai in.
.
"Breakfast kan ei dawn ami niang?" arawn ti a.
.
"Ei lam te chu ka harsat hleinem" ka lo ti a.
.
"Anih chuan....khawiah nge kan ei ang?"
.
"Sawilai deuhah sawn dawr tha deuh chu ka hria. Ka naupan lai pawn ka ngaina thei lutuk,nang pawn tui i ti ngawt ang. Vawikhat i chawl tawh anih chuan i zawngchhang dawn chiang sa" tihpah chuan ka nui a. "Mahse i duhna hmun hmun ani mai"
.
"Hnial ngam pawh i nih tawh loh chu le...i tihna hmunah chuan ani mai" tihpah chuan arawn nui a.
.
Tichuan ka restaurant ngainat ber lam chu ka pan pui ta. A bik takin an strawberry milkshake siam hi tui ka ti takzet.Waffles leh sausages bakah coffee kan chah tel bawk a. Hun reitak hnuah helai hmun a an thilsiam ngei chu ka ei leh thei dawn ta.
.
Ngawi reng chuan breakfast chu kan ei dun a,eng emaw chang chuan kan han titi leh zauh thin a,eng nge a sawi duh zawng tih ka ngaihtuah chhuak thiam tlat lo ani. Eng eng emaw zawh chak deuh deuh chu ka nei tho a,mahse mimal thil lam anih hlawm avangin min chhan that duh ka ring bawk si lo. Kan khawvel chim chin in ang loh lutuk a leiah ka bo hu mai. Eng emaw kan titi rual theih deuh tur ka sawi loh chuan
.
"A dawtah khawiah nge min hruai leh ang?" arawn ti a.
.
"Thlanmual ah" tihpah chuan ka han en chho a,a hmel awmdan chu ka hmu duh ani. Bakah thlanmual a kal chu a peih tawp lovang,a peih loh leh ka tan a tha hlei hlei."Vawiin chu ka nu leh pa te thlan tlawh ka lo tum a" ka han ti a.
.
Chu veleh ka kut chu rawn vawn pah in a nui a "Ka lo kal ve ang. Keipawn hmuh ve ka duh alawm" arawn ti a.
.
"I lo kal ve ang maw?" mak tih hmel deuh chuan ka en hu a,chulai hmunah kher kher a arawn kal duh chu ka ring lo ani. Ka kut lah chu a vuan nghet sauh a,a hum lum veng veng mai.
.
"Nichiang e...ka lo kal ve ang".
.
Thlanmual chu a hla lem lova,kan thlen phei hma in pangpar dawrah ka nu leh pa thlan a dah tur Lily kan lei phawt a. Pierce-a pawh vawiin chu a zaidam takzet.
.
Ka kut chu englai pawh in a vuan tlat reng a,tiang a ka kut vuan tu hi an la awm ngailo. Hemi phenah hian thil a awm nge niang a,ka nu leh pa thlan a ka kal tur min thlamuan zawk na ni ang?
.
.
An thlanlung bulah chuan ka pangpar ken chu ka dah a,chumi pah chuan an thlan chung a hnahthel awm te chu ka han hui kiang a. Ka mittui chu arawn hnam nghal a,mahse ka hnungah Pierce-a a din ve reng avang chuan ka insum hram hram a. Pierce-a a awm ve reng tih ka ngaihtuah chhuah chuan ka zak leh hnuhnawh hlemai. Mahse Pierce-a pawh chu ka lamah arawn phei a,ka bulah chuan arawn thingthi ve a.
.
"Hi.....Olivia nu leh pa te u. Ka hming chu Pierce-a ania,vawiinah Olivia-i rual in ka rawn kal ve a. Ka rawn hmu thei che u hi ka lawm takzet ani" tihpah chuan min rawn en a,min rawn nuih a. Ka thinlung zawng zawng hi a tuiral nghal vek ni hian ka hria. A van duhawm in avan ngaihnawm em. Oh...Pierce,eng nge i tih tak mai le?. A ngaihna hrelo deuh chuan ka en reng ringawt a,sawi tur pawh ka hrelo.
.
A sawi chhunzawm lehnghal a. "Ani hi chu rawn ngaihtuah reng reng suh ang che u. Ka bulah a awm a,tha tak in ka lo enkawl ang"
.
A tawngkam thlamuan thlak tak avang chuan ka thinlung chu a nghing dawt a,ka awm chhung zawng zawng chu a inhnawh nghal up up a. Khawi atanga rawn kal nge pawh ka hre chuang lo,mahse ka hlauthawng ani. "Pierce.....eng nge i tih hi?" ka aw chu a zawi hlemai,a ri chhuak pawh in ka hre lo.
.
A thusawi chu Wilson-a hnen a ka sawi dan nen kha chuan a in anglo takzet. Kei chuan Wilson-a hnenah khan a thih dawn a min chahna avangin a fapa kha enkawl ka intiam a. Mahse Pierce-a thusawi erawh thian inkar mai aia thuk zawk daih ani.
.
"Olivia" tihpah chuan a tho a,ka kut chu rawn vuan in min kaitho ve nghal a. "Kha thil kha sawi ka duh ani"
.
Ka hrawk chu a ro nghal huam huam mai. Chu chu vawikhat ka hming tak a min koh na ani.
.
"Nang hi i damlo em ni zawk?" tihpah in a pang chu ka han dep a,Pierce-a chu alo nui a.
.
"Eng emaw tak zawng chu inih hi" arawn ti a
.
"Chu chu eng i sawi tumna nge?"
.
Ka chalah chuan arawn fawp zeuh a,ka zawhna pawh chhang ta lo chuan "Tikhan i nu leh pa te nen khan inhmu rawh u. Chuan i zawh hunah gate pawnah sawn ka lo nghak ang che"
.
Ka lo nui suk a,a kal liam lai chu ka thlir reng a

Thlan chungah chuan ka thu leh a. "Ka nu..kha pa,tun a inhmuh tak kha ka boss thar anih kha. Wilson-a chu tunah chuan hmun nuam takah a awm tawh ngei ang a,chuan nangni nen pawh in inhmuh tawh ngei ka ring. Ani chu a hai theih loh....a thawm hi a na ve hrim hrim a,mahse a ngainatawm lutuk." chu thil ka ngaihtuah chhuah zawng chuan ka nuichhuak hak a. Ka nu leh pa leh Wilson-a chu an inhmu anih vek chuan an hlim khawp ang le. Wilson-a lah a tawng duh ropui mai si.
.
"Kei chu ka tha ania..min lo ngaihtuah reng reng suh ang che u. Ka hmangaih che u...chuan nitin mai hian ka ngai thei lutuk che u ania" tihpah chuan ka maimitchhing a. Thli thaw chuan ka sam chu arawn chhem leng der der a,hnahthel te chu a chhem ri sang sang a. Chutih lai chuan ka nu leh pa in a min kuahna....lum ther ther thin chu ka ngaihtuah chhuak a. Ka hmai thlifim in a arawn chhem hauh hauh te chu min fawhna ni mai in ka hria. Chung ka ngaihtuah chuan ka nui ver ver a
.
.
Ka thutna atang chuan ka ding a,ka thawmhnaw a hnahthel kai te chu ka beng fai a. Tunah chuan rilru rit tak chung in ka nu leh pa thlan chu ka kalsan alo ngai ta. Mahse an thlan ka va tlawh tal a,chu chuan ka thawpikna zawng zawng erawh a ti veng hawk mai.
.
Thlanmual hung pawnah chuan Pierce-a chuan min lo la nghak reng a,ka va hmuh chuan eng emaw ngaihtuah nei a ang hlemai.
.
A awmdanah min hmu miah lo tih ka hria a,chu veleh va barakhaih ka duh ta. A hnunglamah chuan dim te in ka phei dem dem a,ka ding hnaih tawk ta maw tihah chuan a hnungah tak ka va nam ta thut a.
.
A ni lo ding nghet lo....kei in ka nam na bawk nen. A rawn inher a,ka kut chu arawn vuan a,chhuatah tak chuan a tlu thlawrh a. Ka kut arawn vawn avang chuan min pawtthlu tel a,hma zawng tak chuan ka bawh ta siah mai a. A intauh na deuh nge...na tih hmel deuh chuan a rum tiah tiah a.
.
Ka nui nghal ker ker a "Ka tihpalh lutuk! " ka han ti a. Ani pawh chuan min rawn en a,a nui ve mai a. "Rawn barakhaih che ka tum a....mahse a hit lo hlemai" nui chung chuan ka han ti a.
.
"I tha em? I lu kha i sawh ami?" hlauhthawn hmel deuh chuan ka ti zawm nghal a .
.
"Aih....mahse tun a kan awmdan hi a nuam ka ti" tihpah chuan arawn nui suk a. Tihvak ngaihna pawh ka hrelo....ka lai lutuk chu ka biang a sen nghal tawn tawn a. Chutia awm reng chu a zahthlak. In bengkan tum a thawh ka tum lai tak chuan ka banah rawn vuan in min pawt let leh a. "Ohh.....ni love. La tho bik lovang" nuam tih hmel deuh hian arawn ti a.
.
A mitah chuan chhiang tak in ka en a,a hma ai khan a mawi zual in ka hria. A fiah kak a,a tle ral ral bawk a.
.
"Titeh...Pierce,i kal teh ang" tihpah chuan thawh ka tum leh a,ka hrawk te chu ka nervous lutuk vang chuan a ro huam huam tawh a.
.
"New York a kan let leh hun a min date pui duh dawn loh chuan ka kal tir lovang che".
.
A mitmengah chuan nuihzat rukna ka hmu thei in ka hria. Ka nui hak a "Chutiang a thleng lovang"
.
"Anih chuan tun a kan awmdan hi nuam ka ti. Tiang hian kan awm ang tih ka lo ring ngai lo reng reng". A tawng danah chuan min tih thinrim tum a ang mah zawk.
.
"Kal vat anggg....!" tihpah in a awm ah chuan chum ka tum a,mahse ka banrek ah chuan nghet takin arawn vuan a.
.
"Ka thusawi kha 'Aw' ti phawt la"
.
"Chutiang uan na chi pawh ani lo...kal ang"
.
"Olive...min en teh". A mitah tak chuan ka en a,a hma a a hmel uan hmel tak chu thutak hmel deuh hian arawn inthlak nghal a. "Ka fiamthu lo...ka ti tak tak. Vawikhat date in kan chhuak ang a,chu zawng chu ani mai"
.
A hmel atang chuan a zawhna chhanna chu a nghakhlel hle tih a hriat a,keilah chuan han tih ngaihna vak ka hre tawh bik si lo. "A tha alawm. Mahse vawikhat chiah"
.
