ROSEMARY BEACH (Season -2)

PROLOGUE

> RUSH P.O.V <




Kum 13 liam ta khan....




Kawngka kik ri ka hriat rual rual chuan ka ke a khur der der a,dan rual lovin ka thinlung a na nghal vawng vawng a. Ka nu in min rawn call a, an thil tih tur an va zawh tawh thu leh rilru tih thawven nan a thiante nen cocktail dawm ho lawk a duh thu leh Nan-i amaha a rawn haw tir thu min rawn hrilh a. Nan-i lo hnem a,lo thlamuan theitu awmchhun chu keimah chiah ka ni ta. Ka nu chu ka hrethiam takzet. Hun khirh tak an hmachhawn zo chiah a, Nan-i rilru na hmuh leh chu zo a inti tawh lo a ni.




"Rush...?" Nan-i chuan inhnit hlawp hlawp chungin min rawn ko a, a la tap reng a ni tih ka hre nghal mai.




"Heta hi ka awm e Nan" tih pahin pindan kila ka thutna beanbag atang chuan ka tho chhuak a. Chulai hmun chu ka biruk thinna a ni. He inchhungah hi chuan biruk angai tlat.




Nan-i sam mawi tak, sen hniang mai chu a hmai mittuiin a a tih hnawng chapah chuan a bet kual nuaih a. A hmui sen vam hiam mai hnuai lam chu a khur der der a, mittui tling pam leh mit sen rum chungin min rawn melh chho a. Hlim hmel an put lai reng ka hmu ngai lo.




"Ka va hmu ta lo. Inah a lo awm lo va" tiin a rawn phun sep a, chumi pah chuan a rawn ngik feih a. Tunge a va hmuh tum pa chu tih zawk ka ngai lo. Nan-i chuan a pa chungchang zawhna chhan harsa tak tak ka nu a zawt fo a,ka nu chuan a thei tawh thlawt lo a niang e. A pa hmu tur chuan a hruai chhuak ta nge nge a. A va hmu ang a, tha takin an va inbia ang chu ka tih naklaiin Nan-i hmel kan hmu leh chiah chu ka kut ka hum ruh kher mai. Chu pa chu a huat hian ka haw hluah hluah. Na taka a hnar a hnek sawk chu ka ba hliah hliahin ka inhria a,a thisen chhuak mawlh a ni ka hmuh chak ni.




"Hetah lo kal teh" ka ti a,ka ban pahnih ka phar chhuak nghal a. Ka lamah rawn tlan pheiin ka kawngah nghet takin min rawn kuah a. Kan hun tawn mek boruak rih zia chu hrehawm tak a ni. Hetiang renga Nan-i a awm bik ka hmuh hian ka thinlung a na ngawih ngawih a,kei te chu la zia tak ka ni. Ka pa nen inpawh takin kan awm a, hmuh pawh kan inhmu fo thin.




"Fanu pahnih a lo nei a, an hmel pawh.....a tha lutuk. An sam pawh vantirhkoh sam ang mai hi a nia. Chuan nu hmeltha deuh an nei bawk a. A nu nen pawnah an lo infiam a, chuan tennis shoe an bun ve ve bawk". Nan-i hian tennis shoe neih ve a chak thei em em a,mahse pawisa kan neih loh avangin ka nu in a phal sak ngai lo.




"Nang ai chuan an hmeltha bik hauh lovang" tiin ka lo hnem a, ka rilru tak tak ka sawi bawk.




Nan-i chu a insut hlep hlep a,min kuahna chu thlahin a mitmu hring nghalh,fiah kak mai chuan ka lamah a rawn hawi chho a. "An hmeltha lutuk. Ka hmu alawm. Banga thlalak intar pakhat ka hmu bawk a. Chutah chuan pa pakhat leh a fanute pahnih thlalak a chuang a. Anni chu a hmangaih hmel khawp mai. Kei chu min hmangaih ve lo a,min duh ve lo a ni".




Dawt ka hrilh thei lo. A sawi dik a ni. A hmangaih ve lo.







"Kha pa mawl tak kha i mamawh reng reng hleinem. Kei ka awm alawm Nan..., Engtik lai pawhin i tan ka awm reng ang".










Chapter -1




>BLAIRE’S P.O.V<




Present Day...







Damdawi dawr pan tura khua atanga mel 15 zet han kal mai chu hla vang vang tak a ni. Tumah damdawi lei turin chutiang chen chen an kal lo tawp ang. Tleirawl kum 19 mi, a ruk taka eng emaw lei duh avanga kal te anih ngawt loh chuan. A ni lah taka, Alabama khaw te tak te, Sumit angah hi chuan eng mah hi a ruk a awm thei lo. Thil hote emaw kan tihte pawh hi rei loteah khaw pumin an lo hre leh hman zel. A bik takin zawng lai ni chung a condom i lei a ni emaw.., rai leh rai loh enna i lei a nih ngat phei chuan.







Counter-ah ka ding ran a, pregnancy test kit chu ka la vata, dawr nghaktunu lam pawh ka hawi tha ngam lo. Ngam lo ni mai lovin ka thei lo a ni. Ka mitmenga hlauhthawnna leh thlaphanna chu midangin an hmuh ve kher ka duh lo. Tuna ka thil tih lai mek hi chu Cain-a pawh ka hrilh lo.







Rush-a in atanga ka chhuah atang khan kar 3 lai a lo liam leh ta reng a, a ngai ang bawkin Cain-a nen bawk kan inzui leh ta chawta. Hriat duh tam tak a nei ngei ang. Mahse min zawt ngai lo va, sawi turin min nawr lui ngai hek lo. Ka sawi hunah tha tak leh dawhthei takin min lo ngaihthlak sak mai thin.







“$16 leh cents 15” dawr nghaktunu chuan a rawn ti a, a aw a thil hriat chian chakna ri tel chu mak ka ti hran lo. Hei vang hian alawm hmeichhe tam takin an lei zah fo thin reng ni. A hmel pawh en tha thum mang lo chuan $20 note ka pe a, pawisa kir pawh ka la leh nghal vata. Ka period hun thla hnih zetin a pel tawh a, ka la hul tlat mai. Ka thil tih zawng zawng ngaihtuah letin ngaihtha taka awm thei pawh ka ni lo.




“Ka lawm e” tih pahin ka inher a, ka kal tur chu “Engkim a tha lam vek a nih ngei ka beisei pui che” tiin dawr nghaktunu chuan min rawn tawng thlamuan a. A lam chu hawiin a mitmeng a min khawngaihna hmel lang tel chu hmuh a nuam ngei mai. Hmelhriat loh a ni a, hmuh pawh ka hmu nawn leh tawh kher lovang. Mahse a mi thlamuanna thu tlemte chuan ka mal lo a ni tih min hriattir tlat.







Nui seih chungin ka bu zeuh a, pawn nipui ni sa rum rut mai lamah chuan ka pen chhuak lehnghal a.







Parking lot lam ka pan a, ka truck driver site lama ding pa chuan ka mit a la riau. Cain-a chu kut kuangkuah chungin a lo ding reng a. Baseball lukhum University of Alabama tih chuanna hi a khum a, a mit hliah turin a hma thlawk chu tlemin a kuai tla deuh a.







A hma zawnah chuan dingin ka en reng ringawt a. Helai hmunah hian condom lei tura kal ka ni lo a ni tih a hria. A nih chuan rin tur pakhat bak a nei lo. A mitmengah hmu kher lo mah ila a hria a ni tih ka hre thei.







Ka chil ka lem ri khawlh a. Tukin khan a ruk a ralin khua atang ka inkhalh chhuak a, a chhan chu tuma hriat ka duh loh vang a ni. Kha dawr nghaktunu khan a hria a, tunah ka thian tha berin a hre leh ta chu a nia.




Zawhna min zawt a nih leh tha takin ka chhang mai a niang chu. Kar 3 a liam tawh a, thudik hriat pawh a phu ve viau tawh alawm. Mahse engtin nge ka han hrilhfiah ang?







A hma zawn ban phak lekah ka ding vang a, lukhum a khum hlauh chu a tihzia ngei mai. A mitmeng awm dan ka hmuh loh chuan ka duh ang takin thil pawh ka sawi thei zawk ang.







Ngawi rengin kan ding reng ringawt a, a tu zawk ve ve mah kan tawng lo. Tawng hmasa zawk nih chu ka duh alawm. Hetiang hi chuan ngawi rengin minutes tam tak pawh min dinpui thei ngei ang. A chhan chu tawng hmasa tura min duh miau avangin.







“Engtin nge helaiah ka kal a ni tih i hriat a?” a tawp a tawpah chuan ka tawng hmasa ta nge nge a.







“Ka pi bulah i cheng a, tukin a a ruk a rala i chhuah lai kha a hmu reng che alawm. Min rawn call a”







Pregnancy test kit ka ken chu nghet takin ka pawm a. “Chuan min rawn zawng ta a”







“Zawng che chu a nih hi” tih ringawtin min chhang a. Hawi sawnin hmun dang a melh daih a. “Chuan min hrilh ve i tum tawh em Blaire?”







Ka hrilh ang nge hrilh lovang? Ka la chiang bik lo. “Engkim hi sawi vek a tha ber em tih hi ka la hre lo a ni” tiin ka chhang a.







Cain-a chuan a lu a thing a, za lo tih hriat zetin a nui ro halh a. “La hre chiang lo maw? Hmun hla tak atang hetah i rawn tlan haw a ni a, chuti chung pawh chuan ka la chiang lo i la tia”







A thinrim nge a rilru a na zawk? A eng pawh chu ni se a khawi a mah mah chu neih ngawtna chhan tur engmah a nei lo “Hei hi ka test phawt loh chuan la chiang thei hek lo vi. Ka la period miah lo va, chu zawng chu a ni mai. A chhan ka hrilh kher che pawh angai lo. I hriat ve kher pawh a tul lo”







Cain-a chuan muang changin ka lam a rawn hawi a, a lukhum chu a phelh a, tunah chuan a mitmeng pawh chiang takin ka hmu thei ta. A mitmeng chu mak tihna leh rilru natnain a khat a. Chutiang hmel a pu lai chu hmuh ka duh lo. Keimah vang a nih ngat phei chuan hmuh nuam lo tak a ni tlat.







“Chiah maw? Chutiang rilru chu a ni maw i lo put? Hei chen kan inzui leh hnuah pawh chutiang rilru tho chu a ni maw i la put?”







Hun liam ta thil te kha a theihnghilh ta em ni? Ani chu ka hun liam ta a mi mai chauh kha alawm a nih. A tel lo hian thil ka sual chhuak hnem lutuk tawh. College nun nuam ti taka a chen lai khan kei chuan dam khaw chhuak turin a beihin ka bei tawh. Tun a taka an thinrim thar ve ni. Ka thin a rim zak mai. Chiang takin a mitah chuan ka met let kalh a.







“Ni e Cain, chu chu ka rilru put dan a ni. Kan inkar hi eng angin nge i lo ngaih tih chu ka hre lo. Thian tha tak kan ni a, chuan kan inngaizawng leh a. Ka nu thih ngamin a na a, chutih laiin nangin min lo kawp a. Ka nu kha keimahin ka enkawl a, tumahin min pui hleinem. Tichuan a thi a, kan khua ka chhuah san a. Ka rilru lam letin hetah ka rawn kir leh a. Ka tan lo awmin ka thian tha tak i ni leh a, ka lawm. Mahse chu chuan tanpui ka ngaih lai leh ka mamawh em em lai che a min kalsan kha a hliah khuh zo reng reng hleinem. Helai a ka rawn let lehna chhan hi i ni lo a, hetia tha taka kan inkawm leh thei ringawt pawh hi lawm hle tur i ni tih inhre rawh”







A thawk hian ka thaw hlawp hlawp a, ka duh loh deuh ka mittui bawk chu ka biangah a rawn luangthla nguai nguai a. Ka pan phei a, ka tha neih chhun ang ang chuan nam sawnin ka truck kawngkhar a luh chu ka tum a. A bul hnai ni lo, hmun danga awm ka duh rih.







“Kiang tehh” tih pahin ka truck kawngkhar chu ka pawt hawnga. Thu lutin ka thil lei chu ka piah thutnaah chuan ka dah a, parking lot atang chuan ka tawlh chhuak nghal a. Cain-a chu a dinna ngaiah che lovin a ding reng a, chet sawn tum pawhin a lang lo. Mi pawh a en chuang lo. Chhanna a pe emaw tih mai turin lei lam chu a melh ngawrh ngawrh a, inthiam lo hman ka ni lo. Kal sawn vat ila a tha ber.




A bula ka sawi chhuak lo a nih chuan kum eng emaw chen ka chhungril a inup bet tawh chu phawrh chhuah lovin a in up bet reng dawn a. Mahse sawi chhuah nan chuan a lo tlai lam hret tawh a ni ngei ang. Ka tan pawh nuam lo a chang zo ta. Mahse chumi avanga rilru ti hrehawm tur ka ni lo.







A pi in lamah pawh ka let rih lovang. A phone lawk vek ang a, a pi pawhin min lo lawm teh viau kher lo ang. Thlan tur dang vak nei hek lo le. Pregnancy test na hi chu servise station thutmuanna pindanah ka en chhin tawh mai ang. A pawi lo lem lo ang chu maw...?













>RUSH’S P.O.V<







Vaukama tui rawn fawn phul bulh bulh mai chuan min ti hahdam veng veng mai. Helai thutthlengah hian ka naupan lai a ta tawh thuin tuifawn mawi tak mai chu ka thlir fo thin a, rilru hrehawm tak a ka awm a tumahin min hnem theih loh lai pawhin tuifawn chu min chhawk hahdam ber tu a ni thin.







In chu a ruak nghiai a, ka nu leh kha pa, ka huat em em, meidil a kang so bawrh bawrh tura ka duh em em pa te pawh khan kar thum liam ta a Alabama pana ka kal lai khan in chu an lo chhuah san a. Ka thinrim a nasain ka thinlung a kehsawm bawk nen, ka bula awm chu tumahin an peih hauh lovang.







Nun hrehawm leh hahthlak tak kan hman zawh hnuin ka nu chuan chu pa chu pasal a tan a nei a, kal bo turin ka ti nghal bawk a. A chhan chu a tu a ve ve mah chu ka hmu peih lo a tin ni. Ka nu chu biak a va call te pawh ka chak thin. Mahse chutiang ti tur chuan ka mihrinna in a tlin lo.







Ka nu ngaihdam chu sawi mai aia awl lo daih a ni. Nan-i, ka farnu pawhin vawi tam tak ka nu be turin min nawr fo a, heng zawng zawngah hian Nan-i thiam loh engmah a awm lo. Mahse ka thil lo hloh tawh zawng zawngte rilru a ti thar leh tu mai a ni a, ka duh lo a ni.







In chhung lam atang thawm rawn awm chuan ka ngaihtuahna atang min ti harh chhuak hlawl a. In lam ka hawi vata, tu emaw hian door bell a rawn hmet ri ral ral a, kawngka a rawn kik dawt dawt bawka. Tu phiang seng nge maw ni ang le..? Blaire-i a chhuah atang khan Nan-i leh Grant-a bak tumah an rawn kal ngai lo asin maw le.







Ka beer inlai chu dawhkanah dahin ka ding chhuak a. Tu pawh nise helai hmun a sawm loh a lo kal chu chhan tha tak a awm ngei tur a ni. In chhungah chuan ka lut a, inchhung pawh a fel fai khawp mai. Inkawm khawm leh party a awm ta ngai lo bawk a, a tifaitu in a a tihfai hlim ang reng a ni.







Kawngka lah chu a rawn kik ri dawt dawt reng a. Kawngka lam panin ka va hawng a, ka hawn rual rual chuan thlawk haw nghal tura vin hrep mai ka duh hial a. Amaherawh chu hmuh leh ka beisei tawh reng reng loh ka hmu nawlh mai. Chu pa chu ka vawikhat hmuhna atang ka haw nghal a, tunah lah ka inah ngei a rawn kal ta si.







A awmah chuan tham lawk a, thin hrep mai ka duh nghala, chutih ruakin zawhna zawh tur ka ngah lutuk. Khawiah nge Blaire-i a awm? A tha em? Khawngaihin a ni nen hi chuan cheng dun lo lul rawh se. Ni lo ni lo, chutiang chu a thleng thei lo hrim hrim.







Ka kut chu ruh zetin ka hum rana.







“Thil pakhat chiah hriat duh ka nei” Cain-a chuan a rawn ti a. Blaire-i bialpa hlui chu awih harhsa ti tak chungin ka en reng ringawt a. “Nang hian” a tawp deuh chawt a, a chil a lem khalh a. “Nang hian....i lo mutpui em ni a?” a tawng chu a sehchilh hle mai. A baseball lukhum chu phelin a sam chu a tuai thur a. A mit hnuaia dark circle awm phei raih atang chuan a chau hle a ni tih a hriat theih mai a, a hmelah a mangan ruk hmel hle bawk.







Ka thinphu chu a ding dawtin ka hria. A banah manin ka lamah ka pawt sawk a. “Khawiah ngei Blaire-i? A tha em?”







“A tha..., ka sawi awmzia chu; a dam tha e. Ka ban i hmeh sawp hma khan min thlah vat teh” Cain-a chu a te that a. Ka kut atang a ban chu a phih sawn vata. “Blaire-i chu a dam tha a, Sumit ah a cheng mek. Mahse chu chu helaia ka rawn kal na chhan hi a ni lo”







A nih chuan eng vanga helai hmun a rawn kal nge a nih? In zawmna pakhat chiah kan nei. Chu chu Blaire-i chungchangah.







“Kan khua Sumit a chhuah san thleng khan hmeichhe nungchang tha leh ze zawi tak a ni thin a, hmeichhe fel tak a ni. A bialpa neih awm chhun ka ni a, tet te atang a inthian tha tak kan ni bawk . Hun rei lo te chhung a thang bo a, a rawn let leh erawh a hma a mi nen chuan hrang hlak ang a ni. A chhan a sawi ngai lo a, eng tikah mah a sawi kher lovang. Ani leh nang inkarah hian eng thil chiah nge thleng tih ka hre duh a ni. . Ka zawh tawh che ang khan...,i lo chetsual pui em ni?”







Ka khawhmuh a vai ruai a, chu pa chu thuai sawm nghal bak ka rilruah eng dangmah a lang lo. A ram chin a pel mah mai a ni e. Chutianga Blaire-i chungchang min zawh theihna tur engmah a nei lo a, hmeichhe tha tak a ni tih rinhlelhna tur eng zawhna mah nei thei a ni lo. Blaire-i kha hmeichhe fel leh tha tak a ni sa reng a, a la ni reng bawk.







“Ekhai lehhh...!! Rush, unaupa, thlah rawh thlah rawh” Grant-a aw ka hre hlawl mai. Mahse hla tak, leiverh chhung atanga rawn au ni maiin ka hria. Ka hma a ka tham pa chiah chu ka hmu. A hmaiah ka kuttum a thlawk phei ri chawk a, a hnar atang thisen a rawn baw nghal puata. . A thisen a chhuak e. A thisen chu alawm ka hmuh duh. Thisen chhuak ka hmuh chak lai tak a ni.







Kut pahnih hian min rawn pawm nawlh a, hnung lamah min hnuk phei a. Cain-a chuan a hnar thi hnuang chu a dawm a, a hlauhthawn hmel ngei mai. A mit pakhat a rawn meng tawk tawk a, lehlam erawh a inkhar phui hmak.







“Eng thil phiang sen nge i lo sawi a?” Grant-a chuan ka hnung lam atangin a rawn zawt a.Min rawn hnuk sawntu pawh kha Grant-a ngei a ni.







“Khatiang thu kha han sawi leh vaih teh” tawng tuma Cain-a lo ang zuau chu vin zetin ka vau zui nghala. Blaire-i laka che mawi lova ti bawrhbang ang hial a min han chhuah chu le.




Grant-a chuan min kuah nghet hle a, a awmah min dawm bet tlata. “Haw rawh. Kal bo vat rawh. Hetiang hian rei tak ka chelh thei dawn lo ania. Thahrui in inneih that hleih zia hi hria la, tlan vang vang la rawn let leh tawh reng reng suh. Ka rawn hmu hman hlauh che u a i vannei mai mai a nih kha”







Cain-a chu a bu zeuh a, hmanhmawh takin a truck lamah a chuang lut nghal vata. Ka thinrim erawh a la reh lo nasa mai. Kha aia na deuh hlek a khawih kha ka chak asin le. A thluak bur a a ngaihtuahna awm chhun chu Alabama a chhuah san atang khan BLaire-i chuan a nihna a hloh zo a, a hma a pha tawh lo tih hi a ni. Ka chhungkaw mi leh sa te vanga chutianga awm chu a ni tih a hre ve mang der si lo. Hmeichhe tha tak a ni a, kei hian ka phu lo hliah hliah a, a rilru ti na tu mai ka ni ta si a. Engtiang chiahin nge maw a lo enkawl le..?







“Thlah ta che i la a truck saw i va chum chhe mai lovang maw...nge ni a i inbengdai tawh?” Grant-a chuan min rawn ti a.







“Ka tha e. Ka inbengdai tawh e” ka tih chuan nghet taka min vawn behna chu a thlah ve ta a. Thawk ka han la deuh hak a, mahni lo maha hetiang ka nih sa tawh nak laiin, chutiang kher kher a a rawn tawng leh bawk nen, ka thinrimna leh ka thisen lum chu ka thunun zo thlawt lo.







“Min han hrilh teh. Eng vanga khati tak a che kha nge i nih? Eng thu fakau nge i hnenah a lo sawi a?” tiin Grant-a chuan min zawta.







Ani hi ka unaupa neih chhun tak tak a ni a,min hringtu pa in ang lo mahse tette atanga seilian dun kan ni a, kan inpawhna pawh a thuk bik hle.







“Blaire-i bialpa hlui a nih kha” tih ringawtin ka chhanga.







Grant-a chuan a hrawk an thian kharha “A nih chuan, uhhh..., rawn diriam tur chein a rawn kal tihna em ni? A lo tawh ve vangin a ni maw thi chhuak khawp a i lo hnek?”




A thusawi chu a dik lo ve ve. Ka lu ka thing a. “Ni lo ve. Blaire-i nena kan inkar thu min rawn zawt chiang turin a rawn kal a nih kha. Chu zawng a lo buai ve na tur a ni lo”.







“Ahh...,ka hrethiam e. A chan tawk a hmu a nih chu. Kha...,hnar thi hnuang leh mit pawh meng tha thei mang lovin a haw alawm”







Grant-a lam chu hawiin ka nui saka. “Min rawn thelh avang khan ka lawm e. Ka lo inthunun zo lo leh thin a”.







Grant-a chu a bu zeuh a, kawngka chu hawngin “Ti rawh, i kal ang. Beer dawm pahin eng game emaw i va khel teh ang”.







END OF CHAPTER -1



Chapter -2

 > BLAIR'S P.O.V <

Bethy chuan Jace-a car chu Dairy K kawtah chuan a park a, chulai hmunah chuan Callie car Volkswagen pawl pawh a lo inhung ve ran a. Car atanga chhuah min ti phur tehchiam lo. Ka let leh atang hian Callie nen chuan tum hnih vel chu kan inhmu ve zuai tawh. High School kan kal lai atang tawhin Cain-a hi a melh ru reng thin a, a duh hle a ni tih pawh ka hria. Tunah ka haw leh ta chenga Cain-a ka bulah a tla a tla leh ta mai a, an inkar boruak pawh ka ti sukuk deuh a ni tih ka inhria a,mahse Cain-a zawng engtikah mah ka chhuh sak lovang. A ta a ni e.

Bethy car atanga a chhuak tur chu a kutah ka lo man vat a. "Car chhungah hian titi zawk mai ang".

"Ngati maw...? Ice cream lei te ka duh alawm. Ka ei chak a"

"Dawr chhungah chuan mi an tam si. Heta inkawm hi ka duh zawk"

Bethy chu a thaw haka, car seat a rawn thut luh leh pahin "Ice cream emaw cookies emaw ka ei a rem rih lo aniang e" tiin a phun sap a.

Lo nuih ver ver pahin thawk ka la haka. Car tukverh chu a dum a nih avangin pawn lam atang tuman min rawn hmu thei dawn lo va,bakah kan bul hnaiah motor ding ve dang an awm lo hlauh bawk.

"Ka ngaih zia che hi Blair, nang ang renga thian kawmngaih hi ka la nei ngai lo. Rei lo te i rawn awm a,i kal leh daih a. I tel lova hna thawh zawng hremhmun te nau hi a ni ringawt. I kal bo daih kha chu ka thin a rim lutuk a. Jace-a nena kan inkar pawh tu bulah mah ka la sawi ngai lo. A duhawm zia leh ka tana a that zia hi i bulah bak sawina tur ka nei lo a tin ni. Ka ngai lutuk che".

Ka mittui a rawn hnam tiam tiam a, kei pawhin ani chu ka ngai takzet. An vai mai chu ka ngai vek. "Kei pawhin ka ngai lutuk che" ka ti sapa.

Bethy chu a nui seih a. "Helai a ka lo kal chhan chu thil pakhat vang ania. Jace a'n kan club hmingin ka in tur min ngaihtuah saka, a man lah chu aman a lo pe vek lehnghal. Mahse mahni chauha awm chu ka zuam vak lo va, min rawn awmpui la ka duh a ni. Roommate tur ka mamawh takzet. Woods-a pawh ka be tawha, i lo let leh a nih phawt chuan i hna ngai kha i thawk chhunzawm leh thei bawk ang".

Rosemary a let leh maw..? Khawiah nge Rush-a te, Nan-i leh ka pa te..? An ni hmuh leh chu ka thei tawh lo. Ka let leh thei tawh lovang. Club ah te pawh an rawn la kal ve leh anga. Ka pa in Nan-i golf khelhpui tura a rawn hruai hunah eng tin nge ka lo awm ang? Ka thei lo ang. Ka tan zawng a rilru nat thlak dawn emai.

"Ke thei lo" ka ti chhuak thawt a. Thei ilang chuan let leh pawh ka duh lutuk. Khawiah mah kalna tur chuang ka hre lo a,helai khuaah pawh awm reng thei ka ni lo. Cain-a leh Callie te inkar ti chhe tu mai mai ka ni. Chuta karah ka rai a ni tih ka la hrechhuak zui lehnghal. Mahse Rosemary ah kher kher chuan ka let leh thei tawh lo ang.

"Khawngaihin Blair, ani pawhin a ngai lutuk che. In pawh a chhuahsan ngai lo. Jace-a phei chuan a â zo vek tawh a ti".

Ka awm zawnah hian min hnawh ut ut a, Rush-a hrehawm ti takin a awm a ni tih hriat chu ka tan a hrehawm lutuk. In nuam tak a nei a, party te throw in an leng kual ang a,a lunglenna te chu reh vat turah ka ngai mai a. Kei pawh chu mi beisei chuan ka kal bo a, mahse engkim mai hian amah min hriat chhuah tur reng mai zawng a nih hi.

"A tu a te mah kha hmuh leh ka duh tawh lo a ni. Ka tan chuan a harsa lutuk" ka ti a. Nau ka pai chungchang erawh engmah ka la sawi duh lo. Sawi turin huaisenna pawh ka la nei tam tawk lo. Cain-a tih loh chu tumah ka hrilh kher lo maithei a ni. Hmun dangah ka insawn ang a, chutah chuan tumah ka hre lo anga, tuman min hre hek lovang. Tichuan nun bul ka tan tha leh dawn a ni.

"I pa leh Georgiana-i chu an zin bo daih a, Nan-i pawh a reh ta khawp mai. Rush-a awm dan hian a ngaih a ti tha lo deuh a nih ka ring. A tirah te chuan a haraa deuh pawh a ni thei. Mahse i hliam tuamna i phelh a, i kalsan hunah chuan zawi zawiin a hil mai ang. Woods-a hnenah i thawk leh ang a, ani pawh hian beisei deuh chu a neiin ka hria".

Woods-a zawng ka duh lo. Engmah hian ka rilru an kuai peng zo rih lo. Bethy lah chuan thil zawng zawng a hre ve si lo a,kei laiin ka hrilh mai thei bawk si lo.

"Rawn let leh pawh a chakawm viau nangin.....ka thei rih lo a ni e. Min ngaidam dawn nia".

Bethy leh ka hna vang chauh tal pawhin theih chu ni se ka let ang.

Bethy chu a thaw haka, seat hnung chu nghengin a mit a chhing a. "Aw le,ka hrethiam. Ka thu hriat hi ka duh lo viau nangin ka hrethiam e".

Bethy kut chu ka va vuana, ani pawhin min lo vuan let a. "A nih chuan roommate tur dang zawn ka tum lo va, inngaihtuah nan kar khat talte chu hun lo hmang ve hrim hrim phawt la. A tha em?"

Ka lu ka lo bu a.

"A tha e. A nih chuan kei pawh kan haw dawn tawh ange. Tawngtaia tunge ka nih chiah tih inhriat nawn tir leh te pawh ka mamawh" tih pahin a thutna atang chuan a rawn tho kanga,min rawn kuaha.

"Chaw ei tha rawh aw. I cher emai"

"Aw le"

Bethy chu a thut dan pangaiin a thu tha leh a. "Chutia ka ruala i rawn haw ve dawn tak si lovah chuan kan chhuak thawveng dawn em ni ang? Zan ka riak mai ang"

"Aw le. A phurawm khawp ang chu. Mahse honky-tonk ah chuan ni lo se" ka lo ti a. Rush-a min hriat chhuah tirtu a ni dawn a,kal rih loh ka duh.

"Tehreng mai. Mahse he khuaah hian chu lo eng thil dang nge awm vak a?E..ka hre leh si. Birmingham a hla tawh lo. Chutah chuan va kal ang".

"A tha khawp ang chu. Hun nuam deuh kan hmang dawn nia".

Chutia kawngpuia kan tlan lai chuan Cain-a pi, Pi Q-i inkawt kan tlan thleng a. Kawtah chuan thuin bean mu a lo kheh a. Hmuh ka hreh viau a,mahse kar 3 chhung zet min lo kuah lumtu a ni a, va hmuh ve reng reng ka duh. Cain-a truck hmuh tur a awm lo bawka, Cain a'n engmah a la hrilh lo turah ngai ang.

"Ka lo kal ve na chi a ni angem?" Bethy chuan a lo ti a.

"Chi e...lo kal ve rawh" tihpahin Car atang chuan kan chhuak dun nghal a.

Bethy nen chuan kan phei dun a, Pi Q-i chuan a bean mu kheh lai chu a kheh mual mual a, hawi pawh a rawn hawi chhuak lo. Kan kal thawm pawh a hre vek. A sawi tur a ngaihtuah mek a ni ngei ang. Cain a'n engkim a lo hrilh vek tawh a ni chiang mai.

A bulah chuan ka va dinga, a rawn la hawi chhhuak chuang lo. A sam tuak var vek tawh chauh chu ka hmuh theih awm chhun a ni. A in a ni a,ka chen ve a phal tawh lo a nih pawhin ka insawn mai aniang chu.

"Hey Pi Q" ka han ti a. A rawn hawi chhuah hun ka nghak deuh tawp a. Mahse a reh hian a reh vawng vawng mai.

Ka lakah a lung ni lo a nih dawn hi. Cain-a zet zawt chu ka van haw tehreng em. Tawngtheih thlak lutuk mai.

"Hei hi ka thiannu Bethy a nia, min rawn tlawh a" ka han ti leh a.

Pi Q-i pawh a rawn hawi chhuak ve ta hlawl mai. Nelawm takin Bethy chu a rawn nuih a,ka lam a rawn hawi leh a. "Inchhungah va luh pui rawh. Ice tea kha tam leng lawngin siam sak la, bean mu chhum ka dah daih sa kha in ei dawn nia. Chumi zawhah hetah lo kal la, eng emaw sawi lawk ka duh a" a ti a. Ka bu zeuh a,. Bethy nen chuan kan inzui lut nghal a.

Inchhungah chuan lutin Bethy chu ei tur leh in tur ka siam sak mawlh mawlh a. Ka siam zawh veleh ka pe nghal a."Ti khan lo ei rawh aw. Rei lo te ka va chhuak lawk ange" tih leh chhuah ka rual nghal a.


MEMBER TE ADVERTISMENT IN LO CLICK LEH VEK DAWN NIA


Pi Q-i chhuat thingphel chu rah zawngin chhung lamah a chik tet tet a, ka kawngka kharte chu ka duh aiin a ring a. A eng lai pawh chu a hlui ve thawkhat a ni tih a hriat theih mai. Helai sumhmunah hian kan tet laiin Pi Q-i bean mu kheh chu Cain-a nen kan pui fo a, ka tet lai hun tam tak ka lo hman ral ve tawhna a ni bawk nen, Pi Q-i tih lung nih loh chu ka duh lo tak zet.

"Rawn thu teh bawih-i . Tap teuh deuh hmel pu chung khan ding reng teh suh. Nang hi chu ka fa ang chiah a ka en che i ni a, ila hrethiam lo a nih pawhin hriatthiam hun i la nei khawp ang. Kan nau mawl tak-a hi nupui neihte pawh a hun chho ve dawn tawh a. Harhchhuah nachang a la hre ve ang chu ka tih laiin a chhah tulh tulh mai si. I va kal bo na lamah khan mi thar i va tawng em lo ang chu maw...?"

A thil sawi dan chu ka rin loh lam daih a ni. A bulah chuan thu vein a thil kheh lai chu ka kheh pui a. "Cain-a nente chuan kum 3 kal ta khan kan inthen daih tawh alawm. Kan inkarah engmah a awm tawh lo. Thian ang chauh kan ni tawh".

Pi Q-i chu a rum nghut a. "Chutiang a ni lovang. In tet lai atang reng pawh khan nangni hi chu then hran theih in ni ngai lo. I lang atang a mit hi a la sawn thei ngai lo reng reng a. Mipa te hi chu an han rawlthar chho a,an mahniah hian danglam hi a awm ta tlat thin a. In han inthen pawh kha pawi hi ka ti khawp a. A chhan chu Cain-a tan hian Blair-i dang an awm leh tawh ngai dawn lo a ni. Nang tih loh chu".

Ka rai chungchang vel engmah a sawi lo chu ka thaw huai mai. Cain-a nena kan inkar chhui kir leh vak hi ka duh ngai vak lo va. A chhan chu thinrimna leh inchhirna bak engmah min thlen tawh lo a ni. "A reng reng thu-ah Cain-a hi vawiin hian a rawn la haw leh lo em ni?"

"Niang chu. Zingah nangmah hmu tur chein a lo kal a, zing kara i chhuah daih thu ka lo hrilh a. A mangan hmel em em a,zawng tur chein a rawn chhuak nghal a. A mangang lutuk kha a tap titihin ka hria. A tet lai tih loh kha chu a tap hi vawikhat mah ka hmu leh tawh ngai lo. Tukin tih chauh lo kha chu"

Ka mit ka chhing a,ka thih kheh lai pawh chu bawmah chuan ka dah a. Eng vanga Cain-a chu tap nge maw a nih le..? Hun hei leh chen a liam tawh a, eng vanga la la serious em em nge a nih? "A chhuahna a rei tawh em?" ka ti a. Kei lahin damdawi dawr kawtah khan ka lo la an khum vak mai bawk si a.

"Darkar 9 vel chu a liam tawh ang. A a ang reng. I theih phei chuan va bia la,i that thu va hrilh rawh".

Ka lu ka bu nghauh a. "I phone ka lo hmang thei angem?" tih pahin ka ding chhuak nghal a.

"Thei e le. Chaw te kha va ei phawt la. Ka siam teuh a nia. A ei a tan ka tia, a duh ber ka siam saka".

"Cherry a ni maw?" ka lo ti a. Pi Q-i chu a nui suka. Cain-a hi zawng ka hre chiang ve tawk alawm. Hun tam tak kan lo hmang dun tawha, a chhungte nen lam hian ka ngaina vek.

Bethy chu kawngka bulah chuan lo dingin a ice tea chu a lo in a,kan thusawi kha a lo hre vek tih pawh ka hria. A pawi ka ti hran lo. A phone chu a rawn lek chhuak a. "Kha, hei hian va be rawh. Sawi fel vat rawh u".

Phone chu lain thutkhawmna pindan lamah ka lut phei a, a phone number pawh ka la by heart hneh lutuk. A phone hmasa ber,kum 16 a nih laia a hman kha a la hman reng avangin.

"Hello" a rawn ti a, a aw atang chuan dik lohna a nei tih ka hre nghal. A hnar ping aw tuau mai.

"Cain, i tha em?" ka aw chu a khur deuh dar dar a.

A han ngawi vang vanga. "Blair...,Aw.,ka tha e"

"Khawiah nge i awm?"

A aw a han thian deuh hrawk a. "Ka umm..., Rosemary Beach ah ka awm mek"

Rosemary aa..?? Sofa ah chuan ka thu hnawk a, phone pawh chu nghet takin ka vuan a. Rush-a chungchang a sawi dawn em ni? Ka thinphu a rangin ka mit ka chhing vata. "Eng nge Rosemary beach i va tih? Eng thil nge..." ka sawi chhunzawm thei tawh lo.

"Va hmuh ve reng reng ka duh a. A hmangaih tehreng che em tihte hriat ka duh a. A chhan chu hriat ka duh a ni"

"Eng nge a bulah i va sawi? Eng tin nge i va zawn chhuah a? I va hmu em?"

Phone atang chuan hriam zet hian a rawn nui huk a. "Hmu e le. Thil har vak a ni hleinem. Khaw lian a ni lo va, tu pawhin Rockstar lar tak fapa te chu an hre vek alawm"

Ui ka reii ui karei ui karei...."A nih eng nge a bulah i va sawi?" Hlauhna chuan min rawn man er er a.