Chu veleh naupang in Christmas tuk a present an hawng hlim hmel ang mai hian arawn nui ver ver a. Kan mutna atang chuan inbeng kang in kan tho chhuak nghal a. "I lai hmel leh i nui hmel hmuh hi chu nuam ka ti tehmai ania"
.
A sawi zawh rual rual chuan ka biang chu arawn sa leh nghal hut hut a,ka hawisawn nghal vat a. Mahse ka biang chu rawn vuan in a lam chu min hawi tir a. "Hawisawn nghal kher suh....ka ti tak tak alawm" tihpah chuan a nuisang a,a kut zungpui chuan ka biang chu ahan hrut kual a.
.
Min khawihna apiang chu current a man tek chhuaih chhuaih ang mai hi ani. Ngati nge ti hian min tih le?
.
"I kal ang....kalna tur kan la ngah kha" tihpah in ka kutah chuan min rawn vuan thut a,min kalpui nghal dawr dawr a.
.
.
Nileng chuan ke in kan kal kual a,hmun mawi leh nawm hmel deuh ni a kan hriat chu kan pan zel a. Park thenkhat erawh an khar avangin kan kal thei ta lo. Eng emaw changin ice cream kan lei a,ke hlir a kal chuan a chauh thlak duh ngei mai.
.
Park pakhat chu alo inhawng hlauh a. Thingkung a tam in chawlh hahdam nan chuan duhthusam ani. Kan pahnih in thutthleng awmah chuan kan thu dun a,kan ice cream ve ve chu kan ei dun mawlh mawlh a,boruak a reh bawk a,a nuam hlemai.
.
Vawiin thil thleng zawng zawng te hi ka lo ngaihtuah phak bak ani. Ka chhungte bul a arawn awm ve ringawt pawh chu a mak hle a,inhnar ngawt theih lah ani si lo. Bakah vawiin a mizia hi chu a ngainatawm takzet. Tiang mizia hi a pu ang tih reng ka ngaihruat pha ngailo.
.
Ka va en a,ice cream ei pah chuan hla tak hi a melh a,thil ngaihtuah nei hmel pawh a pu chuang lo. Ka en tih chu arawn hre thuai a "Tinge khatia min en reng a?" tihpah chuan arawn nui a.
.
"Engmah anilo" tihpah chuan ka hawisawn nghal vat a.
.
Kan ice cream ei pawh chu kan ei zo thuai a,thlasik a hnai a khua a vawt tan viau tawh mahse ka la eichak tho. Chawhnu lam chu thlifim a tam hle a,a vawt tuk tawh lehnghal. Keimah leh keimah chu ka inkuah a,tiang chuan tlem in a ziaawm deuh.
.
Pierce-a chuan ka awmdan chu arawn hre thuai a. "Vawt i ti ami?"
.
"A reh mai ang. Ice cream vang mai mai kha alawm"
.
"Lo kal teh.." lo dan ka tum nangin ka dang hman ta lo. Ka kawngah chuan rawn vuanin alamah chuan min kuah phei a,a pangtilum ther ther chuan min rawn ur nghal ham ham a
.
"Pierce...!!"
.
"Shhhh....."
.
Ka ngawi nghal hmak a,mahse ka ngaituahna erawh a chawl chuang lo. A hmai leh ka sam chu a insi chial a,a thawlum ham ham pawh chu ka hre thei a.
.
"Thil eng emaw ka zawt thei che angem?" tihpah chuan a thaw hak a.
.
"Mhmm..?"
.
"Engtin nge ka pa khan chawlh a hman thin?"
.
Ka ngawi vang vang a,engtia chulam daih chu min zawt nge maw anih le....A mitah chuan ka han en a,a pa chanchin a sawi hi chuan a lungawi vak hmel loh ka ring a,mahse a hmelah chuan mal ngawih ngawihna ka hmu thei. Ka han inher a,a hmel khawngaihthlak tak chu en pah in ka kut vawt tak mai chuan a biang ah ka han vuan a,nelawm tak chuan ka han nui a.
.
"Office a thawk zawng zawng tan party a buatsaih thin a,kan par suau suau zel mai mawle. Mahse a hmelah hlim hmel ka hmu ngailo"
.
"Eng nge i sawi awmzia chu?"
.
"I chanchin leh i nu chanchin a sawi chang chauh hian a hlim hmel ka hmu thin. Diktak chuan a chhungkua kha a ngai takzet thin ani"
.
A lu alo thing a "Chu zawng a dik lo ang. Min ngai tak tak chu nise kan hnenah alo kir leh em em ang"
.
"A tan khan chu chu a harsa ve em ani. Kinah ila hrethiam mai ang". Theihtawp a hnem hram hram chu ka tum a,mahse a ruk tak chuan a rilru a na hle tihpawh ka hria.
.
Ni pawh chu a kal ve zel a,vawiin chu mood fuh loh vawikhatmah a nei lo. A pa chungchangah chuan a lungawilo ang tih mawlh chu ka hlau a. "A chhan chu a hlauthawng ani"
.
Pierce-a chuan a sambuang tle siau mai chu ahan hui a,a hmui pan tak chu a han seh a,a hrilhhai hmel hle a "Engmah awmzia a nei tawh chuang lo" tihpah in a hmai a hup a.
.
Kei chuan a lu ah ka lo chul a,bengdaih hram hram chu ka tum a. "A hmangaih lutuk che. I nu nen"
.
Ringlo tih hriat tak hian a lu ahan thing a,ka ti mah mah in ka hre ta deuh,a thinrim dawn tlat. Tun tum hi a pa chungchang tum hnih min zawhna ani ta. Puzzle pakhat te te a rem ang mai hi ani a,la hriatthiam hun te pawh a nei ve mahna.
.
A han insut deuh hreih a,chutah pangai deuh hian min rawn en a "A pawi ka ti lutuk...engvang a zawt che nge ka nih pawh ka inhre lo"
.
"Engtik hunah pawh...i ngaihthlak duh phawt chuan min zawt thei reng ang"
.
Ngawi reng chuan a bu nghat a. Kei chu ka thutna atang chuan tho in ka han inbeng fai a
.
"Khawiah nge i kal dawn?"
.
"Kan haw ang....Hugh-a chhungte inah zanriah kil kan tum kha" tihpah chuan ka ban chu ka han lek kang a,lawm tak in alo chelh a.
.
"Ani tak e" tihpah chuan arawn tho ve nghal a. Ani nen chuan ni pawh a tawi hma hlemai. Hun hman dun ala duh zel angem? Ka ngaihtuahna avang chuan ka han nui deuh sak a....la thleng zel se ka beisei a,ka duh bawk.
.
.
(END OF CHAPTER -14)



CHAPTER -15
.
1st December:
.
Pawn boruak chu a vawt vin tuk tawh a,chhum a zing chiai reng bawk a. Jacket lian lam ka hak bakah scarf ka awrh bawk a. Thlasik alo thlen hi chuan New York khawpumah chuan vur a tla ziah thin a,vur a tlak hi chuan ka naupan lai min ti hrechhuak ziah thin. Nuam kan tih theih zia kha.
.
Thawhtan tuk ani a,office kal tur chuan ka chhuak nghal a. Office ka han lut chiah chu pawnlam boruak nen chuan a in dan hleih hlemai. A lum mai bakah Far thing rim alo nam chem chem a.
.
Ka office bik chu a bang darthlalang a siam anih avangin Elevator atang a rawn chhuak tupawh chu chiang tak in ka lo hmu thei a. Chumi tuk pawh chuan Pierce-a chu a dan ngai te in elevator atang chuan arawn chhuak phei a,ka office kawngka zawn arawn thlen phei chuan ahan ding dat a. Coat suit vutbuak rawng a ha a,a sam chu hnunglamah a khuih pial phei bawk a,a lang professional takzet. Eng tak tih tum ang maw tihpah chuan dawhkan hnuaiah chuan ka kut chu ka khal rauh rauh a.
.
"Good morning Olive...." rawn tihpah chuan a nui suk a,a office lampan chuan a phei lehnghal a. Chutiang chuan tuk dangah min la ti ngailo reng reng. Nidangah chuan a tlai chang emaw,tih tur eng emaw aneih chang in arawn lut ve zawk a ani mai. Alo kal ve chhunah lah biak ngam pawh ani ngailo.
.
Keipawh chu ka nui riai riai a,tun kar chu kar nuam tak anih ngei han beisei phawt mai teh ang.
.
Ka lo rin ang ngei chuan chu kar tluan chuan ka hlim tih mai tur ani.
.
.
.
Kar tawp Zirtawpni ani a,report ka ziah mawlh mawlh lai chuan phone arawn ti a
.
"Hello....Mr.Alexander -a office ania,Olivia-i ka ni e" nuihsang pah chuan ka han ti a.
.
"Olive...." khai aw...Pierce-a aw anih chu. "Ka office ah ka mamawh che. Tunah"
.
Phone chu a dah lehnghal daih a. Coffee a duh a ni emaw,eng emaw mamawh aneih chang chuan tiang hian arawn ti ziah zel. A office lampan chuan ka phei a. Ka han luh chuan dawhkanah a ke hlang in a lo thu awn duai a,zam na bawk chuan min rawn tham leh a.
.
"Hey...." tihpah chuan a office chhungah chuan ka lut a.
.
"Lo thu rawh" tihpah chuan a hma a chair awm chu a kawk a. A kawhna lam chu ka pan nghal a. Kan taksa chu a inhnaih hle a,ka thin lah chu a phu dup dup mai bawk si. Rilru nuam zan lo chuan ka thu ran a. Ani lah chuan min en run mai si.
.
Ka va en let ve a,a mit chu a thim ruih a,ka hlauh zawng tak ani.
.
"Ka sawi tawh tho nangin tih vat ka duh ani"
.
"Eng chu maw tih vat i duh?" fel hmel deuh hian ka lo ti a.
.
A mithmul chu arawn san ak a,thawk ahan la vang vang a. "Eng nge mamawh i nei em ni?" ka lo ti leh a.
.
"Naktukah" tihpah chuan min rawn en a,thatchhiat hmel tak hian arawn nui deuh seih a
.
Eng nge naktuk chu?
Oh......in date kha maw?
.
Hlauhthawnna chuan min rawn man nghal a,Pierce-a chungchang a hlauthawng ka ni lo. Ka hlauh zawk chu date a tih khan kan inkarah eng emaw a siam ang tih ka hlau ani. Dating ang tak tak hi a ti tihna em ni ang? Ani lovang.....mahse a ni thei tho bawk si.
.
"Naktukah maw..?" ka lo tinghal vat a.
.
"Naktuk tlai dar 3 ah ka rawn lam ang che. Chuan thawmhnaw mawi hnai deuh in lo inthuam la" a aw chu a zawi viau nangin a chiang hle thung.