"Engmah ka hrilh lo. Chutin ka sual bik em em lo ania. Ka sawi min lo phalsak lawk la. Kha tih laia ka kawp nachhan che kha chu tleirawl chhuah mit lerh lai leh rilru puitlin loh vang mai mai ania. Eng tikah nge min ngaihdam ve dawn Blair? Nge ni a kumkhuain min ngaidam dawn lo? Ka tihpalh lutuk Blair, ka tihpalh takzet. Theih nise hun hi her let leh a siam that leh vek ka duh a ni". A ngawi det a, a tawng danah a rilru a hrehawm hle a ni tih ka hre thei.

"Cain, tinge a? I tha a maw?" A pawi tih thu a sawi a, kei pawhin pawi ka ti. In ngaihdamte hi chu thil pakhat ve mai a nia, theihnghilh erawh thil dang daih a ni.

"Ka tha e. Kha pa khan kut min lo thlak hrep a,mahse ka na lo e"

Rush-a maw? Kha pa a tih chu Rush-a em ni? "Tunge kha pa chu?"

"Ele... Rush-a mawle?"

Ka khabe chu a thlawn ta emaw tih tir a ni. Rush a'n Cain-a kut a thlak amaw? "Ka van hrethiam lo"

"A ho lutuk Blair. Hotel ah ka riak ang a, naktukaha ka lo haw ang. Thil sawipui tur che pawh ka nei nual a nia"

"Cain, eng a tinge Rush-a chuan kut a thlak che?"

A ngawi deuh vang vang a,a rawn thaw hawka. "Thil ka zawt a,ka lo buai ve na tur niin a hre vak lo aniang. Naktukah ka lo haw dawn ka tih chu?"

Zawhna a zawt a nih chuan eng zawhna nge a zawh ang?

"Blair, tuna i awmdan kha engmah ka hrilh dawn lo. Keiman ka enkawl mai ang che. Naktukah kan sawi dawn nia".

Ani enkawl ka duh hleinem. Eng zawhna nge a lo va zawh a? "Tunah khan khawiah chiah maw i awm a?"

"Rosemary pawn hotel pakhatah. Rosemary ah chuan engkim a let nga in a to vek an tia"

"Aw le. Tha deuh khan mu la naktukah chuan kan in be dawn nia" tih pahin phone chu ka hmet tawp nghal a.

Blair-i chu pindanah chuan a rawn lut a,a mitmeng a mak tih hmel lutuk atang chuan a lo hre vek tih ka hria. A pawi lo ve.

"Rosemary ah kal ka duh" tih pahin ka thutna atang chuan ka ding chhuaka. Hliam tuarin Cain-a amah maiin hotel ah ka mut tir reng thei lovang. Chubakah Rush-a bulah let lehin zawhna dang a lo va zawt leh ang tih ka hlau a ni.

Bethy chu a nui sak a,a lu a bu nghal a. Amaherawh chu beisei a lo ti sang vak ang tih ka hlau. "Ka kalna chhan tur pawh Cain-a vang chauhin. Ka riak dawn lo va,ka haw lehnghal ang".

Ka thusawi chu a awih vak lo a ni ngei ang. "Aw le, chungte chu ka hre sa vek alawm" a lo ti sam et a.

Hrilhfiah kual leh turin hun ka nei tawh lo. A phone chu ka pe let a,ka mut pindanah chuan lutin ka insiam nghal sawk sawka.




> RUSH'S P.O.V<

A tawp a tawpah Grant-a chuan min chhuahpui thei ta hram e. Club ah kan lut a,kan luh tirh phat atangin hmeichhe rual khat hian min lo beisei ti tih nghala. Mahse melh pawh ka melh peih lo. An lam hut hut a,ka ning riau mai. Ka beer tur chu ka in a,kal sawn daih a ni ka duh ni.

Jace-a thusawi kha ka bengah a rawn ri nawn leh a. Blair-i chu a rawn kir duh angem? A duh dawn lo chiang sa tih hre mah ila beiseina chhe te,alh chang chang chu ka nei. Mahse hotel a kan inbiak tum kha chuan amah kha a ruak vek a, a mitmeng atang khan engkim a tawp a, beisei tur a awm tawh lo tih ka hria. Keimah leh a pa lakah. Hmangaihna hi zawng a van huatthlala awm em.

Ka thutna bul stool chu a rawn inpawt ri deuh dat a,rawn thu an awm tih pawh ka hria. "Enga ti nge i va ngui hmel ve tlangval. Chutih rual chuan ka thinlung erawh i ti tuiral hneh khawp mai" chu hmeichhe aw nem zet mai chu ka hriat hnute pawh a ang e a.

A lam chu ka hawi a, a lo upa ve ta hlemai. Mipa pawh hian a virginity a hman hmasak berna hi chu kan lo theihnghilh bik mai mai lo. Meg Carter-i. Kei ai kum 3 in a upa. A pi damlo a rawn awmpui thin lai khan kum 14 mi lek ka la ni a, engmah hmangaihna pawh a awm lo.


"Meg" ka ti sap a

"E he...ka hming ala hria nia. Ka phur sawt mai" tih pahin bartender chu a ko a. "Jake leh Coke..khawngaihin"

"Mipa chuan a hmasa berna chu an theihnghilh ngai lo".

Stool ah chuan thuin a bawp a khawkherh a, sang vah hian min rawn melh a. A sam dum tel siau chuan a dar a vaw hnuanga. "Mipa thenkhat chu an ni chuang miah lo ania. Mahse nang zawng, thenkhat tih nena khaikhin rual i ni lo. I lar bawka, i lo inthlang danglam nasa hman hlemai"

"Ka pa alawm lar" ka lo ti a. An hriat miah loh pawh an sawi piap piap thei zel hi hmeichhia ka ngeina pakhat. Meg-i nen hian vawi eng emaw zat chu kan lo ti ve tawh. Chuti chung pawh chuan min hrechiang chuang lo.

"Hmm....a enga pawh chu lo ni rawh sek sek. Tinge i ngui em em a?"

Ka ngui a ni lo,ka kehchhe vek zawk a ni. "Ka tha reng alawm" tihpahin lamna lam chu ka va hawi a. Kal vat ka duh tawh.

"Thinlung na, tihngaihna hre si lo i ang ber" a rawn ti a. Jake leh Coke chu a la pah nghal a.

"Ka mimal thil engmah ka hrilhna chhan tur che ka hre lo ve Meg" ka aw chu a changin a chiang tawk khawp ang.

"Whooaa...lal hmeltha, tih thinrim che ka tum hleinem. Rawn biak mai mai che ka tum zawk chauh alawm".

"A nih i sawi duh chu sawi la"

Eng eng emaw a sawi teuh mai. Mumal pawhin ka ngaithla lo. Min ngaih theih thin zia thute a ni a sawi ni.

Chutih lai chuan ka phone a rawn ri ral a, message a ni tih ka hria. Ka ipte atang chuan ka phawrh chhuak a,number hriat ngai loh atangin. Mahse 'Hey, Bethy ka nia' tih zawng hi a lo lang a. Rang takin message chu ka hawng nghal vata.

'Hey Bethy ka nia. Mimawl chhah tak i ni a nih loh chuan tho chhuak la, thin lo thleng tur atan hian lo inbuatsaih rawh'.

Eng nge a thusawi awmzia chu niang? Blair-i chu a rawn hruai let thei tihna em ni? Chu chiah chu a nih dawn chu. Rang takin ka thutna atang ka tho chhuak a, pawisa phawrhin ka beer in man leh Meg-i in man tur nen lam chuan dawhkanah chuan ka dah a. "Ka kal phawt ange. Kan inhmu chu ka lawm khawp mai. Lo in enkawk tha ang che" tih leh tlan ka ruala.

Lamna lamah chuan ka phei a. Grant-a pawh sam sen nula nen an lo su dun nghawng nghawng a. "Grant" kawngka lam chu ka melh zauh a. "Tunah" tih pahin pawnah ka tlan chhuak nghal a.

Ka car Rang Rover ah chuan ka chuang lut a, Rosemary ah a rawn kal dawn a nih chuan a theih anga rangin ka zawng chhuak vat tur a ni ang. Chu chu ka ti ngei tur a ni.


END OF CHAPTER -2



CHAPTER -3

> RUSH'S P.O.V <

Ka nu birthday a ni a, phone call tal pawha va be ve turin Nan i'n vawihnih ngawt min rawn be tawh. Mahse va biak ka tum hran lo. Bahamas tuipui kamah kha pa nen khan hun an hmang dun mek a, a hlim tawk tawh viau e. Engtin pawhin va ti ila chutin a tan awmzia a awm teh lua chuang lovang. A vawihnihna atan a nawmna tur ringawt thlangin thil zawng zawng kal sanin a fate chu min kal san leh ta.

"Nan i'n a rawn call leh tawh ania. Rawn call tawh lo tur chein ka lo hrilh sak mai dawn che em ni?" Grant-a chu thutkhawmna pindanah chuan a rawn lut a, ka phone ri ral ral chu a rawn keng a.

"A ngai lo. Khawi lo la teh" tiin ka lo chhanga. Grant-a chuan ka phone chu min rawn pe a.

"Eng nge ni Nan?" hlim hmel pu lo tak chung hian ka ti deuh hmuk a.

"Ka nu chu i va be dawn nge be dawn lo. Hei vawihnih ngawt ka biak che leh biak loh che hre turin min rawn phone tawh. Vawiin te chu a birthday a nih hi. Kha hmeichhia kha chuan eng atan mah a ti lo che. A vei tak tak lo che. Amah vanga hetianga i awm reng hi ban san tawh rawh. Kha nu khan ka hmaiah silaiin min tin a sin. Hmeichhe mawl leh a tak a ni. Kha nu kha-"

"A tawk. Eng thil mah sawi ve suh. I hre ve lo va,hriat pawh i duh hek lo. Chuan ka nu chu ka be dawn chuang lo. A lo biak leh hunah che ti hian i lo chhang dawn nia. I aw a hre peih lova, an zin khawthawn chungchang emaw, a birthday chu engtin nge a hman tih pawh engmah a hre peih lo tiin".

"Ouch" Grant-a chu thutthlengah thuin a hma zawna ke hlanna dawhkan te ah chuan a ke a lo hlang der der a.

"Ui leh, khatianga i tawng kha ka ring ngai lo reng reng. Eng i ti zo ta nge mawni..? Kha nu mawl leh zaktheilo-"

"Ngawi rawh Nanette, hemi chungchang hi chu tawk tawh rawh se. Mamawhna min neih leh min rawn be leh dawn nia".

Ka phone chu ka hmet hlum a, thutthleng sirah dahin cushion-ah chuan ka thu zal er er a.

"I chhuak teh ang. Tlemin va in in kai deuh chhelh ila, hmeichhia va lam pui bawk ila. Hengte hi chu theihnghilh vek rawh. A vai hian" Grant-a chuan a rawn ti a. Tun kar thum chhung khan chutiang chuan min sawm reng thin. Tlem a biak ka nawm deuh chang phei chuan a sawi zing thei hle.

"Ka peih lo" tiin ka lo chhang deuh hmuk a. Rilru dam si lo va dam ang maia awm der vel chu ka peih lo. Blair-i a tha a ni tih ka hriat hma chuan a dam kher lovang. Ani kha chuan eng tikah mah min ngaidam thei tawh kher lo ang a, ka hmaah hian lan pawh a rawn inlan leh kher tawh lovang. Mahse a dam tha a ni tih tal, hlim takin a awm a ni tih emaw a chanchin eng pawh hriat ka duh a ni.

"A nih eng pawh chu lo ni se Alabama a i va kal khan eng thil chiah nge i va tawn tih hi min han hrilh ve teh. Eng thil emaw tak chu thleng a awm a ni. I rawn haw atang hian a hma a mi kha i ang ta lo reng reng".

Grant-a chu ka unaupa a ni a, engkim ka hrilh ngamna tur pawh a ni meuh mai. Mahse kha mi zana hotel chhunga thil thleng kha chu sawi kher pawh angai lo. Blair-i rilru na in a la awm a, keiin mu leh mal ka nei bik si lo. "Chu zawng ka sawi rih lo phawt ange. Ti teh i chhuak teh ang. Inchhung a thut a, bang lam melh reng zawng, amah min ti hrechhuak tu a ni zel bawk si. Chhuak tura min sawmna chu ka pawm sak ang che" tih pahin ka tho a. Grant-a pawh rang zetin a rawn zuang tho a, a mitmeng a lawmna chu hai rual a nih lo.

"A nih eng nge i duh? Hmeichhia nge kai chiai chiai? Nge ni a a pahnihin?"

"Music ring deuh a ngaihthlak" tiin ka lo chhang a. Zu leh hmeichhia lam a la lang rih lo. Chu mi tur chuan ka la inpeih hek lo.


"A nih chuan khaw pawn lamah aw. Nge ni a Destin lam kan pan ding tawp mai dawn"

Car chahbi chu a lamah ka theh phei a. "I thu vek alawm i duhna lam lamah kan kal dawn nia"

Chutih lai chuan doorbell a rawn ri ral a, keini pawh chu kan ding nghal chawt a. A hmasa khan mikhual duhawm loh deuh a rawn kal a, a tawp dan pawh a mawi teh chiam lo. Tunah tunge rawn kal leh ang? Nge ni a a hmaia ka hnek sak avang khan Cain-a chuan police a lo va ko ang a,min man turin an lo kal zawk? A enga pawh chu ni se ka pawi ti lo e. Ka tante chuan khawi lai mah hi a nuam tak tak chuang hleinem.

"Ka va hawng ang e" Grant-a chuan min rawn en a, thil thleng hmasa ang deuh tho kha a beisei leh deuh a ni.

Kei chu sofa ah ka lo thu a, ka hma zawn coffee table ah chuan ka ke ka hlang a. Hetianga dawhkana ke hlan hi ka nu khan a ngaitheilo hle thin a, hei phei hi chu international market a a lei ve ngat a lo ni bawk nen. Ka va be lo pawh keimahah eng inthiam lohna mah a awm chuang lo. Ka nun pum hi hmeichhe thlavang hauh nan ka hmang a, Nan-i enkawl a ngai bawk nen. Tunah zawng ka peih tawh rih lo.

"Jace, nang elaw..? Chhuah kan lo tum mek a. I duh leh lo kal ve la" Grant-a chu a tawlh hnunga, Jace-a a rawn lut a. Kei chu ka thut dan ngai rengin ka thu a, Jace-a chu haw leh vat se ka duh ber. Jace-a hmel ka hmuh hi chuan Bethy ka hre chhuak ziah a, Bethy atang Blair-i. Chuvang chuan kal leh vat se ka duh ber.

"Uh.., ni lo ve. Eng lo ania. Eng emaw thilah rawn biak che ka duh a" a ti a. A kut leh ke chu a ti che reng a.

"Aw le" tih ringawtin ka lo chhang a.

"Zanin zawng thil sawipui nan chuan a la chi vak lovang" Grant-a chu Jace-a hma zawnah chuan a lo ding vata, ka lam a rawn hawi a. "Ti rawh i kal ang. Jace-a chuan ni dangah pawh a la sawi thei tho alawm".

Eng thu nge a rawn ken tih chu ka hre chak tlat. "Dam lo thi tep pawh ka nih lem loh hi. Lo thut tir rawh. Han sawi phawt teh se".

Grant-a chu a rum nghat a, a lu a thing a. "Sawi i duh talh si te chuan han hrilh ta mai che"

Jace-a chuan rilru nuam vak lo chungin Grant-a chu a en a, chutah min rawn en lehin ka lamah a rawn kal hnai a, ka bul chiah thutthlengah chuan a rawn thu a. A thaw halh a, a sam chu a beng karah a zep a. Tho ho mai mai a sawi dawn lo a ni tih ka hrethiam nghal mai.

"Bethy nen hian in ngaizawng mai mai kan ni tawh lo va,kan serious dun ve ve a" a han ti te te a. Chungte chu ka hriat sa vek. Ka lo buai vena tur pawh a awm lo. Ka tawt up up a, ka kut ka hum ruh a. Insum theihna ka mamawh lai tak a ni. Bethy chu Blair-i thian tha ber a ni a, hriat eng emaw tal chu a nei ngei ngei ang.

"Uhhh....Bethy inluah man hi an san a,mahse a awmna saw ka duhpui vak lo va. Mahni chauha awm nan chuan a him lo ka tia. Woods-a ka bia a, kan luah duh a nih chuan a pa in mut pindan pahnih awmna in ruak a neih thu min hrilh a. Chu in chu ka be fel a, luah man engkim ka pek vek hnuah Bethy chu luah luh tir ka tum a. Mahse a lo duh lo nasa mai a. A lung a awi lo em em a, chutiang a ka tih chuan amahah inngaihhniamna a awm thu min hrilh a"

An chawl deuh hak a, a mit mengah chuan pawi tihna a lang tel a. Mahse a thu min hrilh chu ka tan tangkaina engmah a awm lo. Ani leh Bethy intih thiam loh chungchang vel mai mai chu kei a lo hriat ve vek pawh a tul lo.

"Mahse Bethy chuan chu in chu nuam a ti tih pawh ka hria. Amaherawh chu mahni a awm nan chuan nuam a ti chiah lo deuh a. Chuan tukin lam khan Alabama lam panin a kal daih mai a. Thingtlang a ngaina lo va, club leh tuipui kam nuam a tih zia ka hria. Roommate tur a duh a, a roommate a tan chuan Blair-i bak tumah a thlang lovang".

Ka thutna atang chuan ka ding chhuak vata. Ka thu hle hle thei lo.

"Ohh...unaupa, thu rawh" Grand-a chu a lo ding ve vata,mahse thu turin ka hui vat a.

"Ka thin a rim lo. Thawk lak ka mamawh mai chauh a ni". Darthlalang kawngkhar lam chu ka en reng a, tuifawn inchhawk phul bulh bulh chu chiang takin a hmuh theih a. A nih chuan Bethy chu Blair-i hruai turin a kal tihna a ni maw? A rawn zui ve duh angem?

"In tawp dan kha a duhawm loh hle a ni tih pawh ka hria. Bethy chu dan ka tum viau nanga a lung ka tih awi tawh loh sa nen ka ti thinrim zual ang tih ka hlau si a. Bakah Blair-i a ngaih tawh thu leh kawm hlim tu tur a mamawh a ni tiin a tang ve tlat mai bawk si a. Chubakah umm..., a lo let leh duh a nih chuan a hna ngai thawh tir leh turin Woods-a pawh a lo be fel sa vek tawh alo nia"

Blair-i a lo let leh dawn maw?

A lo let duh tawh lovang. Min hua a, Nan-i a hua a, ka nu a hua a,a pa a haw bawk. Mahse rawn let leh ngei se ka van ti em. Inher in Jace-a chu ka en a.

"A lo let duh tawh lovang" ka aw rilru natna lang tel chu tu tan mah hai rual a ni lo. Thup buai vel pawh ka tum lo.

Jace-a chu inthiam lo tak chungin a lo bu nghat a.

"Heng zawng zawng tuar dai tur hian hun a nei tam tawk alawm. Lo let leh ta se, eng nge i tih ang?" Grant-a chuan min lo ti a.

Eng nge ka tih ang?

Thingthi pawhin ka ngen mai aniang chu...


END OF CHAPTER -3



CHAPTER -4


 > BLAIR'S P.O.V <

Bethy chuan Jace-a car chu Dairy K kawtah chuan a park a, chulai hmunah chuan Callie car Volkswagen pawl pawh a lo inhung ve ran a. Car atanga chhuah min ti phur tehchiam lo. Ka let leh atang hian Callie nen chuan tum hnih vel chu kan inhmu ve zuai tawh. High School kan kal lai atang tawhin Cain-a hi a melh ru reng thin a, a duh hle a ni tih pawh ka hria. Tunah ka haw leh ta chenga Cain-a ka bulah a tla a tla leh ta mai a, an inkar boruak pawh ka ti sukuk deuh a ni tih ka inhria a,mahse Cain-a zawng engtikah mah ka chhuh sak lovang. A ta a ni e.

Bethy car atanga a chhuak tur chu a kutah ka lo man vat a. "Car chhungah hian titi zawk mai ang".

"Ngati maw...? Ice cream lei te ka duh alawm. Ka ei chak a"

"Dawr chhungah chuan mi an tam si. Heta inkawm hi ka duh zawk"

Bethy chu a thaw haka, car seat a rawn thut luh leh pahin "Ice cream emaw cookies emaw ka ei a rem rih lo aniang e" tiin a phun sap a.

Lo nuih ver ver pahin thawk ka la haka. Car tukverh chu a dum a nih avangin pawn lam atang tuman min rawn hmu thei dawn lo va,bakah kan bul hnaiah motor ding ve dang an awm lo hlauh bawk.

"Ka ngaih zia che hi Blair, nang ang renga thian kawmngaih hi ka la nei ngai lo. Rei lo te i rawn awm a,i kal leh daih a. I tel lova hna thawh zawng hremhmun te nau hi a ni ringawt. I kal bo daih kha chu ka thin a rim lutuk a. Jace-a nena kan inkar pawh tu bulah mah ka la sawi ngai lo. A duhawm zia leh ka tana a that zia hi i bulah bak sawina tur ka nei lo a tin ni. Ka ngai lutuk che".

Ka mittui a rawn hnam tiam tiam a, kei pawhin ani chu ka ngai takzet. An vai mai chu ka ngai vek. "Kei pawhin ka ngai lutuk che" ka ti sapa.

Bethy chu a nui seih a. "Helai a ka lo kal chhan chu thil pakhat vang ania. Jace a'n kan club hmingin ka in tur min ngaihtuah saka, a man lah chu aman a lo pe vek lehnghal. Mahse mahni chauha awm chu ka zuam vak lo va, min rawn awmpui la ka duh a ni. Roommate tur ka mamawh takzet. Woods-a pawh ka be tawha, i lo let leh a nih phawt chuan i hna ngai kha i thawk chhunzawm leh thei bawk ang".

Rosemary a let leh maw..? Khawiah nge Rush-a te, Nan-i leh ka pa te..? An ni hmuh leh chu ka thei tawh lo. Ka let leh thei tawh lovang. Club ah te pawh an rawn la kal ve leh anga. Ka pa in Nan-i golf khelhpui tura a rawn hruai hunah eng tin nge ka lo awm ang? Ka thei lo ang. Ka tan zawng a rilru nat thlak dawn emai.

"Ke thei lo" ka ti chhuak thawt a. Thei ilang chuan let leh pawh ka duh lutuk. Khawiah mah kalna tur chuang ka hre lo a,helai khuaah pawh awm reng thei ka ni lo. Cain-a leh Callie te inkar ti chhe tu mai mai ka ni. Chuta karah ka rai a ni tih ka la hrechhuak zui lehnghal. Mahse Rosemary ah kher kher chuan ka let leh thei tawh lo ang.

"Khawngaihin Blair, ani pawhin a ngai lutuk che. In pawh a chhuahsan ngai lo. Jace-a phei chuan a â zo vek tawh a ti".

Ka awm zawnah hian min hnawh ut ut a, Rush-a hrehawm ti takin a awm a ni tih hriat chu ka tan a hrehawm lutuk. In nuam tak a nei a, party te throw in an leng kual ang a,a lunglenna te chu reh vat turah ka ngai mai a. Kei pawh chu mi beisei chuan ka kal bo a, mahse engkim mai hian amah min hriat chhuah tur reng mai zawng a nih hi.

"A tu a te mah kha hmuh leh ka duh tawh lo a ni. Ka tan chuan a harsa lutuk" ka ti a. Nau ka pai chungchang erawh engmah ka la sawi duh lo. Sawi turin huaisenna pawh ka la nei tam tawk lo. Cain-a tih loh chu tumah ka hrilh kher lo maithei a ni. Hmun dangah ka insawn ang a, chutah chuan tumah ka hre lo anga, tuman min hre hek lovang. Tichuan nun bul ka tan tha leh dawn a ni.

"I pa leh Georgiana-i chu an zin bo daih a, Nan-i pawh a reh ta khawp mai. Rush-a awm dan hian a ngaih a ti tha lo deuh a nih ka ring. A tirah te chuan a haraa deuh pawh a ni thei. Mahse i hliam tuamna i phelh a, i kalsan hunah chuan zawi zawiin a hil mai ang. Woods-a hnenah i thawk leh ang a, ani pawh hian beisei deuh chu a neiin ka hria".

Woods-a zawng ka duh lo. Engmah hian ka rilru an kuai peng zo rih lo. Bethy lah chuan thil zawng zawng a hre ve si lo a,kei laiin ka hrilh mai thei bawk si lo.

"Rawn let leh pawh a chakawm viau nangin.....ka thei rih lo a ni e. Min ngaidam dawn nia".

Bethy leh ka hna vang chauh tal pawhin theih chu ni se ka let ang.

Bethy chu a thaw haka, seat hnung chu nghengin a mit a chhing a. "Aw le,ka hrethiam. Ka thu hriat hi ka duh lo viau nangin ka hrethiam e".

Bethy kut chu ka va vuana, ani pawhin min lo vuan let a. "A nih chuan roommate tur dang zawn ka tum lo va, inngaihtuah nan kar khat talte chu hun lo hmang ve hrim hrim phawt la. A tha em?"

Ka lu ka lo bu a.

"A tha e. A nih chuan kei pawh kan haw dawn tawh ange. Tawngtaia tunge ka nih chiah tih inhriat nawn tir leh te pawh ka mamawh" tih pahin a thutna atang chuan a rawn tho kanga,min rawn kuaha.

"Chaw ei tha rawh aw. I cher emai"

"Aw le"

Bethy chu a thut dan pangaiin a thu tha leh a. "Chutia ka ruala i rawn haw ve dawn tak si lovah chuan kan chhuak thawveng dawn em ni ang? Zan ka riak mai ang"

"Aw le. A phurawm khawp ang chu. Mahse honky-tonk ah chuan ni lo se" ka lo ti a. Rush-a min hriat chhuah tirtu a ni dawn a,kal rih loh ka duh.

"Tehreng mai. Mahse he khuaah hian chu lo eng thil dang nge awm vak a?E..ka hre leh si. Birmingham a hla tawh lo. Chutah chuan va kal ang".

"A tha khawp ang chu. Hun nuam deuh kan hmang dawn nia".

Chutia kawngpuia kan tlan lai chuan Cain-a pi, Pi Q-i inkawt kan tlan thleng a. Kawtah chuan thuin bean mu a lo kheh a. Hmuh ka hreh viau a,mahse kar 3 chhung zet min lo kuah lumtu a ni a, va hmuh ve reng reng ka duh. Cain-a truck hmuh tur a awm lo bawka, Cain a'n engmah a la hrilh lo turah ngai ang.

"Ka lo kal ve na chi a ni angem?" Bethy chuan a lo ti a.

"Chi e...lo kal ve rawh" tihpahin Car atang chuan kan chhuak dun nghal a.

Bethy nen chuan kan phei dun a, Pi Q-i chuan a bean mu kheh lai chu a kheh mual mual a, hawi pawh a rawn hawi chhuak lo. Kan kal thawm pawh a hre vek. A sawi tur a ngaihtuah mek a ni ngei ang. Cain a'n engkim a lo hrilh vek tawh a ni chiang mai.

A bulah chuan ka va dinga, a rawn la hawi chhhuak chuang lo. A sam tuak var vek tawh chauh chu ka hmuh theih awm chhun a ni. A in a ni a,ka chen ve a phal tawh lo a nih pawhin ka insawn mai aniang chu.

"Hey Pi Q" ka han ti a. A rawn hawi chhuah hun ka nghak deuh tawp a. Mahse a reh hian a reh vawng vawng mai.

Ka lakah a lung ni lo a nih dawn hi. Cain-a zet zawt chu ka van haw tehreng em. Tawngtheih thlak lutuk mai.

"Hei hi ka thiannu Bethy a nia, min rawn tlawh a" ka han ti leh a.

Pi Q-i pawh a rawn hawi chhuak ve ta hlawl mai. Nelawm takin Bethy chu a rawn nuih a,ka lam a rawn hawi leh a. "Inchhungah va luh pui rawh. Ice tea kha tam leng lawngin siam sak la, bean mu chhum ka dah daih sa kha in ei dawn nia. Chumi zawhah hetah lo kal la, eng emaw sawi lawk ka duh a" a ti a. Ka bu zeuh a,. Bethy nen chuan kan inzui lut nghal a.

Inchhungah chuan lutin Bethy chu ei tur leh in tur ka siam sak mawlh mawlh a. Ka siam zawh veleh ka pe nghal a."Ti khan lo ei rawh aw. Rei lo te ka va chhuak lawk ange" tih leh chhuah ka rual nghal a.


Pi Q-i chhuat thingphel chu rah zawngin chhung lamah a chik tet tet a, ka kawngka kharte chu ka duh aiin a ring a. A eng lai pawh chu a hlui ve thawkhat a ni tih a hriat theih mai. Helai sumhmunah hian kan tet laiin Pi Q-i bean mu kheh chu Cain-a nen kan pui fo a, ka tet lai hun tam tak ka lo hman ral ve tawhna a ni bawk nen, Pi Q-i tih lung nih loh chu ka duh lo tak zet.

"Rawn thu teh bawih-i . Tap teuh deuh hmel pu chung khan ding reng teh suh. Nang hi chu ka fa ang chiah a ka en che i ni a, ila hrethiam lo a nih pawhin hriatthiam hun i la nei khawp ang. Kan nau mawl tak-a hi nupui neihte pawh a hun chho ve dawn tawh a. Harhchhuah nachang a la hre ve ang chu ka tih laiin a chhah tulh tulh mai si. I va kal bo na lamah khan mi thar i va tawng em lo ang chu maw...?"

A thil sawi dan chu ka rin loh lam daih a ni. A bulah chuan thu vein a thil kheh lai chu ka kheh pui a. "Cain-a nente chuan kum 3 kal ta khan kan inthen daih tawh alawm. Kan inkarah engmah a awm tawh lo. Thian ang chauh kan ni tawh".

Pi Q-i chu a rum nghut a. "Chutiang a ni lovang. In tet lai atang reng pawh khan nangni hi chu then hran theih in ni ngai lo. I lang atang a mit hi a la sawn thei ngai lo reng reng a. Mipa te hi chu an han rawlthar chho a,an mahniah hian danglam hi a awm ta tlat thin a. In han inthen pawh kha pawi hi ka ti khawp a. A chhan chu Cain-a tan hian Blair-i dang an awm leh tawh ngai dawn lo a ni. Nang tih loh chu".

Ka rai chungchang vel engmah a sawi lo chu ka thaw huai mai. Cain-a nena kan inkar chhui kir leh vak hi ka duh ngai vak lo va. A chhan chu thinrimna leh inchhirna bak engmah min thlen tawh lo a ni. "A reng reng thu-ah Cain-a hi vawiin hian a rawn la haw leh lo em ni?"

"Niang chu. Zingah nangmah hmu tur chein a lo kal a, zing kara i chhuah daih thu ka lo hrilh a. A mangan hmel em em a,zawng tur chein a rawn chhuak nghal a. A mangang lutuk kha a tap titihin ka hria. A tet lai tih loh kha chu a tap hi vawikhat mah ka hmu leh tawh ngai lo. Tukin tih chauh lo kha chu"

Ka mit ka chhing a,ka thih kheh lai pawh chu bawmah chuan ka dah a. Eng vanga Cain-a chu tap nge maw a nih le..? Hun hei leh chen a liam tawh a, eng vanga la la serious em em nge a nih? "A chhuahna a rei tawh em?" ka ti a. Kei lahin damdawi dawr kawtah khan ka lo la an khum vak mai bawk si a.

"Darkar 9 vel chu a liam tawh ang. A a ang reng. I theih phei chuan va bia la,i that thu va hrilh rawh".

Ka lu ka bu nghauh a. "I phone ka lo hmang thei angem?" tih pahin ka ding chhuak nghal a.

"Thei e le. Chaw te kha va ei phawt la. Ka siam teuh a nia. A ei a tan ka tia, a duh ber ka siam saka".

"Cherry a ni maw?" ka lo ti a. Pi Q-i chu a nui suka. Cain-a hi zawng ka hre chiang ve tawk alawm. Hun tam tak kan lo hmang dun tawha, a chhungte nen lam hian ka ngaina vek.

Bethy chu kawngka bulah chuan lo dingin a ice tea chu a lo in a,kan thusawi kha a lo hre vek tih pawh ka hria. A pawi ka ti hran lo. A phone chu a rawn lek chhuak a. "Kha, hei hian va be rawh. Sawi fel vat rawh u".

Phone chu lain thutkhawmna pindan lamah ka lut phei a, a phone number pawh ka la by heart hneh lutuk. A phone hmasa ber,kum 16 a nih laia a hman kha a la hman reng avangin.

"Hello" a rawn ti a, a aw atang chuan dik lohna a nei tih ka hre nghal. A hnar ping aw tuau mai.

"Cain, i tha em?" ka aw chu a khur deuh dar dar a.

A han ngawi vang vanga. "Blair...,Aw.,ka tha e"

"Khawiah nge i awm?"

A aw a han thian deuh hrawk a. "Ka umm..., Rosemary Beach ah ka awm mek"

Rosemary aa..?? Sofa ah chuan ka thu hnawk a, phone pawh chu nghet takin ka vuan a. Rush-a chungchang a sawi dawn em ni? Ka thinphu a rangin ka mit ka chhing vata. "Eng nge Rosemary beach i va tih? Eng thil nge..." ka sawi chhunzawm thei tawh lo.

"Va hmuh ve reng reng ka duh a. A hmangaih tehreng che em tihte hriat ka duh a. A chhan chu hriat ka duh a ni"

"Eng nge a bulah i va sawi? Eng tin nge i va zawn chhuah a? I va hmu em?"

Phone atang chuan hriam zet hian a rawn nui huk a. "Hmu e le. Thil har vak a ni hleinem. Khaw lian a ni lo va, tu pawhin Rockstar lar tak fapa te chu an hre vek alawm"

Ui ka reii ui karei ui karei...."A nih eng nge a bulah i va sawi?" Hlauhna chuan min rawn man er er a.

"Engmah ka hrilh lo. Chutin ka sual bik em em lo ania. Ka sawi min lo phalsak lawk la. Kha tih laia ka kawp nachhan che kha chu tleirawl chhuah mit lerh lai leh rilru puitlin loh vang mai mai ania. Eng tikah nge min ngaihdam ve dawn Blair? Nge ni a kumkhuain min ngaidam dawn lo? Ka tihpalh lutuk Blair, ka tihpalh takzet. Theih nise hun hi her let leh a siam that leh vek ka duh a ni". A ngawi det a, a tawng danah a rilru a hrehawm hle a ni tih ka hre thei.

"Cain, tinge a? I tha a maw?" A pawi tih thu a sawi a, kei pawhin pawi ka ti. In ngaihdamte hi chu thil pakhat ve mai a nia, theihnghilh erawh thil dang daih a ni.

"Ka tha e. Kha pa khan kut min lo thlak hrep a,mahse ka na lo e"

Rush-a maw? Kha pa a tih chu Rush-a em ni? "Tunge kha pa chu?"

"Ele... Rush-a mawle?"

Ka khabe chu a thlawn ta emaw tih tir a ni. Rush a'n Cain-a kut a thlak amaw? "Ka van hrethiam lo"

"A ho lutuk Blair. Hotel ah ka riak ang a, naktukaha ka lo haw ang. Thil sawipui tur che pawh ka nei nual a nia"

"Cain, eng a tinge Rush-a chuan kut a thlak che?"

A ngawi deuh vang vang a,a rawn thaw hawka. "Thil ka zawt a,ka lo buai ve na tur niin a hre vak lo aniang. Naktukah ka lo haw dawn ka tih chu?"

Zawhna a zawt a nih chuan eng zawhna nge a zawh ang?

"Blair, tuna i awmdan kha engmah ka hrilh dawn lo. Keiman ka enkawl mai ang che. Naktukah kan sawi dawn nia".

Ani enkawl ka duh hleinem. Eng zawhna nge a lo va zawh a? "Tunah khan khawiah chiah maw i awm a?"

"Rosemary pawn hotel pakhatah. Rosemary ah chuan engkim a let nga in a to vek an tia"

"Aw le. Tha deuh khan mu la naktukah chuan kan in be dawn nia" tih pahin phone chu ka hmet tawp nghal a.

Blair-i chu pindanah chuan a rawn lut a,a mitmeng a mak tih hmel lutuk atang chuan a lo hre vek tih ka hria. A pawi lo ve.

"Rosemary ah kal ka duh" tih pahin ka thutna atang chuan ka ding chhuaka. Hliam tuarin Cain-a amah maiin hotel ah ka mut tir reng thei lovang. Chubakah Rush-a bulah let lehin zawhna dang a lo va zawt leh ang tih ka hlau a ni.

Bethy chu a nui sak a,a lu a bu nghal a. Amaherawh chu beisei a lo ti sang vak ang tih ka hlau. "Ka kalna chhan tur pawh Cain-a vang chauhin. Ka riak dawn lo va,ka haw lehnghal ang".

Ka thusawi chu a awih vak lo a ni ngei ang. "Aw le, chungte chu ka hre sa vek alawm" a lo ti sam et a.

Hrilhfiah kual leh turin hun ka nei tawh lo. A phone chu ka pe let a,ka mut pindanah chuan lutin ka insiam nghal sawk sawka.


> RUSH'S P.O.V<

A tawp a tawpah Grant-a chuan min chhuahpui thei ta hram e. Club ah kan lut a,kan luh tirh phat atangin hmeichhe rual khat hian min lo beisei ti tih nghala. Mahse melh pawh ka melh peih lo. An lam hut hut a,ka ning riau mai. Ka beer tur chu ka in a,kal sawn daih a ni ka duh ni.