.
Mahse eng nge thleng dawn ka hrethiam chuang lo. Bakah khawiah nge min kalpui a tum le?
.
"Anih chuan khawiah nge kan kal dawn a?"
.
A rawn nui a "Engvangin nge tunah te ka hrilh nghal ngawt ang che? Ka surprise ve na tur che ania"
.
"Anih chu mawle"
.
A dawhkan bul a drawer chu ahan hawng a,box var arawn phawrh chhuak a. "Chuan thil pakhat....he thil hi lo en la ka duh a" tihpah chuan bawm chu min rawn pe a.
.
Dim te in ka hawng a,a chhung a lehkha awm chu ka la chhuak a,London a Alexander Corporation Hotel pakhat chungchang inziah na hi a ni a. A bul a envelope pakhat awm chu ka han la chhuak leh a,ka meng phawk nghal hru mai. Ka keu a,ka han en nawn leh thin.....mak tihna in ka khat nghal a. Chu chu London kal theihna ticket ani. Envelope kawmah lah chuan chiang kelh kawlh in ka hming a chuang kuau a
.
Pierce-a lam chu ka hawi phei nghal a "Eng nge hei hi?" mak tih hmel tak chuan ka ti hu a. Wilson-a khan tiangin sumdawnna a a zinna ah min hruai tam em em lova,min hruai na chu Alexandrite Hotel a function kan neih tum mai te kha ani. Tun ami hi ka tan chuan thil ropui leh ka la dawn ngai loh ani
.
"London fankual theihna tur ticket anih kha" tihpah chuan a lo nui sang a.
.
"Chung te chu ka hria alawm. Mahse tinge ka lo kal ve ngawt ang a?"
.
"Nia. . ka rual in i lo kal ve ang. Kei chu holiday lai pawn hnathawh tho ka duh dawn a"
.
"Eng aa??" Chu kher kher chu ka awih thei lo. Holiday lai a hnathawh maw? Engkim ruahmanna ka lo nei ve vek tawh...Christmas chawlh te chu ka chhung te bul a hman ve te ka lo tum asin. Nikumah lah Wilson-a ka buaipui angaih avangin Christmas ah takngial pawh ka haw theilo kha ani a.
.
Nikum te kha chuan Wilson-a tan a Christmas nuam tak siam sak kha ka tum ve em a,a in a awm ve midang ho pawh khan min tuipui hle bawk.
.
"Olive....?" ka hmai zawnah Pierce-a chuan a kut arawn vai a.
.
"Huh....?" ka phu deuh zawk a,amah chu ka melh lehnghal a.
.
"I tha maw?" a hmelah chuan a thutak hmel hle a.
.
"Aw....thil pakhat la hriat reng ka nei" tihpah chuan a kut chu ka han vai kiang a.
.
"Ka lo kal ang" tiin thuthlukna chu ka siam ta. Tha tak a enkawl kha a pa lakah ka lo intiam tawh si a,ka chhungte chu hundangah pawh tlawhna hun remchang ala awm em em ang.
.
Bakah ka kal ta rau rau anih chuan a nuam thei ang ber in hun ka hmang tur ani bawk ang. Khawpui mawi tak tlawh tur ka ni pah bawk a,a zia tak ala awm.
.
"A tha lutuk e" tihpah chuan arawn nui seih a.
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
"Mahse lawk.....passport ka nei miah lo ania" hlauhthawn hmel deuh chuan ka han ti a,zin dawn chuan a pawimawh ber anih avangin a tello chuan khawiahmah a kal theih si loh.
.
A lo nui suk ringawt a "Buai angai lo. I mawng lian deuh khan thlawhna seat ah i thu ang a,chu zawng chu ani mai"
.
Ka lo ang hau a...eng nge maw ka mawng kher kher pawh chu arawn sawi le? Chutiang anih te chuan ruahmanna alo siam vek tawh ani zawk aniang a...
.
"Mahse....." eng emaw sawi chu ka tum a,mahse ka sawi chhuak thei tlat lo. "Engtin.....?"
.
"Engkim a fel vek tawh alawm Pi Bailey"
.
Ka ticket ken chu ka han en nawn leh a,tunah chuan London ah ka kal dawn chiang ngei e...a van nuam dawn em. Mahse Pierce-a nen chauh a zin dun chu a him dawn em ni? Mahse sumdawnna chungchang alawm le. Ka hlauhthawnna chu tih reh hram hram ka tum a.
.
"Engtikah nge kan haw leh ang?" ka lo ti a.
.
"Ni 21 ah. Kumthar zawhah New York ah chuan kan let leh chauh ang"
.
"Kar hnih chhung maw? Pierce,chutiang em em a rei chu ka cham thei lovang"
.
Min rawn en a,a mithmul chu arawn san ak a. "Keipawn cham rei loh dan ber ka ngaihtuah ve tho alawm. Hei hi a reiloh dan ber ani. Hnathawh tur a tam em alawm"
.
Rum zet hian ka melh a,chu aia rei loh deuh dan chu a hre reng tih ka hria. Ka vin hrep loh nan ka in thunun hram hram a, engtiklai pawh hian a duh dan ang chauh hian kan kal a,kei in eng thuneihna mah ka nei ve silo.
.
"A tha alawm" tihpah chuan chair atang chuan ka tho chhuak hmuk a,ka inher nghal a.
.
A ni lah chu hnunglam atang alo nui kur kur a "Naktuk kha rawn theihnghilh suh aw" arawn ti leh hram a. Kawngka lam chu pan in ka chhuak nghal a.
.
.
.
In a ka haw chuan Hugh-a chu thutthlengah lo thu thluangin Vampire serial alo en a,min rawn hmuh chuan alo nui suk a....a mood pawh a that hmel hlemai.
.
"I va thleng hma ve" tihpah chuan a bulah chuan ka va thu a.
.
"Nia vawiin chu ka haw hma a....nileng in customers ho nen kan inbe nileng zak a,order la reng reng in ka buai a. Naktuk zan atang phei chuan puanthui khawl ka mutpui a ngai hial ang"
.
"Tun thla chu i buai cher cher dawn hlemai maw...?"
.
Hugh-a chu a rum nghat a "Niaa......tun kumtawp chawlh phei chu chhungte bul a ka hawn hman pawh ka inringlo. A pawi ka ti lutuk Vee..."
.
"Anih chuan kan pahnih in kan haw theilo ve ve dawn tihna anih chu" tihpah in lukham chu ka han pawm a. "Pierce a'n a rual in London ah sumdawnna thil a zin ve tur in min ti a. Kar hnih kan thang ang" tihpah in a darah chuan ka lu ka nghat a,rilru hahdam deuh a awm chu ka duh
.
Hugh-a chu a ngawi reng a,engmah sawilo mahse a awmdan atang min ngaihtuah ani tih ka hria. Ka dem hauh lo....mipa dang nen a ramdang a kan han zin tur chu ka ngaihtuahawm viau lah tak ang.
.
"I va hlim hmel loh ve" arawn ti a.
.
"Kar hnih chhung kan hun hman dan tur vel kan sawi a. Christmas chu nang leh ka chhungte bul a hman ka duh ber asin mawle" ka lo ti a.
.
Mahse Hugh-a chuan a hmel a a rilru nawmlohna lang chu a ti reh thuai a. "London ah i kal dawn ania,hun nuam tak i hmang ang chu mawle. Mahse i lo haw hunah British mi chhelo tawkk min rawn hawn ang che"
.
Ka lo nui a "Chhelo deuh pahnih ka rawn kidnap sak ang che"
.
Ka lu arawn tuai a,hlim tak in kan nui dun a. Zanriah kan kil zawh chuan Hugh-a pawh chuan mu tur in a khum lam a pan nghal a. Christmas a hnai tawh bawk a,a buai thei hle a,thawmhnaw nise thui sen loh a nei a,zan a mengrei thei hle bawk. Han duat vak ngaihna lah hi ka hre bawk si lo. A thil siam leh thui te nalh ti tak a lo fak sak mai loh chu.
.
.
.
Zingah pawh chuan keima tawkah ka tho hma ve hle a,Hugh-a erawh hnathawh tur a ngah avangin a chhuak hma hle thung. Apartment ah chuan keimah chauh in ka awm tlawng a,eitur lah ka insiam peih bawk si lo. Fridge a kan thil ei bang awm te chu ka tilum a,coffee nen thutthleng a TV en pah in ka ei a.
.
.
1pm ah chuan ka insiam peih vek tawh a,Pierce a'n min rawn lam nan darkar hnih ngawt ala awm a.
.
Jeans ka ha a,t-shirt plain var bakah jacket ka ha a,boot ka bun bawk. Makeup lam hi chu ka inhnawih ngai vakloh avang hian ka thiam em em hran lo.
.
Hun a kal zel a,3pm pawh chu a rawn ri ta thuai a. A thu sawi chu a zawm tha hlemai,reilo te ah doorbell arawn ri nghal a.
.
Kawngka lam chu ka pan phei a,ka zam ru hlemai. Kawngkhar chu ka han hawng a,Pierce-a chu ka hma zawnah tak chuan alo ding a. Jeans dum a ha a,t-shirt kilhna awm leh jacket a ha a,pheikhawk pum nalh zet nen. A sam rangkachak rawng chu a tle siau a,a inmet fai hle bawk. A khabe phir chu a lang chiang in a fai hle a.
.
Inmeh fai chungchang a ka thusawi kha alo la hre reng aniang....a lang tha takzet.
.
"Hey..." ka han ti ringawt a,ka awmdan te chu ka theihnghilh vek. In date in kan chhuak dawn ani a,engtia han tih tur nge ka hre lo. Ka chibai dawn em niang? Nge ni a lo lut tur in ka ti zawk dawn?
.
"Olive..." tih pah chuan tawrh har tak hian arawn nui a "I inpeih tawh em?"
.
Ka lu ka lo bu ringawt a,ka tawng ve zawng in ka confi lo emai. Ka kut chu arawn vuan a,apartment atang chuan kan chhuak dun a. Tiang hian London ah pawh kan inzui awm si a...mahse hna thil ani dawn a,keipawh in nuam thei ang ber in ka chen ve tur ani ang.
.
A car dahna kan thlen chuan a kawngkhar chu min hawnsak a,kan kalna tur pawh engmah hre lo chuan ka lut ve ta rawih a. Pierce-a chu ka rin ngam a ngai ani. Ka ring ngam leh ngam loh pawh ka hre lo. Kawngpui lampan chuan kan inkhalh chhuak nghal a.
.
"I va chhelo ve a...I lang tha lutuk" arawn ti a. Ka zak lutuk chu ka sen nghal awp awp a,engtia han chhanlet tur nge tih pawh ka hrethiamlo.
.
"I inmet fai ani maw" ka han ti ve ringawt a.
.
A rawn nui a "Niawm tak chu anih hi" arawn ti a.
.
Thildah khawmna in hluihlawn tawh bulah chuan a car chu a park a. Karei...min hruaina ber kher chuhh...ka thi dawn in ka inhria. Chulai hmun chu inthahna thlen hrep tawhna hmun ang mai ani. Pierce-a chuan min tihnat a tum em lovang chu maw. Chulai hmun chuan min rap tlat
.
Car atang chuan ka chhuak a,boruak ah chuan Chi rim a nam chem chem a,tuipui kan hlat vaklo ani ngei ang. Thlifim rawn thaw chuan ka taksa chu arawn hmet nghal vawng vawng a,thlasik intan tawh nen,a vawt ngei mai.
.
Mahse pangtilum in arawn luahlan thuai a. Pierce-a chuan ka darah rawn kuah in a taksa si chalh chuan min kuah bet a. A taksa chu a lum ther ther a
.
"I phur tawh em?" arawn ti sap a.
.
"Helai hmun hi ka thihna hmun tur ni in ka hria" aw khur dar dar chuan ka lo ti a.
.
"Ngeiawm lutuk lo teh" tihpah chuan arawn nui a. "Nuam i ti viau ang. Ka tiam a che"
.
.
(END OF CHAPTER -15)



CHAPTER -16
.
Chulai hmunah chuan kan han kal kual a,kan piah deuhah chuan Van pakhat a ding a,a bul velah te chuan lawng a bungrua an thiarna,kahpathir atanga siam bawm lian tak tak,hlui tawh tak tak a inhung thup bawk a. Thil dah khawmna in hlui tawh tak tak a awm bawk. Chulai hmun chu rauh san tawh anih avangin a reh vawng vawng a.
.
A piah deuh hlek atanga tuifawn inchhawk ri te chu ka hre thei a,bakah vanah chuan tuipui sava chi hrang hrang an rawn thlawk kual bawk a.
.
"Pierce....nang hi tualthah hmang i ni chiang lutuk. Mahse min that pawh ni la ka rawn umzui zel ang che" tihpah chuan ka en a,ka aw pawh chu a ring tha lenglawng hlemai.
.
Pierce-a chu za em em hian alo nui a,a ha var rual tak mai chu a nalh hle a,chumi chawih tur tak chuan a biangsum a lang kalh bawk a. A nuih nasat luatah chuan a hmai te chu a sen vek a,pum dawm meuh in a nui a. Kei chuan ka kut ka lo kuangkuah a,a nuih zawh hun ka lo nghak tawp a.
.
A nuih zawh hnu chuan chunglamah a ban arawn phar chhuak a "Min ring ve tal la.....aw?" tihpah chuan a khi vur vur a.
.
Tihngaihna pawh ka hre bik lo. Lei ka chhuah khum ringawt a.
.
"Naupang chhia lutuk" tihpah chuan ka kut arawn vuan a,khawilam nge min panpui a tum pawh ka hre lo. Hla tak atang a mipui au thawm leh nui thawm te chu ka hre thei a. Min hruai phei zel a,lawng tumkai lamah min hruai phei a.Mahse hmun dang ami nen a in anglo hlemai
.
Lawng pangai emaw...lawng leng emaw takngial pawh han hmuh mai tur a awmlo a,chutih lai in a vawt hle thung. Ka veilam piah deuh a tiau vut var paw vo pawh chu ka va hmu thei a,mahse mihring erawh hmuh tur an awm lo. A vawt lah tak em a tuman saw tiang tiau vut var sur leh tui hit em em chu an dai peih hauh lovang.
.
Lawng tumkai piah deuhah chuan Ferris wheel (Marry go round) lian zet mai hi a awm a,chuta tang chuan New York khawpum chu chiang takin a thlir theih ang. Tunah chuan kan awmna chu tuipui bul lawk ani tih ka hre thei ta. Kan piah lawkah chuan thing a siam thutkhawmna a awm bawk a,function te nau deuh hlek neih na tawk vel ani. Mak ti in ka ang phuau a
.
"I nge i hmuh dan?" tihpah chuan Pierce-a chu alo nui seih a.
.
Chhan mai ngaihna pawh ka hrelo. Ka hmui chu ka han pet a,ka ngaihtuahna ah thil tam tak arawn lut nghal a. Tuman tiang hian min la surprise ngailo. Hei kher hi chu ka beisei loh lutuk thil ani. Chubakah a romantic dan hi a ril em em bawk si. Rose inkhawi a awm lova,dinner table nalh tak pawh a awmlo. Heti hi ani mawl tawp a,mahse awmzia erawh anei viau lawi si. Ka thinlung chu a tuiral a,eng emaw luahkhat tu a awm ani.
.
A mitmu tle ral ralah chuan ka han melh a,nui chung chuan "Nuam ka ti lutuk" ka han ti a,chulai boruak chu ka han hip vang vang a.
.
Inchhuan hmel deuh hian min rawn melh a "Hugh-a khan idea min pe a"
.
"Ka lawm lutuk" thinlung tak in ka han ti a. "Mahse Hugh-a nen ka hriatloh hlan a ka chanchin inlo sawi chu ava tha awmlo ve" tihpah chuan ka han nui a
.
"He ni hi ni nuam tak nise ka duh ani"
.
"Engtin nge Hugh-a chungchang kha i hriat chhuah a?" ka han ti a. Thanksgiving day kha chuan an inkawm ngei tih chu ka hria.
.
"Chutiang a pawimawh lo. Tinge nang pawn min hrilh mai lova?"
.
"Hrilh che chu ka tum fo alawm,mahse min lo pawtchat zel anih kha. Bakah i thik em em ringawt a" tihpah chuan ka nui a,a banah chuan na lo te in ka va hnek taih a.
.
Van awmna lamah chuan min kai phei a,van ah chuan min nam bet a,a kut lehlam lehlam chuan min dang bet a,kan hmai chu inches tlem te in a insi lo chang chang chauh a. Ka thin chu a phu nghal dawt dawt a,a thaw lum ham ham chuan ka timur te chu a ti za chum chum a.
.
"I sawi dik maithei ani" arawn ti sap a,a aw ah chuan nuihza insum ri alang tel in ka hria. Chutah a ding thut a,a kal leh daih a.
.
Ka thinphu ran hman zia mai chuh....leiah chuan ka luang ral lo chauh ani. A kal lai chu ka en reng ringawt a,ka hmai te chu a sa pup pup a. Khatiang khawp a hnai a min biak kha chu a awihawm loh hial zawk.
.
Pierce-a chu arawn hawi let a,ka zui lo tih a hriat chuan "Tah khan din reng i tum em ni a?" arawn ti a,mawi tak hian arawn nui a.
.
Chuveleh alam pan chuan ka tlan phei nghal a,ka va thlen veleh ka darah min lo kuah a,kan piah lam a game khelhna booth lam chu kan pan phei a. Game chu kan khel dun a,first round ah chuan ka chak nghal a,Pierce-a chuan a ruk in min chak tir ani tih pawh ka hre reng,mahse ka hlim ve em em tho.
.
"Khatia min chak tir bik zel te chuan a nuam nang" tihpah in ka va nghawk a. Kan hma zawn a Utawk lem chu kahfuh tumin ka tin lehnghal a.
.
"Chiah maw? I inchhir ange?" tihpah chuan a mit ko arawn san ak a
.
"Ka inchhir leh chhir loh chu i hre mai ang" ka lo ti ve hmak a. Ka tawng danah chuan ka hlauh bik loh zia ka tilang chiang tawk chuan ka hria.
.
Ka kut chu arawn man a,apiah a basketball game khel na lamah chuan min hruai phei a. Khawl ah chuan token ahan rawlh lut a,khawl chu arawn nung nghal a.
.
Ball chu kan la ve ve a,a chung a score na tur basket awmah chuan kan in vawm luh siak a. High school kan kal chhung pawh khan sports lam kher kher hi chu ka khawih ngailo nangin hetiang ang a khelh hi chu nuam ka ti tho mai. Ka score ve nual a,game a tawp chuan kan score zat pawh chu arawn lang nghal a,ka khel chhe lem lo. Pierce-a point hmuh chu ka va en ve a. Kareiii.....ka point hmuh let thum lawih.
.
"Trick i hai chiang!! "
.
"I inchhir ang ka tih reng kha" tihpah chuan a nui a,ka lo tum hmuk a
.
Ka kut chu rawn la in booth dangah chuan min hruai phei leh a,chulaiah ve thung chuan bangah hian ramsa lem chi hrang hrang hi alo inkhai a. Engtin nge chulai game khelhna tickets zawng zawng chu alo neih lawk tih reng ka hrelo.
.
"Sawlai ramsa lem zing a i duh ber saw i la thei ang" arawn ti a.
.
"Saw lai a mi saw ka duh lutuk" tihpah chuan a kil a Panda lem chu ka kawk a.
.
Chulai hmun a lo duty pa chuan la in min rawn pe a. Min rawn pek veleh chuan pawm in ka han kuah nghal a
.
"Okay.....game zawng zawngah i chak vek ani mai" ka han ti a.
.
A mitmeng chu a hmuhnawm hlemai. "Min cho viau khan ka hre sia"
.
"Nia...ka ngaihdan kha ka thlak leh tawh alawm"
.
Ka note thar chu a lawmawm takzet. A hming atan 'Mr. P' tih ka sa nghal a. Panda tihna emaw Pierce-a tihna pawh ani thei. A khawi emaw zawk zawk pawh chu ni tehreng se pawi ka ti lo.
.
"Eng emaw ei i duh em?"
.
Aw tih nan ka lu ka lo bu a,ka ril pawh a tam tawh viau. Eitur zawrhna in te lam chu kan pan a,order kan tih fel zawh chuan a bul a thing a siam thutthlengah chuan kan thu a,tuipui mawi tak mai chu alang chiang hle a,chung lamah chuan tuipui sava an thlawk nauh nauh bawk a. Mr. P-a pawh chu ka thil ei chhung ka bulah a thu ve a,an thil siam lah chu a tui em em lehnghal. Tiang ang reng a ni nuam hi ka la hmang ngailo. Vawiin chu Pierce-a pawh a fel hle a,a hmel atang chuan nuam a ti ve takzet tihpawh ka hria. Bakah ni nuam leh dangdai tak min siam sak ani.
.
"Vawiin kan in date chu eng nge i hmuh dan?" tihpah in Pierce-a chuan min rawn en a.
.
"Ummm......point 6 ah point 5 ka pe. Basketball ah khan chak ngat ilang chuan point 6 ah point 6 ka pe hrim hrim" ka lo ti uang a.