Jace-a thusawi kha ka bengah a rawn ri nawn leh a. Blair-i chu a rawn kir duh angem? A duh dawn lo chiang sa tih hre mah ila beiseina chhe te,alh chang chang chu ka nei. Mahse hotel a kan inbiak tum kha chuan amah kha a ruak vek a, a mitmeng atang khan engkim a tawp a, beisei tur a awm tawh lo tih ka hria. Keimah leh a pa lakah. Hmangaihna hi zawng a van huatthlala awm em.

Ka thutna bul stool chu a rawn inpawt ri deuh dat a,rawn thu an awm tih pawh ka hria. "Enga ti nge i va ngui hmel ve tlangval. Chutih rual chuan ka thinlung erawh i ti tuiral hneh khawp mai" chu hmeichhe aw nem zet mai chu ka hriat hnute pawh a ang e a.

A lam chu ka hawi a, a lo upa ve ta hlemai. Mipa pawh hian a virginity a hman hmasak berna hi chu kan lo theihnghilh bik mai mai lo. Meg Carter-i. Kei ai kum 3 in a upa. A pi damlo a rawn awmpui thin lai khan kum 14 mi lek ka la ni a, engmah hmangaihna pawh a awm lo.


"Meg" ka ti sap a

"E he...ka hming ala hria nia. Ka phur sawt mai" tih pahin bartender chu a ko a. "Jake leh Coke..khawngaihin"

"Mipa chuan a hmasa berna chu an theihnghilh ngai lo".

Stool ah chuan thuin a bawp a khawkherh a, sang vah hian min rawn melh a. A sam dum tel siau chuan a dar a vaw hnuanga. "Mipa thenkhat chu an ni chuang miah lo ania. Mahse nang zawng, thenkhat tih nena khaikhin rual i ni lo. I lar bawka, i lo inthlang danglam nasa hman hlemai"

"Ka pa alawm lar" ka lo ti a. An hriat miah loh pawh an sawi piap piap thei zel hi hmeichhia ka ngeina pakhat. Meg-i nen hian vawi eng emaw zat chu kan lo ti ve tawh. Chuti chung pawh chuan min hrechiang chuang lo.

"Hmm....a enga pawh chu lo ni rawh sek sek. Tinge i ngui em em a?"

Ka ngui a ni lo,ka kehchhe vek zawk a ni. "Ka tha reng alawm" tihpahin lamna lam chu ka va hawi a. Kal vat ka duh tawh.

"Thinlung na, tihngaihna hre si lo i ang ber" a rawn ti a. Jake leh Coke chu a la pah nghal a.

"Ka mimal thil engmah ka hrilhna chhan tur che ka hre lo ve Meg" ka aw chu a changin a chiang tawk khawp ang.

"Whooaa...lal hmeltha, tih thinrim che ka tum hleinem. Rawn biak mai mai che ka tum zawk chauh alawm".

"A nih i sawi duh chu sawi la"

Eng eng emaw a sawi teuh mai. Mumal pawhin ka ngaithla lo. Min ngaih theih thin zia thute a ni a sawi ni.

Chutih lai chuan ka phone a rawn ri ral a, message a ni tih ka hria. Ka ipte atang chuan ka phawrh chhuak a,number hriat ngai loh atangin. Mahse 'Hey, Bethy ka nia' tih zawng hi a lo lang a. Rang takin message chu ka hawng nghal vata.

'Hey Bethy ka nia. Mimawl chhah tak i ni a nih loh chuan tho chhuak la, thin lo thleng tur atan hian lo inbuatsaih rawh'.

Eng nge a thusawi awmzia chu niang? Blair-i chu a rawn hruai let thei tihna em ni? Chu chiah chu a nih dawn chu. Rang takin ka thutna atang ka tho chhuak a, pawisa phawrhin ka beer in man leh Meg-i in man tur nen lam chuan dawhkanah chuan ka dah a. "Ka kal phawt ange. Kan inhmu chu ka lawm khawp mai. Lo in enkawk tha ang che" tih leh tlan ka ruala.

Lamna lamah chuan ka phei a. Grant-a pawh sam sen nula nen an lo su dun nghawng nghawng a. "Grant" kawngka lam chu ka melh zauh a. "Tunah" tih pahin pawnah ka tlan chhuak nghal a.

Ka car Rang Rover ah chuan ka chuang lut a, Rosemary ah a rawn kal dawn a nih chuan a theih anga rangin ka zawng chhuak vat tur a ni ang. Chu chu ka ti ngei tur a ni.


END OF CHAPTER -4


CHAPTER -5

Bethy muhil chu a ke-ah sawiin ka ti harh a, Rosemary Beach khaw pawn lawkah kan awm tawh. Cain-a truck zawn pah ka duh a, Car khalh chung chuan kil tin a melh theih si loh.

"Kan thleng tawh em ni?" Mutchhuak aw zet a rawn ti zungin a rawn tho chhuak tual tuala.

"Thleng tep. Tirawh, nangman rawn khalh teh. Cain-a truck melh pah ka duh"

Thatho lo zet hian a rum hak a, helai hmuna min kalpui nachhan pawh hi Rosemary lama min hruai let leh theih a inbeisei vang a ni tih ka hria. A rilruah Cain-a awmna zawn tih lam a lang ve lo hrim hrim.

Cain-a chu va hmuh vata hruai haw ka duh a ni. Tichuan kan sawi fel ang. Rush-a va hmuh a, eng eng emaw lo va zawh kha a tih tur a ni lo hrim hrim. Hei hi chu ka thuruk a ni a, kei lo a hretu awm chhun chu amah chauh a ni. Chuvang chuan he thil hian Rush-a beng a thleng tur a ni lo. Rush-a hming ka lam rik avang khan mi â ang maiin amah hmu turin a lo va kal ringawt a nih dawn hi.

"A nih chuan helaiah hian ding lawk teh. Dawrah sawn va luh a coffee va lei lawk ka duh" Bethy chuan a ti a, a sawi ang chuan Starbucks kawtah car chu ka ti ding a.

"I duh ve em?" Car atanga a chhuah hma chuan min rawn ti a. Kan ngawi det a, coffee chu naute tan a lo tha lo viau mai thei a ni. Ka lu ka thing ringawt a, Bethy pawh chu a chhuak nghal a. Mitkhap kar lekin engkim a danglama, tunah chuan ruak lo ka lo ni ve ta. Chu pawh Rush-a fa lehnghal. Lalpa leh..!!

Car atang chuan chhuakin passenger seat lamah chuan ka thu lut phei a, Bethy pawh chu a rawn let leh a,a hmel pawh a harh hmel sawt alawm. Tunah chuan naute dahthain Cain-a ka zawn hmuh phawt angai. Naute chu a hma hun tur zawng zawng nen, ngaihtuah tur a la tam dawn chauh.

"Ti kha chuan ka harh ta hawk mai. Chu pa chu i zawng ang hmiang".

A hming a hre reng tih ka hriat avangin ka lo sawi buai peih lem lo. A tan chuan Cain-a chu hel pawl zawn nen a in ang reng. Sumit ah Cain-a a awm a, kan hmuh veleh Sumit-ah ka kir leh dawn tih a hria. Ani erawhin a ruala Rosemary a ka kal a duh ber thung si.

"Rosemary ah chuan hotel a to hlawm lutuk a tia. Chuvang chuan hotel tlema man pangai ve deuh hlek ang tur chi min lo melh pui teh a" ka han ti a.

Mi pawh en lovin a lu a bu duh lek chauh a. A phone a hmet nuap nuap a, message a type a ni tih ka hre thei mai. Jace-a a bia te pawh a ni ang. Ka chanchin hi hre lem lo mahse pawi ka ti vak lo asin mawle.


Darkar chanve vel zet motel chi hrang hrang kan enkual a, a ninawmin thin a ur hlur tawh mai. "Khawi maw i phone min lo hman tir leh lawk mai. Ka call ang a,a awmna lai kan zawt chiang teh ang. Ka zawng a ni tih a hriat chuan min hrilh mai ang".

Bethy chuan a phone chu phawrhin min rawn pe a. Rang takin Cain-a number chu ka hmet zung zung a, vawi 2 a ring naah min rawn chhang nghal a.

"Hello..?"

"Cain, keimah ka nia. Hei, tunah Rosemary khaw pawnah kan awm mek. I truck ka rawn zawngah khawiah mah kan hmu lo. Khawiah nge i awm a?"

A reh vang vanga. "Khawi aww...!!"

"Sawi vat teh. Rawn zawn hmuh vat che ka duh. Chuan kan haw dawn nia"

Chutia Rosemary hnaia ka kal tih a hriat chuan a lawm lem lo a ni tih ka hre mai.

"Blair, zan khat ka riak anga ka lo haw mai dawn alawm. Ka hrilh vek che kha,min rawn lam kher angai hleinem. Ngah nge maw in ah i lo thut ve mai mai loh?" a aw a thinur lek lekna chu ka haw angreng hlemai. A tawng dan atang chuan amah lam tura ka kal chu a duh vak lo tih a chiang reng mai.

"Khawiah nge i awm Cain?" ka han ti leh a. Chutah phone atang chuan hmeichhe thawm ka hre ta. Phone chu a ri deuh tung a, hai rual lovin Cain-a chu hmeichhe nen an awm mek tih hriat loh rual a ni lo. Chu chu ka hriat a duh lo hle bawk. Ka tet na a ti zual sawt. Chu chuan hmun danga khawhar taka mahni chauh a awm a theih loh zia a tilang chiang ting mai si.

"Ngaithla teh Cain. Khatia intih khawtlai na hun kha ka nei lo ania. Tunah helai ka rawn thleng laklawh tawh a, a leh pekah chuan min duh thu emaw hi sawi ri leh hlek tawh suh ang che. I mawng i hlim mai chauh a ni"

"Ni lo Blair, lo ngaithla teh. I ngaih ang kha a ni miah lo a nia. I lo kal dawn tih ka hre si lo va, ka truck in ka haw lehnghal daih alawm. Hmuh che ka chak tehreng nen"

Chutih lai chuan hmeichhe thinrim au ri a rawn lang leh a, a tlangvalin a phone a hmang reng chu a ngaitheilo a nih hmel.

"A tha a tha.Nuam deuh khan hun hmang rawh u. Insawithiamna engmah ka ngaithla peih lo. I lak atang hian engthil mah ka mamawh lo e. Engtikah mah"

"Ni lo Blair bawihte. Khawngaihin,ka hmangaih lutuk che Blair. Lo ngaithla teh" chutih lai chuan chu nu bawk chu a lo rak leh chhen a. "Lo ngawi rawh Callie" Cain-a chuan a ti thawt a.

A nih chuan tunah Sumit-ah a let leh tawh a, Callie a va hmu nghal tihna a nih chi.

"Callie bulah maw i awm a? A tha alawm a tha e. Engkim a tha vek. Nang hian eng rilru natna mah min thlen thei tawh lo va,min thlen tawh ngai bawk hek lovang mawl-a. Ka lakah hian engthil mah beisei lo nei hlek suh ang che" tih pahin phone chu ka hmet hlum a, Bethy ka pe nghal a.

Bethy chu a lo meng hru a. "Sumit ah a lo haw leh daih tawh alawm" ka ti ringawt a.

"Ka hrethiam e" a rawn ti muang ban chapa. Kan kal chhan kan hlawhchham a, Bethy erawhin beisei dang a nei tih ka hria. Heti lai thleng min hruai a, eng emaw hi chu a phu a ni. Bakah amah chauh hi thian tha ti a ka chhal ngam a chhun a ni si a. Cain-a erawh thian tih tlak pawh a ni lo. Thian chuan a tih ang hian an ti lo tawp ang.

"A nih zanin chu i bulah ka lo riak ve mai dawn em ni ang? Haw leh tur chuan a tlai lam deuh tawh si a. Chubakah saw lamah pawh awm reng ka tum tawh lo hrim hrim a. Hmun dang tha zawk awm bo na tur ka melh pah meka" ka ti a.

Bethy chu a lo bu nghat a, a Car chu hma lam panin a khalh lehnghal a. "I duh phawt chuan ka bulah i duh chen chen i rawn awm thei a nia. I duh chhung chu a ni mai"

"Ka lawm e". Car seat chu ka ngheng a, thawk ka la haka. Eng thil nge ka tih tak ang ni?

Vawksa kán rim chu ka hip lut kawk a, ka hip lut belh zel a. A rim chuan ka pum a fan chem chem a,ka hrawkah a rawn hnawh chho ta up up mai. Rang takin ka tho a, toilet lam panin ka tlan nghala. Vanneihthlak takin Bethy apartment pawh zau tak a ni lem lo va, tlan thui angai lo hlauh e.

"Blair..?" Choka atang Bethy chuan min rawn ko a,mahse chhang thei ka awm tawh lo. Chhuatah thingthi in Toilet chhungah chuan ka bun nghal bawrh bawrh a. A zo tawh dawn emaw ka tih laiin Vawksa kân rim bawk kha ka hre chhuak a,a bul atangte bawkin ka bei tha leh a.

Luak tur pawh ka nei tawh lo, ka chau vek tawh. Bethy chuan towel huh min rawn pe a, toilet chu leih thlengin bang ngheng chuan min din tira.

A rim dan nan ka hnar chu towel chuan ka hupbet a, Bethy pawhin a hrethiam nghal a, kawngkhar chu a khar ta ringawta. Kawng dawm meuhin min en a, a mak ti lutuk hmel chuan min ti hrilhhai lek lek.

"Sa kân rimin i luak a ti chhuak a maw? A ni lo chu ti miah suh. Mi mawl let tawp ka ni bik lo ania. A van mak ngai ve Blair, engvanga ngawi reng nge i nih? Ti chung khan bus a haw te chu i la tum a nia. Chu ni phiangsen chuan i chungah eng thil nge maw a lo tih le..? Tunah chuan i lo ruahman ve zawng zawng kha a chhe ta vek si. Mahse i thiannu hetah ka awm reng tih hria la, puitu i la mamawh dawn chauh. Chu bakah Rush-a va hmu la, hei hi a fa ngei a ni tih hriattir turin huaisenna i nei tih ka hre bawk".

Engtin nge a hriat? Dam loh vang pawhin an luak fo alawm. "Natna hrik vang mai mai a nih kha".

"Dawt. Sa kân vang a nih kha. Tui takin thutthlengah i mu a, ka ka kân veleh rawn thoin i tlan nghal a nih kha. I naute pai vang a ni tih ka hrechiang lutuk".

Dawt ka hrilh thei lovang. Ka thian a ni. Ka thian neih chhun tak tak. "Chuvang ania Cain-a pawh heta a lo va kal. Nimin khan pregnancy test ka lei lai min lo hmu a, tichuan Rush-a hnenah eng ang inlaichinna nge kan neih tih zawt turin a va kal ta a nih ka ring. Keiin engmah ka hrilh duh der si lo. Test kit chu lei tha lehin test tha leh ila, lo negative hlauh se engkim a pangai vek mai tur" ka ti a.

"A nih Rush-a i hrilh dawn nge dawihzep takin i tlanbo pui dawn?"

Rush-a pawh hrilh ila eng nge a tih vak chuan ang? A farnu in min hua a,a nu pawhin min hua. Ka nu an hua a,keiin ka pa ka haw bawk. Ani pawh chumite chhungkaw zinga mi tho chu a ni. Khang ho kha ramhuai sual pai an nih kha. Ani chuan an ni kha a hmangaih a, chubakah eng tik lai pawhin Nan-i a kalsan dawn lo tih ka hrechiang tawh.

"Ka hrilh thei lovang" ka ti zawi raiha.

"Eng nge i theih lohna chhan tur? Ani pawhin nang hmuh a i chanchin hriat chu alawm a chak ber".

Ani chuan engmah a hre ve tak tak lo va,a hriatthiam chin a tlem lutuk. Nan-i chuan engkim a nei vek. Nu leh pa a nei a, unaupa nen. Kei erawh ka nu a thi tawh a,ka unaunu a thi tawh a, ka pa pawh thi ang a ni tawh. Anni nen chuan kan in ang thei tawh lo.

Hawi chhuakin Bethy chu ka en a, he khawvela ka thian neih chhun a ni. Tunah chuan engkim hre ve tawh rawh se. Engkim a chin chhuakin ka hrilh vek ang.

END OF CHAPTER -5


CHAPTER -6

> RUSH'S P.O.V <

Ka hmuh hnunhnun ber atang khan kar thum, ni li leh darkar 12 zet a liam ta. Chumi chhun chu rilru mumal pawh pu thei lo, khingbai zetin ka awm a, thil dang chu ni se zu ah tlanin chu chu min hnemtu tha berah ka ngai ngei ang. Mahse khami ni atang khan far khat pawh ka ka-ah hian a la lut leh lo. Hethilah hian Blair-i hian engmah thiam lohna reng a nei lo. Tunah hian Blair-i ngei chu Rosemary-ah rawn kalin ka inah ngei a ding ve ta reng chu a ni si a.

Nizan khan darkat nga zet Bethy ka zawng kual a, ani chuan Blair-i awmna min kawhhmuh theih ngei ka ring a ni. Mahse a tu a mah mah ka hmu lo. Hlawhchham inti takin ka haw a, tunah Bethy chu Sumit-ah a awm mek tih Jace a'n min hrilh a nih kha. Khang message ho pawh kha Bethy rui phurin a min rawn thawn mai mai a ni ngei ang.

Ka en reng ringawt a, a hma ai khan a cher daih mai. Chaw a ei tha lo em ni ang? Ngeni a a damlo zawk?"

"Hello Rush" kan ngawih dun vang vang hnu chuan amah zawk chu a tawng hmasa zawkah a rawn tang a. Ka khup hi a thlep hnawk ni ber hian ka hria. A aw ringawt pawh chu ka van ngai tehreng em.

"Blair" ka aw chu a khur der der a,ka tawng thei tawk tak a ni. A ding reng a, a sam chu zawitein a khawih rek rek reng a,a zam a ni tih ka hre mai. Tih zam chu ka duh lo tehreng nen,han tih vak ngaihna ka hre si lo.

"Kan inbe lawk thei angem?" aw nem tak, zawite hian a rawn ti a.

"Tehreng mai" tih pahin kawng ka lo kian a. "Lo lut la"

Rawn lut ta mai lo chuan inchhung lam chu a rawn thlek dek dek a, a mitmeng a hlauhthawnna awm atang chuan ka hrethiam mai. Helai hmunah hian rilru na takin a lo awm tawh a, ka inah ngei hian a khawvel zawng zawng a lo keh chhe vek tawh a ni. He inah hian hlimna chauh hriat reng tur awm se ka tih tehlul nen.

"Midang an awm em?" tih pahin min rawn en a.

Ka nu emaw,a pa emaw hmuh a duh lo a ni. "Awm lo e. I chhuah ni atang khan kei pawhin ka chhuah tir vek alawm" tih pahin dimdawi deuhin ka en let a.

A meng zau kawk a, engvanga mak ti viau nge a nih? Nge ni a a hrethiam chiah lo zawk? "A nih chu mawle. Ka lo hre miah lo va". A hre lo a ni tih chu kan hre ve ve. A chhan chu ka lak atang a inla hrang hlak miau si alawm.

"Ka in a nia ka thu ber alawm. Grant a'n a chang changin min rawn tlawh zeuh thin tih chauh lo chu tumah an rawn kal ngai lo" ka ti a.

Blair-i chu a rawn lut a,a rawn luh rual chiah chuan boruakah a rim a zam nghal veng veng. Nitin mai hian helaia thu chung hian he in a a rawn luh leh hun tur nghakhlel takin ka lo thlir thin a, ka khawvela lo lut leh turin.

"In tur ka lo lak dawn che em ni ang?"

A lu a lo thing vata. "Eng lo ania,hetah....khuaah hian ka rawn kal a..." Min rawn en a,a hnar a dawm a. "Cain-a i lo hnek em ni?"

Cain-a. Shit..! Cain-a chanchin a lo hria a, tichuan hetah hian Cain-a chungchang kha sawi turin a lo kal tihna em ni? "A zawh loh tur tur min zawt a,a thusawite kha a hriat a tulna a awm lo hlawm em alawm" sehchilh aw lek lek hian ka ti a.

Blair-i chuan dar chhin ak pahin "Ngaihruat dan chauh ka thiam" a ti a. A ngawi deuh data, lu thin pahin "Helai thleng thleng a lo kal kha pawi ka ti khawp mai. A tul lo thleng thleng hian a lo inrawlh thin a, a pawi khawp mai". A chhan pawh a ni lo, ngaihdam a rawn dil sak zawk a ni. Kha mi lawilo pa kha ngaihdam rawn dil sak a ngai reng reng hleinem. Chubakah ani thiamloh thu rawn phur tur chuan Blair-i chu a tha mah mah.

"Ngaihdam rawn dil sak a ngai hleinem Blair. A tawng dan khan a cho chhuak em a" ka rum deuh nghulh a.

"A lo kal chhan kha ka thiam loh a nia, chuvanga ngaidam rawn dil ka ni e Rush. A thin ka tirim a, chu chu a chhan leh vangah nang hi a ngai che a. Mi pawh hrilh lovin a rawn zawng chhuak ve tawp che kha a nia"

Eng nge a ni nena Cain-a chungchang sawi dun vak a tulna le...? Eng fakau nge a tan chuan a la nih a? "A phu tawk chiah a hmu zawk lo maw...? Min lo dang lo phei se chuan-"

"Rush, a tawk. Inbengdai rawh. Ka thian hlui a ni a, chubak engmah a awm lo. Thil eng emaw, hun rei tak atanga sawi ka lo duh tawh chu a bulah ka sawi a, chu chuan a ti lungni lo a. Ka sawi dan ki kha a lo huatthlala awm deuh pawh a ni mahna. Chutiang engmah a awm lo"

Thawk ka la hawk a,ka lungphu erawh a phu ring zual sauh thung.

"A nih chuan amah hmu turin em ni i lo kal?" chu chu ka hriat chak ber a ni. A tan engmah tih theih ka nei tawh lo. Ti dawn pawh ni ila a duh dawn chuang lo. Chuvangin chhan dang vak nei a a rawn kal ka ring ta lem lo.

Blair-i chu a ngawi vang vanga. "Rawn zawng turin Blair-i nen kan rawn kal a,mahse helai kan rawn thlen hnuah a lo haw daih tawh a ni tih kan hre ve chiah a. Cham chhan pakhat ka nei a, ka biak duh vang che in"

Keimah min hmu turin maw a lo kal a? He inah hian lungawina a hmu ve tawh dawn lo va,a duhkhawp ka tling ve dawn tawh lo tih pawh hre mah ila chu thu avang chauh pawh chuan kuah a pawm vawng vawng ka chak a ni. Min hmuh a duhna ringawt pawh chu a tawk lutuk. "I lo kal avangin ka lawm hlemai" ka lo ti a.

Blair-i chu a han hawi kuala "Engkim ala pangai vek a nih hi. Mahse kei chuan ka ring thei tawh si lo che a. Engtikah mah. Rin che duh viau mah ila ka thei tawh thlat lo a ni Rush".

Eng nge a sawi chu? Ka beng chhung a ri dut dut mai.

"Sumit ka chhuah san dawn a, helamah pawh ka rawn awm dawn chuang lo. Ram dangah ka kalbo anga, chutah chuan nun bul ka tan tha leh ang"

Eng a?? "Chu Bethy nen inkal dun dawn tihna em ni?" Ka mumang mai nise ka van ti em.

"Aih dawn lo ve. Tukinah khan kan sawi dun a,mahse hmuh che a hmai chhanah ngei biak che ka duh bawk si a. Hun rei lote chhung chu Bethy bulah ka khawsa anga, tichuan inbenbelna tur ka hmuh veleh ka chhuahsan ang. Thla hnih khat vel pawh a ni mahna le".

A rilruah kalbo tumna nghet tak a nei a,mahse thla hnih khat chhung hun ka la nei alawm. "Ruahmanna pawh i siam fel khawp alawm. I duh phawt chuan i kal hmaa chenna turah kha chuan buaina a awm lo ania". Ka inah ngei hian rawn lut lehin ka khumah ngei rawn mu leh se ka duh. Mahse chu chu ka tan sawi chhuah ngam a ni ta si lo. A pawm dawn chuan loh avangin.


> BLAIR'S P.O.V <

"Umm....ka kal hma chu Club a ka hna ngai lamah khan ka kir leh phawt ang a, hnathawhna tur hmun dang zawn theih tho mahse Club ah khan hlawh a tha a" bah deuh nuaihin Rush-a bulah chuan ka sawifiah a,han sawi dan vak ka hre lo a ni.


Rush-a hmu tura Bethy i'n min tih khan nau ka pai thu hi amah hrilh turin min ti a,mahse thil awmdan dik tak, Rush-a, Nan-i, a nu leh ka pa inkar thil ka hrilh meuh chuan Rush-a lam a tanna chu bansanin ani pawh chuan engmah hrilh loh a kal tlangpui chu tha min tih pui leh ta zawka.

Tum lawk hauh lohin kar thum hnuah Rosemary ah ka kir leh a, chutah pawh tum loh puiin Rush-a inah ka lut leh a. A hmel ka hmuh rual rual chuan engkim mai hi a thar leh vuk hian ka hria. Ka nihna ngai erawh arawn let leh thei tawh lo. Sawi tur ka haihchham a,thawk a harsa. Chutih laiin naute, a naute, kan naute ka la pai mek bawk si. Ka awm dan leh ka thusawi dan zawng zawngte chu alaka ka tawng dan tur an ni lo. Kei ngei pawhin ka hma ka sial ka ti. Chu chuan engkim hi thlak thei vek se a tha ngawt tur.

Ka naute chu a pa tel lovin a seilian anga,a pa hi a hre tur a ni lo. Chu mai piahah ka pa, a nu leh Nan-i te chu naute nunah pakhatmahin an inrawlh ve lo bawk ang.

"Ni e, Club a thawhte chu pawisa pawh a sam deuh alawm" Rush-a chuan a rawn ti a. A ngawi dat a,a kut chuan a sam a tuai chho a. "Blair, ka tan chauh lo pawh eng thil mah hi danglam ala awm lo a nia. I duh a nih phawt chuan ka phalna lak emaw engmah angai lo. Kei chuan helaia hmuh reng che hi ka duhthusam a ni a, ka in a i rawn lut leh duh ringawt pawh hi ka tan chuan lawman sang tak a ni".

Ka en thei lo. Tunah tak phei hi chuan. Ka zam chhe hle ang tih hi chu ka rin sa a ni a, mahse chutiang thu a lo sawi erawh ka beisei pha chiah lo. "Ka kal tawh mai ang e Rush. Ka awm reng thei tawh lo. Heta ka awm chhung nana na chuan ka lakah pawh that i chhuah hram hram dawn nia. Ka kalbo leh vat ang".

Engtik laiin nge Rush-a chu a lo chet hman pawh ka hre lo. Kawngka bulah chuan a lo ding vat a. "Min hrethiam ang che. Pangai taka awm ka tum viau nangin ka thei ta lo a nih hi Blair. Ni e, i sawi ang chuan ka awm ang. Ka tiam a che,theihtawp ka chhuah ang. Mahse khawngaihin Bethy bulah chuan hrilh la, khawiah mah hmun dangah kal bo suh Blair, khawngaihin chu chauh chu".

Awm reng thei ka ni tawh lo. Nam sawnin kawngka atang chuan ka chhuak a. Hnung lam atangin min en zui reng tih ka hria. Chuvang chauh a a tlan a tlan lo ka ni. Tunah chuan inhmuh tam loh kan mamawh ber.

Club-ah ka let leh a, Jimmy-a ka ko ang a Woods-a min hmuhpui turin ka sawm ang ka ti deuh a. Mahse kawngkhar ka han hawng chu Woods-a a lo ding sa reng a.

"I lo let leh ta maw..? I rawn let leh pawh ka lo ring chiah tawh lo a" a lo ti a.

"Nia. Mahse ni reilote atan chauh"

A mit hmul a lo kan ak a. "A nih chuan kan sawi fel dawn em ni ang?"

"Aw le". A pindan lam pan chuan kan inzui phei nghala.

"Bethy pawhin vawi hnih ngawt min rawn be leh tawh. I hna ngai thawk leh tur hian min rawn kar nasa teh mai ania". A office pindan kawngkhar chu hawngin min luh tir a. "Rin loh tak maiin minutes 10 liam ta mai khan phone call ka dawng a, chu chu Rush a call ania. Kar 3 liam ta khan tum lawkna pawh awm miah lovin i chhuah san tih ka lo hria a, mahse ani chuan nichin lawk khan i tan min rawn dil saka. Chuvang chuan kei pawhin i hna ngai ka pek leh ngei che chu angai dawn a ni"

Mak ti takin Woods-a chu ka en a. "Rush-a maw?" ka ti deuh hu a. Thil hresual ang mai ka ni.

Woods-a chuan kawngkhar a khar a, ka hma zawn dawhkan bulah chuan rawn dingin a kut a kuangkuah a. "Aw ni e. Jace a'n a thuphungin eng eng emaw chu min hrilh ve bawka. A hma pawhin i hnenah Rush-a leh Nan-i inkar thu ka lo sawi tawh a, engkimah Nan-i a dah hmasa ber zel ang tih pawh ka lo hrilh lawk tawh che kha. Chuti chung chuan engvanga lo let leh nge i nih? Alabama chu a nuam lo viau em ni?"

Alabama nawm loh vang a ni lo va, hmeichhia kum 19 mi,naupai, chhungte belh tur nei si lo tan chuan a nuam tehchiam lo mai chauh a ni. "Helaia rawn let leh hi thil awlai a ni lo a,...an mahni rawn hma chhawn ngat phei chu a awlai lo lehzual. Mahse engtin nge ka awmzel dawn tih hi ngaihtuah angai si a. Alabama ah chuan awmna tur chhan engmah ka nei tawh lo. Kal bo ka duh a, chutih laiin Bethy ka thian neih chhun alo ni bawk nen. Duh anga awm thei ka ni rih lo a tin ni".

Woods-a chuan a mithmul a lo san ak a. "Ouchh...tinge kei ve? Thian kan ni ve lo em ni?"

Nui suk chungin ka tho a, ka thutna chair hnungah chuan ka dinga. "Ni ve tho a, ka close tak erawh i ni lo"

A nui hak haka. "Ngaihngam takin i hna ngaiah i let leh dawn nia. Cart girl dang zawng zawng aiin midang ho pawh hian nangmah bawk hi ania an ngaih ber ni.

"I chungah ka lawm takzet" ka ti a. "A lo berah thla 4 hnuah chuan ka kal ngei ngei tawh dawn a,kumkhuain ka cham dawn lo ania. Ka-"

"Aw le ka hrethiam e. I tan chuan Rosemary hi hmun nuam tak a ni tawh kher lovang tih ka hria. Mahse i duh chen chen, eng tianga rei pawh ni se hna chu i ta a ni tawh e".


END OF CHAPTER -6

CHAPTER -7

> RUSH'S P.O.V <

Nan-i apartment ka thlenga, ka luh hmain vawikhat ka kik zauh a, ka lut chawpchilh nghala. Pawna a car a lo inhun dan atangin inah a awm tih ka hre sa a. Amaherawh chu vawikhat chiah ka kik erawh tlangval mal nghenga ka farnu a lo mut ak danah ka tisual a ni tih ka hre chiah.

"Nan, keimah ka nia. Biak lawk che ka duh a" tih pahin thutkhawmna pindan lam ka pan a. A awmna pindan lam atang chuan a rawn phei a, haw leh mai ma duh rum rum mai. Mahse thu pawimawh tak sawi tur ka nei a, chu a tlangval pa vang mai mai a haw leh rikngawt zawng niin ka hre chiah si lo. Dar sawmpakhat a pel tawh a, chu pa pawh chuan haw te pawh a duh ve hnai tawh ang.

Bathlar lama inkawm daih ka duh ang. Midang lo hriat phak tura thil sawi chu ka duh lem lo. Nan-i pawh silk kawr pan tak ha chungin a lo tho chhuak a. "I lo kal dawn a nihte chuan min rawn phone lawk mai thei lo em ni?" a rawn ti nang nang a. Ka nu a chhun hle lehnghal. Ka ni tleirawl lai hmel ni awm tak a ni.

"Chawchhun ei a hun tep tawh hi Nan, i inlengpa saw nileng thakin i tawm tir dawn em ni?" tih pahin bathlar lam kawngkhar chu ka hawng a. "Biak lawk che ka duh a. Mahse midangin a an lo hriat ve erawh ka duh tehchiam lo".

A thaw hak a, pawn lamah chuan a rawn chhuak ve mai bawk a. "Kar khat zet biam che ka tum chung pawhin min be tha duh lo kha a nia, tunah min rawn pan chilh meuh a, eng ang fakau a pawimawh ni ta maw? Kei chuan ka lo kal dawn a nih chuan ka rawn phone lawk ziah che zel sia" a ti nang nang a.

"He apartment hi ka pawisa veka ka lei a nih hi Nan, chuvangin ka duh duh hunah ka lo kal thei alawm" ka ti a. An college kalna avangin August thla laihawl vel atang khan a rawn luah lut a, a inluahna manah a college bill leh tuition fee nen lam ka pe vek a, a mamawh tur ang zawng zawng hi chu keiman ka tum vek a ni mai.

"Ka hre ve tho e a. A nih han sawi vat la...? Ka hman em em lo ania" a lo ti duh lek chauh a. Ka thusawi avang chuan min hlauh phah teh hiam lo. Min hlau tur pawhin ka duh hek lo. Mahse tunah chuan naupang chhia a ni tawh lo va, rilru puitling tak a put chhoh ve angai tawh. Blair i'n chenna tur mumal pawh a neih loh laiin a thlawn a lo inchen tir reng chu a theih tawh bik kher lovang.


"Blair-i a lo let leh a" ka sawi tlang nghal tawp a. A haw viau dawn tih pawh hre sa mah ila engah vak ka ngai tawh lo. Tet lai zawng zawng kha chuan a lamah ka tang tlata, a chhan chu harsatna a tawh hnem ve em avangin. Tunah chuan a duh zawng chu a nei vek tawh a, a chan chhe ber chu Blair-i a ni.

Nan-i hmelah chuan hai rual lovin thinrimna leh huatna hmel a rawn lang nghal a. "Lo ngawi la kan sawi zo phawt ang e. Eng thilah mah ka phut ngai lo che a, mahse tun tum chu ka phut....ni lo, lo ngai la, ka sawi hi lo ngaithla ang che. Chuan ka thusawi hi i zawm ngei bawk tur a ni ang".

Nan-i thinur ti hmel chu zawi zawiin mak tihnain a rawn thlak a, vawikhat mah ka thu anga awm turin ka la ti ngai lo. A nungchangah hian ka nu chu ka dem viau lem lova, a chhan chu kei pawhin ka duat thin em vang a ni. Kan duat em em a,kan duat sual zo ta a nih hi.

"Kha nu kha ka haw teh a nia" a rawn ti sap a.

"Lo ngawi la min ngaithla rawh ka ti che a ni lawm ni? Ka uang lo a nia" ka ti rum hmuk a.

A meng zau kawk a, a mitmengah ka thusawi chuan a thawng hle tih ka hre thei. Keimah ngei pawh min thawng. A chhan chu hetiang hian vawikhat mah ka la vin ngai lo. Mahse tlang taka Blair-i a huat thu a rawn sawi kha ka thin erawh a tirim ve phat thung.

"Blair-i chu tunah Bethy bulah a cheng meka Woods a'n a hna ngai a lo thawh tir leh a. An khua Alabama ah engmah neih a nei lo va, chhungte a nei tawh hek lo. A pa, tuna i pa ni bawk hi intawm ngaihna a awm lo a,a tan chuan a pa chu a thi tawh ang vel a ni. Tunah hian in benbelna tur zawngin a awm mek a, a hma pawh khan chu chu a tum sa a ni reng a, mahse a thu hriat khan a khawvel a thlak ta hlawk si a. A rawn let leh duh ringawt pawh hi ka beisei piah lam a ni a,a lo let leh hi ka lawm takzet. I tan chuan hriat pawh a nuam chiah lo maithei Nan, mahse Blair-i hi ka hmangaih a ni. A himna tur a nih phawt chuan ka tih turah tumahin min dang thei lovang. Ka farnu ngei pawhin. Chuvang chuan in hi i chhuah san mai rih a ngai dawn a, i duh leh i thinrim viau a nih pawhin ka dem lo che. Mahse engtikah emaw chuan helaiah hian huat tur mi pakhat bak an awm lo tih hi ila hriat chhuah ngei ka ring tlat a ni".

Nan-i chu thutthlengah chuan a thu hnawk a, ani pawh chu ka hmangaih tho a ni a, ka hun pum a tan ka lo hmang tawh thin. Chutiang thil a hnena sawi a ngai ta chu a hrehawn duh khawp mai. Mahse Blair-i ka ti hrehawm rei tawh lutuk a, ka tih hrehawm belh thei tawh lo a ni. Blair-i chuan hun remchang min siam sak tawh lo pawh a ni maithei,mahse Nan-i bawk hian hrehawmna a la thlen sak fo dawn tih ka hre tlat.

"Kei ai ani chu i thlang zawk dawn ta tihna a ni maw?" zawi sapin a rawn ti a.

"Khatia awm vel kha a ngai lo ania Nan. Nang chuan engkim i nei tawh alawm. I pa pawh i nei let leh tawh a, ani erawh chuan a pa a chan asin. Hnehna i chang tawh. Chuvang chuan ani chu tibuai tawh suh".

Nan-i chu a mittui a tling pam a. "Ani chuan kei pawh min huat tir ta che a nih hi"

Nan-i awm dan chu lemchan khel ang mai a ni. "Ngaithla teh Nan, ka farnu duat em em i ni a,ka hmangaih lutuk che. Chu chu tumahin an thlak thei lovang. Mahse Blair-i hi ka hmangaih a, chutih rualin i rilru a lian ber chu ani tihbuai leh tih nat a ni tlat si a tin ni. In pa te avanga inbuaina hi chu tawp tawh rawh se. Kum 3 liam tawhah khan i tan a rawn let tawh kha. Kha vanga i huatna kha a tul tawh lo".