.
"Anih nuam i ti em?" tihpah chuan arawn nui a,a hmel ka hmuh rual chuan ka thil ei lai pawh chu ka tawp chawt a.
.
"Aw....." ka tichhuak thei hram a. Ka maimitchhing a,tuipui atang a thlifim rawn tleh chuan ka hmai leh sam chu arawn chhem thaw heuh heuh a,chumi pah a tuipui fawn inchhawk ri ngaihthlak bawk chu nuam tak ani. Vawiin a kan hun hman dan te chu a mal te te in ka ngaihtuah chhuak a.
.
Ka mit chu ka han meng riai riai a,ka hma zawn a thu Pierce-a chuan chiang zet hian min lo en reng a,chutia ka han men takah chuan amah zawk chu a lai ti tih zawk a.
.
"Eng nge?" ka han ti a.
.
"Engmah ni love" tihpah chuan a lu a thing a. "Ni pawh a tla mai dawn" tihpah chuan a sana chu ahan en a. A ding a,a kut chu arawn phar chhuak a.
.
A kut chu ka lo vuan a,tichuan khua chuan tur in Ferris wheel awmna lam chu kan pan a.
.
"Sawlamah sawn kan kal dawn em ni?" ka phur lutuk chu ka insum theilo. Pierce-a chuan a lu alo bu a. Ka za zek zek tawh.
.
In line rei a ngai lem lo. Bawm awlah chuan kan lut ve thuai a. Pierce-a chuan min luh hmasak tir a,min rawn zui ve nghal a. Kan chhuanna bawm chu chunglamah a kang riai riai a. Ka mit chu ka len ruai a,Mr.P-a chu nghet deuh in ka pawm bawk a. Bawm chu a ding zeuh zeuh reng avangin duhtawk in khua pawh a thlir theih a.
.
Van boruak chu rangkachak rawng in a eng phut a, inchhawng sang tak tak karah chuan ni tla tur chu a sen ruah mai bawk a. Chu mai bakah kan piah lawk a tuipui pawl cham dulh mai pawh chu zing kar van dumpawl ang mai hian alang thiang kak a,engkim mai chu sawisawi na tur reng a awmlo.
.
Pierce-a chu ka han en a,nui hmel hi ka hmaiah chuan charh beh ang tlat ani tawh. Nitla tur chuan Pierce-a hmai pawh a chhun eng sut a,a mitmu pawh chu rangkachak ang mai ani.
.
"Hey...Olive"
.
Chutia min koh chu ka hming tak a min koh ai pawhin a inhmeh tawh zawk,keipawn huat en ah ka en tawh lem lo. Khawdang reng hawi lo chuan kan inmelh dun vang vang a,a mitmeng mawi lutuk tak mai chuan ka ruh chuktuah zawng zawng mai chu a ti khawng a,khawdang reng ka hawi thei lo.
.
"Hei hi alawm ka hmuh duh chu" arawn ti a.
.
"Eng chu maw...?"
.
"Hei hi..." tihpah chuan ka hmai chu arawn khawih a,chutih rual chiah chuan arawn kun hniam a,ka hmuiah chuan arawn fawp zui nghal a.
.
Ka tha zawng zawng chu a zawi nghal vek a,Mr.P-a...ka pawm lai pawh chu chhutah ka thlauh thla nghal a,chupa tawnah chuan chakna reng reng ka nei lo,ka tlawm chiang ngei mai.
.
Zawi te in min fawp a,a hmui hnawng chap leh nem thep mai lak atang chuan tal chhuah tumna reng ka neilo. A hma ai chuan a duhthawh tial tial a,ka kawngah chuan rawn kuah in a taksa si chelh chuan min pawm bet a.
.
A lei sa ham ham chuan ka ka chhung chu arawn hawl kual a,a tir chuan mak ka ti tep a,mahse reilo te ah a lei arawn tih chet ang zel in ka lei pawh chu ka lo ti che ve a.
.
A nghawngah kuah in a sam ah ka chul chho a,ani pawh chuan ka kawng a a kuahna chu dahthla in ka mawng lam ah a chul thla a. Ka phu deuh zawk mai....chu veleh a aia nghet chuan ka kuah bet a,a rawn rum ham ham a. A rum ri chuan min ti zauthau takzet. Talchhuah chu sawi loh....a duhtawk mai ang tih chu ka hlau hliah hliah zawk.
.
Mahse chutia awm reng thu lah a awm si lo. Kan inthlah chiah chu kan thaw dun hlawp hlawp a. A chal leh ka chal chu arawn ti si a,tiang chuan kan ding dun char char a. Ka va en a,min lo nuih seih a. Eng thu mah sawi chhuah kher angai lo....kan in en dan leh kan infawh dan khan engkim mai chu a sawi chiang vek tawh.
.
Rei lo te ah kan chuanna bawm chu arawn inhawng a,kan chhuah angai ta. Ka van khamlo tehreng em. Pierce-a chuan min kai a,lehlam in Mr.P-a ka pawm bawk a. Chulai lawng tumkai a kut inkai rial a kan han kal dun chu sawi tur reng hi ka hrelo.
.
Ni chu a tla fel tawh a,mahse hmun pakhat kal duhna ka nei. "Pierce....helai lawng tumkai piah lamah hian kal ka chak khawp mai"
.
"Helai bak hi thlenpui che pawh ka lo tum hleinem" arawn ti a.
.
A hma ai chuan kan in din hnai a,kan piah lamah chuan music a ri ruai ruai a,midang ho chu an au tuar tuar a,no sen keng in an lam a,party an nei ni ngei tur ani.
.
"Min rawn hnaih deuh rawh" tihpah chuan Pierce-a chuan min rawn kuah a,music rikna inchhung lamah chuan kan lut dun a. Mi ho chu music rem chuan an lo lam suau suau a,mahse tiang boruak hi ka ngainat zawng ani vak lo. An ri hut hut a,zu rim a nam huam huam bawk a.
.
.
Min rawn nuih a,a kut chuan min han then vir kual a. "Lam dun ang" ring lenglawng in ka beng bulah chuan arawn ti a. Music a rin em avangin awrawl tawp tawp a inbiak angai a.
.
"Ka lam ngai lo a" ka lo ti a.
.
"Lo kal rawh....kan ti dun dawn alawm" tihpah in min kuah hnai sauh a. A ngaihna ka hrelo lutuk chu ka nuih a za a,ka han nui leh chiam thin. Ka kut lehlam in Mr.P-a chu ka pawm tlat bawk a.
.
Pierce-a chuan a tihdan tur min hrilh pah zel a,midang ang chuan thiam kher lo mah ila kan hlim dun khawp mai. He khawvelah hian tudang reng kan ngai bik lo.
.
Hla pahnih zet an play zawh chuan hma ka sawn ta hlemai. Keimah pawh chuan ka lam awk awk ngam tawh a,ka lam pah chuan Pierce-a chu ka va en a,suit ha chung a office chhung a lam awt awt tur ang in ka han suangtuah a,ka nuih a ti za ngei mai.
.
Ka hmuh tirh ber ni kha chuan nelawmna reng reng neilo ang khan ka hmu a,tunah erawh ka ngaihdan letling chiah kha ani.
.
Hla a tawp chuan chau hnap in a kil lam chu kan pan a,Pierce-a chuan bar atang cold drink min rawn lak a. Ka in tur atan thei tui min pe a,mahse alcohol tlem chu a tel tho mai. Mahse a pawi thamlo turah ka ngai
.
Boruak thianghlim dawng tur in pawnlamah kan chhuak phei a,chu zan thiang tak hnuaiah chuan chulai tuipui kam a an eng chhit te chu alang mawi hle a,tuipui fawn ri hlup hlup in a thlifim vawt tak arawn ken tel chuan min ti harh sawng sawng a.
.
"A atthlak hlemai" ka hnunglam atang chuan Pierce-a chuan min rawn kuah a
.
Ka lo nui a "Tiang khan i lo lam thiam tih reng ka lo hre lo a"
.
"Keipawn i sawi a ka hre chiah" a ti a,kan nui dun bawk bawk a.
.
"Keipawh ka vawikhat lamna" ka lo ti a "Vawiin chu nuam ka ti takzet....ka lawm lutuk"
.
"Chuan...vawiin hi dated i neih tawh a zawng a nuam ber ala ni mai lo maw?" tihpah chuan min rawn nghawk a,
.
Ka sen tawn tawn a "Hei hi vawikhat mi ka date na ania"
.
"Tak tak maw...?" awih loh hmel zet hian arawn ti a. Ka huaisenna zawng zawng sawm khawm in a hmelah tak ka han en a,min lo nuih seih a. A mitmeng chu a danglam ani tih ka hre thei nghal a.
.
Min rawn din hnaih a,a kut pahnih chuan ka hmai chu arawn vuan a,a kut zungpui chuan zawi te in ka hmai chu ahan tuai a,arawn nui a. "I date hmasak ber ka ni chu ka van lawm em" arawn ti sap a.
.
Ka taksa zawng zawng chu a mur chhuak nghal vek a,ka nui ringawt a.
.
Zan nuam tak kan hmang dun a,thla in a tuipui a chhun tlet ral ral te chu kan thlir dun a,chumi pah chuan kan in kiss chungchang te pawh kha kan sawi dun mahna. Anihloh vek pawh in min kiss chungchang a zawhna ka neih hrang hrang te pawh chu ka zawt mahna. Chu zan hlu tak chu holam tak a a ral mai ka phal lova,ka hriatreng na a engtik lai pawh a cham tawh tur in ka duh ani.
.
Engtikah emaw chuan he zan nuam tak hi thim in arawn la khuh hun te pawh a awm maithei. Chu chuan kan inkarah engkim arawn thlak danglam ang a,ka la kalsan a tul hun te pawh a la awm mahna le....khuanu remruat dan hi kan sawilawk theih a awm lova,alo thleng anih chuan dan theih lah ani hek lo.
.
.
(END OF CHAPTER -16)



CHAPTER -17
.
Pierce-a nen zanriah kan kil dun nghal avangin in ka thlen meuh chuan zan a rei tawh hle a. Gentleman tak in kan kawtkai thleng min thlah a,tha tak a min mangtha bakah vawiin kan hun hman dun nuam a tih thu te,hman duh leh a duh thu te min hrilh bawk a.
.
"I sawi awmzia chu date dang leh maw?" ka han tih chuan a nui seih a,a biangsum chu a lang kalh a.
.
"Ka zawngchhang lutuk ang tih ka hlau khawp mai" tihpah in a nui seih a,a Car lam chu pan in a inkhalh chhuak nghal a.
.
A tuk chu Chawlhni ani a,ka harh meuh chuan 8am alo ri der tawh a,Hugh-a pawh a tho daih tawh ang.