"A nih leh khawiah nge engkimah chhungkua dah hmasak ber tur kan tih thinte kha?" a rawn ti a.

"Khati zawngin thu la suh. Nang leh kei hian kan hria. Engtik lai pawhin i lam ka tang a, mamawhna min neih phawt chuan i tan ka awm reng thin. Tunah chuan puitling kan ni ve ve tawh Nan"

A mittui tling pum mai chu a kutin a tuai thuak a,a thutna atang chuan a rawn ding chhuak a. A mittui chu mittui tak tak nge a tih tlak chawp tih pawh ka hre lo ve. "Eng pawh nise hma taka school ka kal angai. Helai atanga chhuak tura min duh a nihte chuan ani chu i thlang zawk a ni tih i chiang reng alawm".

"Ka bul hnaiah awm reng thei la chu ka duh ber Nan. Mahse tun tumah erawh i hmakhaw ngai tak chunga awm ka duh. Thinlung khauh tak i nei a, tun hi a hman hun tak a ni"


> BLAIR'S P.O.V <

Ka thil thenkhat mamawh ka nei a, chubakah ka truck pawh kha hralh daih tawh angai. Cain-a khan a siam that theih ang ang chu min thawmthat pui nangin a khawl a lo hlui ta deuh nen hman rim tur a tan chuan a chi tawh meuh lo. Ka bungruate chu min rawn thawn mai turin Cain-a leh Pi Q-i te chu va ngen ta ringawt ila engkim sawifiah kher an phut ngei dawn si. Chuvangin keimah ngei Sumit a va let a va lak angai a ni.

Pi Q-i ngat phei chu min lo tuam hlawm tu a nihna anga tha taka ka thlah loh chuan. Woods a'n hna tan hma chawlh tlemte min lo pe bawk nen. Bus in ka va kal mai aniang chu. Bethy Laptop hawhin google-ah bus tlan dan vel ka en a.

Chutia ka en mawlh mawlh lai chuan doorbell a rawn ri a, laptop chu dah thain kawngka ka va hawng a. Pawnah chuan Rush-a a lo ding reng a. A jeans kekawr ipte a lo zen a, a t-shirt tight tha zet mai chu ka beisei loh lam daih a ni. Ka va hawn veleh a sunglass bun lai chu a phelh a, a mitmu silver rawng ni zungin an rawn chhun nghal mai chu thil tam tak ka hriatchhuah leh phah.

"Hey, clubhouse ah Bethy ka hmu a, he ta i awm thu min lo hrilh a". Rush-a chu a zam hmel hlemai. Zam deuha a awm hi ka la hmu ngai lo.

"Nia, Woods a'n hna ka zawm hma Sumit lama ka bungraw thiarna hun chawlh tlem min pe a".

"I bungrua i va thiar dawn a maw?"

Ka lo bu nghat a. "Niang chu. Zan khat riak tur chauha lo kal kha ka nia. Tun ang hian ka cham hlen ang tih ngaihna hre bik hek lo le"

"A nih engin nge kal i tum? I truck ka hmu mai bawk si lo va"

"Google ah bus tlan dan ka zawng a, station hnai ber atang ka kal mai ang chu"

"Station hnai ber chu Fort Walton Beach ah a nia, minutes 40 tlan daih a sin" Rush-a chuan a rawn ti a.

Hla zawk zawk pawh a nih hran loh chu.

"Keiman ka va kalpui ang che. Bus a kal chu a him lovang. Kan thleng rang zawk anga a thlawn lehnghalin. Chubakah pawisa safe na a ni mai"

"Ka hre lo le...." Rush-a nena chhuah dun maw..? A tha viau a,mahse Rush-a nena hun lo hman dun chiam kha tha ka la ti chiah lo deuh.

"Chutia sawi dun vak pawh angai lo. I inpeh hun hun ka inpeih hun a ni mai. I hla duh ber i thlang bawk ang a,ka sawisel tawh miah lovang".

Sumit ah chuan va kal dun tehreng pawh ni ila Cain-a nen an inhmu palh a nih vaih chuan ka rai thu hi a lo hrilh mai lo maw...? Mahse Cain-a pawhin test kit ka lei tih bak ka rai ngei tih engmah a hre chuang hleinem.

"Ka dawt lo sawite leh ka tihnatna zawng zawngah che khan i ngaihdamna ka dil ngam lo che a,mahse hun kha pawh let leh theih ni se zawng ka siamtha vek ngei ang. Mahse khawngaihin, thian kan nihna ang tal pawhin ka va hruai che min phal sak rawh. Bus ah chuan misual takte i tawng thei a, i tan a him lo a ni".

Bus a misual tak tawn chu thil vang tak a nih ka ring. Lo thleng ta pawh nise ka in venghim zo ve awm emai."Aw le. A tha alawm. Kan va kal dawn nia"



Jace-a leh Bethy chu thutthlengah an thu dun a, kei an hma sofa ah ka thu bawk a. An pahnih chuan min en reng ringawt a.

"Tichuan naktukah chuan Rush-a nen Sumit ah in va kal dawn a maw...? Eng emaw..ka tih awmzia chu, thil tha lo deuhte i ngaihtuah lo em ni?" Bethy chuan a rawn ti a.

A sawi dik reng. A hnaiha ka awm chuan natna bak engmah ka nei lo. Mahse min kalpui tu tur ka mamawh sia lawm. Bethy hna a thawh angai a, chawlh ka lak tir ngawt thei si lo. "Min hruai theih thu a sawi a, keiin min hruaitu tur ka mamawh bawk a. Ka lo aw ta mai"

"Pakhatin a ngenin a rawn ngen chiam ang a, a lo tang zo lo a ni ve mai alawm" nui chungin Jace-a chuan a lo ti ve a.

"Ngawi mai mai rawh. Kan lo buai vena tur pawh a ni lo. Kar leh lama kan insawn chhuahna tur lam kha ngaihtuah zawk angai" Bethy chuan a lo ti vata.

Hetah hian rei tak ka awm dawn lo va, apartment man to zawk luah tura insawn chhuah pawh tul ka la ti kher lo.

"Blair, apartment thar turte chu kan va en loh chuan" Bethy chuan a rawn ti a.

Kawngka a rawn in kik ri karh karh a, Grant-a a rawn lut zui nghala.

"Engah nge hmeichhe apartment ah te sawi lawk lovah i rawn luh rikngawt? Ruak te pawhin an lo awm thei asin" Jace-a chuan a lo ti hlut a.

"I car ka hmuh vang chauh a rawn lut ka nih hi aw...pawnga. Blair-i hi chhuahpui a sawm ka rawn tum deuh a,ka rawn hmin thei ange maw..?"

Grant-a chuan a ti der pawh a ni maithei. He pa hi chu ka tana a thatna hi ka theihnghilh thei tawh lovang. Min ngaihtuahtu hmasa ber a ni a,ka truck ah petrol min lo thun khah sak a, kailawn hnuaia ka riak pawh min ngaihtuah bertu a ni. Ka thutna atang chuan ka tho a. "Ni e, kal daih ang. Hemite pawh hian chance pek an phut deuh tawhin ka hria".

Bethy leh Jace-a chu an rawn au deuh hlut a,mahse ngaithla mumal lovin kan chhuahsan daih a.

"I lo let leh chu ka lawm ngei mai. Tianga Rush-a a awm hi ka la hmu ngai lo" Grant-a chu a ding dawta,ka lam a rawn hawi a. A nui ngai tawh lo va, hlimhlawp bawl pawh a ngaihsak tawh lo. A hmel hmuh a hahthlak takzet. I tan a nung tawk lo tih pawh ka hria, lehlamah Nan-i a lo awm ve bawk si nen. A tet lai atang Nan-i venhim hi a ko ah a lo dah thin tawh si a. Mahse nang i rawn luh atang chiah khan a khawvel chu i her danglam sak ta a ni".

Grant-a chu ka en kar a, a sawi chu a dik ngei ang. Ka hrethiam lutuk. Mahse pawi ber erawh engmah a thlak danglam zo tawh lo hi a ni. Khang kum 3 ka nu damlo harsa taka ka enkawl chhung khan an ni chu hlim takin in nuam tak chhungah an khawsa a, chutah ka nu chu chhe takah mawhpuhin ka thil lo tawn zawng zawngte kha dawtah min chan sak ta a nih kha.

"Blair, nang chauh hi a mamawh chu a ni. Hrehawm a tiin a inthiamlo em em a, khawngaihin hun pe leh hram teh".

"Ka ngaidam alawm Grant, mahse ka theihnghilh thei tawh lo a ni. Kan hun lo tawn tawh leh kan thlen ching ang zawng zawng kha a zo tawj a,tunah zawng engkim a tawp tawh. Mahse Rush-a a nih avang erawh chuan engtik lai pawhin a thu ka zah a, engkimah ka la care em em reng thung".

Grant-a chu hrilhhai hmel takin a thaw haka. "Aa...engmah lo ngawt ai chuan a zia hrim hrim e"

Chu bak a tan tih theih engmah ka nei tawh tlat lo.


END OF CHAPTER -7

CHAPTER -8

> RUSH'S P.O.V <

Car atanga ka chhuah hma chuan coffee no hnih keng chungin Bethy apartment atang chuan Blair-i chu a rawn chhuak a, kei pawh kawngkhar hawngin Range Rover atang chuan ka chhuak ve nghala. A sam a thlah a, hnung lamah an uai thla siau a, chutiang chu mawi ka tih dan tak a ni.

A kekawr bul hak erawh chuan a khuh tawi hle a, a mal no tak chu chiang takin a hmuh theih a. Kawng tluanin ka bulah a thu ve ang a, rilru pek a har dawn hlemai. Tlangval tam tak tan chuan tlukpuina tham a ni. Tilui tih hriat tak hian min rawn nuih a.

"Keimah vangin i tho hma awm sia ka tia hei coffee ka lo siam che a. Thawh hma hi chu i dan a ni lo ve ropui sia" a aw chu a dam diai a. A rilru ka thlak thei tawh lo a nih pawhin min ngaina leh tura siam ngei ka duh a ni.

"Ka lawm e" tih pahin a coffee min siam sak chu ka la a, passenger thutna lam kawngkhar chu ka hawn sak nghal a. Tunah chuan pangai takin kan inbia a, coffee te hial min lo siam sak ve e. A ni lah taka, ka helhhawlh lutuk a lawiah zing dar 3 atang khan ka muhil tawh lo hrim hrim. A thut fel hnu chuan kei pawh ka thutna tur lamah ka let veleh a.

A coffee no chu a hnar zawnah dahin a rim a lo hnim veng veng a. "Hla te i ngaithla duh em? I duh zawng zawng kan zai tir dawn nia". A che sawn lo a, mahse a hmui awm danah chuan tlem a nui deuh.

"Ka tha alawm. I duh duh kha play rawh. Ka ngaithla thei vek".

Hla play tih lam chu ka tan engmah a ni rih lo. Kan thusawi chu a pawimawh emaw pawimawh lo emaw, titi dun hrim hrim chu ka duh ber rih.

"A nih ruahmanna deuhte a awm em? I thil lam turin kan kal dawn a ni tih hi Cain a'n a hre tawh em?" ka han ti a.

A thutnaah chuan a thu tha a,kei pawhin a mal lam ni lovin ka hma zawn kawng chu ka en a. "Aih hrilh lo. Cain-a leh a pi, Pi Q-i bulah pawh sawifiah deuh chu angai ang. Chubakah ka truck kha lo hralh a pawisa min lo thawn turin Cain-a pawh ka hmin angai a ni. A hmantlak vak tawh lova"

A sawi dik reng. A truck kha a upa ve deuh tawh chu a ni. Mahse engah nge keiman ka ngaihtuah sak mai loh. Nimahsela Car thar pawh pe dawn ila a la duh dawn der si lo. A nih loh pawhin a truck chu thawmthat dante pawh a la awm mai thei asin.

"Helamah phur phei ila, kan siam tir anga. A part thlak ngaite kan thlak chuan a la hman thei lo maw?"

"Aih, chu zawng a tihchi tawh loh. Cain a'n a siam tir a, mahse temporary deuhin a tih tir a, a daih rei tawh dawn chuang lo. Hralh daih ila a sam zawk"

Steering chu nghet takin ka hmer a. Khati khawpa rawn ngaihven chiam si khan engah nge chu ti mai mai a a siam tir le? Ti khan a mamawh zawng zawng pe theiah a in ngai ve awm si a. Puih a ngaih lai chuan keimah zawk hi lo awm ni ila a tha tur.

"Cain a leh nang chu...?" Eng nge maw ka sawi tak le? Zawh awm loh tak ka zawt a ni. Chu thu chu kei pawhin ka hre chak bik hauh lo.

"Rush,thian ringawt alawm kan nih. Hman atanga inthian tawh kan ni a, mahse a laka ka rilru put hmang erawh ka thlak thei tawh lovang"

Cain-a ka ngaihtuah chhuah chang hi chuan kutthlak leh tak hi ania ka la chak ni. Engmah ka sawi ve hmain Blair-i chuan radio a rawn ti nung a, country station a man chiah lehnghal. A thutna ngheng chuan a maimitchhing der der a. Engmah sawi zawm tawh lo turin min duh tih ka hre nghal mai.

Ngawi renga darkar chanve zet kan tlan hnu chuan ka phone a rawn ri ral ral a. Ka iPhone leh ka car hi a inthlunzawm thin avangin chiang takin screen ah chuan Nan-i hming a rawn lang kalh a. Blair i'n Nan-i hming a hmuh chu a fuh tehchiam lo. Chubakah vawiinah hi chuan eng thil mahin a min tihbuai ka duh lo.

Ka hmet hlum ta ringawta, radio pawh chu a in play chhunzawm lehnghal a. Va hawi kher lo mah ila Blair-i chuan min en reng a ni tih ka hria. A nuam duh lo khawp mai.

"Chhang ta che, i farnu a nih kha" aw dam diaiin Blair-i chuan a rawn ti a.

"Nia, mahse eng emaw sawi tur a nei a. Chu chu vawiin hi chuan la hriat rih loh ka duh a ni" tiin ka lo chhang let a.

Blair-i chu a hawi sawn mai lo. Ka buai vek tawh. Va kuah lawka ka tana a pawimawh zia leh ka hmangaih zia thu hi fah nghal mawlh mawlh mai ka duh.

"Ka tha tawh lutuk Rush. Engkim pawm thiam turin hun ka nei tawk tawh alawm. Club a Nan-i ka hmuh leh hunah pawh ka awmdan tur engkim ka ti fel vek tawh. Vawiinah i tih turte kal sanin min rawn pui a, ka lawm khawp mai. Mahse chu avanga i phone call i chhang thei lo erawh ka duh lo ania"

Ka kar chu kawngsirah ka ti ding a, Blair-i lam chu ka hawi a. "Vawiin a ka rawn kal nachhan chu engmah hi ka tan chuan nang ai pawimawh zawk a awm loh vang a ni. Ka hruai nachhan che chu mipa rilru buai zo tawh, i lo let lehna tur a nih phawt chuan engmah tih hreh nei lo ka nih vang a ni".

Inherin a biangah ka va dawma. "Eng thil pawh ni se ka ti ang Blair, i hnaiha ka awm theihna tur a nih phawt chuan. Engmah hi ka ngaihtuah thei tawh lova, engah mah ka rilru ka pe thei hek lo. Min mamawh a nih phawt chuan he ta hi ka awm e" ka ngai dat a, ka tawng dan chu ka khawngaihthlak awm hmel lutuk tlat. Ka kut chu la thlain Càr ka ti nung a, kawng sir atang chuan ka tlan chhuak lehnghal a.

Blair-i chu a ngawi renga, ka dem lo ve. Ka tawng dan kha a atthlak em a ni. Min hlau zo tawh pawh a ni mahna le.


> BLAIR'S P.O.V <

Ka thinphu rang lutuk chu a hahthlak. A ri a hre phak hialin ka ring. A bula awm chu engkim mai hi kan hmu vai vek mai. Ka biang a rawn khawih laite khan ka tap chhuak lo chauh. Ka ngai lutuk a, kha chauh lo kha ka duh a ni. Dawt sawi reng mai zawng a van hahthlak dawn tak em.


Ka ngawi reng a, han tawng ve vak ila kan pahnih tana natna thlentu mai mai a nih avangin ngawih chu a tha zawk. Ngeni a ka ngaih zia thu hi ka sawi chhuak tawp zawk dawn? Thil har tak erawh a ni si.

Car screen chu a rawn eng leh a, 'Grant' tih a lo inziak kalh a. Rush-a chuan eng emaw hi a hmet zeuh a.

"Hey..." Phone atang chuan a rawn ti a. Kan pahnih a kan awm laia a phone rawn ri chhen chu a ngaitheilo hle tih a hmel atangin ka hre mai.

"A va hun lo ve Grant, nakinah ka lo call back mai ang che". A ngawi vang vanga, phone atanga Grant-a thil rawn sawi chuan a ti thinrim a ni tih a hmel atang chuan a hriat hle a. "A tul lo ka tih tawh kha" a ti hmuk a, phone chu a hmet thi nghal a.

"I tha maw?" ka lo ti vata.

Ka lam a rawn hawi zawka "Ka tha e" zawitein a ti a, kawng lam bawk chu a en lehnghal a.

"Umm...eng lo. Hetiang kan lo nih takah chuan duh leh thian angte chuan inkawm mah ila a pawina em em pawh ka hre chuang lo va. Ihhh...., Heng thil zawng zawng thlen hnua chutiang thu han sawi chu a awm lo viau tih chu ka hre tho a" ka ti a. Ani chu ka hmangaih a, ka fapaina pa a ni bawk. Chuti chunga chutiang thu sawi chu ka tan a awl ai bik hauh lo.

"I phal ang ang chu ka pawm vek Blair, mahse khawngaihin min thlauhthla zawng chuan awm lo la"

Ka bu nghat a. Ka thian a nih chuan ka naute ka neih thute pawh ka la hrilh ve thei ang chu. Mahse a hriat vaih chuan naute pa a ni tih a inhre ngei anga, keiin ka naute leh an chhungkua inhnim hnaih tir ka duh dawn der si lo. Dawt hi ka thil huat ber a ni a, mahse kei ngei pawh chu dawtin ka nung chho tan mek chu a ni ta si.

"A tha alawm" ka ti ringawt a, a bak engmah ka sawi tawh lo. Nizan lamah ka mu tha lo nen, coffee te in in ka inti harh hram hram kha a ni ringawt a. Seat hnung chu ka ngheng a,kan la tlan rei dawn tho bawk nen, ka chhing ta rih a.


"Hey...bawihte, tho teh. I muthilh daih chuan kalna tur ber ka hre lo a nia" tiin Rush-a chuan ka banah min rawn sawi a,ka han hawi chho a, min lo nuih saka. "I mutui viau nangin ka kaihthawh rih mai loh che chuan" tiin ka seatbelt chu min rawn siam that saka.

Kei pawh chu ka thu tha a. Ka hawi chhuak a, traffic light chungah chuan 'Sumit, Alabama' tih hi a lo chuang kalh a. Kan lo thleng der tawh nia.

"Uihaa...kawng tluanin ka lo muhil a ni maw..! Ka mut a chhuak lutuk a" ka ti a.

Rush-a chu a nui saka. "Ti hian khawi lam nge ka pan zel dawn?"

"La tlan zel rawh. A la hla angreng".

Kan tlan leh vang vang hnu chuan Pi Q-i in kawt kan thleng ta. Ka zam lutuk chu thlanfimin min bual hlap hlap a. Rush a'n mim hmuh chian hmain Car atang chuan ka chhuak vat a.

"Ka lo lut ve kher dawn nge ti hian Car chhungah ka lo nghak dawn che?" Rush-a chuan a rawn ti a.

"Oh, umm...ti khan lo awm zawk rawh" ka ti a. Cain-a car a awm ve reng avangin Cain-a a awm ngei dawn a, an inhmachhawn leh vaih zawngin a buaithlak ang. Chubakah Cain-a chuan rai chungchang vek kha a zep zovin ka ring lo. Chuvang chuan keimahin inchhung lam chu ka pan phei a.


END OF CHAPTER -8

CHAPTER -9

> BLAIR'S P.O.V <


Car atang a chhuakin Pi Q-i in lam chu ka pana. Chutih lai mek chuan Cain-a pawh pawnah a rawn chhuaka, a hmelah chuan hlauhthawnna leh thinrimna a langa. "Enga tinge ani saw hetah a rawn kal ve a? A rawn hruai haw che a ni maw..? A nih chuan tunah haw tawh rawh se" tih pahin Rush-a awmna lam chu a va melh a. Hei vang hi a nia Rush-a a rawn chhuah ve loh chu a pawi loh zawk ni.

"Min rawn hruai alawm. Inbengdai rawh Cain. Engmah buaina tur a awm lo. Ka thian i ni a,ani pawh ka thian ve tho. Ti teh, inchhung lamah lut ang. Ka bungrua rawn lak ka duh deuh a"

Cain-a chu a tawlhhnung a, inchhungah chuan kan inzui lut a. Kawngka chu kharin "Eng maw a rawn kal ve chhan chu ni a? I test kha a positive tihna a mi? Kar thum liam ta mai khan i thinlung a ti kehsawm a, na takin hetah i rawn let a. Tunah i rawn inthlah tir leh a. A ngai ang angah chuan keiman ka enkawl mai ang che. I hria em?"

Duhtawk turin ka ban ka phar chhuak a. "He thil hi naupai chungchang a ni lo Cain. Ka thian a nihna angin min rawn hruai a ni mai. Ni e ka hria, a hma chuan eng emaw a lo awm tawh thin. Mahse tunah chuan chutiang engmah a awm tawh lo. Ani bulah sawn ka let leh hek lo. Mahse Rosemary lamah ka hna ngai ka zawm leh dawn a, rei vak lo Bethy bulah ka cheng anga, tichuan keimah a nun bul tan tha leh turin hmun dangah ka pem ang. Hetah hi chuan ka awm reng thei lo a ni".

"Eng nge i theih lohna chhan tur Blair? Hetah hian i khawsa ve anga, vawiin atang hian nupa kan ni mai alawm. A hran a thil inzawh vel pawh awm lovin. Ka hmangaih che a ni. Chu chu i la hre chho zel mai ang. Kan tleirawl lai khan tihsual chu ka nei ngei alawm. Mahse Callie kha ka duh tak tak ngai lo. Ka duh ber chu nangmah i ni. Khawngaihin ka thusawi chu ngaithla rawh" tiin min ngen a.

"A tawk Cain, duhtawk rawh. Thian kan ni, a bak engmah a awm lo. Kha zan atang khan engkim a danglam vek tawh. Ka hmangaih thin che a, mahse tunah chuan ka hmangaih na che kha a mit tawh. Engtikah mah a thleng leh tawh hek lovang. Ka bungruate khung fel a ka kal mai angai.

Cain-a chuan bang chu a chum ri bur a. "Ni lo, chutiang sawi suh. A lo tawp hleinem. Khawiah mah kal bo lovang. Chu chu i tan a him lo". A tawp deuh chawt a. "I rai em ni?"

Eng tin mah ka chhang lo. Ka pindan thin lamah chuan ka phei a, ka suitcase ah chuan ka inkhung lut mawlh mawlh a. "I rai a ni tiraw...?" Cain-a chuan ka pindanah chuan min rawn zui luta.

Engtin mah chhang lo chuan ka thil tih laiah ngar ngar ka insawrbing a. "Ani sawn a hre thawh em? Saw Rockstar fapa sawn mawhphurna a la thei dawn em ni? Hetah hian naute chu him takin i nei anga,kan enkawl dun zawk dawn nia. A tuipui kam in kha ka hmu tawh alawm. Khatiang nawmsipbawlna inah kha chuan seilen tir lul suh ang che. Nun awmzia pawh a hre lovang. Hetah i tan kei ka awm reng hi".

Inher in amah hmachhawn zawng tak chuan ka dinga. "Engmah a la hre lo va, ka hrilh dawn nge dawn lo tih pawh ka hre lo. Ka chungchangah chuan tu puihna mah ka mamawh lo ve. Min puitu tur lah ka mamawh hek lo"

Cain-a chu a ang phuau ringawt a, chutih lai chuan Pi Q-i a rawn luta.

"A tawk e Cain, ngawi rawh. Khatiang mipa rilru chhe rilru ang kha pu reng reng suh. A thinlung chu i thlak thei tawh ngai lovang. School kal chunga a nu damlo a enkawl dan zawng zawng hriatpuitu ka nih hi" tiin Cain-a chu a en khal a. Chutah ka lam a rawn hawi a, hlim hmel pu lo tak chung hian min rawn nuih seih a.

"Ka monu i ni dawn ta lo erawh min ti hrilhhai khawp mai. I duh phawt chuan he in hi i in a ni a, i pindan pawh hi i ta a ni. Hmun dangah min insawn chhuah san dawn a nih pawhin tluang taka i awm theih nan ka duhsakna ka hlan a che" tiin min rawn kuah a. "Ka fanu ang chiahin ka en thin che a, chu chu a danglam lovang" ka beng bulah chuan a rawn ti sapa.

Min kuahna chu a la sawn a. "Tluang takin le" tiin a kal sawn lehnghal a. A chhuah hmain a rawn hawi sawn leh zauh a. "Tu mipa pawhin fa a neih thu hriat hi a phu a nia. A nuna inrawlh ve nachhan tur nei lo pawh ni se. Chu chu i vawng reng dawn nia" a ti a, a chhuak zui nghala.

Pindan chhungah chuan kei leh Cain-a chauh kan awm leh ta reng mai. Ka inkhung fel sawk sawk a, suitcase chu zip phuiin a khaina ka pawt chhuaka. Chutih lai chuan ka luak bawk chu a rawn chhuak leh a, rang takin ka hmui ka hup nghala.

"Shitt...B, kha thil rit i khai thei lo a nih kha. Keiman ka lo ti mai dawn alawm. Kal lo mai rawh. Keiman duat takin ka enkawl thei che"

Kei lahin kal ka tum talh mai si. Rem ti lo tak chungin ka suitcase chu min khai chhuah saka. "B, kal lo mai rawh. Ka ti tak tak a nia. Keiman engkim ka ti vek ang". A mitmeng atang chuan a thu tak hle tih ka hria. Thian tha tak a ni a, mahse engkim atan chuan ka ring zo tawh tlat lo. Keimah ka awm a, midang ka mamawh tawh lo.

"Cain, he thil hi ka tih ngei angai. Min dang zo chuang lovang" ka ti a. Cain-a chu a thaw haka, kawngkhar chu a nawr hawnga.

Chumi rual chuan Rush-a pawh a Range Rover atang a rawn chhuak a. "A hnenah sawn engmah sawi suh ang che" tiin Cain-a chu ka hrilhru zauha.

Cain-a chu a bu nghauh a, hma a hruai a, ka zui nghala. Rush-a pawh chu a rawn phei a.

"Heng zawng hi em ni?" Rush-a chuan a rawn ti a, ka lu ka lo bu a.

Cain-a chuan a khai renga, Rush-a pek pawh a tum lo. Rush-a chuan a melh khal mai bawk si a, thil tha lo a chhuak leh ang tih a hlauhthawnawm riau mai.

"Cain, pe rawh" ka lo ti vata. Cain-a chu a thaw hak a, hreh tak chungin suitcase chu a pe a. Rush-a a kalsawn ta maw tihah chuan "I hrilh ngei chu a ngai ang" min rawn ti a.

"La hrilh mahna. La inngaihtuah phawt ka ngai" tiin ka chhanga.

"A nih ti hian i truck hi i hnutchhiah dawn em ni?"

"Kha kha chu a hman tlak em em tawh lo nen min lo hralh sak la ka ti deuh a. Dollar sangkhat te chu a la lei pha ve mahna. Chuan a chanve i nei ang a, a chanve min lo thawn anga"

Cain-a chuan ka lam a rawn hawi a. "B, ka lo hralh ang ,a man erawh ka rawn thawn vek ang che".

Ka hnial vek peih ta lo. A chhan chu min lo tih sak turin ka duh miau bawk si a. "A nih a chanve chu Pi Q-i hnenah min lo pek sak dawn nia. Ka chunga a thatna avangin". A biangah ka va fawp zeuh a. "Engkimah khan ka lawm e".

"I duh hun hunah i rawn kir leh thei ang. I tan kawngkhar a inhawng reng e". A lam hawi chuan ka bu zeuh a, Rush-a Range Rover lam chu ka pan nghal a.

Rush-a chuan passenger thutna lam chu min lo hawn saka, ka thut luh veleh a rawn khar nghal a.


> RUSH'S P.O.V <

A awm dan chu tap mai tur hi a ang deuh ber. A that leh that loh thu pawh ka zawt mai ngam lo. Ka chhuahpui vat loh chuan Sumit a cham leh mai chu a tum ang tih ka hlau deuh bawk si. A kut chu a mal karah a zep bet tlat a, a tawng hmasak hun ka nghak deuh tawp mai.

"I tha em?" tiin a tawng hmasa zawkah ka tang leh ta ringawta.

A lu a bu nghauh a. "Dik tak chuan let leh tawh lo tura han kalsan mai chu a har ve em a ni. Ka rilru a nuam lovin ka hlauthawng deuh reuh bawk nen. Min hnem turin ka pa takngial pawh a awm tawh si lo a"

"Kei ka awm alawm" tiin ka chhang let a.

Ka lam a rawn hawia. "Ka lawm e. Chu thu chu hriat ka mamawh lai tak a ni"

A thusawi chu lo record a play nawn tluk tluk tak ka nap. "Mal tak a i inhriat ka duh lo a ni"

A nui seih a. "Tun tum chu ka lo khalh chhawk ve tawh dawn che em ni ang? Lo muhil ve tawh zawk la"

Ani nen a hun hman dun chu ka duh ber a,ka muhil phal teuh lo mai. "A ngai lo ve, ka mut a chhuak ve hleinem" tiin ka chhang a.

Kan kal lama a muthilh lai khan kei chuan thil ka ei tawh a,a mutui em avangin ka kaitho duh chiah lo va, a ril a tam tawh viau ang.

"Ka ril a tam riau mai. Nang i tam ve em?" ka han ti a. Florida lam panin kan tlan mek a.

"Um....aa,ka..ihh soup te chu hawp ve mai mai mah ila a pawi ka ti lo"

Soup ber kher, tam a dawm awm lo emai. Mahse a duh a nih phawt chuan soup chu ka lei sak ngei ang. Thingpui dawr awm leh hmasa ber kawtah chuan dingin soup lei tur chuan ka chhuak a. Ngawi reng pawh ni ila ka bula a thu ringawt pawh chu ka hlim pui veng veng.

Bethy apartment kan thlen leh meuh chuan khuain min thim hnan tawh a, titi ho mai mai kan sawi chhungin Blair-i pawh a lo muhil leh daih a.

Parking lot ah car chu ka park a, Blair-i muhil lai chu ka melh renga. Kan haw kawngah ringawt pawh khan vawi za chuang ka en tawh ang. A mit hnuaia dark circle awm raih mai chuan ka awm a ti nuam zan lo. Zan a mu tha lo em ni dawn le..? Bethy i'n a hria ang. Zawh ngei tur a ni.

Car tukverh chu pawn lam atang an rawn kik karh karh a, ka va hawi chuan Jace-a chu mak ti hmel deuhin a lo ding reng a. Pawnah chuan ka chhuak ve nghal a. Blair-i pawh kaihthawh chu ka duh. Mahse min hmu tu an awm loh hunah.

"I kaitho dawn nge rukbo i tum zawk?" Jace-a chuan a lo ti a.

"Ngawi mai teh a Hmel-a"

"Bethy i'n a ngaihtuah lutuk a. Kaitho la rawn luh pui rawh"

"Bethy chuan naktuk lo nghak zawk mai rawh se. Tunah chuan ala mutui lutuk". Soup deuh chauh kha thil a ei a, thil dang ei leh tura ka tih lahin ka ril a tam lo a ti tlat mai bawk si. "A suitcase hi lo va khai lut ta che. Chuan ka lo kaitho ang e"

"Private thil a ni maw?" Jace-a chuan min rawn nuih saka, a suitcase chu min khai luh saka.

Blair-i kaitho tur chuan passenger thutna lam chu hawngin a seatbelt ka phelh saka. Kan han inhmu lo leh mai tur chu ka phalo hlemai. Hetianga hun tha hi kan neih leh hun tur pawh a hriat si loh. A sam chhawlleng rawn tla siau chu a beng kawmah ka zeh sak a, a van han hmeltha tehreng em. Che lo chuan ka awm reng ringawt a,min kalsan leh mai tur chu ka ngaingam lo a ni.

A mit a rawn meng riai riai a,ka lam a rawn melh chho a. "Kan thleng tawh a" tiin zawitein ka chhang a.

A rawn thu tha nghal sawk sawka. "Uihaa...ka lo muhil lehpek a ni maw"

"I mamawh a nih kha. Kaihthoh loh mai che ka duh rum rum a ni". Ka car chhungah tal pawh riak mai se ka ti. Mahse chutiang sawi chi a ni si lo. Ka lei hnawr chuan naktukah kan inhmu leh thei angem tih hi a zawt chak ngawih ngawih. Mahse ka la thei rih lo. Hun ala mamawh ve rih a ni.

"Kan la inhmu leh ang chu tiraw?" ka tih chuan a nui suka.

"Nia, inhmuh leh hunte pawh ala awm ang chu. Min puih avangin ka lawm nawn leh e. Petrol man pawh ka la rul leh ang che"

Hrep tak chuan. "A ngai lo. Rulh ka ngai reng reng lo. Ka pui thei che hi ka lawm lutuk zawk"

Eng emaw sawi a tum zuau a, mahse sawi ta lo chuan a lu a bo zeuh a, inherin apartment lamah chuan min luh san ta a.


END OF CHAPTER -9

CHAPTER -10

Chapter -10

Woods-a hnuaia ka hna tanna ni a ni a, dinning room lamah tukthuan buaipui turin min ti a, ka tan chuan thil awlai lo tak a ni. Choka pawnah chuan ka ding rana, an thil siam rim vel chuan ka luak a ti chhuak tlat mai bawk si.

A hma deuh pawhin choka-ah chuan ka va lut a, an Vawksa kân rim mawlh mai kha...Uii,ka ti thei thak lo.

"Order sem chhuah pawh a hun leh tawn dawn tawh ania" ka hnunglam atang Jimmy-a chuan a rawn ti zal zala. Ka hawi let vata Jimmy-a nui suk hmelte chu ka ngei tlat. "Kan thilsiam hi a tuihnai tha a, chuvangin customer kianga va kal kual vak pawh a ngai lovang. Va serve tawp a ni mai"

Thawk ka han la haka. "Ni e, ka lo ti ang e"

Jimmy-a chuan choka kawngkhar chu han hawnga. Artui, Vawksa, Souce leh tel rim a lo nam vung vung a. Ka thlan a bawl nghal tek tek a, ka pumpui a let nghal bulh bulh mai. "Ka...umm, bathroom kan lut hmasa lawk ange" tih leh bathroom lama tlan ka rual nghal a.

Ka lut chiah chu chhung lamah kawngkhar ka kalh sawk sawk a, chhuakah chuan thingthiin ka bun nghal tlawrh tlawrh a.

Duh tawka ka bun hnu chuan ka tho chhuak a, ka cher ta hawk hian ka inhria. Toilet paper chuan ka inhru faia, bang kila an dah mouthwash chuan ka kam ka thuah a, ka thlan chhuahna lamah ka kawr var hak pawh a huh dup mai. Thlak ngei angai dawn a nih hi.

Tuman an hre tur a ni lo. Hethil hi ka ti thei ngei bawk tur a ni. Duh leh choka a ka awm chhung chu ka thaw lo mai ang. Thawk ka la vaka, kawngkhar chu hawngin chhuah ka tuma.

Pawnah chuan Woods-a a lo ding reng chu niin. A kut a kuangkuah a, min en reng ringawta. Hnathawh hunah ka zawm hman lo tih ka hria.

"Aa..., Tan hmain heta luh lawk hi ka ngai ta sia. Ka tlai tih pawh ka hria. Engtikah mah a thleng leh tawh-"

"Ka office ah. Tunah" a ti hmuk a, a inher a, a kal nghala.

Ka thin a phu rang ngei mai. A hnungah chuan rang takin ka zui ve nghala. Woods-a tih thinur chu ka duh hauh lo. He hna hian thla leh a ka awmdan tur zawng zawng a hril vek a, ka tan a pawimawh lutuk. Hemi avanga heta let leh pawh hi ka ni a, chuvangin he hna hi ka chan thei lovang.

Woods-a chuan kawngka min hawn a, ka lut nghal vata.

"Khawngaihin min ban suh aw. A thleng leh tawh miah lovang. Ka-"

"Ka ban dawn reng reng lo che" ka thusawi lai chu min lo pawt chat a.

Ohh....

"Doctor i hmu tawh em? Ka dem ber chu Rush-a a ni. I hrilh tawh em? Hetiang i ni tih hre reng chunga he hna hi a thawh tir che a nihna zawngin a ring ruh ka herh tliah sak duh hial ang"

A hria nia. Uii..ni lo ni lo, ka duh thei lo. Rang takin ka lu ka thing vata. A hre tur a ni lo. Tumahin an hre tur a ni lo. Ka zep tlat angai. "I sawi awmzia ka van hre lo..!"

A rawn meng phawk hru a. "I hre lo tak tak a maw...?" a aw ki atang chuan a awih loh hmel kher mai. Mahse ka zep tang tang angai. Ka naute tan.

"A la hre lo" dawt ka sawi thei lo a ni. "A hriat ka duh miah lo a nia. Keimaha enkawl ka duh. A chhung te'n min hua a, chuvang chuan huatna kara rawn piang chho turin ka duh lo a ni. Khawngaihin hrethiam ang che"

Woods-a chu a thaw haka, a sam a tuai chho a. "Hriat ve hi a phu a ni Blair"

Ka hria, chute chu ka hre lutuk. Ka harsatna erawh thil dang daih a ni. "An ni khan min hua a, ka nu an haw bawk. Chuvang chuan an hriat ka duh lo. Keimahin ka ti thei a, tu puihna mah ka mamawh lo. Engtikah emaw chuan hriat te pawh a la hre ve ang. Mahse tunah rih chuan ka naute tan hian theihtawp ka chhuah dawn a ni".

Woods-a chu a ngawi reng a, tiang chuan rei tawk fang kan dil a.

"Kei chuan tha ka tihpui lo che a, chutih rualin ka thawnthu a ni ve si lo a. Engpawh nise inthlak la Darla-i va hmu rawh. Cart khalh lam lo va ti zawk mai ta che. Choka rim saw i tan chuan a hrehawm lutuk ang".

Va kuah lawka fawh chawk mai ania ka duh ni. Midang hrilh turin min nawr lui lova, chuta karah ka hna min la thlak sak zui. Vawksa kân chu tui ka ti, mahse tunah rih chuan ka huat ber a ni rih. "Ka lawm lutuk e" ka ti a.

"Tun kar chu i thawk rih dawn nia. Chuan nisa te kha do lutuk lo la. Vur tlang kha keng tel zel la,lum i tih hunah i indep dai zel dawn nia. Darla-i saw ka hrilh ve mai dawn em ni?"

"Aih, a ngai lo. Tumahin hre suh se. Tuma hriat ka duh lo" ka lo ti vata.

Woods-a chuan nui suk chungin a lu a bu a. "A nih leh le, i thuruk chu ka lo vawng tlat ang e. Rush-a i hrilh ngam lo ta sa sa, harsatna emaw mamawh emaw i neih phawt chuan ka hnenah i thlen zel dawn nia"

"Aw le, ka lawm viau ang"

Woods-a chu a nui suk a, kei pawh ka chhuak nghal a.

Tunkar a ka thawh tur ber chu golf khelhna muala cart khalh chu a ni rih ta mai a. Ni a sa a, khua a lum bawk si ni. Inrinni atang khan tournament an tan a, chuvangin chawlh hman a ni lo. Ka ning hle a, pawisa vang chauha thawk hram hram ka ni ber. Mahse choka chhunga rim chi hrang hrang luak ti chhuak nghal rawih rawih thei ai fe kha chuan a la thlannaawm zawk hrim hrim.

Inkhelte chhawlhal chhawk turin Bethy nen Cart pakhat ve ve kan khalh dun a, field huam chhung a zau angreng si a kan hel nawn tluk tluk zel mai. Woods-a hmel hmuh tur a awm vak lova, a hnaah a buai ve tho bawk nen. A zia phian mai.

Vawi thum zet field pum ka hel kual hnu chuan a bul atanga tan tha leh turin Hole-1 atang ka tan tha leh a. Hnung lam atang Grant-a tukhum ka va hmu a, Nan-i nen an lo khel dun mek a. An titi muk hle tih pawh ka hria.

He ni hi a lo la thleng ngei dawn a ni tih hre mah ila ka la inpeih lo hlemai. Grant-a chu a rawn hawi phei a, a hmel atang chuan hlim taka titi dun an ni lo tih ka hre mai. Min rawn nuih saka, chu pawh chu a ti lui mai mai a ni.

"Blair, keini chu kan chhawl a la hal rih lo ve. Hole dangah lo va kal rih mai rawh" Grant-a chuan a rawn ti a. Chutia ka hming a han ri chu Nan-i pawh a rawn hawi vata, a hmel thip zel mai chu ala dang chuang reng reng lo. Kei pawh chu kal leh mai turin ka insiam rem a.

"Lawk, keiman duh ka nei". Rush-a aw ka han hria chu ka lu hi a hai nghal mupin ka hria. A aw rawn chhuahna lam chu ka hawi a, ka lam panin a rawn kal mek a.

Kekawrbul pawl dal leh polo shirt var a ha a, awii....a inhmeh turu zia mai chu. Alabama tlangvalte chu hetiang hian an inchei ve ngai lo. Golf khelh nan jeans kekawr an ha a, lukhum hmathlawk leh kawr pangai an ha mai a, Rush-a inchei dan erawh a sexy lutuk a, chil a tipui thei dawn hial.

"In tur ka va mamawh ve" ka hma zawna rawn din pah chuan a rawn nui saka. Ni hnih zet ka hmu tawh lo. Kan va zin dun atang khan kan la inhmu leh lo hrim hrim.

"I in thin ang tho kha em ni?" tih pahin Cart atang chuan ka chhuk a. A chet sawn eih loh avangin kan awm leh awm chu a insi lo chauh a.

"A pawi lo khawp ang chu". A che sawn lo pawh ni mai lovin a mit pawh a la sawn eih lo. Kei pawhin chet sawn zai ka rel thei bik lo. Mahse keimah zawk ka che hmasa tur a ni. Thil danglam awm angin ka lang tur a ni lo.

Cart hnungah phein a hnung bawm chu ka hawnga. Corona um khat ka la a, vur tlang ka la tel bawka. Chutih lai chuan ka hnung lamah a rawn dinga. Thil hi a awlai dawn lo tawp mai.

Ka ding kang a. Ka inher lo va ka din ngai chuan ka ding renga. Min rawn din hnaih lutuk. "Eng nge i tih hi?" ka ti sapa. Grant-a leh Nan i'n an hriat phak ka duh lo.

"Ka ngai tawh che a" tih zawngin min chhanga.

Ka mit ka chhing a, zawimuangin boruak ka thaw luta. A thusawi avanga ka taksa mur uaih uaih chu tih reh ka tum a ni. Kei pawhin ka ngai lutuk. Mahse chu chuan thudik a thai bo thei si lo.

"I in tur kha la la rawn kal vat rawh" hnung lam atang Nan i'n a rawn ti a. Chu chu ka tan chuan inthiarfihlim nghal rawk rawkna tham a ni.

"Nan, lo ngawi rawh" Rush-a chuan a ti hmuk a. Chuveleh inherin Rush-a chu a in tur ka pe a, Cart ah chuan lawn lutin ka tinung nghala. "Blair, lawkin" Rush-a chuan min rawn zuia.

"Ti khan rawn awm suh" tih pahin Nan-i lam ka hawi a. "Ka ti thei vak rih lo ania" ka ti sapa.

Rush-a chu a meng phi chiai a. Tawlh hnungin a lu a bu nghat a, kei pawh hawilet tawh lovin Hole dang awmna lam panin ka inkhalh nghala.

END OF CHAPTER -10

CHAPTER -11

> RUSH'S P.O.V <

"Eng nge a hma a ka sawi kha i hre tawh love'm ni Nan?" Blair-i cart khalh a a kalbo thleng chuan ka thlir zuia.

"I hmel awmdan kha i hmu ve lo mai mai a nih kha. I khawngaihthlak awm hmel der dur lutuk a, ka rawn chhan zawk che a nih kha"

Nan-i lam hawi chuan ka inher a, ka hmel chu hmuh a nuam lo khawp ang. Ka pan phei a, Nan-i pawh chu a tawlhhnung nghal dawrh a. Rang takin kan inkarah Grant-a a lo inzep vat a. "Whoaa....a tawk e a tawk e. Unaupa, ka thu la, inbengdai rih rawh".

Nan-i atang Grant-a ka melh let a, Grant-a hian Nan-i hi a ngaitheilo hle thin tih ka hria. Eng nge maw a rawn sawi ve rikngawt le? "Lo inrawlh suh. Hei hi chu kei leh ka farnu inkar a ni e". Grant-a pa leh ka nu an inneih ni atang reng khan Grant-a chuan Nan-i hi a ba vak lo a ni tih kan hrethiam nghal vek. Chhan pawh a chhan ngai lo.

"Anih a hnu. I farnu hi i khawih dawn a nih chuan kei hi min hmachhawn phawt angai ang" Grant-a chuan min rawn nawr let a. "Blair-i vang hian i mit a del zo ta vek a nih hi. Blair-i a rawn lan hian eng ang takin nge Nan-i rilru a awm ve tih ngaihtuahna reng i nei lo".

Eng thil nge ni ta ngai? Ka tho mangchhia a ni zawk hial lo maw? Engtik atang khan nge Grant-a hian Nan-i a lo chhan tak em em mai ni? "Blair-i leh Nan-i chungchang chu ka hria e. Blair-i thiam lohna a awm lo tih pawh ka hria. Engtia hetiang a rawn awm ta thut nge i nih a? Nang hi a ni lawm ni Blair-i a rawn lan hmasak ber tum pawha lo champion puitu kha. A tir atang renga a nungchang that zia leh a fel zia hretu i ni a, Blair-i thiam loh anga i puh chu ka rinh hauh lo".

Grant-a chuan Nan-i meng davai riai mai chu a va melh zawka, chutah ka lam a rawn hawi leh a. "A nun i tih chak loh sak a ni Rush. Tunhma zawng khan i farnu i dah pawimawh ber a, i venghim tlat thin kha a ni a. I lakah innghahna sang tak a nei thin. Blair-i a rawn lang ta cheng a, i farnu thlauhthla thak khawpin ani chu i buaipui a, engtin nge a awm ve ang tih pawh ngaihtuah zo tawh lovin tha taka awm turah i dah tawp a. Puitling chu a ni ve tawh nameuh mai. Mahse amaha ding turin kawng ala hre lo a ni. Blair-i a rawn lang leh a,nang hetiang bawk hi i lo ni leh a. Tun hun hi kan tawng ta a nih hi".

Grant-a melh ta lo chuan Nan-i lam ka hawi a, ani hnen atang sermon ngaihthlak chiam kha ka mamawh lem lo ve. In khata cheng ho reng kan ni bawk a, a lo ngaihtuah thar ve thutte pawh a ni mahna le.

"Ka hmangaih che Nan, i hriat kha. Mahse pakhat zawk chauh thlang tur chuan min ti thei lovang. A fair lo emai".

Nan-i chu kawng dawmin a ding sawi ngala. "Kan pahnih chuan min hmangaih kawp thei lovang. Ani kha ka pawm ve thei lo a ni. Ka hmaiah silaiin min tin a nih kha Rush, i hmu ve vek a ni lawmni? Hmeichhia mawl let tawp a nih kha. Khami tum khan min kap hlum thei reng asin. Chuti chung chuan ani nena min hmangaih kawp i tum amaw? Thil theih loh a nih chu".

"A kap hauh lovang che. Khatiang khan Grant-a pawh a tin tawh tho alawm. Mahse engmah a thleng chuang hleinem. Hmangaih kawp thei tehreng e. Hmangaih dan kawng a danglam hret tih mai lovah chuan".

Nan-i chuan Grant-a lam a hawia. "Ka thusawi engmah a ngaithla duh lo. Ka tlawm e. Kei ai kawng engkimah a nula-i chu a thlang zawk a nih chuan. Ka rilru awm dan tur pawh dawn lek lovin"

"Nan, a thusawi chu ngaithla ta rih che. A sawi mawlh mawlh chu" aw dam takin Grant-a chuan a lo ti a. Nan-i laka chutiang tawng nem a hman vawikhat na.

Nan-i chu a per deuh at a. "Chutiang a ni lo. Ka hua alawm. A hmel hmuh pawj saw ka peih lo. Tunah Rush-a a ti na veleh a, a hma aiin ka huat a zual" Nan-i chu a au tawn tawn a. Midangin an lo hre pha hlauh ang tih hlauthawng takin ka hawi kual nghal vat a, midang an awm lo hlauh. Mahse kan lam panin Woods-a a lo kal mek. Hrep tak hian.

Grant-a pawh ka hawina lamah chuan a rawn hawi ve a. "Karei...a tha dawn lo tawp mai" a ti sapa.

Woods-a chu kan hma zawn takah a rawn dinga. Nan-i a en a, Grant-a a en leh a, chutah keimah. "He thil chungchang hi ka hre hnem ta malh malh hlemai" a rawn ti thawp sata. Chiang lehzual in min en a. "Kan sawi ve phawt ang e. Kum tam tak chhung chu thian angin kan lo inkawm ve tawh a, inchhungkaw chungchang pawh ka hria". Nan-i lam a hawi leh a. A hmui awm dan atang chuan a thin a rim hle tih a hriat theih nghal mai.
"Tu pawhin Blair-i chungchangah buaina in nei a nih chuan a chhawrtu ka nihna angin ka bula in chinfel hmasak phawt angai ang. Nangni pathum hian a hna atang hian bang se in lo ti a nih vaih chuan ka ban dawn lo chiang sa tih hi hrilh bawk che u ka duh. Kan hrethiam tlang em?"

Ka en vang vanga, engtia Blair-i bodyguard ang maia rawn tawng nge maw a nih? Ka thisen a lum nghal phata, ka kut ka hum ruh nghala. Chet lak a lo tum ve ringawt tihna em ni? Chutiang chu a thleng ngai lovang. Ka ta chauh a ni reng ang.

Engmah sawi zawm tawh lovin Woods-a pawh a let lehnghal a.

"In elna eng emaw a awm a va ang ve" Nan-i chuan a rawn ti deuh kherin.

Rang takin Grant-a chu Nan-i hmaah a va ding vata. "A tawk Nan" a ti sapa, ka lam a rawn hawia.


He thil chungchang hi chu a tawk. Mi pahnih chungchangah deal ka nei thei lo. Kei pawh Woods-a chu ka zui ve nghala.

Clubhouse a thleng dawn tihah a rawn hawi leta, a hnunga ka lal ve reng chu mak tih hmel takin min rawn melh hu a. "Kan pahnih hian duh thuhmun kan nei. Enga tinge thawk la a i lo inbengdai rih mai loh?" tih pahin Woods-a chuan a kut a kuangkuah at a.

"Kal san la, lo hnaih hauh suh ang che. Ka sawi chu i hria em? Blair-i hian min hmangaih. Tunah chuan a rilru a la na rih a, egmah a ti lang lo mai mai a nih hi. Chu hun chu remchang a hman i lo tum a nihna zawngin, hre rawh. I chak lo khawp ang".

Woods-a chuan min rawn melh let khal a, sir lamah a ring a thle zauha. Ka warning na chu engah mah a ngaih loh hmel khawp mai. "I hmangaih tih chu ka hria e. Hetiang reng hian atchilh ila nei ngai lo tih pawh ka hria. Mahse i farnu sawn a haw tlat mai bawk si a. Blair-i hi venhim i duh a nih ngai chuan saw i farnu tûr tenawm tak saw veng tel ang che. A nih loh chuan i tih ai keiman ka ti mai ang".


Ka hmaia ben thlawp ang vel a ni. Engmah ka sawi leh hmain kawngka a hawnga, min luh san ta daih a. Che lo in ka ding reng ringawt a. A tu emaw zawk zawk ka chan chu a ngai dawn a nih hi. Ka farnu pawh ka hmangaih teh meuh mai. Mahse ani chuan engtikah emaw min theihnghilh leh mai ang. Kumkhua a tan Blair-i ka chan thei lo a ni. Chu thil chu ka thlen tir thei lo a ni.


END OF CHAPTER -11

CHAPTER -12

> BLAIR'S P.O.V <

Bethy chu ka bulah dingin nghet takin ka kut a vuana, kei doctor dawhkan bulah ka thu a. Ka zun test result kam nghak mek a ni. Thinphu a rang duh khawp mai. Ka Google a, in lama pregnancy test ringawt hi chu thil felhlel te pawh awm thei a ni a, chuvang chuan ka rai leh rai loh chu pangai taka test neih ngei ngaiin ka hria.

Rei vak lovah nui sang chungin nurse a rawn lut a. "Ka lawmpui lutuk che u. I rai e" a rawn ti a.

Bethy chuan min rawn hmer na sauh a, muangchangin ka thaw chhuak riai riai a. Ka tap tur a ni lo. Ka naute hian ka rai tih ka hriat laia ka tap ri hi a hre tur a ni lo. Ani chuan hmangaihna chiah a dawng tur a ni. Engmah thil tha lo ka ti tur a ni lo. Chhungkua ka mamawh a, rei lo teah pakhatin kan pun belh ve dawn chu a nia. Engtik lai pawha min hmangaih tlat tu tur.

"Doctor in eng emaw test neih a la duh leh dawn a, i thisente pawh kan test angai ang. Tha chat emaw, thi put emaw i nei tawh reng reng em?"

"Aih nei lo. Ka awm a nuam lo deuh thin a. Chuan thil rim hi ka ti thei vak lo"

Nurse chu a bu nghat a, a clipboard kenah chuan a ziak lut nghala. "A that hlauh chu. I awm nawm loh kha chu a dan ve tur reng ania. A hun lai hi chuan a nuam duh lo khawp a nia. Chuan a pa kan hrilh dawn em?"

Kan hrilh angem? Hrilh chi a ni angem?. Ka lu ka thing a. "Aih, hrilh ka duh rih lo".

Za lo tak hian nurse chu a khi suk a, buk nghauh pahin clipboard ah chuan a ziak lehnghal a. A lan danah engkim a hre tlang nghal vek tih ka hria.

"A nih eng nge indannna inhman thin? Pills pawh tiamin"

Chutiang thil Bethy awm laia sawi chhuah chu ka duh lem lo. "Engmah" ka ti ringawt a.

Nurse nu chuan a mit ko a lo san ak a. "Engmah maw..?" a rawn ti deuh hu a.

"Aih hmang lo. Vawi hnih khat kha chu condom kan hmang a, chuan hman loh zeuh tum kha kan nei bawka. A vawikhatnaah kha chuan a phawi chhuak hman a, a vawihnihnaah khan a phawi lo va".

Bethy chu a lo nui suk a, eng nge a ngaihtuah tih ka hre mai.

Nurse chu a bu leh zeuh a. "Ti khan lo nghak ula, doctor pawh reilote ah a lo thleng ang" a ti a, pindan atang chuan min chhuah san nghal a.

Bethy chuan ka banah a rawn chula. "Condom a hmang lo amaw? A â deuh a niang a? I rai leh rai loh turte engmah a dawn lo em ni a? A pawi ka tihpui khawp mai. Tunah pa a han ni ve mai dawn a ni tih a hriat loh vang aniang condom hman nachang pawh a hriat loh. Mawl leh lutuk mai"

Bethy chu ka hma zawnah a rawn phei a. Engtia khatiang thilte a awm laia sawi nge maw ka nih? Ka awmna hmunin a zir lo em ve pakhat a ni. Khami zan Alabama a a lo kal zana motel a kan chet dan kha. Khatah kha chuan keimah zawk ka insum zo tawh lova, a nawrin ka nawr ta zawka. A ni lahin condom vuah turin rilru fim a pu tawh bik si lo. Keiin rilru fim putna turin hun ka pe tawh bik si lo. Engpawh nise Rush-a sex life boruak hap nat zia chu Bethy hian a hrethiam ve dawn lo. Chuvangin ngawi mai mai rih ang.

"A phu tawk chiah a ni. Hrilh reng reng suh ang che. Mahni jacket ipte a condom ah na chang pawh hre lo. Mawl lutuk. Naute a lo pian hunah pawh kei leh nang kan awm a. Ka thusawi chu i man em?" Bethy mitmeng, khawvel cho ar hmel chu ka en a, ka nui suka.

Lo piang pawh nise Rosemary ah hi chuan ka seilen tir lovang. Chutih laiin Berhy erawh nute-i nih inhuam takin a lo awm a, a beisein a thlawn tur erawh a pawi ka ti khawp mai. Ka nui hmel pawh chu a reh chawpchilh nghala.

"A pawi ka ti lutuk. Tih lung nihloh che ka tum miah lo ania" Bethy chuan a rawn ti sapa.

"Ni lo, chutiang a ni lo ve. Theih nise chu kal bo loh ka duh lutuk. Naute hian nang hi hmuin hria se la ka duh lutuk alawm"

Bethy chu ka hnungah rawn dingin ka darah min rawn kuah a. "I kalbo a nih pawhin i awmna min hrilh anga, in pahnihin ka rawn tlawh fo thin dawn che u alawm. A nih loh pawhin ka bulah i cheng anga, naute pawh Rush-a bulah a awm dawn hleinem. Rush-a chu nipui chhung baka Rosemary ah a awm ngai chuang lo va, a kalbo chhungin thil tam tak a thleng hman alawm. Tunah rih chuan thuthlukna siam turin la inngaihtuah hrehawm ala ngai rih lo ania".

Rush-a chu a kalbo tak tak angem? Ka lakah tlawmin a kal tehreng ang em? Rush a'n min kalsan hlem tak tak dawn ni a ka suangtuah lahin ka rilru a na tho bawk si. Dik tak chuan tunah pawh hian ka rilru takah chuan kan awm dun theihna turin kawng rawn zawng se tih chu ka duhthusam dik tak ala ni fan tho mai.

Darkar hnih ral hnuah chuan Bethy apartment lamah kan awm leh tawh a. Vitamin leh eng eng emaw naupai laia eitur doctor in min chawh nuala. Tunah tak hi chuan tuilum a inbual a, thut hahdam veng veng ka duh rih.

Bathroom kawngkhar chu Bethy i'n a rawn kik ri karh a, a rawn lut zui nghala. A kut leh lamin phone a keng a, mi mawl ang mai hian a rawn nui haua. "Ka thu hrilh tur che hi i awih lo hial zawk ang" tih pahin rin har la tih hmel zet hian a thle zauha. "Woods a'n min rawn bia a, a condo kha tuna kan apartment luah mek man zat tho hian kan luah a phal a nih chu. A sawi dan chuan keini a chhawr lai kan lo ni tho bawk nen, hna pawh kan thawh that theih zawk a ringa. Offer tha eltiang min pe a nih chu"

Toilet chungah ka thu a, Woods-a chuan ka rai vanga he thil hi ti a ni tih ka hria a, min puih a duh vang a ni tih ka hre bawk. Va tlana va pawm chawt mai a ni ka duh ni. Ka mittui a rawn parawl tuau a. "Tunah khan ala biak theih em?" ka ti a. Bethy chuan a beng bul cheta a phone a dah dan atang Woods-a chuan a la dah lo a ni tih ka hre lehnghal a.

"Aih, hei hi chu Jace-a lawm. Ani chuan nangmah vang i ni pakhat a ti che a. Eng nge in inkarah hian thil awm a awm deuh a ni maw a ti che a" a rawn ti a. Chu erawh Jace-a zawhna lam daih a ni.

"I phone kha mute ah dah lawk teh" zawitein ka ti a.

A rawn meng deuh kawk a, mahse a lu a bu veleh mai a. Rush-a fa ka pai mek lai hian Woods-a tang lo belh chiam chu a fuh ber dawn em ni? "A hria alawm Woods-a chuan. Ka rai tih hi".

Bethy chu a lo ka hau a. "Engtin?"

"Tukthuan eitur siamnaah min duty tir a, chuan an Vawksa kân rim kha ka ti thei ta lo va"

Bethy chuan a hmui chu 'O' shape in a han daha, thil a man thiam nghal vek. A phone chu unmute in Jace a pawh chu a be lehnghala. "Eng thil mah Woods-a leh Blair-i inkarah awm a awm lo. Thian an nia chu zawng chu a ni mai" tiin phone pawh chu a hmet hlum nghala.

"Woods a'n Rush-a fa i pai a ni tih hre chungin a condo man tlawm takin min luah tir dawn a nia. Tha lutuk. E...chuanin a chhung ila hmu ve kher lo anga. Naute a lo pian hunah pawh a pindan tur zau tak a awm tel nghal vek bawk a nia. Duhthusam a ni mai"

Chumi chungchangah chuan thuthlukna ka la siam thei mai lo. A hmasa berah chuan Woods-a va hmuh a, biak phawt thain ka hria. Thla 4 hnuah kal bo mai ka tum si a, chutia ka tana lo tih vak ringawt pawh chu. Chubakah Bethy a lo phur sual tak tak hma hian thil tih chian vat angai a ni.


> RUSH'S P.O.V <

Jace a'n hmeichhe pahnihte club property a condo a an insawn tur min rawn hrilh a. Blair-i nen pawh golf field a kan inhmuh bak kha kan la inhmu leh ta miah lo. Hmuh fuh tumin ka chang thin a, mahse ka la hlawhtling thei lo chu a nih hi. Darla-i ka zawt a, an chawlh rih thuin min lo chhanga. Insawn chhuah an lo tum vang lek a lo nih dawn hi.

Blair-i te apartment bulah chuan ka Car ka ti dinga, chulai hmunah chuan Woods-a car pawh a lo ding ve reng chu niin. Eng nge maw a tih le? Car atang ka chhuak a, kawngka lam pana ka kal lai chuan Blair-i aw ri ka hria a. Woods Car park na piah deuh bang phenah chuan Woods-a chuan nui sang chungin Blair-i thusawi lai chu a en reng a.

"I ti tak tak a maw...? Ka van lawm tak" mi dang hriat ve hlau tak hian Blair-i chuan a ti sapa.

"Chiang sa alawm" tiin Woods-a chuan a lo chhanga. A rawn hawi phei a, kan mit a intawn rual rualin a nui hmel pawh chu a bo chawpchilh ve nghala.

Blair-i pawh a rawn hawi a, ka hmel a hmu chu mak a tih hmel hlemai. Lo hmu lo tawp zawk ila tha tur. Ka ta ni lo tura ka han ngaihtuah chhin ringawt pawh hian ka ngaingam thlawt si lo. Eng chu nge ni ang chiang sa chu?

"Rush?" Blair-i chuan min rawn pana. "Hetah eng nge i rawn tih?"

Woods-a chu a lo nui hak a. A lu thin pahin a car kawngkhar a hawnga. "A rawn pui dawn che a ni mahna. A mize tha lo zawk a chhuah hmain kan kal mai ang e"

Kal daih rawh se. A tha zawk daih.

"Min rawn insawn pui turin i rawn kal em ni?"

"Aw kal e"

"Engtin nge kan insawn dawn tih i hriat a?"

"Jace a'n min rawn hrilh a" tiin ka chhang a. "Puih che ka duh a ni Blair. Chuanin hmani a Nan-i awm dan a vang khan ngaihdam dil ka duh a. Amah pawh ka bia, vawikhat mah khatiang khan-"

"A ho lutuk Rush. Ngaihdam dil a ngai lo. Nangmah ka huat phah hleinem che. Ka hrethiam alawm"

Ni lo, a mitmeng atang a hrethiam lo tih ka hria. A kut chu ka va vuan tawpa, tunah hi chuan a taksa khawilai pawh nise deh hrim hrim ka duh a ni. Hamhaih tak hian a hmui a lo seh a.

"Blair" kan ngawi deuh data,sawi mai tur ka hre lo.

A kut chu na lo te in ka hmer a, a khur deuh dar dara. Muangchangin a ban lamah ka vuan chho a, ka din hnaih sauh a. Min nam sawn hun ka nghak deuh tawp mai a ni. Ka vuan chho zel a,ka kut chuan a hnute bul a han tawk lek lek a.

"Blair" ka ti sapa, muangchangin bangah chuan ka nam beta. Min nam sawn mai dawn emaw ka tih laiin chutiang thil engmah a ti lo. Ka awm zawn a melh ngar ngar a, a thaw halh halha. Ka kut lehlamah chuan a kawngah ka kuah a, zawimuangin ka tawlh chho hret hret a.

Ka kutin a hnute a han tawh chuan bra reng a lo ha lo. A hnute hmur chu a lo kawh la a, ka kut chuang zawitein a hnute chu ka tham a. A thaw halh a, hnung lamah vanvadakin a maimitchhing a. Ka kut leh lamin a hnute vei lam ka tham leh a, ka kutzungpui hmawr chuan a hnute hmur chu ka nuai pah bawka.

"Ohh... Rush" a rawn ti tham tiaka.

Chu hun chu alawm ka lo suangtuah a ka lo nghahhlelh em em thin. "A nuam i ti em bawihte" ka lo ti ve nghal a.

"Aw.." tih pahin a rawn thaw lum ham hama. Ka va nek bet leh zuala, ka bawp chuan a kap zawn sa ham ham mai chu a va tawk chiah a. "Aaahhhh...." a rawn rum chhuak haka.

Ka kekawr chhanah chuan a vawrtawp ka thleng thei dawn takngial. Nidang nen chuan a dan a dang viau nain a hlauhna ai chuan a chakna chu a nasa zawk miau si. "Blair, tunah hian engtia awm nge i duh? I duh dan sawi la, engpawh ni se ka ti nghal ang" tiin ka tiama. A hnute chu ka kut pahnihin ka hrawm deuh tawn tawn a. A beng hnuai vun nem laiah chuan ka fawp zeuh a, a rim pawh tui tak a ni. Ka Blair-i ngei kha tunah hian tisa chakna rauin a bual mek a, hei hi ka mumang mai mai a ni lo. A tak tak a ni.


"Blair..?" Bethy aw ri chu a tan chuan vur tuia inleih ang vel a ni. A meng nghal kawk a. Chuveleh a kut la thlain min nam sawn nghala.

"A pawi ma ti lutuk. A nih phawt le" tih pahin kawngkhar lam min pan san a, Bethy nen chuan eng emaw hi an va sawi dun nghala. Bang brick chu ka kutin ka beng ri dawp a, ka kut pawh a rawn thip nghal chhuai a.

Rei vak lovah Jace-a a rawn chhuak a, min rawn hmu nghal vata. "Ekhai a, va rawn thleng hma ve" a rawn ti a.

Engtin mah pawhin ka chhang lo. Blair-i kha ka khawih thlahlel takin a awm mek a, ri si lovin a chhungril chuan min ko si a ni. Nam pawh min nam sawn eih lo. Ka mamawh a, ka mamawh takzet. Ani chauh.

"Lo kal rawh. Thutthleng zawn chhuah angai. Min lo pui teh" Jace-a chuan a rawn ti a.

END OF CHAPTER -12 

CHAPTER -13

> BLAIR'S P.O.V <

Engvanga keimahah hian dik lohna lian tak awm ta mai nge a nih le? Bethy pindanah tlan lutin ka inkalh khuma, rei lote thawk lak lawk ka duh. Khatianga Rush-a chunga ka inphalrai titih ta mai kha thil atthlak tak a ni. Ka suangtuah fo a, chu pawh chu thil tih loh tawp tur a nih tawh tehreng nen.

Ka awmdan hi ka inhrethiam tawh lo. Mangpui man changte hi chu mi pangaiah chuan thil ni lo pawh a ni lo. Mahse chutiang chuan ka awm zing ta malh malh hle mai. Mipat hmeichhiatna chuan keimahah nghet takin bu a khuar tawh zawk em ni? Rush-a a rawn lan hma, Sumit a ka awm laite kha chuan hetiang a ka awm pawh hi ka hre ngai lo.

Kawngkhar a rawn inhawnga, Bethy a rawn khi lut vur vura. Chhan eng emaw chu a nei ngei ang. "Rai tak tak i ni tan mek a nih hi. Tuna i awm dan nen phei hi chuan" tih pahin kawngkhar chu dimtein a khar leh a.

A sawi awmzia erawh ka bo khawp mai. "Eng a..?" ka lo ti hu a.

"Ele...doctor in lehkhabu te a pek che kha i la chhiar lo em ni? Tuna i awm dan hi chiang takin a inziak alawm"

"I sawi awmzia chu tuna Rush-a laka ka in control theih lohna ang hi maw..?" ka la ti deuh ha a.

"Niang chu. Rush-a chauh hi mipa i la mutpui awmchhun a nih ka ring a, tuna i chakna nasat dan pawh kha ka hrethiam alawm. A chhan chu ka cousin hian a nupui a rai laia a awmdan fiamthuin a sawi thina. A mipa zawk khan a chang hi chuan ka zo lo lek lek zawk thin zu han tia mawle!"

Ka rai avangin ka chakna a zual tihna maw ni? A va han ropui riap riap awm ve.

"Chutiang chiahin Rush-a pawh i hmanpui awmchhun leh i duhthlan awm chhun a ni dawn chiang sa. Chuvang chuan a hnen atanga puihna i mamawh a nih pawhin hrilh tlang tawp mai la, nuam ti takin i awm theih zawk ka ring. A pui hreh dawn hauh lo che tih hi ka chiang a ni".

Ani hrilh maw? A teuh lo lutuk. Chutiang ti turin ka la inpeih loh mai bakah Nan-i awm dan pawh ti hi a la nia, ka la palzam mai mai thei bik si lo. Chutih laiin Rush-a chuan engkimah Nan-i a dah pawimawh zawk dawn tih ka hre ran bawk si. "Aih, a hriat a tul lo ve. Ka la pangai ve leh mai ang".

Bethy chuan a dar a chhin aka. "Aa,kan sawi ve mai mai ania. Hrilh i duh lohte chuan i thu ber alawm. Mahse khatianga insum zawh lohna in nei leh a nih chuan pawnah intih tawh loh ngei ka beisei" tiin kawngkhar a hawnga,a chhuak lehnghal a.

Ni e, ka hmachhawn thei tur a ni. Ka awmdan engmah chutin a hre ve chuang hleinem. Engmah thleng lo angin ka awm mai dawn alawm. Eng pawh nise choka thil pawh pack fel hmasak vek a ngai ang.

Thil ka han ti vel reng reng chu Rush-a chuan min en reng zel ni mai hian ka hria. Anni pawh chuan eng thil thil emaw an zawn chhuaka, keiin plate leh bowl vel ka lo khung tha bawka. Han hawi chhuak hlek ila kan mit a intawng nghal zel mai. Chutianga min en renh te chuan no zawng zawng pawh hi ka thlauh keh vek lovang tih ka sawi thei lo .

Bathroom lam thil ka khung fel leh a. Chutia ka inkhung fel mawlh mawlh lai chuan ka hnung lamah Rush-a a rawn kal tih ka hria. Kawngka chu chhung lamah a kalh ri khep a, ka thinphu a rang nghal kher mai. A pang tilum a rawn hnai zel a, a awmin ka hnung a rawn sik rual chuan ka mur nghal chuaia.

Pawna thil thleng ringawt lo deuh kha duh belh a nei a ni tih ka hre mai. Chutih rualin keilah ka chak loh lai tak a lo ni bawk si. Mumalin thil pawh ka ngaihtuah hleithei tawh lo.

A kut lum ther ther chuan ka nghawnga sam uaithla ho chu a rawn hui kiang a,ka darah a khabe rawn nghatin a hmui chuan ka nghawng chu a rawn fawp zeuh a, zawitein ka thaw khur dar dara. A kut pahnihin ka kawngah a rawn dawma, a lamah min han pawt phei deta. "Ka ngaihtuahna zawng zawng hi i bual â zo tawh a nih hi Blair" ka beng bulah zawitein a rawn ti sapa. A awma ka lu ka va nghah mai loh nan ka chakna zawng zawng sawmkhawmin ka insum tang tanga.

"Engtia khatianga pawna che kha nge kan nih tiraw? I bulah zet hi chuan ngaihtuahna fim pawh ka pu thei tawh lo a nih hi. Nang chauh loh chu ka mit hian hmuh a nei tawh lo pawh a ni zawk hial ang"

Muangchangin ka pangah rawn chul chhoin ka dul a rawn chul phei riai riai a. Aww...Rush, khami chhungah khan i fa a awm a ni tih i hre der mai si lo. Ka tahte tak a chhuak zawk hial mai. Hrilh mai ka duh run rum. Mahse engkimah kei min thlang hmasa ber se,kan naute chu thlang hmasa ber se ka duh sia ni. Mahse engkimah a unaunu a dah hmasa ber tlata. Amah avanga min hnawl hun, kan naute a hnawl hun a thlen hunah chuan ka tuar zo kher lovang.


A kuahna atang chuan tal chhuah ka tum a, chuveleh ka hnute a rawn tham nghal chata, ka nghawngah a rawn fawp zui nghala. Ka thinlung hian a ring thei si lo, chutih laiin ka taksa erawhin ka mipa rin ber nise a duh lawi si.


"Eng nge tih i tum a?" Ka ti tham tuak a.

"I tawp mai loh nan Pathian hnenah ka tawngtai a ni. Ramsa koham ang mai ka ni Blair" ka chhanna nghakin a ngawi data, ka chhan mai tak lovah chuan ka kawr chu a pawtthla riai riai a,ka hnute pahnih a rawn pawk chhuah thleng chuan a pawtthla a. Bra ka ha ngai tawh rih lo. Ka hnute pawh a rawn len belh avangin chumi size tur bra leina ka la nei rih lo a ni. Chubakah chutiang reng chu a ni dawn chuang lo va.

"Ekhai aaa....ka duat, a lo len belh tawh a nih hi" tih pahin a rawn tham tawka.

Ka kekawrte hmalam a rawn hnawm nghak chap a, ka khup pawhin a chakna a hloh ta. Bang rinchhan tak meuhin ka dil a, chutih laiin ka ka chuan a mamawh a ni tih tih lanna rum thawm a lo chhuah veleh bawk si

Ka chakna sawmkhawmin zawimuangin ka inher a, Rush-a hmui leh ka hmui a inchuktuah nghal chata,ka hnute a rawn tham pah nghal bawka. Ka hnar thei bik lo a ni. Hetiang ang renga ka châkna san tum hi a lo awm lo chungin tun tum erawh a danglam bik tlat.

A duhthawin a che bawraw ngei mai. A keih hian min keih tawn tawna, kan lei ve ve chu a invial let tawp tawpa. A kawr chu hlip se ka suh. A tlangah zuk vuanin a lu lamah ka hlih chhoh saka, a kawr ka phelh fel veleh min rawn fawp zui lehnghal a.