.
Mahse ka thawhkhalh ve tlat nia. Zing thawh ah kher kher hi chuan ka tluk ngai loh tehlul nen. A room kawngkhar chu ka va kik karh karh a,min rawn chhan mai loh avang chuan kawngka chu hawng in ka va lut a,alo la inkhuh hlun a. Chuveleh va pan hnai in ka va bawh a.
.
"Nang nu hih....thil diklo a awm em ni a" tihpah chuan arawn rum tuah tuah a,ala mutchhuah hmel hlemai.
.
"Good morning" tihpah chuan ka nui vur vur a.
.
A hmai chu lukhamah chuan ahan phum tha leh a,mahse ka lo tibuai zel a. "Ti teh....Christmas thlen nan kar khat chiah a awm tawh ania. Present tur te pawh kan lei loh chuan" ka lo ti a. A mut a la chhuak viau tih chu hre mah ila tihbuai chu ka chak reng reng
.
"Vawiinah kher angai hlenem" tihpah chuan arawn inher a,a phone ah chuan dar zat ahan en a.
.
"Dar 8 chiah ala nih hi,tunah te chuan dawr pawh an la khar vek ang chu"
.
"Chu pawh nise....tho hrim hrim teh" ka la ti hram a.
.
Muangchang chuan arawn hawi phei a,min rawn en a. Tukverh atanga nizung rawn lut chuan a hmel chu a chhun tle vat vat a. "Tukin i phur dan em em hi thil diklo a awm chiang mai"
.
"Nimin nawm dan zia mai chuhh.....Pierce-a thil ilo hrilh avang khan ka lawm lutuk ringawt.Engkim kha a nuam vek ani mai" lawm hmel deuh chuan ka han ti a.
.
Hugh-a chuan min rawn melh ha a,ka bulah chuan arawn thu a. "Engmah tiangin ka hrilh hleinem. Aman i hmun ngainat deuh ang chi te min zawt a. A reng reng thuah khawiah nge a hruai che a?"
.
"Lawng tumkai ah min hruai a. Khatiang hmunah khan tiang reng a hlimna hi ka tawngah tih ka lo ring ngai lo hrim hrim" tihpah chuan phur takin nizan a kan hun hmandan te chu ka sawi a. Hugh-a pawh chuan ngaihnawm ti tak in alo ngaithla a,a mutchhuak pawh a reh kawk in ka hria.
.
Chawhnu lama bazar a min kalpui tur in Hugh-a chu ka hmin thei hram a. Bazar ah chuan ka kalpui hrep a,a hna ah a buai thin em avangin vawiin bak hi chu ka tibuai tawh kher lovang. Bakah London ka kal hnu chuan kan inhmu lo vang vang dawn bawk si a.
.
.
Darkar li ngawt min bazar pui a,ka present tam zawk chu ka pi pek ka duh a,Hugh-a ta tur erawh London atang a thawn mai ka duh mah zawk a. Hugh-a nu tan shawl ka lei sak bawk a. Chubakah kan living room sir a hun atan Christmas tree ka lei tel bawk a
.
A tuk chu Thawhtan ani leh der tawh a,a ngai te bawk in Pierce-a hmuh leh angai ang a,chubakah nimin thil avang khan eng emaw danglam a awm tawh ngei awm si a. Ka khum ah chuan lawn in Mr.P-a chu nghet tak in ka kuah a, ka tan chuan Panda special tak ani.
.
Thawhtan ni chuan hma takah office ka thleng a. Ka thlen veleh vawiin a board members ho meeting neihna tur lehkha pawimawh ho chu ka tifel nghal zung zung a. An rawn thlen hun a an in tur in coffee machine ka ti nung a,eitur thenkhat chu ei mai theih tur in ka lo buatsaih nghal a.
.
Ka hnunglam a Elevation chu a rawn ri teng a,board members thenkhat an rawn thleng tawh ni ngei a ngaiin hnunglam pawh ka hawi duh lem lova. Mahse reilo te ah kut hian ka kawngah min rawn kuah a,ka phu nasat lutuk a leiah ka cookies ken ho pawh chu ka thlauh darh vek tep ani.
.
Ka han hawi phei a,Pierce-a mitmeng mawi tak chu ka hmu nghal a. Chuveleh ka nam kiang a,mahse ani lah chuan min kuah hnai sauh mai si. "Pierce....a chi loh emai. Reilo te ah midang an rawn thleng thuai dawn ania"
.
Alo nui suk ringawt a,a rimtui tak mai chuan min zem chiai chiai a. "Midang rawn thlen hma in minutes 5 hun kan la nei alawm. Meeting ninawm tak kan neih hma hian fawh phawt che ka duh bawk a" tihpah chuan min rawn fawp chawpchilh nghal a.
.
Lo tan chu sawi loh....rang tak in ka lo chhang let ve nghal a,nghet tak a min kuah in a kut chuan ka taksa chu a dap kual ruai a. Ka kut chu dah kang in a nghawngah ka kuah a,chuveleh ka mawngah rawn vuan in dawhkanah chuan min hlang chho a,duhthaw zet in hian min fawp tawn tawn a.
.
"Zing hman tan nan chuan duhthusam ani" tihpah chuan tawrh har zet hian min rawn nuih a,a mitmeng a tisa chakna tlem rawn lang pawh chu ka hmu thei a. A tawp nan vawikhat min rawn fawp lehzeuh a,keipawh chu ka insiam tha nghal sawk sawk a. Reilo te ah Elevator arawn ri a,board members dang ho pawh chu an rawn thleng khawm tak tak a.
.
Ka aw chu ka han thian kharh a,Pierce-a chu arawn hawilet leh a. "Nakinah ka chhunzawm leh duh ania...." arawn ti ru sa sa a,a sawi zawng ringawt pawh chuan ka mur chuai chuai thei. ".......eitur kha nakin deuhah i rawn dah dawn nia" midang hriat theih tur chuan ahan ti chhunzawm nghal a. Min rawn nuih suk a,a kal nghal a. A awmdan chuan ka nuih a ti za in a hmuhnawm letling phian. Ka chhan ve hma chuan midang ho chu zui in Conference room lamah chuan a lui phei nghal a. Chawhma chhung meeting an nei a,
.
Chutih lai chuan London a kan kal dun tur vel chu ka lo ngaihtuah a. Pierce-a hi rin tak tak chi ani angem? A bialnu ni tur pawn min la sawm lova,nge ni a a nun hlimna pakhat atan min hman a tum mai mai zawk?. Tiang hian hmeichhe tam tak alo chhuahpui tawh ngei ang a,chung zing a pakhat ve mai chu ka ni awm si a. Ramri ka insiam deuh hlek angai dawn ani....ka lo luh thuk hman lutuk chuan a tawp a na ber tur chu keimah tho ka ni.
.
Mahse tunah pawh hian.....min fawh chuan ka fawp let ve zel a,min khawihna lai apiang lah nuam ka ti em em tawh mai si.
.
A hna lam a a buai em avang chuan chhun chawlh lai lo chuan inhmuhna hun kan nei meuh ngailo.
.
London a kan zin nan kar khat chiah a awm tawh a,Wilson-a lawyer,George Brent-a hnen atanga phone call ka dawn hma kha chuan ka phur tehlul nen.
.
"Hello...Miss Bailey. Wilson-a lawyer George Brent-a kha ka nia"
.
"Pu Brent,kan inbe leh thei chu ava lawmawm ve. Puih theihna che ka nei em?"
.
"Pierce-a ka be tlang thei lova..min lo hrilh sak mai ta che. A pa in chu lei theih tur in kan tifel tawh a,a remtihna kan nghak e"
.
"Min lo hrethiam la....Wilson-a in kha a hralh amaw?" ka lo ti nghal chul a,chu thu chuan min thawng hlemai
.
" Aw ni e....kar hmasa khan min rawn bia a,hralh a duh thu arawn sawi a. Khawngaihin min lo hrilh sak dawn nia...anih phawt le" tihpah chuan phone chu a dah nghal a. Mak ka ti lutuk chu ka phone ken lai pawh dah nachang ka hre lawk lo.
.
.
A kawngkhar pawh kik hmasa lo chuan ka lut nghal rup a. Min hmuh veleh alo ding nghal a,ka awmdan leh ka mitmeng a tang chuan ka dik zanlo ani tih chu a hrethiam nghal a.
.
"Eng nge thil diklo awm a?" tihpah chuan a chal alo chhuar ak a.
.
"Hei hi thu dik ani em?"
.
"Eng thu maw?"
.
"In kha i hralh tih hi". A office dawhkan hmaah chuan ka ding ran a. Engtikah emaw chuan la hralh chu a ngai dawn tho tih hre mah ila tunah chuan ala hma lutuk mah mah ani. Wilson-a ro leh sulhnu zawng zawng ala awm a,chuti mai a riral mai mai atan chuan ka phal lo.
.
.
"Chutia lak nat vak tur ani hleinem. In pakhat ve mai anih saw Olive". Tawng ngaihna pawh ka hrelo,ka mittui chu arawn baw zawih a. Engvang a chuti tak a la roh em em nge ka nih tih pawh ka inhre bik lo. Ka over mah mah em tih pawh ka hre chuang lo. Mahse ka thinlung erawh a na em ani. Ka tah chhuak lutuk chu ka insum zo lo....ka tap chhuak hawm hawm a.
.
Ka insut hlawp hlawp a. "Ka tan chuan a ho ve lo asin. Chutiang a hralh i tum anih te chuan ka phalna te pawh i la ve phawt tur ania"
.
"Anih chuan eng nge i duh? Saw in saw kei chuan nuai bo vek ka duh ani" sehchilh deuh hian Pierce-a chuan ahan ti a. A thinrim hle tih ka hria. A pa chungchang sawi hi chuan thinrimna bak engmah amah luah tu a awm ngailo.
.
A thusawi pawh chu ka ngaihtuah peih lo. "Mr Brent a'n min lo call a,i pa in hralh na tur chungchang chu an tifel tawh a,i rem tihna an nghak mek e" tihpah chuan ka inher a,a office chu ka chhuahsan nghal a.
.
Ka dawhkan ka thlen chuan ka thaw hawk a,ka drawer chu hawng in Wilson a'n Pierce-a pe tur a min tih envelope kha ka la chhuak a,a kawm en mai chuan eng chungchang nge anih tih reng a hriat loh.
.
Christmas present atan ka pe ang ka ti kha ania,mahse apa thil ani si a,a thinrim leh ngei ang. Nuam lo deuh a Christmas hman chu ka duhlo. Wilson-a khan a hun takah lo pe rawh kha min ti a,tun hi a hun tak chu ani thei mai angem? Mahse ka dahlet leh a,kan zin haw hun a pek ka tum leh ta zawk a.