Ka hnute a hrawm tawn tawna, a kut in a a tawhna lai apiang nuam lo reng a awm lo.

Chutih lai chuan kawngkhar an rawn kik dat data. Rush-a chuan min rawn nek hnai sauha, ka hnute leh a awm a insi chalh a. Kawngkhar lam chu a hawi a. "Min rawn tibuai suh u" a ti thawt a, pawn lamah chuan tunge awm tih pawh a ngaihtuah tawh lo.

Nuih ri hak bak engmah hriat zui kan nei lo. Duhthaw takin Rush-a chuan ka nghawngah fawpin a fawp hla zela, ka hnuteah a chhuk thla a. Hnar chu khawi lamah, a mamawhin ka mamawh huam huam tawh zawk. A tukhum samah thamin ka awmah chuan ka nawr bet zual sauha. A nui haka, ka hnute hmur chu fawpin a hne nghal dawk dawka.

Ka kap kar lam pawh a chiau pur ringawt tawh lo,a alh hian a alh hlep hlep tawh. Chutih laiin ani erawh chuan hmanhmawh a tum der mai si lo.

"Uii Lalpaaa....!!" ka au chhuak thawt a, miin an lo hria ang tih lam pawh ka ngaihtuah tawh lo. Ka duh ber ka hmu mek chu a nia. Ka awmdan lah chuan Rush-a a tiphur sauh lehnghal. Ka hnute lehlam chu a lehlam a tih ang chiah khan a ti leh a, a kut lehlamin ka mal a rawn zut a.

A zen thuk telh telh a, danglam riauna awmin a hria ang tih ka hlauh rual rualin ka phurna erawa sang viau lawi si. Ka kekawrte hmazawnah a kutin a rawn nuai a, engmah thil dang ngaihtuah thei ka ni tawh lo.

"Ekhai aa....a tui pur tawh" tihpahin ka nghawngah a hmai a rawn phum a, a fawp nghal tawn tawn a. A thaw lum hem hem leh rimtui tak, hiar chem chem mai chuan min bual â thei takngial dawn. "A huh vek tawh" a rawn ti leh sapa. A kutzungtang chhung lamah a zen lut a, a tawk fuh chiah mai chu ka kawchhung hi a puak nghal dur dur mai.

A darah te chuan ka tham tawn tawna, ka tham na lutuk angem tih pawh ka ngaihtuah thei tawh lo. Min chul a, min dap ruai a, thaw halh halh chungin min rawn fawp leha. Ka kap chu a nuai ri chawk chawk a "Ka **** duh lai, keima ta a nih hi Blair, tumahin min tawmpui thei lovang" a rawn ti vai riai a. A tawngkam hur leh mawi tak ngaithlak paha a kutzungtang an kawm lut zeuh zeuh mai chu....a hming lama au chhuah mawlh mawlh mai ka duh.

"Khawngaihin tunah Rush" tiin a ngenin ka ngen ta hiala.

"Eng chu maw...? I thil duhawm tak hi fawh sak tur chein min duh a ni maw? A hnawng tha tawh bawk si a, a tawi tawh viau ang" tih pahin min rawn nuih saka, ka kekawrte chu a pawt hlip nghala.

"Hetah hian thu rawh le" tiin ka thutna tur min kawhhmuh a, ka thu fel chiah tiha ka bawp pahnih chu a kuai kak nghal a. Lungawi tih hriat tak hian a nui ver ver a. "Whoaa....ka thil hmuh tawh zawng zawngah ala itawm ber ang" tiin a rawn thingthi a, a leiin a a rawn tawh vawikhatnaah a nuam vawrtawp vawikhatna ka thleng nghal nia.

A tapin ka tap chhuak ringawt. A lu-ah ka dawm bet a, a duhtawk mai ka phal lo. A leiin thiam takin a han hawl kuala, a kutzungtang pakhat a rawn thun luta, chumi pah chuan a fawp tawn tawn bawka. Eng eng emaw tawngkam a rawn phuh chhuak nual a, a thusawi apiang mai chu ka pawm em em vek.

"A tak ram thlen ka duh a ni" tiin a mitmu de rel rel chuan min rawn melh chho a. "Mahse condom ka kawl miah lo". A mit a chhing a. "A pawi lo...,a dawnah ka phawi chhuak mai ang"

Engtin pawn tise awmzia a awm tawh lo. Mahse ka la hrilh thei lo a ni. Ka lu ka bu ringawt a.

A tho a, a jeans hak lai chu a pawt hlip a. Ka bawp pahnihah rawn manin min pawt phei dawrh a, ka kap leh a mipa thil hmawr sa hem hem mai chu a insi nghal chat a. A mipa thil khawng tak mak chu vuanin ka **** chhungah chuan ka luh tir ta riai riai a.

A nghawngah ka kuah a, him veng veng,mahni in a thlamuang taka awm ni mai ang hian ka inhria. Ka tahte lam a chhuak rum rum mai. A beng bulah zawi sapin "I duh tawkin min *** rawh" ka ti sapa.

Chu chu a cheng ka hmeh perna chiah a ni. Ka bawp pahnihah nghet takin a vuan a, hun nuam tak inthlahlel dun tak chungin kan hmang dun a, duhthusam a nuamin a vawrtawp kan thleng dun a.


"Ka hmangaih che Blair. Ka hmangaih lutuk che" rawn kun hniamin ka hnute hmur a rawn fawp zauha, ka lamah min rawn melh chho a. A thil phawi a tum mek lai chuan ka bawpin ka lo chep bet vata. A phawi chhuah ka la phal rih lo. Ani pawh chuan min hrethiam takin a nui seka, rawn bawk hniamin ka hnute si chalh chuan thaw halh hawlh pahin a bei hle hle a.

END OF CHAPTER -13

CHAPTER -14

> RUSH'S P.O.V <

Blair-i chuan min nam tawlh dawrh a, a mutna atang chuan a chhuka. Ka thluak pawhin mumal ala nei thei lo. "Lawkin, la kal suh. Intifai phawt ang" ka ti a. Helaiah hun nuam tak min hmanpui a, duat a, a laka that chhuah chu ka tih tur a ni.

"Keimah pawhin ka ti ve thei reng. Nang nena tih dun kher angai lo e". Mi pawh a en duh lo. A thawmhnaw ho chu a chhar khawm malh malh a. Khai aa, ka lo ring sual der a ni lo maw..? A duh ve tak tak emaw kha ka tia. Ni lo, a duh tak tak a ni. A chakin a chak huam huam zawk a nih kha.

"Blair, min en teh"

Rei lo te a chawl det a, a panties chu laiin a in ha tha mawlh mawlh a. Hetiang hian min kalsan leh mai a tum tihna em ni? Chu chu a theih lovang.

"Blair, min en teh khawngaihin"

A thil tih lai chu a tawp a, thawk a han la vang vanga. Chutah muangchangin a mitmeng dur khap chuan min rawn melh a. A mitmengah chuan lungngaihna eng emaw bakah thil dang awm tel a awm a ni. Va din hnaihin a biang tawn tawnah ka va vuana. "Eng nge dik lo awm a? I duh loh zawng thil tih ka nei em ni? Mahni in thunun hram hram ka tum ve teh mai a nia. A chhan chu i mamawh ang tak pek che ka duh avangin".

"Aih, eng thil mah tihsual i nei lo" a hawi sawna. "Inngaihtuah ka ngai..,hun ka mamawh. Hetiang hi..., Kan awmdan ang kha thleng tur a ni lo asin".

Ka awmah a rawn inhnawh nghal up up a, chhungril a na vawng vawng mai. Hloh ka duh lova, chan ka duh lo. Kumkhua a ka ta ni turin ka duh a ni. Mahse tunah hi chuan chan hlen ve tak tak dawn ni a inhriatna ka nei ve ta. A bianga ka dawmna chu ka la thla a, tlemtein ka tawlhhnung a. A duh phawt chuan min kalsan thei alawm.

Blair-i chuan zawimuangin min rawn melh chho a. "A pawi ka ti lutuk" tih pahin a inher a, min chhuah san ta.

Ka khawvelah rawn lutin ka tawn ngai loh ram min dai pui a, khumlaizawl nun nuam tak min hmanpui zawhah a pawi a tih thu sawi chungin min kalsan ta.

Bathroom atanga ka chhuah ve meuh chuan Blair-i hmel hmuh tur a awm tawh lo. Jace-a chuan a dar a lo chhin ak a, Bethy i'n chhuanlam a lo siam sak vat bawka. Ka tan helai hmuna awm reng pawh hi awmzia a awm lo. Thil rit zual leh chawi tawrh ngai ang chi chu kan thiar zo thawkhata, Blair-i suitcase leh a bungraw rit zual pawh ka tihfel sak zo tawh e. Anni pahnih hian kan thawm kha an hre vek a, thil thleng pawh an hria. Mahse Blair-i a kalbo daih nachhanah chhan eng emaw tak a awm an ring a, ka sawifiah min phut ni berin ka hria.

Ka bul a rawn let leh turin hun ka pe a, a lo let lo. Mak ka ti hran lo. Hun ka mamawh a ti a, ka theih chinah chuan hun thawl tha ka pe. Midang nena min hmuh ka duh loh avangin golf khelhnaah pawh tumah partner ka hruai ngai lo. Tunah chhan mumal pawh awm lovin a kal chhuak a, a chhan a sawifiah ngei chu a ngai ang.

Keimah tein golf khelhna mualah chuan ka ding a, ka han hawi kual vela Cart girl tumah ka hmu lo. Rei tawk fang ka awm hnu chuan hole dangah ka insawn leh a, hnung lam atang cart khalh thawm ka hre ta. Ka thin phu a rawn ranga, Blair-i a nih ngei ka ring hle bawk. Chutah ka han hawi let a, hmeichhe sambuang, ka rin loh zet mai a ni tlat.

Ka lu ka thing a, ka hawi sawn nghala. Chu nu lak atang intur lak chu ka chak nek lo ve. Ka piah lawkah chuan a rawn ding a, Cart atang chuan a rawn chhuaka.

"A lum hlemai aa... In tur i duh ngei ka ring tlat" aw zangkhai zet hian Meg-i chuan a rawn ti a. Tennis kekawrbul leh polo shirt var a ha a, kum 10 kalta kha chuan tennis khel nasa tak kha a ni ve thin reng a ni.

"Cart girl dik lo zawk a rawn kal a nih hi" ka ti a, a awm ve tih pawh hre lo ang maiin ka awm zui nghala.

"Chuti, mi pakhat hnen atang chauhin i lei thin tihna a ni maw?"

"Ni mai ang chu"

Meg-i chu eng emaw ngaihtuah ni awm tak hian an ding a. "Aww...,ka hrethiam. Chu cart girl nena in inkarah chuan eng thil emaw deuh a awm a nih dawn chu".

Ani nen a chutiang thil sawi dun chu ka peih lo ve. Ka golf bag chu laiin ka ak tha lawk a, hole dang awmna lam panin ka kal nghal a. Ani thusawi ka bengkhawn chiamna chhan tur lah a awm lo.

"A nih chuan mipa rilru dek theihna rau eng emaw tak a nei a ni ngei ang" Meg-i chuan a rawn ti leh a.

"A nih loh pawhin i lo buai vena tur a awm lo pawh a ni maithei"


Zawi raih hian a rawn faifuk rat rat a. "A nih loh vek pawhin thil ringawt chu a ni lo deuh aniang".

Ka ding chawta, a lam hawi chuan ka inher a. Meg-i hi ka hmeichhe mutpui hmasa ber chu a ni meuh mai. Mahse chuvang chuan kan inkarah inzawmna emaw inthianna emaw engmah a awm lo. "I lo sawi ve angai lo ve" ka ti ram hmarh a.

Meg-i chu kawng dawmin a ding a, mak tiin a ang huau a. "Awii karei lehh....Rush Finlay-a hi hmangaihnaah a lo luangliam ve ta a ni maw...! Chu hun chu ka hmuh phak pawh hi ka lo ring ngai lo asin"

"Enteh Mag, kum 10 chhung zet kan inhnu tawh lo va, ka chungchangah hian hriat chian engmah i nei lo. Ka chungchang hre ber ang zia zanga lo tawng ve kha ban san tawh ang che" ka ti ram hmarh a.

"Ngaithla teh Finlay, kum 10 chhung kan intawn loh vang mai hian i chanchin hi engmah hriat nei lo turah chuan min ngai suh. Eng nge i tih? Miin engtin nge an sawi che? He khuaah hian ka rawn let fo a, mahse min hmu ve kher lovang. Party i throw ham ham reng a, nuam tawlin nula lah model chhelo tak tak hlir i kawi duah duah reng tlat alawm. Kei chuan i chanchin engkim hi ka hria. Mi hausa tak, milar fapa i ni tih hi i intheihnghilh tawh pawh a ni maithei a ni".

Ka chil ka lem khalh a. Chutiang tehchiam a min lo ngaihven teh vak chu ka duh lem lo kher mai. Amah ang bawk hian chutiang tho chuan Blair-i pawh hian min lo hrelawk ve vek tho long maw..? Ani tan chuan rintlak ka ni tawh lo va, venghim turin min ring tawk tawh hek lo.

"Hmeichhe fel tak a ni...ni lo, sawisel bo hmeichhia a ni. A bulah chuan engkim mai hi sawisel bo an ni vek" Meg-i chu ka en khalh a. "Ka hmangaih mai chauh pawh a ni lo. Ka pumin min nei tawh a, a tan chuan eng thil mah hi tih hreh ka nei lo".

"Mahse ani chuan chutiang rilru chu a pu ve si lo a ni maw?" Meg-i chuan a lo ti a.

"A rilru na takin ka hliam saka. I ngaihtuah dan ang kha chu a ni lo a nia. Ka tih nat dan hi han sawi mai thiam dan tur pawh ka hre lo. Na takin ka siam a, ka ko kir leh thei ang nge thei lo ang tih erawh ka chiang tawh bik lo".

"Ani chu cart girl maw a nih a?"

"Aw ni e. Nan-i nen hian pa thuhmun an nia"

"Shit" Meg-i chu a rum hmuk a. "I farnu ramhuai sual zet Nan-i nen chuan an in ang lo lutuk tih hi han sawi teh".

Nan-i hi zawng, a mizia ngainatawm loh tak avang hian amah ngainatu a neih tlem mai bakah thian pawh a nei tehchian lo. Ramhuai sual ti a koh a nih hial nachhan pawh ama hlawh chhuah a ni.


"Ani nen chuan iin an na pakhatmah an nei lo zawk.

Meg-i chu a ngawi vang vanga. Hnunglam clubhouse lamah chuan tawitein a pen hnung a. "Tirawh, chawchhun i va ei dun ang hmiang. Tah chuan i sawi tur dangte pawh i sawi zawm leh anga. Hmeichhia ka ni a, thurawn eng eng emaw ka pek theih zawk che ka ring a ni.

Thurawn zawng ka mamawh tehreng e. Ka lam hnaiah hmeichhe dang thurawn han laka min fuihtu tur mai an awm ve lo nen. "Chu chu ka mamawh tak a ni. Ka duh ang taka tha thurawn min pe thei a nih phawt chuan keiman chawchhun lam chu ka lo chawi vek ang e"


END OF CHAPTER-14

CHAPTER -15

> BLAIR'S P.O.V<

Nawm sam loh nei lo, dam tha pangai taka ka tuk hnih thawh chhuahna a ni ve ta. Bethy i'n Vawksa a kâng sawr sawr a, a rim erawh ka la ti thei lo viau mai. Ka pum a so bulh bulh a, mahse luah em zawng ka luak tawh lo ve. Chu chauh pawh chu hmasawn tak ka ni.

Woods-a hnenah pawh hna ngai ka zawm leh theih tawh tur thu ka hrilh a. Choka lamah an indaih lo bawk nen chaw chhun pek chhuah hma minutes 30 ala awm tihah choka chhungah ka lut phei a. Jimmy-a pawh a ko ding vang a.

"Alee hei, ka thian-i a lo kal e. A pum nuam lo pawh a zia tawh a nih dawn hi. Pound 10 lawih hloh ang i nia lawm le i va cher ve. Engtik atang khan nge i lo dam loh reng renga?". Woods-a chuan Jimmy-a leh ka chanchin zawttu a piang hnenah ka pum a nat thu leh ka dam leh tawh thuin a lo chhang zela. Helai hmunah hian hna hnih ka kawp a, cart girl ka nih lai chuan choka lamah ka lut ngai lo.

"Ka rihnate chu a tla hniam hrim hrim alawm. Ka in recover leh vat mai ang" tih pahin ka kuah a.

"A lawmawm hlemai. Eitur tui deuh deuh kan siam dawn nia. Hna bana inkawm paha eitur"

"A tha ngawt ang chu. Kan in tharte pawh i rawn en pah anga. Bethy nen club property in condo ah kan insawn lut ve a" ka lo ti a.

"E hee....tak tak maw..? A van nuam dawn ve a" tih pahin ka apron tur min rawn pe a.

Ka la a, ka hreng nghal mawlh mawlh a. Pen humin chhuah lehnghal mai ka tum a. "A tir berah Salad leh thingpui tui deuh lo siam ta che bawihtuai"

Jimmy-a chu a nui suk a. "Deal, bawihte"

Kei pawh chu dinning hall lamah order la turin ka chhuak phei a. Vanneihthlak takin mikhual pahnih chauh an lo awm a, chu pawh ka hriat tawh hnu. An hming erawh ka hre tawh lo. An order ka la a, ka kal bo chhunga an lo in turin coffee ka chhawp saka, choka lamah ka phei lehnghal a.

Jimmy-a pawhin salad a lo siam peih diam tawh a. La in dinning hall lamah ka letpui lehnghal a. Ka mikhualte chu an eitur leh in tur ka chhawp saka.

Choka lamah let lehin order dang tray a an lo chhawp peih sa diam chu han lak leh mai ka tuma, mahse Jimmy-a a rawn inrawlh vata. "Khawi, hei hi chu keiman ka va pe ang e"

"Ni lo ve Jim, keiman le. Tunge pek tur tih pawh i hre lovang". Jimmy-a hi chuan ka rai tih a hria pawh a ni chuang lo. Min fiam vel hi nuam a ti ve hrim hrim.

Mahse ka han hawi leta, engvanga tray chu lo chuh nge a ni tih ka hrethiam chiah. Rush-a ka va hmu a, amah chauhin a ni lo maithei bawk. A hmeichhe rawn hruai chu sang lampang, sam dum siau mai a ni a. Rush-a chuan serious hmel deuh hian eng emaw a sawipui a. Nu chhelo tak a ni. A biang ki a sang vaha, a mithmul sei sang mai chu a inhmehin a nuih zawng phei chuan han sawisel chuan tur reng a awm lo.

Chutih rualin kei erawh ka damlo mai dawnin ka inhria. Ka kut a khur a, Jimmy-a chuan ka tray ken chu min lo chhuh vata. Chuti lo zawng ka thlauh baw vek thei hial ang.

Ka ta a ni tawh lo. Mahsw a fa ka pai mek a, ani chuan hre ve lo mahse hmangaihna erawh a dai chuang si lo. Nithum liam ta mai pawh khan Bethy bathroom chhungah sex kan hmang a. Chutia hmeichhia a rawn kalpui lai han hmuh leh mai chu na tak a ni.

Jimmy-a chuan eng emaw a rawn sawi takna in ka beng a rawngah a lut lo. Engmah reng ka ti thei tawh lo. A thusawi chu midangin an hre ve ang tih hlau niawm tak hian hnai deuhah eng emaw Rush-a chuan a hrilh a.

Rush-a chu a melh zeuh a, chutah ka lam a rawn hawia. Chu nu chu ka hua a ni. Ani chu kei ai a upa zawka, kei erawh hmeichhia, hmeichhe khawngaihthlak tak ka ni. Ani chuan ka neih theih loh zawng zawng a pum bilh bik dawn ta a nih hi. Tunge chutiang hun hrehawm tak lak atang chuan tlan chhuah duh lo tehlul ang ni.

Chet pawh che thei lovin ka melh ngawr ngawr ringawt a. Chu nu chuan chik zet hian min rawn en a, a dar an chuar ak a. Ka chungchang Rush-a hnenah a zawt ngei ang. Chu chu ka hmu duh lo. Ka inher a, ka awmna atang chuan ka chhuak nghala.

Mikhual ho hmuh theih lohna chin atang chuan ka tlan vak a, hma lam en hek lo le. Woods-a awmah tak ka va insu chawrh a. "Ekhai a bawihi, engati nge i rawn tlan chiam a? I tan chuan a chak mah mah lo maw?" tiin ka khabeah a rawn dawm a, a lamah min kuai chhoin ka hmel chu chiang takin a rawn en a.

Zawitein ka lu ka thinga, ka mittui a rawn luang chhuak a. He thil avang hian ka tap tur a ni lo. Hrep tak chuan. Keiman ka hnar a, ka kal tir a, ka nun atangin ka nam chhuaka. Bathroom atanga kal chhuah san tu pawh keimah ngei ka nih kha. Tuna takah ka rilru a na leh si ang maw? "A pawi ka ti lutuk Woods, hun rei lote min pe lawk rawh. Chuan ka tha leh vek ang. Ka tiam a che. Ka nihna anga langchhuak leh thei turin hun tlem ka mamawh a ni"

Woods-a chu a bu zeuha. Min hnem nan ka banah a rawn chul a. "Rush-a a lo kal em ni?"

"Aww..." Ka tap chhuak hawka, ka mittui a baw hawka, mahse rang takin ka hru hul nghala. Ka inti pachang tur a ni. Ka awm dan atthlak tak hi ka thunun thei tur a ni.

Ka bu nghat a, a sawi pawh ka sawi ri duh lo.

"A nih chuan ka office ah lo va awm ta che. Lo va hahdam rawh. Chuan an haw hunah i rawn chhuak leh dawn nia".

Chu chu a tha khawp ang. Biruk san daih ka duh. Mahse ka tihluih ve theih angai. Rush-a pawh Rosemary ah hian thla khat vel chu ala awm ngei anga, chutiang ang hun a lo thlen apianga ka biruk angaih zel mai ten. Ngaiha neih theih dan ka zir ve tur a ni. "Ni lo ve, ka ti thei ang.

Woods-a chuan min rawn en a, a hmel awmdan a inthlak tial tial a, a meng vawt ta raih mai. "Lo va kal sawn rih mai ta che. Awm fal a mamawh rih a nih hi"

"I vawnna kha thlah nghal rawh" Rush-a chuan a rawn ti let nghala

Ka tawlh hnung nghal dawrha, hnuai lam ka bih nghal daiha. Rush-a hmel hmuh ka duh lo, chubakah amah pawh chu ka duh lo. Woods-a nena an insual phei chu ka duh lo lehzual. Woods-a lah chu min chhan nan insual a inpeih rap mai si. Rush-a hmel awm dan ka hre lo va, hre turin ka hawi chhuak bawk hek lo.

"Ka tha e Woods, ka lawm lutuk ringawt. Ka hnaah kan let leh tawh ang e" . Choka lam ka pan lehnghal a.

"Blair, lo ding teh. Inbe lawk ang" Rush-a chuan a lo ti vata.

"I ti mah mah tawh a ni Rush. Tibuai lo la, amahin awm tir rawh. Tun hunah leh ngat phei hi chuan engmah a hnenah ti suh ang che" vin zet hian Woods-a chuan a lo ti leta.

"Nang khan engmah i hre ve lo ve" Rush a'n a han tih chuan Wood's-a chuan a rawn din chilh nghal rapa. Ka rai chungchang engkim a hria a, chu chu a sawi chhuak dawn nge an insual dawn? Ka inrawlh ve vat angai a ni. Boruak chu keimah chiahin ka siam tha thei.

Ka let leha, Rush-a hmaah chuan dingin Woods-a chu ka en a. "Rei lote ka han be fal lawk ang e. Chuan engkim a fel vek mai ang. Engmah tihsual a nei lo a nia. Ka rilru a no lutuk a, chu zawng chu". ka ti a.

Woods-a chuan a ha chang a thial rap rapa, a tan chuan ngawih mai mai chu tlawm thlak tak a ni ngei ang. Mahse a lu a bu nghata, a kal sawn nghal a.

"Blaire" Rush-a chuan ka banah min rawn vuana. "Min en teh".

Hmeichhia a rawn hruai luta, a chhan ka hre lo. Tunah hian a kut chu peih thla a ka kal tir leh a nih chuan kumkha atan engkim a ral tawh anga, kei leh ka fa tur thleng tan pawn.

Hawi chhoin Rush-a mitmeng davai tak mai chu ka en a. Ka khawngaih a, a hmuhnawm ka ti bawk si. "Umm..., Keima thiam loh zawk ania. Ka lo che over deuh mah mah a ni. Min thawng ve lutuk a. Tunah chuan bialnu tharte i nei tawh bawk sia, chuvang chuan ka-"

"A tawk. Engmah sawi tawh suh" a lamah min pawt phei lawpa, nghet takin min kuah a. "Enga tinge ngaihzawng dang nei thei tura min ngaih zawka? Ka hmeichhe rawn hruai vang kha em ni? Meg-i te kha chu ka thian hlui mai alawm a nih. Chubak engmah kan inkarah a awm lo. Nangmah hmu turin golf khelhnaah ka rawn kal a, mahse i lo awm si lo va. Meg-i nen khan kan inhmu hlauh a, tichuan chawchhun ei turin kan rawn chhuak duna. Hetah i thawk ang tih ngaihna pawh ka lo hre lo reng reng. Ka hmangaih che a, nang lo chu tumah duh dang ka nei lo. Midang melh ngat phei chu engtin nge ka theih tehlul ang ni".

A thusawi chu ring thei ila, awih thei ila ka duh. Midang zawng aia min hmangaih thu pawh chu awih ka duh. Ka hnar a, ka kalsan a, dawt ka hrilh bawka. Dawt hi ka hua a ni. Chuvangin tuna ka hrilh loh chuan nakinah min la haw ve ngei ang. Min haw turin ka duh lo. Chutih rualin ka ring thei bawk si lo.

"Ka rai a" ka inrinlawk hma hauhin ka ka chuan a rawn phuh chhuak hlawl mai. Rang takin ka hmui ka hup vata, Rush-a erawh a meng phawk ngei mai. Ka inher a, ka tlan ta ringawt a.


> RUSH'S P.O.V <

Ka ke leh chhuat chu a inchar bet tlata, Blair-i a tlan sawn atang khan ka la che eih lo. Chu thil chu ka lo suangtuah tawh ngai em? Ka mumangah ka tang a ni mai zawk lo maw?

"I um zui dawn lo a nih chuan keiman ka um zui mai ang" Woods-a aw chuan ka ngaihtuahna atang min ti harh chhuak zawk a, chuveleh mak tihna leh hlauhthawnna bawk chuan min rawn man chhunzawm lehnghal a.

"Eng a..?" Woods-a lam ka hawia. Hepa hi ka hua a ni. A hmaia arsi leng chuai khawpa hnek baka chak ka nei chuang lo.

"I umzui loh chuan keimah ka kal ang ka ti. Tunah hian tu emaw a bula awm tur a mamawh a ni. Nang hi chu ni lo la ka ti khawp mai. A chhan chu he nu hi i phu hlawl loh avangin".

Woods-a hian a rai thu chu a lo hre tawh tihna em ni? Ka thisen a lum nghal phata. Woods-a a hrilh laiin kei min hrilh lova maw?

"Hna a rawn tanni khan Vawksa kân rim chu ti thei lovin toilet ah a va luak nghek a, chuta tang chuan ka hria a ni. I mit de rel rel atang khan mak ti viau mah la va kal rawh, a bulah va awm rawh" Woods-a chuan min ngei hmel zet hian a rawn ti a.

"A nuam sam lo a maw?" Ka awm a tawt up up a. A nih chuan amah tein na a lo tuar tlawk tlawk mai a ni awm si a. Ngaihsak tu pawh nei lovin.

"Dam lo e. I mawl em a i hre reng nang. Tunah erawh a zia tawh. Ka va zui ang e, kal i tum si loh chuan"

Engmah ka sawi tawh lo. Blair-i kalna lamah chuan ka tlan ve nghala.

Building chhung ka la chhuah san hman lo. An chenna condo lam pana a tlan chu ka va hmu a, chu lamah chuan ka zui ve nghala. Enga tinge chutiang a a tlan a? A naute tan pawh a pawi thei ngei ang. Kal muang deuh tur a ni asin.

"Blair, ding teh. Min lo nghak rawh" ka va ti a, ani pawh chu a lo ding ve maia. Kei pawh chu ka va thleng chawpchilh ve nghala.

"A pawi ka ti lutuk" inhnit hlawp hlawp chungin a hmai a hupa.

"Engvangin maw pawi i tih?" ka va din hnaiha, ka lamah ka pawt phei a. Engtin pawn awm se a pawi lo. Ka kalsan dawn lo hi a ni tawp mai.

"Thil engkim avang hian. Ka rai si a" ban zawnah chuan a insut hlep hlep a.

A inthiam lo a maw? Ni lo, engmah inthiam lohna tur a nei reng reng hleinem. "Engmah inthiamlohna tur i nei lo. Vawikhat mah ka lakah khatiang thil kha sawi tawh suh. I hria em?"

Ani pawh chuan min rawn hnaih zual sauh a. "Mahse ka hrilh si lo che alawm"

Ni e, min hrilh lo. Mahse ka hrethiam vek. A tan laklawh zia pawh ka hrethiam."Hei tunah min hrilh alawm. Engah nge nangmaha i lo dam loh mai mai? Enkawl tur che ka ni a sin. Tun atang chuan ka duat viau tawh ang che. Keiman engkim ka ti vek ang".

Blair-i chuan a lu a thing a, min nam sawn nghala. "Ni lo, ka thei lo. Kan thei lovang. Ka hrilh lohna chhan che hi chhan a awm vang a nia. Thil sawi dun kan ngai a ni"

Ka enkawl anga, khawiah mah a kal lovang. Thusawi tur a neih pawhin sawi rawh se. "A tha alawm. Kan hnaih tawh tho a in chennaah sawn ti ang hmiang"

Blair-i te chenna condo thar chu kan pana. Jace-a khan Woods-a'n an apartment hmasa rate tho a a luah tir thu kha min hrilh a, a tihna chhan ka hre ta chiah e. Tunah chuan keiman ka enkawl vel tawh anga, Woods-a lo inrawlna tur engmah a awm lo. Ka ta a ni.

An inah chuan kan inzui luta. Kan awm dun theihlohna chhan chu sawi rawh se. Engpawh nise ka kalsan dawn chuang lo. Sofa ah chuan ka thu a.

"Ka hrilh lo che a, a pawi ka ti khawp mai. Mahse vawiin ka hrilh lo che a nih pawhin engtik niah emaw chuan hrilh tho che chu ka tuma. Chu mi hma chuan khawiah nge ka kal ang tih leh eng nge ka tih ang tih hi tih chian hmasak vek ka duh vang a nia. Hmun danga kal bo a, nun bul tan that leh ka duh a,ka naute nen. Mahse hei ka hrilh ta che chu ania"

Min hrilh te te anga min kalsan daih a tum tihna em ni? "Min kalsan thei lovang Blair" a kut ka va vuan a.

A thaw halh a, a mit la sawnin kan kut invuan rial chu a en a. "Rush.." a rawn ti thawp sata. "Ka naute hi amah duh lohtute kara a seilen ka duh lo a ni. I chungte...." sawi zawm lovin a ngawi a, hmel erawh hmuh theih khawpin a dâng nghal lawp a.

"Blair, ka chhungte chuan pawm tura ka ti a nih chuan an pawm mai ang. An duh lo a nih leh nang leh kan naute nen hmun dangah kan kal daih mai dawn alawm. An pawisa ba tam tak saw an mahniin an rul dawn tihna a ni mai. Nangmah i hmasa ber"

Blair-i chuan a lu a thing a, a kut la sawnin a ding a. "Ni lo ve, i sawi a, mahse thu tak a ni lo. Thu tak a ni lo tih nakinah ka la hre leh dawn tho a, tunah pawh hian ka hria a ni. Kei ai anni saw i thlang ber fo dawn tih ka hria. Nan-i pawh. A tha, ka hrethiam. I chhungte an ni. Mahse kei erawh an bulah ka cheng ve thei lo. Hetah hian ka awm ve reng thei lo a ni".

Ka thutna atang ka ding a, ani a lo tawlh hnung nghal a. Ka pan phei a, a tawlhhnung zela. Bang a sik rawp thleng chuan ka pan phei a. "Nang ai a. Pawimawh. Tumah. An awm lo."

A mit de ser ser chu mittuiin a ti hnawng chepa. A lu a lo thing ringawta. Min ring thei hlol lo hi ka hua a ni.

"Ka hmangaih che. I hria em? Ka nuna i rawn luh tirh khan ka hre ngai lo che a, Nan-i hi ka number 1 a ni. Mahse chu chu i rawn thlak danglam vek. Engkim i thlak danglam a ni. Chu chu hrilh che ka tuma, mahse tum aia hmain ka nute kha an rawn haw leh ta thut si a. Nang chan che hi ka duh lo. Chuvangin nang min chan nawn tir leh tu tur eng thil mah a awm ka remti tawh lo. Ka nun pum hi ka hmangaih ber kianga hman ka duh a ni. Nang leh kan naute te bulah" tiin a dul la thep zaih mai chu ka va khawih a, a lo khur deuh hlawk a. "Naute ala piang lo va, nang lo kal hmasa zawk ta che"

"Rin che chu ka duh lutuk" a inhnit hlawp hlawp a.

"Min fiah rawh. I kal bo daih chuan min fiah thei dawn si lo va. Ka bulah awm la, chance min pe leh rawh Blair".

A mit atang mittui a rawn chhuak a, a biangah a luang thla a. "Ka thauin ka lo lian ang a, zankhuain naute a tap anga, pawisa a hek bawk anga. Tuna ka lan dan ang hi ka ni reng dawn lo. Kan awm dan ang hian kan awm reng dawn lo.Nakinah ila inchhir mai mai ang"

Engtin pawhi sawi mah ila min rin reng a tum si lo. A nuna mi pawimawh zawng zawng a lo chan zo tawh a, a mi rin ber berte an ni.

"Naute kan han nei anga, chu chuan hlimnate chu min la pek belh chhan sauh dawn alawm. Thau maw? Whale tiat pawhin thau mah la ka hmangaih reng ang che"

A rawn nui seih a. "Chutiang em em chuan ka thau lovang"

Ka dar ka chhin ak a. "Thau pawh ni la"

A nui hmel a bo a. "I farnu khan kei leh ka naute hi engtikah mah min ngaithei ngai lovang"

Chu chu Nan-i nena kan inkar a ni. An tana hnawksak zawnga a awm a nih chuan hmun hla takah ka pem pui mai ang. Blair-i hian harsatna a tuar hnem tawk tawh. Tunah chuan ka venghim ve tawh tur a ni. Tumahin an tihnat ka phal tawh lovang. "Min ring rawh. Ka venghim ang che. Ka tana a hmasa ber i ni reng ang"

A mit a chhing vang vanga, a lu a bu zauha.

Ka thaw huai mai. Khawvel pum hriat theih turin he nu hi ka ta a ni ti a au chhuah vak tak ka nap. "Khawiah nge in bedroom a awm?"

"Vei lama pindan tawp berna kha"

Ka pawm lawp a, a khum awmna lam chu ka panpui a. Hmangaihna chenpui ka tum a ni lo. A taksa dek a awm ringawt pawh chu ka tan chuan thil nuam tawk tak a ni. A mut pindanah chuan ka lut a, a zau nuam viau mai. Mahse chhuatah lukham pakhat leh blanket pakhat ringawt mai hi a lo let bal a, ka rin loh lam daih a ni. Kan insawn pui khan khum a nei lo tih ka hre tak e. Thutthlengah a mu mai zel kha a nia.

"Khum ka la nei rih lova. Thutthlengah ka nu thei tho nangin mahni room ngeia mut kha ka duh ve si a" tiin ka kuahna atanga tal chhuah chu a tuma, kei lahin ka pawm nghet sauh mai si. Kei khum lian leh nuam taka ka mut laiin ani erawh chhuat lawngah a lo mu tawp zel chu a ni sia.

"Rush, khawi maw mih thlah teh. Kha, i khur ania" a rawn ti a.

Luhpui lo chuan ka inher a, thutkhawmna pindanah ka let pui a, pawnah ka chhuahpui leh daih a. Kawngkhar chu kharin ka kalh a, chahbi ka ak nghala. "Eng nge maw i tih le?"

"Ele...khum kan lei ang. Mawi leh nalh tak, mut nana nuam em em tur, a man a to deuh pawhin a pawi lo". Woods-a khan a theih tawka thain a enkawl a, kei erawhin engmah ka ti ve lo. Chutiang chu a thleng nawn leh tawh lovang.

"Chutiang khum man to ka mamawh lo. Ka nei ve thuai dawn alawm".

"Ni e, nei thuai ang. Zaninah chuan i nei tawh ngei ang". Kun hniamin a hnarah ka zuk fawp zeuha. "Hei hi chu min tih tir rawh. Aw...??"

A rawn nui seih a. "Aw le"


END OF CHAPTER -15

CHAPTER -16

> RUSH'S P.O.V<

Woods-a dawhkan hma zawna leather chair ah chuan ka thu a. Uluk tak hian min lo en kiau mai a. Kan inhmu dawn a ni tih engkim a hre lawk sa vek sia, enga tinge maw chutiang teh vaka min lo chik ni?

"Blair-i te condo luah man saw a man dik taka rawn pek sak ka duh a. An condo luah saw a man a tlawm lo tih pawh ka hria. Chubakah hun rei tak an awm kher tawh lo turah ngai ila. Theihtawp ka chhuah anga, min rin theih hunah ka bulah bawk ka la let leh dawn a ni" tih pahin ka lehkha ken chu a dawhkanah chuan ka daha.

A thlek zeuh a, ka lam a rawn hawi lehnghal a. "He thil i tih nachhan chu i thil keiin a ka lo care ve vak hi i duh lo tihna a ni maw...?"

"Chu chiah chu".

Woods-a chuan buk nghat pahin lehkha chu a la a. "Aw le, a tha alawm. Blair-i emaw, i naute emaw pawh chu ka lo hnaih tawh dawn lo nia. Chutiang tih ngai lova min siam theite a nih ngai chuan. A rai tih i hre ta chu a lawmawm zawk khawp mai. Engpawh nise Nan-i lak atanga i venhim deuh chu a ngai dawn a nih hi.

Chutiang thu a lo sawi ve vak pawh chu ngai ka ti vak lo. Chubakah Woods-a ka atanga ka tih tur leh tih loh tur ngaihthlak chu ka tum bau lo. A lo buai vena tur a awm lo e.

"Chuan hna hnih a kawp hi tha ka ti lo a, pawn lam nisa do ngat phei saw chu. Ani hi chuan a hna chawlh san chu a duh dawn hauh lo tih ka hria. Mahse a hnawthaw chhung erawh hi chu tih tawi sak deuh chu a ngai a ni".

Woods-a chuan kut kuangkuah chungin a thutna nghenchhan chu a ngheng der der a. "He thil hi aman a hria em? A chhan chu ka zawh hnuhnung ber khan ani chuan hna thawh theih ang zawng zawng chu thawh vek kha a duh zawk a"

"Khatih lai kha chuan nau a pai tih hre hek lo vi. A chungah eng emaw a thleng palh theih tih ka la hre tlat lo alawm. Tunah chuan a chungah engmah a thlen ka duh lo a ni"

A bu nghata. "A tha alawm. Ka remti e. I lak atanga tih tur thupek dawn hi ka duh lo viau na a, hei erawh hi chu ka pawm e".

"Thil pakhat leh lawk" ka din hma chuan ka han ti leh a. "Jimmy-a saw gay a ni tiraw?"

Woods-a chu a nui vaka. "Aw ni e. Amaherawh chu ti khan nangmah khan hria la a tawk mai. A hmel ngainatawm tak saw helaia customer hmeichhiate hip tu tak a ni ve a"

Blair-i nen hian an in zui nasain an inchul ngun ve si a, chu chu hriat ngei ka duh a ni. "Ka bialnu nen hian an inkawm nasa mah mah ka ti deuh a"

Woods-a chu a then saka."Chu zawng, eng ang pawhin tum mahla i inkawm loh tir theih ka ring chuang lo"



Ka car awmna lam pana ka kal lai chuan ka phone a rawn ri ral rala. Mahse Blair-i'n phone a nei lo tih ka hrechhuak lehnghal vata. A awmnaah ka va kal anga, va biakte pawh ka duh reng reng. Ka phone chu ka phawrh chhuaka, a screen ah chuan ka nu hming a lo lang kalh a. Kar li zet chu ka be duh ta lo. Blair-i ka nei let leha,mahse ka nu nena inbiak leh erawh ka rilruah a la awm lo kher mai. Phone chu la lovin ka hmet tawpa,ka ipteah ka thun lut lehnghal a.

Blair-i te chenna kawt ka thlen chuan kawngka chu kan kik ri karh karh a. Bethy car clubhouse kawta ka hmuh avangin Blair-i chu amahin a awm tih ka hre mai. Rei loteah ke pen ri a rawn hnai a, mahni chauha a lo awm chuan min ti hlim nghal veng veng mai.

Kawngka a rawn hawnga, Blair-i chu a rawn meng phawk nghal hru a. A tawnzau hak chuan a hnute chu a khuh tawk chiah chiah hle a. A kut leh lamain a donut ei lai a keng a, a biang rawn sen tawn tawn chuan a ti lang duhawm hle a. Boxer tawite a ha a,a chawn leh mal no tak mai chu a lang chiang hle a.

"Sexy lutuk" tiin a beng zawnah ka zuk phun sepa, inchhungah chuan lutin sofa awmna lam ka pan nghala. "Kawngka an rawn kik leh a nih pawhin khatiang teh tawp kha chuan lo chhawn tawh suh" ka han ti a.

Hnuai lam a bih a, a rawn nui seka. "Engkim mai hi a rawn lian tual tualin ka hria. Ka rai vang hi a nih ka ring" tiin a han insawi thiama. "Kei lah chuan chulam reng ka lo ngaihtuah leh tawh der mai si lo va"

A samah ka chula. "I tawnzau hak tereuhte hi ka rawn sawi chhan a ni ber hleinem" tih pahin a hnungzangah ka chul thla riai riai a, a mawngtamah chuan a zuk tham deuh tawn a. "Hei pawh hi ala len belh dawn a nih hi"

A rawn thaw halh halh a,ka thil tih chuan awmzia a nei hle tih ka hre mai.

"Eng nge zan lamte i mu tha thei em?" Ka hnar leh a bengkawm chu a insi ti tiha

"Aw...ummm...,ahhh...mu tha a ni mai" a aw ri atangin a zam tih ka hre mai. A darah vuanin ka nam leta, a hmelah chuan chiang takin ka en a. Engvanga zam em em nge a nih.

"Mu tha a ni maw chauh maw...?" Blair-i chu a biang a sen tawn tawna.

A ke chu a ti che relh relh a, hnuai lam a melh a. "Aaa....rai lai mumang hi chu tlem hi chuan a dang deuh thin a"

"Rai lai mang a...? Eng nge chu chu a awmzia?" ka lo ti vata. A hmel a sen chek reng a, a awm danah dawhkan hnuaia luh a ka lak atanga biru daih duh hmel hi a pu a.

Kal sawn a tuma, chuveleh a kawngah dawmin ka lamah ka pawn hnai vata. "Ohh....a ngai lo. Sawi kher lo mai rawh. Sawi aia ka laka tanga kal sawn daih i duh dawn ai chuan sawi lo zawk mai rawh"

Blair-i chu a nui suk a, a lu a thing a. "Heti hian nileng pawhin min zawt mah la ka hrilh chuang lovang che".

A kawr chhungah ka kut ka zen luta, a nak nem zawnah chuan ka chul chho a. A hnute hmur rawn pawng lah mai chu han khawih chhoh chak hle mah ila rilru pek loh luih ka tum hram hram a. A chhan chu a lakah hian sex beiseina ka nei sang ber angah a ngai ang tih ka hlauh vang a ni. Sex chu a tel teh meuh nangin ka hmangaihna nena khaikhin a ralah chuan hla tak a ni. Mahse mut hmunahte, inbualnaah te chuan ka suangtuah ber a ni reng fo.

Blair-i za ti chu a nui har hara. "Duh tawk teh" tiin min nam sawn a tum a. Chuveleh a hnute vei lam chu ka han hup thawka. A che tawh lo chiang kher mai. A rawn rum haka, nuamti rum ri a ang teuh hle mai. A hnute hmur chu ka nuai ner ner a, min rawn ding hnaih nghal sauh a. Ekhai lehh....,ka rin aiin boruak a alh chak ngei mai.

"Khawngaihin Rush, ka chak lutuk" amah zawk chuan a rawn ti tham tiak a.

Tunah hian a chak a maw? A nih chuan a mumang a a hmuh thin chu sex hi tihna em ni...? "Hei hi em ni i mang phan thin chu?"

Min rawn melh zeuh a, a bu nghata. "Zing thawh hlimah phei hi chuan ka chak thei lutuk"

Ekhai leh..a van tih zia ve. A donut ken lai chu lak sakin dawhkanah ka daha, a kut a kai zawng chu ka fawh fai sak veka. Chutih lai te chuan a thawk a lo rang nasa tawh mai. Ka pawm kang nawlh a, ka kawngah a bawp pahnihin min rawn chep bet nghala. Fawp chungin a pindan lam ka pan pui a.

A khum thar lian tha zetah chuan ka mut tir a, he khum thar ngeia hmangaihna chendun chu a lo chak reng lo niin. A chunga ka lawn hmain a kekawrbul tawite leh a panties chu ka pawh hlim saka. "I tawnzau pawh hi hlip ang aw" tihpahin ka pawh hlip sak nghala. A chungah chuan thuin ka chhuk en a. Ni tam lo te kal ta kha chuan hetiang a a awm lai hi engtikah mah hmu leh tawh lo turah ka lo inngai hman tawh hiala, ka mumang te lam lam a ang rum rumin ka hria. A taksa khawilai pawh mai chu a fawh a fawh chhuah vek hial ka nap a ni.

"Rush khawngaihin, muangchang lo hram teh". A taksa chu a rawn kan uak uak a. Engtin pawhin awm ila, a chakna a nasa tawk lutuk a, dan vak ngaihna a awm tawh lovang.

"I taksa hi ka fawp hmasa phawt thei angem?" tiin a hmuiah ka fawpa, a taksa lamah ka fawp thla nghala.

"Aw...,eng pawh ti rawh. Min khawih a nih hrim hrim chuan ka duh vek". Ka kut a rawn la a, a kap mawm hlap tawh chu min khawih tira. Ka kutzungtang ka kawm lut nghala. "Aw...ti tak khan ahhh....,a nuam lutuk" tih leh a nuam ti thawm tre riin a zui nghala.

Tunah zet chuan tisa chakna chuan a bual â vek tawh. A bawp leh lam leh lam chu kuai kakin a mawn khalh telh mai chu ka fawh saka. A kawng a rawn kan nghal uak uak a. Ka lu ka lak sawn a phal tawh lo. Lak kan ka han tum deuh chuan ka tukhumah rawn vuanin min nam bet leh zela. A nawm rual rualin ka nui chhuak lo thei lo.

"Khawngaihin Rush, khawngaihin. Ti tawh mai teh...mawhhh..." A tisa chakna in mung ruh tawh tak chu ti puak keh turin a ngenin min ngen lawm lawm tawha, a chakna nge ka chakna sang zawk ang tih ka hre lo. Mahse hetiang a awm hi hmuhnawm ka la ti rih tlat ang lawia. Ka tih hmain vawikhat tal vawrtawp a thleng tur a ni.

Zei tak leh thiam takin ka fawh sak tawn tawna, ka lei hmawr ka hawlh lut pah bawka. A thaw hrawk hrawka, ka hming lam a a rawn au chhuah takah chuan a vawrtawp a thleng ta a ni tih ka hre thei. Rang takin ka dinga, ka kawr ka hlip nghala.

Condom vuah leh chuan ka ngai tawh lo. A chungah ka bawh a, ani'n ka darah lo vuanin a dak arh a. Chu chuan a tilang duhawm leh zual.

"Rush, dim ka ngai lo ania. Min dim reng reng suh" a lo ti nghal mawlh mawlh a. Kei lahin ka ngheina a lo rei ve tawh tho bawk nen.

"Hetiang renga i awm a nih phawt chuan a hma zawng zawng aia nuamin kan ti ang ka duat"

A rawn nui seih a. "Ka tiam a che. Hei chauh lo pawh hi kan la ti ang. Ka mumangah chuan nuam takin min lo siam thin a, dim lo leh tha chawl miah lo turin ka lo ngen lawm lawm che a. I hming ka lam mawlh mawlh a,mahse a vawrtawp ka thlen hmain ka harh chhuak daih zela"

Mangpui a nei satliah a ni lova, mangpui chhawng thum a nei zawk a ni. A kawngah chuan dawmin a kawng chu ka chawi kanga, a mawngtam chu ka tham sak tawn tawna. "Ka bialnu nuam ti taka siam tluka chak ka nei hleinem" ka ti a. "Nasa taka tih i duh a nih phawt chuan nasa takin ka che anga a ni mai" tih pahin a **** vum thek mai chu na lo tein kan beng ri thlep a.

A kawngah vuanin ka lamah ka pawt phei lawpa, chu khum chu nuam ti thawm, tre ri leh thaw halh halh thawmin a zui nghala. Kan thlan tla de ser ser chuan kan nuan tih zia a pho chhuak a, kan thaw ri ah lah nawmna a zam chhuak chiai chiai a.

"I tha thlah suh aw" a rawn ti sapa. Nidang zawng aiin a nuam zual. Ka hming a rawn lam thawp sat a, chumi rual chiah chuan ka mit ka chhing a, chhung lamah a chik lut thawt a, chumi rual chuan sawifiah thiam theih loh khawpa nuamin ka taksa zawng zawng chu a fan chhuak nghal veka.


END OF CHAPTER -16

  

CHAPTER -17

> RUSH'S P.O.V <

"Ka lo biak nachhan che chu chaw chhun eipui tura rawn sawm che ka duh a. Kar khat teh meuh kan inhmu tawh lova, ka ngai tawh lutuk che a. Darkat chanve vel lek hun min pek theih chuan" Nan-i aw ah chuan panchanna chiang takin a hriat theih a, a sawi dik reng a ni. Ka be chak lo chu thuhran ni se, ka hnar zel zawk a ni. Chutih lai chuan dinning room ah Blair-i eitur chawiin a rawn luta, a thil chawi a rit lutuk em tiin ka lo thlithlai nghal vata.

"Ni e, a tha alawm. Ka tihpalh lutuk" ka ti a. "Chuan tumaw lawng kar tournament a i tanpui pa chu.... Charles-a an ti emawni khahh?"

Chutia a mipa hming kan sawi chhuak chu Nan-i chu a nui hak haka, a lu a bu nghata. Kan tet laia hmeichhe naupang duhawm tak, ka duat em em thin kha ka hrechhuak nghal uar uar a. "Aw ni e. Pu Kellers-a tupa a nih kha. Cape Cod a mi ania, lawng karah hi chuan a lar khawp asin. Tun nipui hian tournament a tel turin a rawn kala, chuan kei min rawn thlang hlawl bawka. Kan inhmelhriatna pawh a la rei bik lo"

A thusawi chu ka ngaithla a, Blair-i awm ve reng chu melh loh hram hram a tum hle tih ka man thiam nghal mai. Blair-i chu engkimah a hmasa ber a ni a, mahse chutih rualin ka farnu ka hmangaihna a dai chuang si lo. Ka farnu nen chaw chhun kan ei dun a ni a, mawi lo a nih ka ring chiah lem lo.

A tawng lai chu tawpin ka lamah a rawn kun hnaia. "Engah nge maw a hna saw a thawh hle hle mai loh le. Kan lam a rawn hawi reng ringawt a. Hetiangte chu Woods-a pawh hian ban daih mai awm hi ania"

Woods-a te lam chu ka hawi phei a. Amah leh Jace-a nen fiamthu an thawh ho a, Blair-i chu a lo sen tawn tawna.

"Tunah tak chuan a rawn hawi lo. Mipa dang nen an inkawm a, nuam a ti khawp a nih saw. Kei chu a pawisa duh thlak ka ti ee...ka khawngaih zawk ngawt mai. A nun dan zahpui awm tak, nuih ti za ru angreng tak si hi i la hmu thiam mai ang. Ka sawi awmzia chu kei chuan ka hria a.—"

"Nan, a tawk. Ngawi tawh rawh" ka ti ram hmarh a. Nan-i ka atanga ka bialnu chung chang chhe tak tak ngaihthlak chu ka khan tawh mai bakah Blair-i leh mipa dang nen an lo nui har har bawk nen. Va kal a, ani chu ka ta a nih thu va hriattir mai ka duh rum rum mai.

"Amah vang sawn min kal san anga maw...? En mah teh. Mipa dang bulah pawh a hlim zia saw. Heta chawchhun i ei lai ngei pawhin sawtiang sawn a awm thei a nia. Hmeichhe rilru nep lutul leh mipa lawm him hiam lutuk mai"

Thikna kha tak chuan min tuam chhuak nghal veka. Chutianga ka Blair-i mipa dang bula hlim hmel taka a awm chu hmuh harsa ka ti a ni. Ka taksa chhung alh pap pap chu ka thu nun hram hram a. "Eng maw tuna i sawi kha?" zawitein Nan-i bulah chuan ka han ti a.

Nan-i chuan sawi nawn leh tumin a ka a ang zuau a, mahse a ka atang chuan Blair-i chhiatna leh dik lohna lai bak ri chhuak tur a awm lo tih ka hrechhuak lehnghal.

"A ngai leh lo. Khatiang kha i sawi tur a ni lo. Vawikhat pawh Blair-i chanchin tha lo tak anga i sawi leh a nih vaih chuan kan inzawmna zawng zawng hi a chat nghal ang. Ka sawi chu i hria em?"

Nan-i chu mak tiin a meng zau kawk a, chutiang tawngkam chu tunhmain vawikhatmah a lakah ka la hmang ngai lo. Mahse tunah chuan a hma a kan inpawh dan chu pha tawh lo tak kan ni. A thutna atang chuan ding chhuakin a napkin ken lai chu dawhkanah a rawn daha. "I awmdan hi ka hrethiam hlawl lo che. Kei i farnu ka ni a. Ani saw...,ani saw..."

"Ani saw ka hmeichhe hmangaih a ni. Chu chu chiang takin vawng reng ang che" tiin ka lo chhunzawm ve vata.

Nan-i mitmeng chu a alhin a alh hi a ni ringawt. Lawm loh hmel takin a inher a, clubhouse atang chuan a chhuak nghala. Engah mah ka ngai lem lo. Tawngkam dawnsawn nuam lo tak ka chhak chhuah leh hmaa a kal ta daih chu a tha zawk viau mai. Tih nat ka duh lo. Ka farnu a ni a, ka hmangaih. Mahse a tawngka chhuak mawi lo tak takte erawh ka hua a ni.

Ka ban chu tuin emaw a rawn vuana, ka hawi let hmain Blair-i a ni tih ka hre mai. A mitmu pawl kak maiah chuan mak tihna lian tak ka hmu a, khatianga Nan-i a chhuak tau ta mai kha mak a ti hle a ni ang. Nan-i tih thinur hi ka tih tur a ni miah lo. Chutih rualin Blair-i tel lovin ka awm thei bawk si lo. Tunah tak hi chuan mahni a awm ka mamawh a ni.

"A pawi ka ti lutuk" tih pahin ka tho chhuaka. Dawhkanah chuan pawisa ka dah a, dinning Hall atang chuan ka chhuak ve nghala.

Darkar 3 chhung zet gym ah hun ka hmang a. Ka tihrawlte tha taka an han chet leh hnuah chuan ka thinrimna tawt lutuk pawh a zia ta e. Tunah chuan Blair-i hmuh ka duh tawh riau mai. A hna atangin hawnte pawh a haw ve tawh anga, va hmuh angai a ni. Chubakah thupha chawite pawh ka duh hrim hrim.

Vawikhatmah thil ei turin Clubhouse ah Nan-i ka hruai leh tawh ngai lovang. Eng emaw ti tala buaina a thlen ve ziah. Chubakah chutiang boruak lo hmuh ve ziah chu Blair-i hian a phu lo a ni.

Blair-i te chenna Condo kawngkhar chu ka kik dat dat a, min rawn chhang mai lo. Ke kekawr ipte zenin ka phone ka phawrh chhuak a, mahse Blair-i'n phone a nei lo tih ka hrechhuak nghal. Hrep tak hian. Ka in a a phone hnutchhiah kha ka la anga, ka pek leh angai a ni.

Enga tinge le. ? A rilru ka ti na emawni chu aw? Ngeni a hmun dangah a leng chhuak daiha anga, a lo la kir lo zawk ni ang?

"Jimmy-a nen an leng chhuaka" Bethy i'n hnung lam atang min rawn chhang a. Ka hawi let vata, ani pawh chu golf course atang a lo let chiah hi a lo nia.

"A hna a zawh khan min rawn bia a, Jimmy-a nen an in date dawn a ni awm e".

Engah nge chungte chu min hrilh lo le? Ngeni a min hrilh a tum anga, ka awmna a hre lo pawh a ni zawk mai thei. Vawiinah lah khan ka pawng chhuahsan tawp kha a ni si a. "Engtikah nge a rawn haw ang?". Bethy chuan min rawn kal pel a, kawngkhar chu a rawn hawnga.

"Hre bik nang. A thin a rim lutuk a. Thil thleng i hre vek ang chu maw?" a aw chu ngaihthlak a nuam chiah lo. Kawngkhar chu hawngin a lut a.

Dil lem lovin kei pawh chu ka lut tlang ve tawpa. "Vawiin khan Clubhouse ah Nan-i nen chaw chhun kan rawn ei a, boruak a kal tluang vak lo va".

Bethy chuan tet hmel zet hian a hnar a ner nak a. "Chuti maw..? Chumi vang chuan maw ni a? I farnu tawmkai lo zet vanga Blair-i rilru nuam lo zet a a awm fo hmuh hi ka ning tawh khawp mai" tih pahin dawhkanah a purse a theh thlaa. "Rilru nuam lo a awm chi a ni lo tih pawh i hre vek a ni lawm ni? Nilengin a dinga, tray a chawi kuala, chutih laia in chhungkaw drama a nuna rawn put luh leh zel hi a mamawh bik hleinem. A lehpekah chuan in chhungkaw thil engpawh lan chhuah theihna chi a nih chuan hmun dang pan tawh ang che"

A sawi dik a ni. Nan-i nena inhmuh tir tur kha ka ni lo asin, chubakah Nan-i hi nungchang tha taka awm turin ka beisei tawh tur pawh a ni lo. Ka thiam loh a ni a, keiman Blair-i chu ka zawng tur a ni.

"Khawiah nge a awm?" tiin ka zawta.

Bethy chu sofa ah a thu hnawka. "A duh duhnaah a awm ang chu. A nuna i thil thlen hahthlak tak lak atang hian hahdawmn a zawng a ni ve mai alawm"

Ka thei khei rana tawng a tum tih ka hria. A ti tha khawp mai. Zawh nawn leh ka tum lai tak chuan kawngka arawn inhawng a.

"Ui haa..., Tihpalh lutuk. Zanin chu ka rawn tlai tawp. Kan kalna chu..." min rawn hmuh rual chuan a tawng lak lawh lai chu a tawp nghal chawta. "Hey"

"Heyy..." a bulah chuan pheiin a hma zawnah chuan ka va dinga. Mahse han vawn mai chu ka ngam chiah bik lo. "A pawi ka ti lutuk aw. Khawngaihin i pindanah lut ila, sawifiahna hun min pe rawh"

Amah zawk chuan chet a rawn thawh hmasa a. Ka kawngah min rawn kuah a. "A ho lutuk, ka thin a rim hleinem"

Amah zawk chuan min hnem a tum a ni. Hetiang hian a ti ziah zel alawm. "Ni lo, chutiang ngawt a ni lo" a kutah chuan vuanin a pindan lam ka panpui a. Min ngaina vak lem lo tu Bethy lak atang chuan ka kal sawnpui nghal a.

"Va an khum hrep teh. Hauh hrep angai a nih kha. A phu tawk chiah" Bethy chuan a thutna atang a lo ti a, remote laiin TV a hmet nung nghala.


END OF CHAPTER -18

CHAPTER -19

> RUSH'S P.O.V <

Tournament a zawh fel hmain lamah hawin shower ah ka inbual nghal a, lawmman pawh kan dawng dawn a nih chuan Meg-i leh Grant-a dawnah tiin ka hawi san daih a. Lawmman chu ka khelh chhan a ni lo va, kum tirah Grant-a leh Nan-i nena kan lo in ziah luh ve tawh si avangin ka tel ve mai mai chauh a ni.

Ka intihfai zawh veleh Blair-i te chenna lam panin ka kal nghal a, Condo kawtah Bethy car a lo inhung ran tawha, inah an awm tih la hriat chuan ka lawm ru kher mai. Vawithum vel ka kik dat dat a, nghakhlel taka ka nghah hnuah Bethy i'n a rawn hawng hlawl a. Nui luih tih hriat zel hian a khi lui suk a.

"Hi" tih pahin ka pen lut nghal a.

"A muhil rih. Vawiin chu ni a rei khawp mai". Bethy chuan kawngkhar chu ala vuan ran a, a lan danah chhuak leh mai turin min duh hle mai.

"A tha em?" a mutna pindan inkhar phui rup mai chu ka en phei a.

"A chau deuh a nih kha. Muthilh tir rih rawh"

Ka chhuak lovang. Kawngkhar pawh a khar thei ang. "Ka ti harh dawn hleinem. Chuan ka haw dawn rih lo. Kawngkhar kha khar rawh" tih leh Blair-i mutna pindan lam pan ka rual nghala.

Tlai dar 6 a ri awrh chauh a ni a, a muthilh ngheh em em phei chu ka ring lo. Vawiin khan a thawk nasa si a, chu chuan ka awm a ti nuam lo lek lek reng a ni. Thawk lo se kha ka duh zawk mah a. Amah leh a naute tan a pawi thei tlat.

Kawngkhar chu dimte a hawngin chhung lamah ka kalh a. Blair-i chu a khumah chuan a lo mu a, a sam buang nalh tak mai chu a lukhamah chuan a inzar pharh seng a, a ke lehlam erawh rizai pawnah a dah chhuak thung a.

Ka kawr ka hlip a, dresser chungah ka dah a, ka jeans pawh pawt phelhin ka hlip nghal a. Ka boxer ka phelh hnu chuan khumah chuan lawnin a hma zawnah tak chuan a taksa si chelhin ka va inthawlh a. A rawn rum tuah tuah a, ri a zawnga mawi ber a ni. A samah ka hmai phumin ka maimitchhing a.

A rawn thaw ri sek sek a, a che deuh tual tual a. Ka nui sak a, kan meng leh chu ka awm zawnah chuan a lo mu meng kar a. A kut zungtang chuan ka dul a lo thai kual a. Ka taksa ah rawn thai chho zelin ka darah a rawn thai chho a. Min rawn en a.

"Hey..." Ka phun sepa.

"Hey.."

Pawn lam chu a thim vek tawh a. "Vawiin chu ka ngai lutuk che a"

A nui seih a, mahse a hawi sawn nghal vata. "Kei pawhin ka ngai che" mi pawh en lo chuan a ti a.

A khabeah chawiin ka lamah ka kuai chho a. Tilui tih hriat zet hian a nui lui a. "Eng nge dik lo a awm em ni?"

"Awm lo e"

Dawt a sawi a ni. Eng emaw dik lo chu a awm chiang mai. "Ni lo Blair, dawt sawi suh. Min hrilh rawh. Eng thil dik lo nge awm? I hmel atang lungawilohna i nei tih ka hria"

Hmun dang hawi a tum a, mahse ka kuai let lehzel a. "Min hrilh rawh. Khawngaihin"

Khawngaihin tih ka sawi zel hi chuan a taksa chet dan hi a dang tlat zel. Thawk a han la vang vang a. "Vawiin khan ka hmu che a, nuam i ti viauin ka hria" ka tawp leh daiha.

Eng nge a lungawi loh chhan chu ni ang? E ni dawn tak, Meg-i a rawn hmu a ni ngei ang. "Meg-i kha em ni? A pawi ka ti lutuk. Kei pawhin a rawn kal dawn thu engmah ka hre bik lo. Grant-a'n Nan-o thlakna turin a rawn hruai a. Nan-i kha a chhuak tau daih a, Gran a'n a aiawh turin a rawn hruai ta mai alawm le. Hre lawk chu ni ilang chuan ka hrilh hmasa ngei ang che".

Blair-i chu a han insangmar lehzual a. Ka insawifiahna chuan kawng ro a su vak lovin alang. A la thinrim tho mai.

"I hmeichhe hmasa ber a ni tiraw...?" aw dam diai hian a rawn ti a.

Tu emawin an lo hrilh a ni chiang mai. Phiangsen hian. Grant-a lo tunge midang hria awm ang? Ka sexual life midang bula ka sawi ngai ka hre der si lo. A biangah ka dawm a. "Chu pawh chu nise nang a tawp berna tur i nia lawm"

A mitmeng erawh a dam diai a, thil dang teh vak hmuh tur a awm hran lo. "Ka-...." engmah sawi lovin a ngawi leh ta zawka. "Rest room ah ka va kal lawk teh ang" tih leh thawh a rual nghal a.

Tawnzau eng a ha a, panties senno nen. A mawng chu a itawm tawk lekin a bial kara, a dul leh a kawng bawr erawh a hma ai chuan a lian tan deuh. Khumah chuan bawh bet rawp a, suangtuahna tih puitlin mai ka duh rum rum mai ka ti. Ka mipatna a ti tho chiang kher mai. Chutih lai erawh chuan la lakah lungawi loh rukna, sawi chhuah si lo a neiin ka hre lawia. Ka ching fel tur a ni. Lung ni lovin ka siam tur a ni lo.

Ka phone a raw ri ral ral a, va banin kan en a, Nan-i call a lo ni a. Tunah tak chuan ka biak peih lo ber a ni. Phone pawh chu ka hmet hlum nghala. Zan lah chu a tlai duak duak mai hian ka hria.

Blair-i pawh bathroom atang a rawn chhuak a, a rawn nui suk a. "Ka ril a tam hle mai a"

"A nih chuan eitur siam ila". Khum atang chuan ka tho a, ka jeans ka ha nghala.

"Bazar phawt te ka ngai ang. Ka mut a chhuak lutuk a, han tlu zal hmasa phawt ila ka tia"

"Zanriah eiturin kan chhuak dawn nia. Duh leh bazar chu zing lamah ti zawk ila. Tun ang zanah tawhte hi chuan dawr pawh an hawng mumal tawh lovang"

Blair-i chuan min rawn melh deuh hru a. "A nihte chuan thingpui dawr inhawng pawh a awm tawh bik nang"

"Club kha zan dar 11 thleng an jawng ziah alawm. I hriat vek kha". Ka kawr ka inthawlh a, Blair-i chu ka pan phei a. Ani chuan mak tih hmel deuh hian min en deuh hu renga.

"Eng nge?" tih pahin a kawngah ka kuah a, ka lamah ka pawt hnai a.

"Club a kal te chuan miin min lo hmu ta se. I thiante ho pawhin min lo hmu ta se"

"Chuan...?" Ka lo ti vata.

Min rawn en chho hu a. "Kei lah a thawk lai ka ni bawk sia. Ka thawk tih an hre deuh bawk sia.

Thle meuhin ka en a. "I sawi awmzia ka man chiah lo"

A thaw haka. "Club member hoin a thawk ve pakhat nena zanriah inkil dun lai an hmuh che chu pawi i ti lovem ni?"

A thu lak dan erawh ka rin loh lam daih a ni. "Blair" muangchangin ka ti a. "Nang nena kan zanriah ei dun lai miin a min lo hmuh chu engah nge pawi ka tih tehlul ang ni? I sawi awmzia ka man thiam chiah lo deuh em ni zawk?"

A ner sawk ringawt a.

A kawnga ka vawnna chu ka thla a, kawngka lam pana inherin ka kal a. Chutiang rilru a put nachhan chu ka hre lo. Engtin nge ka zahpui loh zia hi ka lantir ang ni?

Ka hawi let a, kut kuangkuahin min lo thlir renga.

"Eng tik lai khan nge nang hi zahpui ta ang a ka lo awm ni? Chutiang anga ka lo awm a nih hlauh chuan keimah ngei hian rang takin ka awmdan chu ka siam tha nghal ang".

A hma ang bawk chuan a ner leh sak a. "Ka hre bik nang. In date ang tak taka chhuah dun sawi tur pawh kan la nei hleinem. Honky tonk kha a ni deuh mai ang chu. Kha pawh kha in date a ni chiah lo. I thil dang tihnaah ka tel ve ngai bawk si lo va.

Harh chhuak hawk ang mai hian ka awm. A sawi dik chiah. Vawikhatmah ka la chhuahpui reng reng hleinem. Sumit a ka va let pui leh tih mai chauh lo kha chu. Ka van han â let tak em. "I sawi dik e. Khawi hmunah mah a bik taka chhuahpui che ka lo la nei miah lo a nih hi" ka ti sap a, ka lu ka thing a. A chhan pakhat chu hetiang anga hmeichhe ngaihzawng hi ka nei ngai lo a ni. Zanah ka mutpui a, zingah ka tir haw leh mai a.

"Khang hunah zawng zawng khan ka zahpuiah che i lo ngai em ni?" Chu ka zawhna chhanna chu keimah ngei hian hriat ka duh lo. A na dawn lutuk.

"Zahpuiah chuan ngai em lo ve. Mahse hei erawh ka hrechhuak ve a. I khawvelah hian ka leng ve lo a ni tih hi. Eng lo, hetia ka rai avang hian ka lak a that chhuah vak pawh ka phut kher lo a nia. Min dodal zawng erawhin awm chuang lo la-"

"Blair, khawngaihin ngawi teh. Ka ngaithla duh tawh lo" ka pan hnaia, ka kuahbet nghal chawt a. "Nang hi ka khawvel chu i ni. Chu chu mi zawng zawng hian hria se ka duh. Mi dates hi ka ti ngai lo va, chuvang ania a nachang pawh ka lo hriat loh. Mahse ka tiam a che. Tun atang chuan vawi tam tak hmum nuam tak tak tlawhin kan in date tawh anga, he khua a tuma la tawn ngai loh ang zawng zawng hi i tawng tawh ang". A kut chu la kangin ka vuana. "Ka lo at na zawng zawngah khan i ngaihdamna ka dil e"

Blair-i chuan a mittui dang hram hram chungin a lu a bu zeuh a. He hun ka lo suangtuah thin thleng tur hian eng thil fakau nge ka lo pal tlan tawh le....


END OF CHAPTER-19

CHAPTER -20

> BLAIR'S P.O.V <

Rush-a phone thar min lei sak chu choka dawhkanah chuan a lo inhung fel ran a, lehkha them a lo inzep tel a.

'Hei hi i mamawh. Naute tan leh rikrum thilah' tih zawngte hi a lo inziak a.

Nui suk chungin phone chu ka la a. La duh lo pawh ni mah ila ka lak duh hma chu min hnawn tho tho ang tih ka hria. Vawiin hi doctor ka hmuh vawihnihna tur a ni a, thawhtan zan kan chhuah dun pawh khan Rush-a chu ka hrilh tak e.

Zantin hmun nuam tak tak fangin kan chhuak dun thin a, thawhtan zanah chuan movie en ka duh avangin theater ah min hruai a. Mi zawng zawng chuan kan ingaizawng tih an hria a, mak tih hmel taka min thlir vung vung tawk pawh an awm nawk zel. Chung vel ka ngaihtuah chhuah chuan ka nui ver ver a.

Doctor hmuh ni a ni tih remind nan Rush-a chu ka va call a. Vawi thum a ring naah a lo la nghal vata. "Hey...,nakin deuhah ka lo call back mai dawn che em ni?"

"Aw..mahse-" ka ti hman chauh tihah chuan min rawn chhang lehnghal a.

"Nangnah i tha reng reng em?"

"Aw tha e. Mahse ka-"

"Aw le. A nih chuan nakin deuhah ka rawn call back ang che" tih leh phone dah a rual nghal a.

Ka nghak vang vanga, minutes 10 hnuah pawh min rawn la call lo. Doctor hmu turin ka lo va insiam lawka.

Darkar khat hnuah pawh a min lo la call loh takah chuan va call leh mai tur em ni ang tiin ka rilru a insual nasa hlemai. A nih loh pawhin Bethy car pawh ka hawh sak thei tho a. Mahse Thawhtan zana ka hrilh kha chuan amah zawk kha a phur em a, mahni a lo kal daih chu ka hreh ve deuh bawk si a.

Ka va call nawn leh a, vawi li a ring naah a rawn pick up nghala.

"Eng nge?" Nan-i aw a ni tlat mai.

"Uhh...ummm" sawi mai tur ka hre lo. Ka appointment chungchang lah sawi chhuah chi a ni si lo. "Rush-a a awm hnai em?"

Nan-i chu a nui chhuak hak a. "Awihawm loh zawk hian. Ka rawn call back ang che a tih mawlh mawlh kha. Thawk lakna hun takngial pawh i pe thei lo em ni? A chhungkaw tlawh turin a rawn kal a ni a, ka nu leh pa pawh an awm a, chaw chhun kan ei dawn mek. A hman hunah chuan a lo call mai ang che".

A nu leh pa te a lo va hmuh dawn vang a ni maw a kalna tur min hrilh miah loh? Kei leh a fa mai tur ai pawhin anni chu a dah pawi zawk tihna em ni? Nan-i aw chu ka ngaithla peih tawh lo. Ka phone pawh chu khumah ka dah a, Bethy car ka hawh sak mai aniang chu.

Office ah ka va kal vang vanga, ka thlen chuan ka thlan tuiin min bual huh hlup a. Counter ah Darla-i a lo thu a, min rawn hmu vata. "Vawiinte chu chawlh i lak kha" a lo ti a.

"Nia ka hria alawm. Bethy car rawn hawh sak ka tum deuh a. Vawiin hi doctor ka hmuh ni a nia, mahse ummm...aahh ka sawi peih vel lo". Dawt sawi ka duh lova, thu dik sawi ka duh bawk si lo.

Darla-i chuan min en vang vang a, a ipte a dap ruk ruk a, chahbi a rawn phawrh chhuaka. "Kha, ka car va hmang rawh. Nilengin hetah ka awm dawna, ka mamawh rih hleinem"

Ka lawm lutuk chu va kuah nghal chuk chuk mai ka duh. "Ka lawm lutuk aw Darla. Petrol ka rawn thun nghal ang" tih pahin ka tlan chhuak nghala.

Minutes 15 vel lekah Destin ka thleng a, nurse ho chuan nui sang chungin doctor room ah min luhpui a.

"Tunah thla 3 i paina a lo ni ta a naute dinhmun kan en a ngai tawh dawn a.. Ultrasound in kan en anga, naute awm dan leh a lungphu kan en fiah dawn nia"

Ka mumang ni mai hian ka hria. Ka fa ngei ka hmu dawn a, a lungphu nen. Hetiang hunah hi chuan keimah chauha ka awm ka beisei ngai lova, ka kiangah tu emaw a awm ve ka lo beisei thin. Naute lungphu chu lo hmu lo in fel lo lo awm palh ta se? Mahni a awm ka zuam hlawl lo.