.
Chu lehkha ah chuan an chhungkaw chanchin te leh a pa a rinhlehna zawng zawng chhanna tur chu a awm vek ani.
.
London a kan kal nan ni hnih chiah a awm ta. Wilson-a bungraw pawimawh zawng zawng, an chhungkaw thlalak atanga a lehkhabu thleng chuan ka dahkhawm vek a,chulai inchhung a kum tam tak kal ta a hlim nui ri te kha tumah rengin an rawn hrethiam pha ve tawhlo ang.
.
He in lian tak chhungah hian engtin nge Wilson-a khan mahni te chauh in hun a hman thin tih ka hre lova,a hun tam zawk erawh kha chu a office lamah a hmang thin reng a.
.
Box ah chuan Bob-a nen kan khung dun mawlh mawlh a,kan zawh chuan Bob-a bulah lawmthu ka sawi a
.
Ka hnunglamah chuan khuh rikharh ri ka hria a,ka han hawi phei chuan Pierce-a alo ni a. Chu veleh hrelo der ang mai hian ka hawilet lehnghal vat a,Bob-a bawk chu ka bia a.
.
Eng eng emaw kan sawi dun hnu chuan kan inchibai a,min kalsan ta a. Pierce-a erawh alo lungawiloh hmel hlemai.
.
"Khawiah nge i dah dawn a?" alo ti hmuk a.
.
"I pa bungraw ho ka dahkhawm dawn tih ka hrilh tawh che kha" ka lo ti a.
.
Min rawn pan hnai a,ka hlauthawng ang reng hlemai. A rim chuan min rawn zem nghal chiai chiai a. "I thin ka la tirim anih chuan ka tihpalh lutuk" tihpah chuan ka kut chu arawn la kang a,ahan fawp zeuh a. Ka mur chhuak nghal chuai a.
.
"Ngaihdam dil ngaihna engmah a awmlo" tihpah chuan ka kut chu ka lo la sawn a. "Thil inthlak danglam thut tur chuan ka inpeih ka in rin loh vang ani" tihpah chuan ka melh chho a.
.
"Ka pa chungchang a ka ngaihdan chu i hria alawm"
.
"I pa chungchang a i ngaihdan chu a dik lo ani tih hi i hrelo ami?" Ka lo ti deuh hrawk a.
.
"A chhungkua a hnungchhawn a,chu chu a thlang zawk alawm. Anih ka pa ka rindan a diklo i tih awmzia chu han sawi la?"
.
Tunah rih chuan engmah ka la sawi thei lo,ka ngawi tawp a. A kut chu vuan in ka han hmer vang vang a "Engtik ni ah emaw chuan ila ngaidam ngei ngei ang. Chutih hunah chuan ani pawh alawm khawp ang" . Ka hmelah chuan nui hmel tlem arawn lang a.
.
A ngawi reng a,tunah rih chuan chu chu atan pawh thil pawm harsa tak ala ni. A kut chu vuan in elevator lam ka pan pui a.
.
"Ice cream kan ei dawn ami niang?"
.
Elevator chu kan nghak dun a,Pierce-a chuan mak tih hmel tak hian min rawn en a. A hmeltha tak karah chuan hlim hmel ka hmu thei a. Kan inkarah chuan eng harsatna pawh lo thleng se....a eng zawng a thil thlir a,kan harsatna lai siam rem tu tur chu keimah hi ka ni.
.
.
(END OF CHAPTER -17)

CHAPTER -18
.
Building atang chuan kan chhuak dun a,pawnlamah chuan vur alo tla seng seng a,kawtthler te chu vur chuan a bawh paw ram a. Ka hnarah tak chuan arawn tla fuh a,a hit veng veng mai. Tun kum a a vawikhat vur sur na ani. Pierce-a chu ka han en a,ka nuam ti leh hlim lutuk chu ka hmelah ka thup thei thlawt lo.
.
"Tunah rih chuan Ice cream ei chu a tihchi pawh in ka hre vak lo" tihpah chuan ka han nui a.
.
"Ni e tiraw...anih coffee sa tha tak kan in zawk dawn em ni ang?" Pierce-a chuan arawn ti a.
.
Cafe hnai ber pan chuan kan kal dun nghal a,a hma ngaihtuah chuan kan inkar boruak pawh zang tawh tak ani. Pierce-a chuan tukverh lian tak awmna bulah chuan min thut pui a,kawtthler a vur tla chem chem pawh chu a hmuh chian theih hlemai. Pierce-a chu kan thil order va lam tur in a tho zuai a,reilo te ah no pahnih khu vat vat hi arawn chawi phei a. Kei chuan Hot chocolate a chung a cream telh ka chah a,Piece-a chuan Coffe latte a chah thung.
.
No sa vat vat mai chu ka han hum a,thlasik khawvawt hnuaiah chuan lum nuam tak ani.
.
Pierce-a chu a rawn kun hnai a,ka hmui hnuai zawk chu a rawn khawih a,ka phu zawk mai.
.
"I hmui ah khan cream a kai a" arawn ti a,tihngaihna vak hre ta lo chu ka nui ringawt a.
.
Kan haw hma zawng chu eng eng emaw sawiin kan titi dun a.
.
"Chawlhni ah ka rawn lam ang che" kan haw dawn chuan a ti a,mahni kawng lam ve ve pan in kan kal hrang nghal a. Nidang hi chuan bus ka chang mai zel a,mahse hetiang khawvawt hnuaiah hi chuan taxi lak mai a fuh zawk ang. Ni lo...ke in haw ila rilru kawmna hun ka nei tha zawk ang
.
Pierce a'n ka va thlah ang che mi ti nangin ka duh tlat lova,a chhan pawh rilru thawveng tak a ke a haw ka duh zawk vang ani.
.
In ka thlen chuan Hugh-a pawh a room ah hnathawk in alo buai hle a,Christmas a thlen dawn hi chuan an ni ang tan chuan hnathawh runpui lai ber ani zawk. A eitur in Pizza ka order sak a,bakah thingpui ka lum sak bawk a,chumi zawh lamah ka room lam ka pan ve a.
.
Ka pi pawh phone in hna chungchang a zin ka ngaih thu leh tun tum chu an bul a Christmas ka hman theih dawn loh thu te ka hrilh a, ka pi pawn a hrethiam viau a.
.
.
Reilo te ah khua a thim a,London kan kal hun tur pawh a hnai hret hret zel a. Ka thawmhnaw mamawh tur ho te chu rem fel in ka inkhung fel tan a. Chutih lai chuan Hugh-a chu ka room ah arawn lut a.
.
"Umm.....Vee,a la hun chiah lo nangin i Christmas present tur pek advance che ka duh a" tihpah hian bag pakhat hi min rawn pe a. Lawm tak in ka lo la a,eng nge a chhungah awm tih ka hrechak hlemai. A zipper hawn ka tum lai chuan min lo dang a. "Ni love......London in thlen hma chu i hawng tur ani lo. Min tiam rawh". A thutak hmel em avang chuan fiamthu a lak chi ani lo tih ka hrethiam nghal mai a.
.
"Ka tiam a che" ka lo ti a. Ka khum piah a stool ah chuan a thu a,ka thawmhnaw ken te chu arawn en a.
.
"Hnathawh kawr te i keng tak tak dawn amaw?"
.
"Aw keng ang....hna lam thil a zin tur kan nia lawm" ka lo ti a.
.
Hugh-a chu a nui vur vur a,engmah sawi leh ta lem lo chuan a chhuak nghal daih a. Keipawh chu ka inkhung chhunzawm mawlh mawlh a,tunah chuan pheikhawk chiah pack a ngai ta.
.
Ka wardrobe chu ka han hai a,ka birthday a Pierce a'n min pek thawmhnaw sen kha alo inkhai a,khami ni a kan awmdan te kha ka mitthla chhuak ruai ruai a. He thawmhnaw pawh hi ka mamawh ngei ang tiin ka thun tel a. Luggage lian tawk tak khat leh bag pakhat dangah ka inkhung leng thei hram a,tunah chuan zin chhuak tur in ka inpeih ap ta.
.
.
.
Doorbell a rik chuan ala hma hlemai. Kan flight tur chu chawhnu her ah daih a chhuak dawn a,mahse ka helhhawlh tawh lutuk a lei ah ka thohma ve hlemai.
.
Rang tak in kawngka hawng tur chuan ka va chhuak a,pawnah chuan Pierce-a alo ding reng a. Suit dum a ha a,tie navy blue rawng a awrh bawk a. A sam buang tle siau mai chu uluk takin a khuih a,a inmet fai vek bawk a,....avan lang tha lehzual tak em.
.
"Good morning " tihpah chuan tawi te in ahan nui a,ka tuiral leh ta vek e.
.
"Khai a....tiang a i rawn thleng hma ka ring lova" ka lo ti a. Lawmawm deuh chu chhuak mai thei tur in keipawh ka inpeih dim diam tawh. Thawmhnaw ka in pack fel vek tawh a,kekawr tlawn vutbuak rawng ka ha a,kawr var hma pum ka ha bawk. Ka sam chu hma lamah ka thlah hniang a,a natural thei ang ber a ka awm lai tak ani bawk.
.
"Nia....mahse tukthuan ka la ei lova" tihpah chuan ka sawm hma hma in kan apartment ah chuan arawn lut a,choka lam a pan nghal a.
.
"Keipawn ka lo ei mek a" tihpah chuan ka zui phei a,ka thutna ngaiah bawk chuan ka thu leh a. Ka chhang ei lai chu la in ei ka tum lai tak chuan ka ban chu arawn vuan a,ka chhang chu a seh phel phawk a. Chu pawh chu duhtawk lo in min chhuhsak daih a.
.
"I ta tur la ve mai rawh" tihpah chuan chhuhsak tum in ka ban nghal a,mahse a kut chu a dah kang daih a. Kei ai a ban a sei zawk si a,ka thil ei lai laklet leh tum chuan ka zuang tauh tauh a.
.
Ka ban pha tep e.....ka zuang leh tur chiah chu ka kawngah arawn kuah thut a,a awmah chuan ka bei thlawp a. Talchhuah ngaihna reng awm lo chuan min kuah bet nghal a. Ka han hawi chho a,a mitmu tle ral ral chu sexy tak ani. Muang chang in arawn kun hniam a,kan hmui leh hmui insik loh na chu centimetre tlem te chauh ani ang.
.