Khumah min mut tir a, naute lungphu enna turin ka serh ah eng emaw hi an hawl lut a, nat phei chu a na lo. Ka hma zawn a TV chu ka en rana, doctor in ka dulah ultrasound khawl a rawn dah a.

Rei lo teah naute lungphu ri chuan pindan chhung chu a rawn luah khat nghala. Keima thinphu ang chiahin ka hria.

"Chu chu em ni...?" ringhlel titih deuh chung hian ka han zawt a.

"Aw ni e. A lungphu a thain a chak tha khawp mai"

Nurse chuan TV screen chu a rawn kawk a. "Heti laia bean mu ang deuh hi naute chu a nih hi"

Ka mittui a rawn luang ringawt a, mahse ka zak hran lo. Ka pum chhunga thil mak tak awm chuan sawi thiam phak loh hlimna min pe a ni.

"Naute a tha a,nang pawh i tha e" Doctor chuan min ti a. A thil vuah luh chu phawi chhuakin khum atang chuan min kaitho a.

"Thisen chhuak tam vak lo a awm a nih pawhin a ve tur reng a ni a, buai loh tur aw. Tun atang a kar 4 naah i lo kal leh dawn nia" Doctor chuan min ti a.

"Kha le. .?" Ultrasound a ka naute thlalak chu print sa vekin nurse chuan min rawn pe a.

"Ti hian ka ta tur em ni..?"tih pahin ka kawchhung a nunna nei, ka naute, bean mu tiat lek chu ka en a.

"Ni chiang e. Tha deuhin i inenkawl dawn nia"

Ka lu ka bu nghata, ka mittui erawh a hnam pur reng a.

> RUSH'S P.O.V <

"Khawiah nge Blair-i?" Bethy chu Blair-i pindan kawngkhar bulah a ding rana, Blair-i phone a hum bawka. A kalnaah a phone a keng lo a nih leh pek hi.

Bethy chuan min chhang lo kher mai. Eng nge maw dik lo awm ni?

Vawiin khan ka chhungte bulah Blair-i nena inneih ka dil a, kan inhnial nasa khawp mai. Blair-i pa chuan a phal mai a, a buaithlak ber erawh ka nu leh Nan-i an hmin ve thei lo chu a ni. Kar thar atangin Nan-i te pawh school an lut leh tawh anga, thlasik chawlh hma chu a rawn let leh tawh lovang. A phal lo talh a nih chuan ka nu pawh ka inah sawn a awm ka remti lo mai aniang chu.

Chutih lai chuan nuisang chungin Blair-i a rawn lut hlawl a, mahse min hmu chiah chu a hmel a inthlak nghal hlawka. Amah pawh chuan min haw ve tihna em ni?

"Blair.." ka va pan hnai a.

"Rawn kal suh" tihpahin a kut pahnih a rawn phar chhuaka.

Thlalak eng emaw hi a keng a, min ti hlauthawng kher mai. Chu thlalak vang chu em ni a thinrim? Ka hun liam tawh a mi, tu nula emaw nena kan awm dun lai em ni ang?

"Hei hi alawm ka hmuh chak chu" tiin Bethy chu a va phei a, thlalak chu a la a.

"Ui lehh...." Lawm takin a ka a hup a. "A thinphu te i ngaithla em?"

Thinphu a..?? Karei lehh...vawiin hi nilaithawhtan. Chumi awmzia chu Blair-i'n doctor a hmuh ni. Chuvang a ni maw min lo call a, ka lo dah daih ni?

"Khai aa bawite. Ka lo theihngilh daih alawm. A pawi ka ti lutuk. Eng lo ania, ihh-"

"Ka hria. I chhungte i hmuh thu Nan i'n min hrilh alawm. I insawithiamna kha ka ngaithla peih lo ania. Kal bo rawh"

An pahnih chuan ka fa thlalak chu an en dun a, a lungphu a ngaithla amaw? Amah chauhin. Ka tel lovin.

"Ka lo en ve thei angem?" inthlahrung angreng tak hian ka han ti a.

Phal angreng takin min rawn pe ve maia. "Helaia bean mu ang deuh hi kan naute chu ania" a rawn ti a.

"A nih a tha em? A lungphu te, engkim a tha em?"

"Aw tha vek e. Copy thum ngawt min pe a, duh leh kha kha chu ti khan nei mai rawh. Tunah rih chuan min chhuahsan tawh rawh"

Mahse chuti maia kal chu ka tum bik hauh lo. "Vawiin khan ka nu leh i pa nen kan tum lawk lutuk lovin kan inhmu a. College a zawm leh angai tawh dawn avangin Nan-i pawh hmun dangah a awm tawh dawn a, kei pawh hmun danga awm ve tawh tur ka ni a. Mahse ka nu bulah chuan khawiah mah ka kal dawn loh thu leh nangman i duh a nih ngawt loh chuan ka kalsan dawn loh che thu ka hrilh a. A tul a nih chuan ka nu pawh in dang zawng mai turin ka ti a. A chhan chu nang hi nupui a neih che ka duh avangin". Blair-i hmel chu a dâng lap a, engmah a sawi lo. A sawi ka phut hek lo.

"Kan invin a, kan inhau hi a ni ringawt mai. I lo call lai khan nang nena inneih ka duh thu ka sawi lai vel mek a ni a. I hriat angin anni hmin tum chu a har vet vet khawp mai. Nan-i erawh vawiin tlai hian a college kalna tur lam panin min chhuah san tawh ang a, tu tan mah hnawksakin a awm tawh lovang". Ka chawl a, thawk ka han la haka.

"Vawiin appointment ka lo mang nghilh avang khan pawi ka ti takzet a, ngaihdam dil thei dinhmun a ding tlak pawh ka ni lo tih ka inhria. A thleng leh tawh lovang ti a tiam che mai loh chu"

Blair-i chu a ngawi vang vanga. "Ka lo call back che khan Nan i'n min lo chhanga, ka tan hun i neih loh thu leh in chhungkua a chaw chhun in kil ho thuin min rawn chhang a. Naute ai pawha i chhungte ngai pawimawh zawk che angah ka ngai che a. Chu pawh engmah min hrilh lovin".

Ka farnu dawt heh lutuk hi chu sawi deuh nawk nawk hi ka duh tawh.

Blair-i chu ka pan phei a, a banah vuanin ka lamah ka pawt phei a, ka pawm vawng vawng a. "Nang leh kan naute hi ka chhungkua chu in ni. Vawiin khan thil hlu tak ka chan a, ka inthiam thei lo a ni. A lungphu i ngaihthlak lai khan i kiang a awm ve ka duh a, ka fapa i hmuh hmasak ber laia i kut lo vawn kha ka duh takzet a ni"

Blair-i chu a nui seih a. "Hmeichhia zawk pawh a ni maithei a nia"

"Ni e, ka hria alawm"


*********************************************

> BLAIR'S P.O.V <

Nipui chawlh a zo a, chawlh hmang tam zawk an haw leh tawn tawh avangin khaw chhung pawh a reh ta duk mai hian a hriat a, club lam pawh a lun dan a ngai reng tawh lo va, tips pawh a tlahniam leh viau tawh mai.

A pawimawh ber zawk erawh kha mi zan kan Condo a Rush-a'n inneih chungchang a sawi tih loh kha chu vawikhat mah a sawi nawn leh tawh lo hi a ni. A chang hi chuan ka ngaihte a tha lo deuh rum rum a, a sut leh ta daih emawni ka ti hial thin. A nih loh pawhin in pahnih atang naute kan enkawl dun dawnte pawh a ni mahna.

Tips a tlem tak avangin ka hlawh ka kham khawp lo dawn hle mai a, hna dang zawn belh ka ngai a ni. Chutih rualin helai velah hian hna a vang phian lehnghal a.

Ka room a ka han lut chu ka khumah chuan rose par a lo in chap darh niah maia, alaiah tak chuan envelope ka hmin chuanna hi a lo awm a. Rang taka la in ka hawnga.

'Tuipui kamah min rawn hmu rawh'

I hmangaih
Rush

A handwriting mawi tak mai ka hmuh chuan ka nui seih a. Rang takin ka thawmhnaw hak lai chu nipui thawmhnaw in ka thlak vata, ka sam khuih thain makeup tlem ka inhnawih zuai zuai a, tuipui kam lamah chuan ka chhuk thla nghala.

Rush-a pawh chu ka zuk hmu thuai a. Khaki kekawrbul a ha a, kamis ban bul, a hma kilhna awm a ha bawka. Tuipui lam hawiin ipte zen chungin a dinga. Awm hmun nen tawpa ka kal lo chu ka inchhir lo viau mai.

Va pawh phei tawp chu ka tim ve deuh bawk si, mahse hmuh ngei ka duh bawk si. Muangchangin tiau vut chu daiin ka phei a, tuipui sava an thlawk neuh neuh a, tuipui atang chuan thlifim a rawn thaw heuh heuh a.

Ka thleng phei tep tihah tiau vut chung a eng emaw inziak chu ka hmu a. Inher remin thil in ziak chu a riin ka han chhiar a. "Blair Wynn, min nei duh angem?" Ka chhiar ri a hriat chuan Rush-a chu a rawn inher a. Ka lamah rawn pheiin ka hma zawnah tak a rawn thingthi a.

A kutah chuan bawm te a kenga, ka hma zawnah a rawn hawnga, a chhungah chuan lunghlu zungbun mawi tak mai a lo awm a. Ni zung chuan a rawn chhun tle vet vet a. Hei hi ka duh chiah em? Aw—. Amah hi ka zawng zawngin ka ring tawk em? Aw—.

Amah lam a inpeih tawh reng em ni? Ka hre bik lo. A unaunu leh a nu rem ti lo chung a ni awm si a. Zungbun chu laiin ka bun a. "Enga tinge hetiang thil hi i tih?"

Rush-a chuanca lu a thing a. "Engmah ka ti hleinem. Ka nun zawng zawng hi i kianga hman ka duh mai chauh a ni. Chu zawng chu"

A la naupang a, a hausa in a chhelo hle bawk. Engmah pek let tur ka nei ve lo chu sawi loh, ka phu hlawl lo a ni. Kun hniamin ka kuah ringawt a.

A rawn ding chhuak a, min kuah let ve nghala. "Nang ka hmangaih ang che hian he khawvel a mipa dang pawh hian tumah an hmangaih chuang bik kher lovang"

Sawi ngaihna vak pawh ka hre lo. Zungbun chu phelhin a bawm ngaihah chuan ka dah let leh a. "Han en teh, a mawi zia hi"

"I kut a awm tur chuan a la mawi lo mah mah zawk a ni" tih pahin zungbun chu a la a, leiah bawk chuan a thingthi tha leh a.

"Blair Wynn, khawngaihin ka nupui ni ta che?"

Engtin mah ka hnar thei lovang.

"Aw". Ka kutah chuan zungbun chu a rawn rawlh lut nghala.

"Ka lawm e" a ti sap a. Rawn dingin duhthaw takin min fawp nghal tawn tawn a. Tunah zet chuan he khawvel a hmeichhe hlim ber ka nih lohna chhan tur engmah a awm tawh lo. A chhan chu ka hmangaih ber a ni tlat a tin ni.

"Ka bulah rawn insawn lut tawh ta che" tiin min ngen a.

"Ngawi rawh, chu zawng ka thei lovang. I hre lo em ni kum chanve lai luah man ka pe lawk tawh si a"

"A bang zawng chu Woods-a hnenah i account a dah tha turin ka hrilh tawh alawm" a ti a.

Tih lung nih loh chu ka duh hauh lo, mahse ka thei lo a ni. A hmuiah ka va fawp zeuh ringawt a.

"Chuan i hna atang bang bawk la"

"Aih, chu zawng ka thei lovang" tiin ka lo chhang let a.

"Ka nupui hual i ni tawh a, ka nupui ni mai tur nen. Engvangin nge country club a thawh chu i la duh tal a? Thil dang tih duh zawkte i nei lovem ni? College lam te? Degree eng emaw i duh a nih pawhin a pawi lo. Tun aia chungnung zawk hi".

A nupui ka ni thuai dawn. Chu chu ka bengah chuan a ri nawn nghal awn awn a. Sawi ngaina pawh ka hre lo. Nghet takin ka kuah ringawt a.

chhiar zawhah clck pawh kha tih theuh ang u aww


END OF CHAPTER -20

CHAPTER -21

> RUSH'S P.O.V <

Blair-i hna bang nghah pahin Car a thu chungin coffee ka lo dawm a. Blair-i pawh Car lam panin a rawn phei mek a. A ke chheh engkim, a ruangam zawng zawng hian ka lung a dum hliah hliah hi a ni ringawt. Hmuhnawm ka ti em em reng mai.

Rawn thu lutin ka nghawngah a rawn fawpa, ka hmuiin ka beng a rawn nawr deuh ti tih a.

"Hetiang a a awm reng dawn a nih chuan ka nupui hual lai pawh nise ka khuaikhem deuh mai ang" ka han ti a.

"Chungte chu sawi lova a tih a tih zawk tur alawm" tiin ka kap a rawn dap a, a rawn hum nghal chata.

Ka thaw haka. "Khatiang te chuan motor ka khalh thei nang le"

"Kei chuan eng pawh lo ti ila i motor khal laiah i rilru pe ang che" tih pahin ka jeans kilhna chu a pawt phelh nghala.

Ka boxer chhungah a zen lut a, a kut lum hiam mai chuan a tak chu a vuan run tawha. Ka phone a nghawr der der renga, mahse a hma a ka nuin min rawn phone chhen avangin amah tho a nih ringin ka ngaihsak duh lem lo. Phone chu laiin kan en a, a number lah chu ram dang phone number daih a ni.

"Tunge a?" Blair-i chuan a rawn ti a.

"Ka hre bik lo. Mahse a rawn ti ngun tawh khawp mai"

"A nih chuan la rawh. Nakinah kan chhunzawm leh mai dawn nia"

Phone call chu ka la ta nge nge a. Mi laklawh lai laiin. Hello pawh ka tih hmain ka nu aw ka hre nghal a, a thusawi chuan ka awmdan zawng zawng chu thawklehkhatah a thlak danglam nghal vek. Ka ke ler atanga ka chhip thlengin.


> BLAIR'S P.O.V <

Rush-a hmel chu hmuh theih khawpin a dâng nghal bawiha. A kut ka va vuana, hria ang pawhin a awm lo. Ngawi rengin phone a rawn be tu tawng chu a ngaithla a, min ti hlauthawng hlemai. Thil eng emaw tha lo tak thleng a awm a ni chiang mai.

"Ka lo kal nghal ang" a aw chu a lawi tuau a, a phone chu dahin steering wheel a vuan nghala.

"Eng nge dik lo awm a Rush?" Hlauthawng ru tak chungin ka han ti a.

"Car atang hian chhuak la inah lo va awm rawh Blair. Nan-i te chuanna lawng a accident a". A mit a chhing a, thawk a la khur der der a. "Tunah rih chuan inah lo va awm phawt rawh. Ka kal vat angai. Ka theih veleh ka lo bia ang che".

"A na em? I rualin ka lo kal ve thei love'm ni?"

"THEI LO". A aw chu a chang kher mai. "In ah lo va awm rawh. Ka farnu thi chhawngin ICU ah a awm mek. Car atang hian chhuak la, inah lo va awm rawh".

A rilru a na a, a hlauthawng bawk. Ka hrethiam lutuk. Mahse amah chauh a chutiang a tawrh chu ka duh lo. Ka hmangaih a, a bula awm ka duh a ni. "Rush, ka lo-"

"CAR ATANG HIAN CHHUAK RAWHH.." a awki a sang kher mai. Rang takin ka purse ka la a, Car atang chuan ka chhuak nghala.

Ka chhuak chiah tihah engine a ti nung a, hawi pawh rawn hawi let lovin chak mangkhengin a ving nghala. Tih ngaihna reng ka hre lo. A rilru a na a, chutiang bawkin kei pawh. Ka biangah mittui a rawn luang thla riai riai a, ka ngaihtuah a ni. Chutih rualin min vinna aw ka erawh ka bengah a ri nawn ut ut renga.

Rush-a in chu a lianin a thim mup a, a tello chuan a ruak vek maiin ka hria. Mahni chauha lo awm chu ka duh lo. Bethy bulah ka riak mai ang ti dawn ila Car ka nei ve bawk si lo.

Mahse heta tang Club chu mel-3 leka hla a ni a, ke pawhin ka thleng har lovang.

Darkar khat leh minutes 15 ke a ka kal hnu chuan Bethy condo chu ka va thleng thei hram a. Parking lot ah a Car a awm lova, Jace-a bulah a riak a nih ka ring. A tih zia daih zawk. Ketahna hnuaia a chahbi spare dah chu laiin Condo chu la hawng a, ka inthlak sawk sawk a, inbual turin shower ka pan nghala.

Lo awm se chu thu khuh taka thil awmdan in hrilhfiah leh kil kelh angai anga, chumi a ngai lo ringawt pawh chu a lawmawm viau mai. Rush-a ka ngaihtuah hle a, ka va call mai chiah ngam si lo.

Ka inbual zo a, ka inthlak fel a, mu turin bedroom pakhat zawk lam chu ka pan a. Ka chau deuh a ni ang, ka muhil har lem lo.

Zing a lo ni a, eitur ka siam vel mek lai chuan Woods-a a rawn lang hlawl a. "I mu tha em?" a rawn ti a. A mitmengah thil thleng engkim a hre vek a ni tih ka hre nghal mai.

Ka lu ka lo bu ringawta.

"Tukin khan Grant a'n min rawn phone a, damdawiinah ani pawh a awm mek a. Nan-i ala harhchhuah loh thu leh Rush-a pawh tuman an biak tawng zawh lo thu min lo hrilh a. Chutih rualin nang i kal tel ve si lo va, chuvang chuan ka rawn ngaihven che a"

Rush-a rilru nat tur zia ka ngaihtuah chuan ka thinlung hi a rum vawng vawng a.Keiin engmah tih theih ka nei ve der si lo. Min rawn phone miah lo a, a chhan pawh min be duh rih lo aniang. A unaunu a hlat chhan pawh keimah ka ni a, keimah vang bawkin rei tak a be duh lo kha a ni a. Min van haw dawn tehreng em.

Ka mittui a rawn luang a, hei vang hian alawm Rush-a nen hi chuan kan khawvel a in ang ve lo a ni. Lasi thawnthu chu a taka thleng turin kan bei a, mahse a taka thleng thei chi ziazang a ni si lo. A chhungkua a mamawh a ni. Kei chu a chhungkua ka ni ve si lo.

"Eng nge tih tur ber pawh ka hre tawh lo" tih pahin ka tap chhuak hawka. Woods-a hma em a han tah chu ka duh miah lo. Mahse ka insum zo tawh bik lo a ni.


> RUSH'S P.O.V <

Engtik lai pawhin Nan-i khum kiangah ka thu reng a, mut pawh ka muthilh san thei lo. Grant-a'n Woods-a a lo va phone a, Blair-i pawh a that thu leh Bethy bula a awm thute, Woods-a an a tulna ang ang a a lo buaipui tur thute min hrilh a, thla erawh a muang viau mai.



Ni hnih a liam a, engmah hmasawnna hmuh tur ala awm lo. Nan-i pawh a mut dan ngaiin ala mu reng a, keiman ka awmpui chawt a. Ka nu in min rawn chhawk zeuh zeuh a, mahse ani erawh hotel lamah kan mut hahdam tir thung.

Grant-a a rawn kal a, vawiin chu min awmpui ang. "Blair-i nen kan inbia a" a rawn ti a. A hming ka hriat zawng ringawt pawh chuan ka ngai nghal veng veng mai. Hetah awm ve se ka duh hle a, mahse thil tih chi a ni si lo. Nan-i a that chhuah vat ka duh a, Blair-i a awm ve tih a hriat chuan a hriselna in a tuar zual leh ka hlau bawk si.

"Vawiin hi a doctor hmuh hun a nih leh tawh thu leh Woods-a'n a lo va hruai mai tur thu a sawi a. Nangmah leh Nan-i a ngaihtuah viau a ni awm e"

Tun tum hi amah leh kan naute aia ka chhungte ka dah hmasak zawk tum hnihna a ni ta. A doctor appointment vawi hnihna turah pawh ka telpui thei ta si lo.


> BLAIR'S P.O.V <

Waiting room ah doctor nghakin ka thu rana, ka bulah chuan raipuar inentir tur pathum ngawt an thu ve a. Pakhat chu a pasalin a thutpui a, eng emaw hi a beng bulah a zuk hrilh ru ser ser a, an nu chu hlim deuh hian a nui hak hak a. An nu dul chu duat takin a chul saka, a kut a lasawn eih lo.

Midang ho pawh chu an pasal ten an thutpui vek a, an nupui leh an fa turte chu pa berin a uap bet tlat a, an tan chuan a tlamuan thlak viau ka ring.

Woods-a'n min kalpui a, dan ka tum ngial na a keimaha ka kal a phal tlat si lo. Mahse exam room ah erawh a luh ve ka remti dawn lo va. A chhan chu inphelh neuh neuhte a ngai ve thin si a.

"Blair Wynn" tiin nurse chuan ka hming a rawn lam a. Ka thutna atang chuan dingin Woods-a chu ka en a. "Ka rei lovang" ka ti sapa.

"Ka hmanhmawh lo ania" tiin min lo chhang let a.

"Pasalte luh ve kan remti vek a nia" nurse nuin a a rawn tih chuan ka hmai a sa nghal ap ap a, ka nuih a za deuh rum rum mai.

"Ani hi chu ka thian zawk ania" tiin ka chhang let a.

Nurse chuan nui sen sen chungin thupha a chawi a, exam room lamah kan inzui lut dun nghal a.

Chutin kan rei em em hran lo. Naute lungphu kan en leh a, a hma ai khan a ringin a duhawm zawkin ka hria. Naute a tha a, kei pawhin insawiselna em em ka nei lo. Appointment neih leh hun turte kam tihfel hnuah room atang chuan ka chhuak a.

Pawnah Woods-a'n min lo nghak reng a, inzui chhuakin pawn lam kan pan duna.

"Rush-a nen in inbe tawh em?" tiim Woods-a chuan min zawta.

Chu chu ka tan chuan zawhna pawh a ni lo. Chhan chiam pawh a ngai lo bawk. Ka lu ka thing a, chu zawng chu. Sawifiah buai ka tum hran lo. Zan hnih liam ta khan ka va call a, mahse ala lo. Voice mail ka hnutchhiah a, chu pawh tun thlengin min la chhang lo. Hetiang hian a theih chen chen awm a, min hnar bo daih a tum zawk emaw ni? Eng chen nge a inah te hian ka la chen ve reng dawn ni?

"A la buai deuh a ni ang. A rawn biak thuai che ka ring" a han ti ve tak na bawka, a aw rik danah a thusawi chu amah pawhin a ring chiah lo a ni tih ka hre reng mai si. Ka mit ka chhing a, muthilh siai siai ma chak. A chanchin sawi ka duh rih lo. Eng thil mah sawi ka duh rih lo.

Woods-a chuan radio a on a, ngawi rengin Rosemary lam panin kan tlan a. Car a ding data. Ka han meng chu Rush-a in kawt kan lo thleng leh diam tawh a.

"Ka lawm lutuk e" tih pahin Car atang chuan ka chhuk a, Woods-a hmel erawh a serious kher mai. Thil eng emaw sawichhuah a duh si loh ngaihtuah a nei tih ka hria a, zawh kher lah ka tum bik lo. Ani pawhin hetia Rush-a in a ka chen reng hi min rinpui tawh lo niin ka hria. Rush-a call erawh la ngaichang reng ila. Ka nghak chhuak zo ta lo a nih leh a in a ka chen ve reng a rem tawh lo a ni angah ka ngai tawh mai ang.

"Mamawh i neih chuan engtik hunah pawh min rawn call dawn nia" Woods-a chuan a ti a.

Ka bu zeuh a, Car atang chuan ka chhuak nghala. Mamawh pawh nei ila ani hi chu engti kawng mahin ka tibuai tawh lovang. Rilru khingbai zetin Rush-a in lam pan chuan ka phei chhat chhat a


END OF CHAPTER -21

CHAPTER -22

> RUSH'S P.O.V <

Nan-i accident atang khan ni sarih lai a liam ta. Mahse a la harhchhuak chuang lo. Engtik lai pawhin a bulah ka awm reng a, midang an haw lai pawn khawiah mah ka kalsan ngai lo.

Grant-a ka bulah a rawn phei a, ka kiangah a rawn ding a. "Va phone ve tawh em em la" min rawn ti a. Phone tur a min tih chu tudang ni lovin Blair-i a ni tih zawh leh chuan a ngai lo. Nan-i hmel chu ka en renga, mahse ka rilruah erawh Blair-i a thi reng reng lo.

"Ka thei rih lo a ni" amah pawh en lo chuan ka chhanga.

"Heti ringawt hi chuan a tha lo a nia. Woods a'n min rawn bia a, ni thum ngawt hnaah a kal tawh lova, call a la duh bawk si lo. Bethy a zawt ta ringawt a. Bethy chuan chhuah a tum hnai ni bera a hriat thu a sawi a"

Min kal san daih chu atan chuan tih tur tha ber pawh a ni ngei ang. Engtik lai pawha venghim tura ka intiam Nan-i ngei pawh ka venhim zawh loh chuan engtin nge ani leh naute chu ka venhim zawh tehlul ang ni?

Ka duh a, khawiah mah kalbo turin ka duh lo. Chutiang bawkin kan naute pawh. Mahse engtin nge ka farnu pawh ala harhchhuah loh laia a hming ringawt pawh a huat em em chu ka lo va biak theih ang ni?

"Ka thei lo a ni"

Grant-a chu a thaw halh a. A hrethiam lo hlemai. Tumahin an hrethiam lovang. Sawi tur chuang a awm tawh lo. Ngawi rengin pindan atang chuan min chhuahsan ta ringawt a.

A hnu rei loteah kawngka a rawn inhawng leh a, Grant-a tho a ni ang chu tiin ka hawi leta, beisei loh deuhin Abe-a (Blair-i pa) a rawn lut hlawl a. Ani nena inbiak chu ka peihlo takzet.

"Eng nge hetahte i rawn tih dawn a?" ka lo ti rum hmuk a.

Min chhan pawh tum em em lo chuan a rawn phei tlanga, Grant-a thutnaah chuan a rawn thu a. Ani hi awm lo se, mahni chauhin awm ila ka duh zawk. A lak atang eng thumah ngaihthlak ka duh lova, ngawi rengin ka thu ringawt a.

"Nan-i hi ka fanu a ni lo. Chu chu i nu pawh hian a hria. Mahse Nan-i hi ka fa nih tir a tum tlat a, i nu i'n Nan-i a pai khan ka fa a ni lo tih chu ani leh kei khan kan chiang ber ang. Thla 8 zet kan inthen hnuah ni khat chu min rawn phone hlawl mai a,a rai thu leh a mangan thu min rawn hrilh a. Chutih rual chuan i pa kha a hmangaih bawk si. Chu chu kan inthen nachhan ber pawh a nia. Khatih laia milar Dean Finlay te lo el pha tur kha ka ni lo hrim hrim bawka. Mahse i nu kha ka hmangaih em a, chutia mipa dang fa a paia a mangan takah chuan kei lah tlangval rilru mawl lai lo ni bawk nen, inneih chungchang eng emaw kan ruahman dun ta ringawt a". A chawl dat a, min rawn en a. Kei erawh Nan-i pa a lo ni lo reng reng lo tih ka han hria chu ka phawk hru a.

"Tichuan i nu hmu tur chuan ka va kal a. I nu chu nang leh i pa Dean-a kalsanin a thianute inah a rawn kal a. Tunge a fa paina pa chu a nih tih engmah ka hre lo va, chumi niah chiah chuan Blair-i nu Rebecca-i hi i nu thiannu te inah chuan a rawn zin ve chiah bawk a". A mitmeng a dul ruih a, a mit a chhing vang vanga, a rawn meng leh a. Chutiang renga patling hmel hmuh hrehawm chu ka la hmu lo.

"Ani chu hmeltha tak a ni a, a nungchang a thain hmeichhe mitmu hring nalh ber a ni hial ang. Ani chuan a ngaihtuah em em che a, i nuin a kalsan si che a, nangmah chauh a rockstar bawraw ve tak bula i awm tur chu ngaingam lovin a awmpui che a, khang pancakes i tet laia i ei thinte pawh kha ama siam sak che a nia. Kei pawhin Becca-i chu ka ngaizawng em em a, ka kalsan thei bik lo". Chu thawnthu chu ka nu min hrilh dan nen a in ang lo hlemai.

"Zan khat chu i nu hi rui zetin a lo haw a, a fa paina pa chu Dean-a tho hi a nih thu a rawn sawia. Thil fello eng emaw awm tlata ka hriat avangin i pa Dean-a chu ka be ta a. Kan han inbia chu boruak a rit khawp mai. Ani chuan a fa a nih loh thu a lo sawi a, khatih chhung khan i nu leh i pa te band Slacker Demon a an zaipa ber Kiro kha an lo mudun ziah thin hi a lo ni a, Nan-i pa chu tudang ni lovin Kiro-a a ni tihna a nih chu. Kiro-a chu i tet lai khan in inah a lo kal fo thin tih i hria anga, mahse Nan-i pa a ni tih reng i hre lovang"

Kiro-a kha Nan-i pa maw lo ni a? Ka kutin ka hmai ka hup a, ka mitthlaah eng eng emaw a rawn lang nghal chuai chuai a. Zan laiah Kiro chu kan inah a lo kal a, ka nu a rawn an khum phiar phiar a, fanu ruk sak tuah a rawn puh thin a, ka lo theihngilh hman vek tawh emaw ka lo inti zawk asin.

"Becca-i nen chuan kan inngaizawng a, chutih lai chuan i pa Dean a'n a rawn la che a, a fa i ni a, tha takin a enkawl che pawh ka ring. Zan khat chu Becca-i nena kan infawp lai i nuin min rawn hmu hlauh maia, Becca-i chu anchhia a rawn hlawh ta phiar phiar mai a. Becca-i kha a tap fo thin a, a chhan chu nangmah a ngaihtuah vang em che khan a ni. I nu lah ti mai kha a ni a, i pa nise rockstar bawraw ve tak a lo ni bawk nen"

Becca-i chungchang a sawi lai chuan ka mitthlaah Blair-i, nungchang mawi leh rilru tha em em, mi pawisawi hlau tak mai chu a rawn lang chuai chuai a.

"Becca-i nen chuan kan innei a, honeymoon kan hman kar khat naah phir a pai thu kan hre ta a. Ka fanu pahnihte chu ka tan ka khawvel thar an ni a, an rahna lei chu ka tan malsawmna a ni thin. An lawmna tur erawh ka thlen sak ve thei ta si lo" tih pahin a rawn tap chhuak hawka.

"Nikhat chu Blair-i phir pui Valerie nen a pheikhawk tur leia kan chhuak kan haw lam chu kan hlim dun hle a, boy band ho hla kan play a, kan zai dun vak vaka. Chutah chuan tihsual ka nei ta a. Red light rawn eng chu ka lo hmuh hmaih peka. Tichuan truck lian zet, tlan chak tak hian Valerie thutna lam side atang chuan min rawn su ta pawp mai a". A kutin a hmai a hup a, a mittui a hruk hul rual chuan a rawn tap chhuak leh hawka.

"Ka fanu duhlai chu ka chan ta a ni. Ka fiamkhur loh lutuk avangin. Ka nupuiin ka hmelah min en thei tawh lova, ka fanu neih chhun pawh dan beh ang tlat a ni ta. Chutih lai chuan nang nen kan intawng hlawl a, Nanette-i thlalak min rawn hmuh a nih kha. Nan-i chan chhiat zia ka hria a, chitih rualin ka nupui te bula ka kir chuan an rilru tina zualtu, a fanu thah saktu ka ni ta mai bawk si. Chuvang chuan ka kalsan ta a ni. Kha thil avang khan ka inngaidam leh thei tawh ngai lovang. Mipa chak lo tak ka ni a, ka in haw em em reng ta a nih hi.
Becca-i a damlo tih ka hriat phei kha chu zu ah nasa takin ka tlan phah a, ka nupui leh ka hmangaih em emin a khawvel min chhuahsan lai takngial pawh khan ka hmachhawn ngam ta si lo. Eng ang mipa nge maw ka nih a, mahni fanu ten a nu a sun lai mek pawha hnem thei lo ka nih tak mai le..? Ka inngaidam thei mawlh lo a ni". Min rawn en a.

"I mi hmuh dan chu mipa hmasial tak, mahni tanghma chiah hai a nih ka ring. I ti dik e. Tumah hmangaihna leh ngaihdamna hi ka phu lo reng a ni. He thil hi thla 3 kalta khan Nan-i pawh ka hrilh tawh a, ani pawhin a hre tawh e. Tunah hi chuan thlamuang taka ka nupui thlan a va kal a, thupha va chawi hi ka tih tur a ni tawh. Blair-i tan a pa ni tlak ka ni lo. Amaherawh chu nang hian i hmangaih takzet a ni tih ka hmu thei a,ani hi ka tan chuan ka Becca-i a ni a, tu tan mah ka phal lo. Mipa chak leh a tana engkim tawn ngam tan chauh lo chuan. Tunah hian atan chuan nang hi ka thlang che a, a bula kal tur chein ka duh che a ni" tih pahin a ding chhuaka. Tawng ngaihna reng ka hre lo.

"Kei ang kha chu ni ve suh ang che. A beiseina tih hlawhchham sak ngai suh ang che. Kei anga mipa nep tak kha rawn ni ve suh ang che" tiin Abe-a chu a ding chhuak a, engmah sawi tawh lovin pindan atang chuan min chhuah san a.



★★★ ★★★ ★★★

Inchhung ka han lut chu a lo reh thiap a, Blair-i a la awm nge awm lo tih pawh ka chiang lo. Ka hmuh leh anih ngai chuan ka pawm anga, ka fawp ang a, ka hmangaih thu ka hrilh ang. Engkim a danglam tawh thu leh a nu pawh kha ka hriat thu ka hrilh anga, a nu min siam sak pancakes ka ei thin thu pawh la hrilh ang. A tana mipa tha ber ka nih tur thu leh khawvel a pa tha ber ka nih tur thu pawh ka hrilh ang.


Pindan lam ka pana, khawngaihin Lalpa, lo la chhuah tir lo hram teh ka rilruin ka ti mawlh mawlh a. Khum a lo reh thiap a, Blair-i thil reng reng a awm tawh lo. A ni thei lo, min kalsan thei lovang. Min kalsan erawh ka la ring phal chuang lo. A bulah thingthiin a hlimthla chauh tal pawh hmu ila, ngaihdam ka dil mai tur.

"Rush...?" Chu boruak reh thiap hnuaiah chuan ama aw ngei a ni ka hriat ni. Rang takin ka hawi leta, sofa ah thuin ka lam a lo hawi a. A sam chu a hnawk niah a, a mut kham lo hmel erawh a duhawm phian lawi si.


"I la awm a ni maw" tih pahin ka pan phei a, a bulah chuan thingthiin a mal chungah ka lu ka nghat ringawta.

Dimtein ka samah a rawn chul a, "Aw, ka la awm e" tiin min lo chhang sapa.

"Ka hmangaih che" engtin vaka han awm ka tum chuang lo. Chu thu chu sawi lo thei lo ka nih tawh zawk vang a ni.

Tawitein a rawn nui a. "Ka hria alawm. Chuan engkimah hian ka hrethiam vek che ania. I hlim hi ka duh a, chu chu i phu reng vang zawk a ni. Hmeichhe chak tak ka ni a, keimah pawhin ka ti thei em em ang"

A sawi awmzia chu ka hrethiam ta lo tawp mai. Eng chu maw amaha a tih theih tur chu? "Eng nge i sawi awmzia chu?"

"Vawiin chhun khan ka pa a lo kal a, engkim min rawn hrilh vek a, engkim ka hre vek tawh e. Hriatthiam har viau mahse chu chuan chakna leh ngaihtuahna thar tha tak min pe a ni"

Abe-a a lo va kal a maw? A nih chuan a nu kha a lo hriat dan ang ngei a nu tha leh fel a nih thute chu dawt thu mai mai a nih lo tih a hre leh vek tawh dawn a nih chu.

Tunah chuan dawt thu leh thuruk engmah a awm tawh lo va, ka nu pawh ka chhungkaw zing a mi a ni ta lo. Tunah chuan ka farnu rilru chhe tak pawhin min tibuai pha tawh lovang. Blair Wynn-i chu ka nupui ni mai tur leh ka khawvel bul min tan sak tu tur a ni ta.

Kan hmui leh hmui a insi chial a, ka kawr awmah nghet takin a tham a. Tun atang chuan ani chu ka khawvel thar a ni tawh anga, a tel lo chuan he khawvelah hian ka dam khawchhuak zo tawh kher lo maithei a ni.

Blair-i chuan a dul puar lang mai chu min khawih tir a, chutih lai tak chuan chhung lam atang ka fa ni mai tur chuan a rawn do pawng kal raih raih a.

"Doctor i'n min hrilh a. Mipa a ni e"

"Mipa maw..?" tiin ka zawt nawn leh a.

"Aw ni e. Mipa ngei a ni e"

Blair-i dul chu duat takin ka chul a, tun atanga rei loteah chuan pa ka lo ni ve tawh anga, fapa ka la nei dawn zui. Ka tap mai dawnin ka hria.


★ A TAWP TA ★

(ROSEMARY BEACH lo chhiar thin zawng zawngte, min chhiar chhuah sak avangin lawmthu ka sawi e)