"OOOHHHH......ka choka ah hi chuan ti lul lo teh u. In duh chuan bedroom lam inpan thei ang". Hugh-a aw ri ka hriat chuan ka phu nasa ngei mai. Rang lutuk in Pierce-a chu ka nam sawn nghal a. Ka hmai chu a sen nghal tawn tawn a,ngati nge maw Hugh-a pawh chuan kha tia kan awm lai kher kher min rawn hmuh le.....Pierce-a chu ka va en a,nuihza insum tih hriat tak hian min lo en reng a,zak hmel pawh a pu lo. A landan chu a hmuhnawm letling phian zawk.
.
Hugh-a pawh chuan ka hlauhthawn hman zia chu arawn hmu thiam nghal a,a nui vur vur a. "Aa....engpawh nise,hna ah kan kal tawh ange" tihpah chuan a bag a la a,min rawn kuah a. "Hun nuam tak va hmang ang che Vee" ka beng bul a tih sap pah chuan ka chal ah arawn fawp zeuh a
.
Pierce-a lam chu a hawi a. "Tha tak in lo enkawl ang che. Ka ring che-..."
.
Pierce-a chuan a thusawi lai chu alo pawtchat a. "Ka hria alawm. Ka theihnghilh lovang" alo ti a
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
.
Hugh-a chuan nui ver ver chungin min chhuah san a. Chhang dang chu la in a laiah ka phel a,toaster ah chuan ka dah lut nghal a. Chutih lai chuan Pierce-a chu ka hnungah rawn ding in ka piah a cheese cream chu arawn la a.
.
"I breakfast tur siam sak che hi chu ka ba ve reng in ka hria" tihpah chuan ka biang ah arawn fawp zeuh a....avan nuam tak. A che lai chu ka thlir reng a. Fridge atang artui pumhnih leh cheese ala a,bowl ah ti keh in a tihpawlh a,a chawk ve rawk rawk a.
.
A chawh pawlh that hnu chuan chi tlem leh thing hmarcha tlem a phul leh a. In la profe deuh hian a coat chu ahan hlip a,a kawr ban pawh chu ahan thlep chhing a,a che lai chu ka thlir dauh dauh ringawt a.
.
Ka mitthla ah chuan zing tin a a kiang a tho tur ang in ka han in chan a,sweatpants han ha se,chuan ke lawng in han awm ngei bawk se la. Mahse.....hei tunah pawh ka breakfast tur min siam sak chu ani der alawm.
.
Ka thleng tur chu la in chhang toast thar leh artui kan chu min chhawp sak a,ka bulah chuan arawn dah a
.
"Ui....a van tui hmel em em" ka lo ti a. A artui kan te chu a hmel atang reng pawh chuan a tui tih ka hria. Cheese chuan a rawng a ti nalh hle bawk. Ka ei lai chu min lo en reng a,a mitmeng ah chuan a inchhuan hmel hle bawk.
.
Chutia min en reng takah chuan kan lo lai ve lo thei si lo. "Oh.....lo ngawi hmiah rawh" kan ti ringawt a.
.
A mitko alo san ak a. "Engmah ka sawi loh kha"
.
"Chuvang tak reng a.....ilo tawng angai lo ka tih" ka han ti thla leh rawk a.
.
.
.
A la reilo viau emaw tih lai in kan kal a hun der mai. Pawnah chuan Car dum in min lo nghak reng tawh a,kan thil te chu keng chhuak in Driver chuan kan luggage leh bag te chu min lo hlan pui mawlh mawlh bawk a.
.
Motor hnung kawngkhar chu hawng in ka lut a,Pierce-a chuan min rawn zui ve nghal a. Ka han ngaihtuah chian chuan vawikhatmah thlawhna ah ka la chuang ngai si lova,ka zam ta riau mai. Thlawhna accident lah hi a tam ve tawh si a,kan accident mai ang a? Accident ta ni ila kan tlakna a sang dawn ropui sia...Chutiang ka ngaihtuahna lamah chuan ka kut te chu a khur ti tih thei hial a.
.
Pierce-a chu ka han en a,ka awmdan chu a hrethiam ani ngei ang,ka kut chu min rawn vawn sak a.
.
"Kan zin tur hi kei zawng ka nervous e" ka ti a. A rawn nui ver ver a,a hmel nen chuan avan inhmeh tehreng em.
.
"Engkim hi tluang tak in a thleng dawn tih ka hria. Min ring rawh"
.
Ka lu ka lo bu a,tlem chuan ka thla a muang ta deuh.
.
Airport kan thlen chuan mi an lo zi nuaih nuaih a,thlawhna a chuang tur ho chu thil tifel tur in an lo intlar thap a. Mahse keini erawh hmundang pan in kan kal tlang nghal daih a.
.
"Ngati nge tah sawn kan intlar ve dawn lo ami?" tihpah chuan kan piah counter a awm ho chu ka va kawk a. Nui chung chuan ka kut chu arawn vuan a,min kai nghal a. "Engtin nge checking te kan paltlang ve phawt loh te chuan ticket min pek ang a?"
.
"A van hahthlak thin tak e aw...Olive" tihpah chuan min rawn en a,ka ngawi chiang hlemai.
.
Kan piah kawngka lam chu kan pan a,kan han chhuak chiah chu tlai lam ni chuan min chhun run a,kan piah lawk runway a Private Jet lo ding reng pawh chu ka va hmu thei a. A lian in a nalh ngei mai...tum dang in ka la hmu ngai lo. "Private Jet in maw?" makti tak chuan ka thlir dauh dauh a.
.
Ka kutah chuan min rawn kai a,Jet awmna lam chu min panpui a,step ah chuan kan lawn chho a. A pawnlam lan dan chu a nalh in a pui ngei mai....chhunglam pawh ka hmu thei thuai dawn e
.
Kan lut ta....Kareii!! Thutna te chu leather puan tha chi vek a siam ani a,chubakah inkalpawhna tur thawl nuam tak a awm bawk. Thutna hmaah chuan thing tha chi a siam dawhkan a awm a,a piah lawkah chuan Fridge te chi awm in eitur a khat tan a,a bul lawk ah Flat TV ala awm zui. A hnunglamah chuan curtain a inzar a,eng nge chumi piah lamah chuan awm tih erawh ka hre bik lo.
.
Chutih lai chuan hmeichhe pakhat,hmeltha deuh hian min rawn pan a. "Ka lo lawm a che u. Ashlee ka ni a,in flight assistant tur ka ni e. Khawngaih in in thutna turah lo thu ula,tun atanga reilo te ah kan thlawk chhuak thuai ang" tihpah chuan nelawm zet hian a rawn nui a,thlawhna hma lam a pan lehnghal a.
.
Pierce-a chuan min thut tir in ka seat belt tur te chu min hren sak a,ka bul chiahah chuan a thu ve bawk a. Min hrilh lawk tawh tho a,darkar 7 leh a chanve zet kan thlawk dawn ani. Ka zam ru hlemai....tiang te chuan engtin nge chutiang a rei boruak ah ka thlawh theih tehlul ang ni...?
.
.
.
Nuamlo ka tih ruk zia pawh Pierce-a pawh in a hria. A kut lum ther ther chuan ka kut chu arawn vuan a,ka kut changah tak chuan ahan fawp zeuh a. Current a man chhoh ang mai in ka ban zawng zawng chu a hit chhuak mum mum a. Ka thinphu rang hman zia mai chu....
.
Ashlee-i chuan ding chungin emergency alo thlen a tih dan tur te chu ahan sawi zung zung a,mahse ka thla a muan phah reng reng lo. Ka maimitchhing a,thawk ka han la vang vang a,ka awmna lai chu theihnghilh daih ka duh. Tunah chuan lei ah....him tak a awm ang a ka inngaih a ngai ani.
.
.
Mahse ka hmai lum veng veng chuan ka in concentrate lai chu arawn tibuai leh ta. Ka han meng a,Pierce a'n ka biangah alo fawp hi alo ni a. Zawimuang in ka khabe lamah a fawp thla riai riai a,ka nuam ti lutuk chu ka lo rum ham ham a. Chu chu Pierce-a ngaihthlak nuam tih tak alo ni nen....a chhunzawm zel a.
.
"E-eng nge tih i tum a?" ka aw te chu a khur lek lek a.
.
Ka nghawng ah a fawp thla a,chu tah ka beng ah a fawp chho leh a. "I rilru lak pen a ngai alawm" arawn ti sep a. Ka tukhum ah chuan a han fawp zeuh a,chutah chiang deuh hian min rawn en a,a nui deuh bawk a. Chutia min han fawh loh chiah chuan a vawt hawk ni ber hian ka hria. Ka la khamlo takzet....
.
"Tukverh ah khan han dak teh" arawn ti a. Chu veleh tukverhah chuan ka han dak a. Mak ka ti lutuk.....kan awmna atang chuan lei chu hla tawh tak ani. New York a in sang tak tak te chu an lang de ve ve chauh a,van boruak chu a thiang in chhum te chu lapaw chini ang mai hian a inhlum diat diat a. Ka rilru chu alo lapeng hneh tak em anih kha le...ka nui ringawt a
.
"Eng nge nuihzathlak awm a?" A aw ah chuan a hlim tih a hriat hlemai.
.
"Mi rilru lak pen chu i lo thiam kha mawle" ka lo ti ringawt a. Nuam ka lo ti hman viau ani ngei ang.....Pawilo,a tha tho e.
.
Ka seat ah chuan thu thluang in muthilh ka tum a,kan la thlawk rei dawn si a,duhtawk a mutna hun a awm. Ka che ka che a,vawitam ka tum hnu pawh in ka muhil thei thlawt lo.
.
.
Pierce-a ka va en a,ani erawh a muttui hmel ngei mai. Ka ngei lutuk chu va hnek mai tak ania ka nap.
.
Ashlee chu arawn kal a,mamawh ka neih leh neih loh min rawn zawh chuan Champagne ka duh thu ka lo hrilh a.
.
No ruk zet ka in hnu chuan tlem in ka mut pawh a chhuak ve deuh. Ashlee-i chuan hnunglam curtain chu arawn hawng a,enge awm chu ka hmu thei ta. Bedroom......
.
Khum lian zet mai,nalh em em hi alo inhung a,bathroom nawm hmel em em mai alo awm bawk a.
.
Khum lampan chuan ka phei a,a puan te chu a nem em em mai lehnghal. Han chen kual vel ka chak tlat....ka pheikhawk chu hlip in khumah chuan ka lawn a,ka thil in avang chuan ka kai deuh bawk nen,khum chuan min hip bet ta tlat a.
.
Mutchhuak chuan min zem riai riai a,lukham....ka lukham hmuh tawh a zawng a la nem leh dup nuam ber mai chu ka pawm a,ka nui ver ver a. Dreamland a kal ang mai ka ni
.
.
Ka harh chhuah hunah meuh chuan LONDON kan thlen tawh hram ka beisei.
.
.

.
. ★★ END OF SEASON -1 ★★